ملاكي أنا

❤❤❤البارت العاشر ❤❤❤

مال عمر علي السرير بعد ان ادي فرضه وتذكر الاحداث

فلاش باك
يارا.. بقولك ايه انا حامل ومش عارفه اعمل ايه
عمر بفرحة.. ايه ده بجد مبارك ليكي وقام باحتضانها ثم اكمل
طب ما تروحي تقولي لأيمن فرحيه

يارا.. يا ذكي اومال انا جيالك ليه مانا كنت عملت كده من الاول بس انا عايزاك تقولي حل اي حاجه يعني من الاخر طريقه اقول بيها لأيمن لإني عاوزة اعملهاله مفاجأة

عمر بتفكير.. مش عارف بس انتي مثلا ممكن تعزميه علي عشا في قلب اوضتكم وتحطي بلالين وورد وشموع وحاجات من دي الي بنشوفها في الافلام يعني وتكتبيله مثلا علي بلونه انه هيكون أب مثلا  كده يعني
يارا بفرحة.. ماشي هعمل كده بس انت ساعدني

عمر بإبتسامة.. اساعدك ازاي يعني

يارا..مثلا تعطله انه يرجع البيت بدري تخرجه معاك كده يعني

عمر بضحك.. هتدفعي كام الاول
خبطته يارا في كتفه.. انت ياض مترخمش اله
عمر بضحك.. خلاص مش هرخم بس للدرجادي مفلسه  أيمن مأشفرك

يارا بإبتسامه.. بالعكس ده ايمن عمره مامنع عني حاجه وكل طلباتي مجابه انا مبسوطه اصلا ان انا اتجوزته أيمن دا أكبر نعمه في حياتي 
عمر بإبتسامة وحب... ربنا يحفظهولك يا حبيبتي ودايما تبقي فخورة انك اتجوزتيه وانا كمان فخور اني سلمتك لراجل زيه
يارا بإبتسامه... اومال قلي الواد لوكه فين مش باين اليومين دول
عمر.. بضحك. اه لو سمعك وانتي بتقولي لوكه دي
يارا بضحك.. هيعمل ايه يعني هو عارف ولا يقدر يعمل حاجه

عمر بضحك.. ايوا يست المغرورة انتي عارفه ان انتي عندنا غاليه ولو هنعمل حاجه هنيجي عندك انتي واستوب علشان كده بتعملي ما بدالك
يارا بضحك.. تقدر تنكر

عمر بضحك ونفي.. لأ يا باشا طبعا مقدرش

يارا بضحك.. تمام ابقا بقي سلملي على رنا  والواد لوكه وقولهم اني بإذن الله هاجي بكرة وهقضي معاكي اليوم كله
عمر.. ماشي يا حبيبتي تنوري في أي وقت

يارا بإبتسامه.. اوك يا روحي
سلام بقي
عمر.. سلام
وغادرت يارا
باك
༺༺༺༺༺༻༻༻༻༻
عاد عمر إلي أرض الواقع المؤلمه فسرعان مانزلت منه دمعه خائنه وسرعان مامسحها
يتذكر جزء من ماضيه الجميل وبين حاضره المؤلم القاسي
يتذكر كيف كانت ابتسامته لا تفارقه والان لم تعد تعرف لوجهه طريق الا قليل وحتي ان ابتسم لم تكن من قلبه

عمر وهو يحدث نفسه ياااه وحشتيني اووي يا يارا ليه بعدتي عني ومشيتي  ثم نزلت منه دمعات خائنه

فاق عمر من شروده اثر دقات ام خالد

ام خالد بإبتسامة حنان.. قوم يا حبيبي قوم هتلاقيهم مستنييتك في المستشفي

عمر بإبتسامه حزن.. حاضر يا دادة  انا قايم اهه

ام خالد ابتسمت.. متقلقش ربك هيسرها وبكره يحلها ربك متقلقش وفوض امرك ليه وقول دايما (حسبي الله الذي لا إله إلا هو عليه وتوكلت وهو رب العرش العظيم) وربنا عمره ما هيخذلك ابدا  قوم يا حبيبي يلا