بنت العميد

البارت 13

نور
تخايلت الموقف كوله نعاد عليه
تخايلته وائل فوكايه مو مصطفى
نفس الوحشيه بس الفارق  مصطفى اضخم واثكل من وائل لان وائل كدرت اقاومه بس مصطفى ما كدرت ابد
خله شفته على شفتي وبقه يبوسني بكل قوه اريد اصرخ اريد اكوله وخر مني لان تهسترت صار موقف اغتصابي من وائل كوله كدامي نزل على ركبتي وهنا كدرت اعيط بس ما هلكد فقدت بقيت اعيط
نور/وائل وخر لك حقيررررر وخر مني لك وائل حرام عليك اني صقيت بيك وحبيتك لا تكسرني

مصطفى/صحيت على نفسي من بقت تصرخ وائل وخر عرفت تذكرت هذاك ليوم معقوله تخايلتني وائل معقوله اني سويت نفسه تصرفت نفس تصرفات ذاك الخيوان راساً وخرت ابتعدت عنها شفتها انهارت تبجي بهستريه وتحاول تغطي نفسها كربصت روحها وحضنت نفسها وتبجي بقوه وتصيح ليشششش ليشششش يصير بيه هيج
سحبت شرشف وشمرته عليها غطيتها
وطلعت قفلت لباب واخذت سيارتي رجعت للبيت بوجهي للغرفه فتحت جنتها اخذت ملابس الها تراكسود شِفـٍـْْ👀ــٰٰتْ كدامي سحبته وملابس داخليه ورجعت امي صاحتني تعال اخذ اكل كلتلها بعدين اجي طلعت بوجهي للمزرعه فتحت لباب طبيت لكيتها نايمه وتون بنومها عفتها طلعت بره ادخن جكاير فتحت تليفونها كنكت على تليفوني اجتي رسايل من وائل
الووو
وينج
نور
خووووش دزيتيلي الضابط مدري الحمايه مال ابوج مدري صاحبج حته يكتلني موو ولج اني آلُــجُ عبالج اسكتلج على الكتله الي اكلتها بسببج ونحرمت من دراستي وانطيتيني بلوك هسه شّــْْكو راجعه تريدين ترزلين وتغلطين مثل ما سويتيها بالبدايه

مصطفى/عرفت هنا مجان اكو تواصل ابينهم مبين من كلامه بس الي اكل كلبي ليش هــًـًســًه راسلته وشمعنه بعد زواجنه وبغرفتي هم
حضرته وسويت تسجيل خروج للفيس مالتها وغلقت تليفونها  طبيت كعدت يم راسها خليت مخده وتمددت بصفها
نور/فتحت عيوني احسهن يحركني من البجي حسيت نفس قريب عليه رفعت راسي كوه جسمي وراسي مولشي بيه ياذيني ولاكثر هو كلبي يوجعني حيل والكلام الي سمعته من مصطفى حسسني شكد اني بلاشرف وقذره وتصرفاته ويايه كانما وائل صار مو مصطفى الي اشوف بيه گـِْـِْلِْ الحنيه والعطف والامان هو اماني الوحيد بس هسه حسيت نفسي وحيده من جديد ومالي احد
شفته نايم يمي راساً عطت ابتعد وخر من يمي صارت بيه حاله نفسي
مصطفى/هستوني غفيت وفزيت على عياطها تعيط عليه ابتعد وخرمني اني راساً كمت ابتعدت عنها كلتلها بس اهدئي اهدئي مااسويلج شي
نور/وشررراح تسويلي بعد اكثر انت هم طلعت نفسه كولكم نفس بعض حته انت الي اشوفك اماني الوحيد الشخص الوحيد الي اثق بي واامن بي هم هجمت عليه وشككت ملابسي وسويت بيه نفسه بالضبط كاااافي تزوجتني وسترت عليه مشكور خلاص باجر رجعني لاهلي وطلكني
مصطفى/عبالك ضربتني على راسي من كالت طلكني
شبيج نور مصارلنه 3 ايام من متزوجين شلون اطلكج تعرفين الحجي الي راح يصير عليج وعلى اهلج اذا طلكتج
نور/مااتحمل ابقه وياك بعد كااافي مليت تعبت تعبت مدا تخليني انسى بكل مره تذكرني بجريمتي ولحداخر مره صار تطبيق هم مو بــَس كلام لك تخايلتك وائل مو مصطفى لك نفس الشي سواه وياي بقيت ابجي ليشش يربي شمسويه اني حته يصير هيج وياي والله مااذيج بشر بحياتي حته النمله مماذيتها اني
شسويت حته ادفع ثمن هالغلطه كل الي سويته حبيت شخص ووثقت بي وبسس علمود هذا الشي دا تعاقبني كل هذا العقاب ياريتك تاخذ روحي ولاهالعذاب هذا

