ملاكي أنا

البارت الثاني والعشرون ♡♡

.‏سبحانَ مَن جعَلكِ قبولي الوَحيد♥️.
عمر #

ملاك اتفاجأت بإنه قالها ملاكي عمر ما حد نادالها بالإسم ده وخاصه في نهايته الياء الي بتدل علي الملكيه دي دي طالعه منه مختلفه اوييي حبتها جدا
عمر لاحظ سرحانها فاتكلم: ايه سكتي ليه؟

ملاك بانتباه: لا مسرحتش في حاجه كمل الي كنت بتقوله
عمر: كنت بقول لباباكي نكتب الكتاب ونعمل الفرح دلوقتي بس هو اعترض وقال اما تخلصي فقلنا هنكتب الكتاب والفرح يبقي بعدين

ملاك اتفاجئت من كتب الكتاب دي هي مكنتش متوقعه كتب كتاب خالص وبعدين ردت: لأ ازاي هنعمل كتب كتاب دلوقتي انا فاضلي سنه كامله

عمر اتكلم بهدوء: بصي يا ملاك انتي دلوقتي منتقبه وحتي لو كنتي محجبة انتي عارفه ضوابط الخطوبه فهل انتي هتسمحيلي امسك ايدك او اقف جنبك واحط ايدي على كتفك مثلا؟

ملاك باستنكار: لأ طبعا

عمر: علشان كده انا قولت نكتب الكتاب علشان اقدر اتعامل معاكي بحرية وشايف ان ده اسلم حل لينا وبعدين انا مقولتش، هكتب الكتاب واعمل فرح بس وعلشان دراستك انا اجلت الفرح بس مش اكتر

ملاك بتردد: انا خايفه ده يأثر عليا وو...

عمر بمقاطعه: متخافيش ده مجرد كتب كتاب

ملاك بتنهيدة: تمام …تمام ي عمر

عمر بإبتسامه: طب هقوم انا بقي سلام يا ملاكي وغمزلها
وهي اتكسفت جدا من طريقته معاها

وبعدين عمر خرجلهم وودعهم هو واخوه وعمه  بعد ما اتفقوا علي كتب الكتاب       
.........................
في مكان تاني رنا  كانت مع مازن بعد ما مازن استأذنهم انو ياخدها معاه ويخرجوا

مازن وهو سايق العربية: هاا تحبي تروحي فين ي حبيبي؟ 

رنا بحب وحماس: عاوزة اروح الملاهي

مازن باستنكار: ملاهي.. ملاهي ايه دي ي حبيبتي انا بقولك نروح فين كان قصدي علي مكان نروح ناكل فيه مش ملاهي

رنا  بتكشيرة: انا مش عاوزة اكل انا عاوزه اروح الملاهي اتفسح وبعدين براحتك اعمل الي انت عاوزو

مازن بإبتسامة وحب: خلاص ي حبيبي هنروح ناكل علشان انا جعان جدا وبعدها نبقي نروح الملاهي كدا حلو

رنا  بفرحه: حلو.. حلو اوي كمان... بحبك يا مزوني

مازن بصلها بحب: ونا بحبك اكتر يا قلب مزونك وعيونه قمرايتي اصلا

رنا اتكسفت من كلامه اوي
ومردتش عليه

مازن بمشاكسه: مادام سكتي تبقي مكسوفه...بتكسفي من مازن حبيبك بردو وغمزلها

رنا : اله يا مازن متكسفنيش بقي.

مازن ضحك علي طريقتها
وبعدها سكت ومفيش دقيقتين ووصلوا قدام مطعم باين عليه انه شيك جدا