اللهم صل وسلم على سيدنا محمد
زفاف دامر ومريم
مريم بصراخ :عااااااااااااااااا فين الجزمه
يارا: اهي الجزمه اهي اهدي بقي
مريم بابتسامه :شكرا اومال فين وعد
يارا: تحت مع الخاله بدريه بتساعدها
مريم وهي تنظر لمريم بابتسامه قائله: ها ايه رايك
يارا: زي القمر
مريم بتاثر: يارا انتي زعلانه صح
يارا باستغراب :ازعل ليه
مريم :عشان هسيبك وامشي
يارا :ابدا بالعكس مبسوطه اني هخلص منك بس المسكين دامر بقي ربنا يكون في عونه
مريم بصدمه: دا بدل ما تقولي ايوا زعلانه عشان هتسيبني ومش هشوفك تاني وكل الكلام دا وتعيطي شويه عيطي يا بت
يارا :بس انا مش عايزه اعيط ومش هشوفك تاني ليه بقي بيت دامر مش بعيد وكمان هشوفك في المستشفي كل يوم اعيط ليه
مريم :امشي يا يارا امشي
في الاسفل
بدريه: سيبتي مريم لوحدها ليه
وعد :يارا معاها فوق وكمان دي مطلعه عينيا من الصبح علي الفستان والطرحه والميكب وغيره وانا تعبت بصراحه بعتلها يارا
بدريه بضحك :معاكي حق فهد فين
وعد: بره بيساعد الشباب في التزين الجنينه
بدريه بابتسامه: فهد اصر إن الفرح يكون في بتنا اهنه
وعد اه وكمان فرح عمر
في الخارج
فهد لرائد :دامر راح فين بدور عليه من بدري
رائد :ماعرفش كلمه شوفه فين
فهد: ماشي ثم اخرج هاتفه يهاتف دامر
لحظات ورد دامر قائلا :ايوا يا فهد
فهد: انت فين
دامر: روحت لابوي السجن
فهد بهدوء: تمام متتاخرش
دامر: تمام
ثم اقفل الخط
رائد: لاقيته فين
فهد :راح يزور ابوه
في السجن
عزمي باستغراب: مين اللي جاي يزورني
العسكري :ابنك
عزمي بفرحه: دامر هو فين
العسكري: تعالي معايا
عند دامر
عزمي بفرحه: دامر ولدي
دامر بابتسامه: كيفك يا ابوي
عزمي: زين يا ولدي الحمدلله اتوحشتك قوي يا ولدي
دامر :واني كومان يا ابوي اتوحشتك قوي
عزمي :اومال فين صفيه مجاتش معاك ليه
دامر: امي متعرفش اني جاي النهارده
عزمي نظر له باستغراب
دامر: اني فرحي النهارده يا ابوي
عزمي بفرحه: صوح الف مبروك يا ولدي
دامر: الله يبارك فيك هتجوز مريم كان نفسي تبقي معايا النهارده
عزمي بحزن :غصب عني يا ولدي انا اليوم ده بتمناها طول عمري اني افرح بيك بس غصب عني
لازم اخد جزائي يا ولدي
دامر :هانت يا ابوي كنت عايز اشارك فرحتي النهارده واقولك اني هتجوز البت اللي بحبها
عزمي وهو يضم دامر بفرحه :الف مبروك يا ولدي ربنا يفرح قلبك دايما
دامر بفرحه: يارب يا ابوي يارب
في القصر
مريم بصراخ: فين دامر
فهد: زمانه جاي
مريم :ايوا يعني راح فين
بدريه: قالك يا بتي زمانه جاي
مريم: مااااشي بس اما اشوفك يا دامر
بعد مرور ساعتين
جاء دامر قائلا بابتسامه :مساء الخير
الجميع :مساء النور
مريم :كنت فين
دامر: كنت عند ابوي
مريم :طيب ماتقولتش ليه
دامر :طول اليوم مشغوله معرفتش اقولك ولا اشوفك حتي ثم وجه كلامه لفهد يلا الماذون بره
فهد: ايوا يلا يا جماعه
تم الانتهاء من كتب كتاب دامر ومريم استمرت الاحتفالات لساعات
احدي الفتيات وتدعي غاده تحدث صديقتها وهي تشاور علي رائد الذي مر من امامهم وابتسم لها : بت يا نعمه مين اللي واقف هناك ده مع فهد بيه
نعمه : مش عارفاه دا رائد بيه وكيل النيابه
غاده: ايوا ايوا افتكرته
نعمه :مالك بتسالي عليه ليه
غاده: اصله عاجبني قوي
نعمه :وه وه وه عيب اكده يا غاده
غاده: واني قولت ايه يعني
نعمه :خلاص خلاص قفلي علي الموضوع دا وتعالي نساعد الناس جوه
غاده: اوووف ماشي
كل هذا تحت مسامع رقيه
عند رائد
رقيه بغضب: ممكن دقيقه
رائد باستغراب: خير يا رقيه
رقيه: عايزه اتكلم معاك
رائد: طيب عن اذنكم دقيقه يا شباب
رائد :خير يا رقيه
رقيه بغضب: ممكن اعرف انت تعرف البت غاده منين
رائد باستغراب: غاده مين
رقيه :البت اللي ابتسمت لها من شويه
رائد: اناااااا
رقيه: لا اناااااا تعرفها منين
رائد: اولا انا معرفهاش ولا ابتسمت لها زي ما بتقولي وحتي لو دا حوصل انتي ايه اللي مدايقك
رقيه بغضب :اللي مدايقني اني ولم تكمل جملتها
رائد :كملي ثم اكمل بخبث لتكوني غيرتي عليا
رقيه: وانا اغير عليك ليه بقي
رائد :عشان بتحبيني مثلا
رقيه بتوتر :ومين قال اكده
رائد: تصرفاتك هي اللي بتقول اكده
رقيه: اووووف انا ماشيه
ثم تركته ومشيت
رائد: استني بس طيب اكلم عصام امته طيب يا رقيه استني استني يا مجنونه انتي
