بنت العميد

البارت الرابع

البارت الرابع
#بنت_العميد
نور/نسيت نفسي واني افضفض لمصطفى مخليه راسي ع كتفه هو كاعد بطرف الجربايه مد ايده يطبطب على ضهري حسيت راسي يريد ينفجر من الالم وعيوني تحركني نزلت راسي خليته على رجله وهو كاعد وتمددت على الجربايه
مصطفى/بقت اسولف وتزيد بالبجي نزلت خلت راسها بحضني وتمددت اباوع لعيونها ولخشمها وخدودها كلهن حمر صايرات
نور/راسي حيل دا ياذيني
مصطفى/حيل انكسر خاطري عليها حسيتها طفله وضايعه وما الها احد لاصديقه لا اخت لاام قريبه عليها اباوع شصاير بحالها هاي شلون لعَـدْ اذا عرفت بسوالفه كلهن وعرفت ميحبها يضحك عليها شلت همها وحسيت نفسي مسؤل عليها خلت ايدها على عيونها وغمضتهن
مديت ايدي العب بشعرها دارت راسها صفح شويه وحسيت بيها ثكلت انتبهت عليها نامت
سحبت المخده وخليت راسها على المخده وكمت غطيتها ونامت على الجربايه
بقيت كاعد بالكاع نہعہسہت حيل وين انام لا اكو فراش لاغطه لامخده تجيت راسي على الجربايه واني كاعد بالكاع وغفيت
نور/فزيت راسي ياذيني حيل انتبهت اني مو بفراشي كعدت شِفـٍـْت مصطفى مخلي راسه ع الجربايه ونايم بالكاع متكسر والجو بارد بليل وبلا غطه فتحت فوني ساعه 3 كولت خاف اطب للبيت واحد يحس عليه
كعدته.
مصطفى مصطفى
مصطفى/هااا رفعت راسي اااخ ركبتي متشنجه
ليش كعدتي مابقيتي نايمه
نور/كوم تعال بفراشك تكسرت بالكاع وبارده
مصطفى/لاعادي شلون صرتي
نور/راسي ياذيني حيل
مصطفى/جان عندي حبوب وخلصن خررب
نور/عادي يله كوم نام بفراشك ركبتك بقت تاذيك والجو بارد نايم بالكاع
مصطفى/وانتي خوما تطبين لبيتكم هسه
نور/لاماتكدر اخــّّـّّاف احد يحس بيه طابه اني راح آنام بمكانك
مصطفى/ابقي عيوني اخذي راحتج اني عادي نايم هنا مابقه شي للصبح
نور/لا مستحيل تكسرت وركبتك تاذيك زين راح اتدنه وتعال نام هنا تكفي الحربايه اني اصلاً مااخذ مكان
مصطفى/فتحت عيوني انام بصفج
نور/اي لعد شنسوي غير ماكو غير فراش ولاغير غطه اني صوجي شلون غفيت هنا محسيت بنفسي كولش اسفه
مصطفى تمددت بصفها هي نايمه صفح وجهه عليه واني هم صفخ وجهي عليها هي صايره ع جهه الحايط

بلعت ريكي ياربي اول مره ابنيه تنام يمي على نفس الفراش ولنوب جربايه ام نفر واحد والقرب الي بيني وبينها هي على لاهيتها ومامنه بيه لو واحد غيري جان استغلها بس هاي امانه يمي مستحيل اسويلها شي
صارت انفاسي كلش قريبه على انفاسها هي راساًغفت
وجهي قريب على وجهه صفنت بي على حواجبها على خشمها على شفايفها المنفوخات
بقيت ابلع بريكي حسيت نفسي عركت حيل اثنينه متغطاين بنفس الغطى وهي غافيه استغفرت ربي ونعلت الشيطان وغمضت عيني فزيت ساعه 6 هستوها الدنيه ضاويه شفت نور مخلي راسها على كتفي بركبتي يعني وشامره ايدها فوكاي بنومها حاضنتني شعور حسيته غريب وحلوو بنفس الوقت بقيت اتخايل نفسي من اتزوج وهيج اكعد الكه مريتي حاضنتني تذكرت بنت عمي الي يريد ابويه يخطبها اليه جنها جاسم عمي هي وين ونور ﯙيـن نور كلش ناعمه ونازكه يعني نكدر نكول عليها مايعه
وبياضها وملامحها تجنن مديت ايدي العب بشعرها وصافن بوجهه نص ساعه وفتحت عًـٍُُيُِِِِوـنُـ👀ــًها
نور/غافيه وحسيت حرار يم خشمي واحد يلعب بشعري اني بيه طبيعه بس احد يلعب بشعري احس روحي اخدر راساً انام كوه فتحت عيني وشفت مصطفى كاعد وجهه قريب عليه وصافن بوجهي عيونه منعسات مخليه راسي بركبته احجي بصوت نعسان
صباح الخير
مصطفى/صباح العسل
نور/بيش الساعه
مصطفى/6 ونص
نور/سحبت نفسي وكمت افرك بشعري مفتوح ومنفوش وخرت الغطه وكمت طبيت للحمام غسلت وطلعت

