ملاكي أنا

البارت السابع عشر ♡♡

و تَأويكَ مساحةُ قلبي ، أكثَر مِما تأويكَ الأماكِن.♡♡

عمر#

وجيدة: مالك ي مريم

وفجأة أغمي عليها

وجريوا كلهم عليها يفوقوها وبعد ما فاقت قالتلهم ان هي راحت كشفت عند الدكتور واداها دوا

فعلي سألها علي رقمه واتصل بيه
علي: سلام عليكم
مالك: وعليكم السلام مين معايا
علي: انا علي يا دكتور اخو مريم الي كانت عند حضرتك النهاردة
مالك بقلق: مريم مالها هي حصلها حاجه ولا ايه

علي: اه فعلا هي اغمي عليها من شويه ومش عارفين ايه السبب

مالك: طب قولي علي مكان البيت ونا جاي ليكم

علي: لأ ملوش لزوم نتعب حضرتك قولي اسم أي دوا
وانا أجيبه

مالك: قولي بس علي مكان البيت ونا جاي

وفعلا علي قالوا وعرف اهلو ان هو جاي

ومريم قلبها دق ان هو جاي هي من اول مرة شافتو فيها وقلبها دق بالرغم من التشابه الكبير بينه وبين العمر والي ميعرفهمش يتلغبط بس هي اتشدت لده اتشدت لمالك
مالك؟ اتشدتله ازاي حصل امته اول مقابله في المستشفي وانتِ وأهلك بتزوروا ابو ملاك كل ده اسئله كانت بتدور فعقلها كإن عقلها دا اتقسم لشخصين وهما نفسهم الي بيتشاوروا

وفعلا ربع ساعه ومالك وصل
وعلي استقبله
ودخل البيت واول ماشافها نايمه ع السرير ووشها بهت
قلق جدا عليها
كشف عليها وبعدين سأل بجديه
مالك: فين الدوا اللي جبتيه النهاردة
مريم: روان هاتيه
روان جابته وادتهوله
وقعد يقلب فيه واول ماشاف علبه معينه
اتكلم
مالك: للأسف هي دي الي سببتلها حالت الاغماء دا بديل للدوا الي انا اديتهولها وانا مبفضلوش تماما لانو مش بيتناسب مع حالات كتيير زي ما حصل مع مريم دلوقت
وجيدة: طب والدكتور ادهولها ليه مدام هو مش كويس،
مالك بنفي: انا مقولتش مش كويس انا قلت مش بيتناسب مع حالات كتييرة وانا مبفضلوش مش اكتر

أسامه: معلش تعبناك معانا يا ابني

مالك بإبتسامه: ولا تعبتوني ولا حاجه وبعدين بص ناحية مريم تعبكم راحه يا عمي. وبعدين اهم حاجه سلامة الآنسه مريم
وبعدين كمل أستأذنكم بقا ي عمي

وجيدة: لا استني اشرب معانا حاجه الاول

مالك باعتذار: مرة تانيه إن شاء الله علشان ورايا  مشوار مهم

مالك خرج فعلا بس علي طلع يحاسبه

مالك بلوم: عيب علي فكرة وبعدين انا الي عرضت آجي مش إنت إلي طلبتني وبعدين انا اصلا المستشفي بتاعتي مجانا
ف اكيد فلوس زي دي مش هتأثر معايا

علي بإحراج: بس

مالك: مبسش اسمع الكلام وحب يفك الحوار بدل ماهو قفش كده فكمل  ألا قولي انت عندك كام سنه