مصطفى/ ليش راسلتي
نور/والله ماراسلته حته اسولف وياه بو حنيت عليه مثل مامتوقع انت والله كل الي ردته ارزله اطلع قهري بي بسبب الكلام الي سمعته منك حسيت بنفسي وحده رخيصه وقذره ولان هالشي صار بسببه ردت افرغ نار كلبي بي واحضره والله والله هذا قصدي ياااربي اذا عندك رحمه عليه اخذني وخلصني لو مااخاف من الانتحار جان انتحرت وخلللصت
مصطفى/اشوفها شكد منهاره وتدعي على روحها حسيت بتأنيب الضمير تقربت عليها ردت احضنها واعتذر منها بس صدتني رفعت ايدها وبقت تعيط لتتقرب  عليه ابتعد مااريدك تطخني
مصطفى/مااشي مراح اتقربلج بــَس اهدئي
عفتها وطلعت كعدت بالحديقه يم الباب ادخن جكاره ومخلي ايدي على راسي شسويت اني بيها شلون هيج تصرفت وياها خليتها تكرهني بعد ما يوميه بليل تنام بحضني وتشم بيه لوما تحسني امانها اني جان ماحضنتني ولاتقربت اليه ياااا ربي ساعدني شلون بيه اني والغيره تاكل بيه اكل هسه شلون اخليها تنسى وترجع تثق بيه من جديد
بقيت قرابه الساعه كاعد وحدي
طبيت لكيتها مبدله ملابسه ولافه شعرها عالي وكاعده بالكاع مخليه راسها بين رجليها وحاضنه نفسها
ردت اتقرب بس خفت ترجع تنهار امنيتي هسه اخذها بحضني واخليها ترجع تثق بيه من جديد وترجع تحسني امانها الوحيد اني

عفتها وطلعت لاهلي جيبت غده وكلت لامي راح نبات هناك اليوم كالت تًٓعْــّاٰلٍْ اخذ عشاكم هم عود
رجعت للمزرعه لكيتها كاعده بالحديقه يم الباب وصافنه من شافتني راساًطبت للغرفه خليت لاكل بصينيه ورحت خليته كدامها نور اكلي تغدي امي سوتلج الغده بيدها وهذا خبز بيت مو تحبينه
نور/مااريد
مصطفى/لخاطري
اووووف لخاطري ﺸنـٌٍـٍوﯛ قصدي لخاطرج انتي لخاطر نفسج اكلي شويه حبابه يله مو تحبين طبخ امي انتي
نور/كوتلك ماريد
مصطفى/زين انذكري ايام الكرفان من جنه نتعشه سويه وهسه تخايلي هذيج لايام وخلي ناكل سوه
نور/كولشي تغير هذيج لايام راحت جانت نور النضيفه الشريفه. هــًـًســًه لااا نور هذيج ماتت هسه موجوده نور القذره الي بلا شرف
مصطفى/كااافي عًـًـًآدً شتفكرين ميهمني المهم قبل وهسه نفس الصوره اشوفج نور البنوته الصغيره الدلوعه الحلوه يله  اكلي
نور/اكل بس بشرط وهو مو شرط انما فرض عليك
اريدك توعدني بدايه الدوام تطلكني حته ارجع لبيتنه واكمل حٍيآتـَي مثل قبل مابيها لا الزفت وائل ولا حته انت
مصطفى/كااافي
نور/وتزوج بنت عمك هم
مصطفى/وزواجي شعليه
نور/اوعدني وخلاص
بكلبي اييي مصطفى اريدك تزوج حته اكوم اكرهك واكدر انساك. لان مستحيل اكدر انساك بس يمكن من اشوف وحده ثانيه بحياتك راح اكدر انساك. وولاابقه وياك والعار مرافقني طول عٍـمري بكل مره اني اتذكره وانت تذكرى

كوتله يله اوعدني لان اذا متوعدني مو بــَس مراح اكل انما مراح ابقه يمك اصلاً والله والله والله ورجعت عصبت

مصطفى/خلاص اوعدج بدايه الدوام اطلكج واوعدج اتزوج بنت عمي يله ارتاحي
عفتها وطلعت
اختنكت حيييل احس جبل على صدري صار
.................
الكاتبه ام زيزو