ملاكي أنا

الباردت السادس عشر♡♡

  ‏"كتِفي ثابت لأجلكِ حينما يميل كُل شيء🖤."
............
سبحان الله
الحمدلله
لا إله إلا الله
الله أكبر
لا حول ولاقوة الابالله العلي العظيم
اللهم صلِّ وسلم وبارك على سيدنا محمد وعلى آله وصحبه أجمعين
..................
عند مالك في المستشفي
كان قاعد  في الاوضه ودخلت الممرضه عليه وقالتله في حاله كشف بره يا دكتور
قالها خليها تدخل
وفعلا دخلت
مالك اول ما شافها نطق ووقف

مالك: مريم!
مريم بهدوء: اه انا يا دكتور مالك

مالك: طب تعالي اتفضلي اقعدي خير بتشتكي من ايه
مريم: هو نا قلبي اليومين دول بيوجعني بشكل غير طبيعي

مالك باهتمام: بيوجعك ازاي يعني
مريم: بحس دايما بانقباض فيه وانقباض ده بقي بيقلب بوجع

مالك بقلق: ماشي تعالي معايا اوضة رسم القلب
مريم: دكتور مالك
مالك اتلفتلها باهتمام وخوف من ان هي تكون تعبانه فعلا

وفعلا راح والممرضة عملتلها رسم القلب
ومالك اخدوا وهي راحت ورا الاوضه
مالك: بصي هو قدامي رسم القلب دلوقتي بيقول انك كويسه

واكيد دول شوية ارهاق بس هنعمل اشعه دلوقتي نتأكد 
وفعلا بعد ما طلعت الاشعه
مالك قال بإطمئنان مالي قلبه بعد ما اطمن عليها: زي ما

قلتلك فعلا مفيش حاجه هو شويه ارهاق وتعب وخلوا قلبك يُرهق شويه وعموما انا هكتبلك شويه ادويه وهتمشي عليهم لمدة اسبوعين
مريم بإطمئنان: الحمدلله

مالك سألها هو انتي بتشربي سجاير وبعدين ضحك سوري قهوة كتيير

ابتسمت وقالتله: فعلا انا بشربها كتيير لاني بقعد كتير في الجامعه دا غير المذاكرة بتاع الطب وحضرتك عارف يعني

مالك بإبتسامه : طب ياريت تقللي منها كفاية فنجان كل يومين علشان دي سبب من أسباب الإرهاق
...............
عند ملاك كانت هي وباباها ومامتها بيتكلموا مع آسر فيديو
كول

آسر: منا يا بابا أجلت نزولي اسبوع علشان كده ورحت كلمت أهلها وهما معارضوش ورحبوا بالفكرة وهي محترمه جدا

سلوي اتكلمت: بس يا آسر وفيها ايه يا ابني لو اتجوزت من هنا اهي هتبقي اسهل بدل اللفه دي

محمد اتدخل: لا يا ابني مادام انت مستريح مترددش

سلوي لوت بقها:شوف الراجل انا بقول ايه وهو يقول ايه

ملاك ضحكت: بابا عنده حق يا ماما آسر حر دي حياته الي
هيعشها ثم وجهت كلامها لآسر متبعتلنا صورتها يا آسور

آسر: استني ثواني هبعتلك الصورة الي جايبها من علي البروفيل بتاعها
وفعلا بعتها وهما حبوها من صورتها وشكلها المريح وكمان لبسها الواسع الي باين في الصورة

وبعدها سلوي ابتسمت: ربنا يتمملك علي خير يا ابني
قولي هتكتب الكتاب عندك ولا ايه
آسر: اه انا هعمل كده علشان انزل معاها وهنيجي علي شقتي