ملاكي أنا

البارت الثامن عشر ♡♡

‏مِن النّظرة الأولى سقطَ قلبي أمامَها
معاذ#
بعيد شويه كانت سارة واقفه
ومعاذ راح وقف جنبها وكان باين عليها الحزن طبعا معاذ اتعرف عليها عن طريق عمر
وقعدوا يتكلموا النهاردة الصبح شويه
سارة كانت حزينه ومعاذ فتحلها دراعه واترمت في حضنه
ومعاذ شدد عليها
وهي عيطت كتيير
ومعاذ حب يخرجها من مود العياط ده
ف اتكلم وهي مازالت في حضنه: تعرفي إن الفستان هياكل منك حته الأسود لايق عليكي مووت

سارة اتكسفت وخرجت من حضنه وبعدين هو بصلها في عيونها
معاذ بجديه: سارة
نعم الكلمه دي ردت بيها سارة
معاذ: تتجوزيني
سارة تنحت: هااا
معاذ بضحك: بقولك تتجوزيني
سارة:معاذ انت بهزر اكيد وسع يا عم
معاذ بجديه: والله ما بهزر تتجوزيني المأذون لسه هنا بياكل جوه هندخله وييجي يكتب كتابنا
سارة: طب وطنط ابتسام
معاذ بضحك: واقفه وراكي وسامعه الحوار من الاول 😂😂
سارة: اتكسفت اوي
وابتسام جت عليها وحضنتها أي نعم هي لو كانو في ظروف غير كده مكنتش وافقت ان ابنها يتجوز بالطريقه دي بس هو كان خارج مدمر من خطوبته الأولانيه اول مرة تشوف ضحكته منورة وشه كده فمحبتش تكسر فرحته
وبعدين معاذ أخد سارة وراح عند عمر ومالك وسالم
وقالهم انا عايز اتجوز
سالم بفرحه: مين
معاذ رفع ايد سارة
معاذ وهو بيبصلها بحب: سارة
فرحو كلهم وفعلا المأذون خلص وكتب كتابهم حتي مكانوش مجهزين أي حاجه وجابو الفوتجرافر الي في الفرح  خدلهم كام صورة
وكتبو الكتاب بس بعد ما خلصوا معاذ أخدها وقعدو علي ترابيزة لوحدهم
معاذ بضحك: انا عمري ما كنت اتخيل إني أتجوز بالطريقه دي
سارة بضحك : ولا أنا والله

معاذ: انا كنت متخيل اني هعيش قصه عنيفه وحب رومانسيه لكن سبحان الله
مراتي عرفتها امبارح انتي متخيله😂😂

سارة: هنحكي اسطورتنا دي لولادنا في المستقبل

معاذ بتهيدة: ياااه ولادنا تصدقي نفسي اشوفهم
سارة ضحكت عليه
وهي بتضحك معاذ قطعها وقالها
ضحكتك جميله اوي
سارة اتكسفت
وبعدين هو مسك ايديها
معاذ: تعرفي يا سارة انا كنت في علاقه خطوبه قبل كده وكنت بحب خطيبتي دي اوي بس انا وهي افترقنا لأسبابها الخاصه ونا طبعا كنت تعبان ومضايق ومخنوق وماما عرضت عليا كتيير إني أتجوز بس أنا مكنتش بوافق واول ماشوفتك انتي قلبتيلي كياني انتي مش متخيله اني حبيتك من أول نظرة
سارة كانت متضايقه في الاول بس وشها اتحول لابتسامه واسعه ان هو بيقولها الكلام الجميل ده قد ايه ربنا عوضها بحد حنين زي معاذ بحد يحتويها ويفهمها

معاذ: شاب مصري أصيل بيحمل الملامح المصريه بس هو لا كاريزما كده هادي وعاقل جدا وشغال في فرع الشافعي جروب في إسكندريه هو قمحي لكن عيونه العسليه والرموش إلي محاوطاها الطويله الي بتدي جمال جذاب لوجهه♡♡
....

عند مريم
كانت واقفه بعيد وماسكه تليفونها
وبعدين مالك راح وقف جنبها وساب بينهم مسافه بسيطه
مالك: ايه الحلاوة دي
مريم بتبص فلقت مصدر الصوت مالك
اتكسفت وبعدين اتكلمت بجديه
عيب كده يا دكتور
مالك بإبتسامه: عيب ليه انا لسه مكلم بابا دلوقتي وطالب ايدك
مريم بتفاجأ: انت بتتكلم بجد ولا بتهزر
مالك: اه والله بتكلم بجد
وبعدين حكالها
«فلاش باك»
مالك قام علي ترابيزته وبعدين قام وراح علي الترابيزة الي موجود عليها أسامه ووجيدة
مالك: سلام عليكم
أسامة ووجيدة ردو السلام
مالك: عمي انا كنت جايلك في موضوع مهم