«عيناكِ جميلة، كتفاصيل أرضٍ أهلكها المطر ..»
عمر #
عدي ايام كتيرة وجت امتحانات اخر السنه
وملاك كانت رايحه الامتحان
ملاك كانت في طريقها للجامعه وكان في شارع عمومي بتمشي منه دايما بس الشارع كان زحمه جدا علي غير العادة وكانت هتتأخر ف مشيت في طريق جانبي كإختصار
وياريتها ما كانت مشيت تقريبا الشارع هس جدا مقطوع بمعني أصح لان هو شارع مباني بتتنشأ جديد ومفيش سكان فيها ف من سوء حظها لقت شباب واقفين من الواضح إن هما
مش تمام فكانت فنص الشارع وأول ما شافتهم قالت هترجع تاني ورددت وقالت (اللهم إني استودعك نفسي) علشان هي مش مطمنه ليهم و لسه هتلف لقت واحد من الشباب جه عليها واتكلم عكس ما هي متوقعه تماما
الشاب: الشارع ده اخره مقفول يا آنسه عشان في عمارة بتتبتي جديد فلفي من الشارع الرئيسي
ملاك بتوتر: ششكرا لحضرتك
ولفت ومشيت بسرعه وحمدت ربنا إنها محصلهاش حاجه وقالت لنفسها انها مش هتمشي من الشارع ده تاني ابدا او أي شارع مقطوع تماما حتي لو بالنهار
ولفت وراحت من الشارع الرئيسي واخيرا وصلت الجامعه
واول ما وصلت لقت مريم
سلمت عليها وحضنتها مريم حست بتوترها فقالت تسألها هي مالها وملاك حاكتلها فعلا كل الي حصل
مريم بمواساة ونصح: بصي ي حبيبتي معدتيش تروحي من أي مكان مقطوع أو فاضي خلي نفسك دايما في شارع مليان بالناس لإنك مش ضامنه حد الحمدلله ان الشباب دول طلعوا كويسين ومعملوش حاجه فانتي متضمنيش غيرهم يعمل ولا ميعملش فخليكي في الامان احسن
ملاك بموافقه علي كلامها: فعلا دا الي هعملو اوبااا اللجنه هتبدأ يلا نلحقها
مريم بضحك علي طريقتها: يلا ي اختي
وفعلا دخلوا الامتحان وملاك كانت متوترة بس بدأت تحل وكل التوتر الي عندها راح وخلصت الامتحان هي ومريم وسلموا ورقهم وخرجوا واطمنوا ان هما حالين الامتحان صح
ولسه رايحين ع الكفاتيريا لان وراهم كورسات كمان شويه بمناسبه المراجعات النهائية الي قبل الامتحانات
رن تليفون ملاك و كانت دي رنا
رنا: السلام عليكم ورحمة الله وبركاته
ملاك: وعليكم السلام ورحمة الله وبركاته
ازيك ي رنوش ي حبيبتي
رنا: الحمدلله ي جميلتي بقولك انتي ف الجامعه صح
ملاك: اه ي حبيبتي
رنا: فين بالظبط
ملاك: في كفاتيريا الجامعه ليه هو في حاجه ولا ايه
رنا: لا مفيش بس كنت هعدي عليكي هقعد معاكي شويه بدل ما استني لوحدي عما السواق ييجي
ملاك: ماشي احنا مستنينك
رنا: هي مريوم معاكي ولا إيه
ملاك: اه معايا
رنا: طب سلميلي عليها علي ما آجي
ملاك: من عيوني
وخلصوا المكالمه ومفيش خمس دقايق ورنا وصلتلهم وقعدت معاهم وقاعدوا يتكلموا ويهزروا ورنا كانت مبسوطة بالجو ده معاهم اوي هي مفتقدة جو الصحاب ومفتقدة الكلام مع اشخاص من سنها
رنا بسعادة: انا مبسوطة اوي ان قعدت معاكوا انا كنت مفتقدة الجو ده أوي
ملاك: حبيبتي احنا الي مبسوطين اكتر ان احنا قعدنا معاكي
مريم: انتي شخص سكر اوي ي رنوش
رنا بكسوف مصطنع وكوميديه: حبيبتشي حبيبتشي حبيبتشي امموووه
مريم وملاك ضحكوا علي حركاتها
وبعدها رنا اتكلمت
رنا: انتوا لسه وركوا كورسات صح
مريم: اه فعلا
أنت تقرأ
ملاكي أنا
De Todoسبحان الله الحمدلله لا اله الا الله الله اكبر اللهم صلِّ وسلم وبارك على سيدنا محمد وعلى آله وصحبه اجمعين _________________________________ شخص بعياط . صدقني بس انا مش هقدر علي كده انا هموت من غيرك ارجوك متبعدش عني شخص بحزن. والله هي مهمة وهرجع...