اكولك اليوم لابابا ولاماما يرجعون للبيت شنو رايك نروح للمزرعه مالتكم
مصطفى/بيش ساعه يطلعون اهلج
نور/هيج وقت يطلعون بقينه ننتضر طلعتهم ب7 اله ربع سمعنه صوت السيارات مالتهم باوعنه من الشباك شفناهم طلعو اثنينهم
نور/يله. رايحه ابدل وانزل
مصطفى/بس نور البسي شي مستور فدووه ترى نوكف بسيطرات بالطريق واذا عندج حجاب خلي على شعرج يكون أحـسًٓـن
نور/تمام نص ساعه واجيك
مصطفى/يله واني هم اجهز نفسي
نور/صعدت لغرفتي مكيجت خفيف مكياج. ورتبت شعري شديته عالي ولبست بنطرون اسود كابوي وبدي ابيض ربع ردن وي الحزام صح بدايه شته بس مااحب اللبس الثخين ابد بالبيت كوله مصيفه ولبست فوكاه تلبيسه ثخينه وطويله سوده وخليت شال اسود على شعري اخذت بيدي ملزمه ونزلت اكيت سهير بالمطبخ تفاجئت بالحجاب كولتلها بعد الكليه رايحين لابنيه صديقتنه ابوها توفه واحتمال ابقه يمها للمغرب مو تكولين لماما عفيه متقبل
سهير/لايمه بس اهم شي ديري بالج على نفسج
نور/انشالله يا اجمل خاله بستها واخذت باكيت حليب وطلعت اركض رحت لكيت مصطفى متحضر طلعنه بسيارتي
مصطفى/باوعت عليها ورفعتلها حاجبي ابتسمت والله الحجاب لايكلج
نور/ترى مختنكه منه اسكوت
مصطفى/مشينه سريع وصلت للسيطره الدخوليه عبرتها واشوف نور وجهه صار اصفر
كلتلها شبيج
نور/لعبت نفسي حيل ممتعوده على طرق بعيده وكف السياره بسرعه

طبكت السياره على صفحه نزلت تركض بقت تتقيئ
تقربت عليها مسحت على ضهرها جبتلها بطل مي غسلت وجهه وكلنس كلتلها ارتاحي شويه ونكمل
نور/دخت حيل واني اصلاً لبارحه دايخه من البجي
بقيت 10 دقايق حسيت بنفسي ارتاحيت شويه كوتله يله.نكمل بس خوما بعد هوايه
مصطفى/لا ربع ساعه ونوصل صعدت وكملنه طريقنه وصلت للمزرعه. خابرت ابوي كتله حضرلي لمفتاح جايني اني وجماعتي من بغداد للمزرعه طوبت لسياره. بالمزرعه. اكو نفس مضله وبيها كعده كلتلها اكعدي هنا لتتحركين ولنخافين شغله10 دقايق بس اجيب المفتاح واجي
نور/ماشي بس لتتاخر
بقيت كاعده ريحه الزرع والهوى يجنن والطبيعه تخبل
مصطفى/رحت جبت المفتاح ووكفت بطريقي على اسواق اخذت علاكه حلويات وكيمر عرب وصمون حار ورجعت لكيتهاتتمشى طبيت فتحت لباب كلتلها يله تفضلي
نور/اول ماطبيت نزعت التلبيسه والحجاب البيت دافي حيل والشمس عاكسه عليه وشهر ل11 الجو حلوو مو بارد بالنهار
مصطفى/شفتهاذبت ملابسها بقت بالبنطرون وبدي ربع ردن وضيق تفتر بالبيت وتتفرج خليت الريوك وسويت جاي وصحتها يله تعالي نتريك
.............
الكاتبه ام زيزو