بنت العميد

البارت 21

البارت21
نور
وصلت لسويسرا
نزلت بالمطار اخذت جنطي وطلعت لكيت ايسر كاعد شافني راساً كام احه يمشي باتجاهي من شفته بقيت ابجي صارلي اكثر من 3 سنوات مشايفته حضنته وابجي وهو هم كام يبجي
ايسر/الحمدالله على  ســَلامتج حبيبتي يله خلي نروح استبرق وحمودي منتضرينج بالبيت
صعد الجنط بسيارته وطلعنه لبيته وصلنه تلكوني استبرق وحمودي حضنتهم وباوستهم واخذت حمودي بحضني حبيبي كبران صاير عمره 8 سنوات
كعدت ارتاحيت سولفنه شويه ايتبرق اخذتني لغرفتي محضرتلي غرفه ابيتهم كولش حلوه ومرتبه طبيت بدلت ملابسي وكولت بليل ارتبهن
طلعت يمهم ايسر كال يله بدلو نروح نتعشه طلعنه تعشينه بس اني بداخلي ابد ممرتاحه همه كولش  فرحانين بيه وبوجودي يمهم بس اني داخلي مكسور ابين نفسي فرحانه وابتسم بس غصه بكلبي كتلتني كتل كولت لايسر اريد تليفون كال باجر اجيبلج تليفون وخط
اجه الليل واووووف يالليل تهيج مواجعي كلهن بليل اخلي راسي على لمخده واتذكر مصطفى واخلصها بجي لحد مااغفه هسه مصطفى شصاير بحاله هم منهار مثل حالتي لو طبيعي يجي الليل وينام يم مرته خضع للامر الواقع لو متاذي نفسي ياااربي احس الوحشه كتلتني كتل كلبي يوجعني حييل شلون راح اكدر بدون مصطفى شلون اكمل حياتي بدونه كوله بسبب ابوه وبسبب نرجس وبسبب بابا وماما حطمتوني مراح اسامحكم ابد
حته صوره اله مابقت عندي لا صور عرسي ولا صوره بالتليفون حته من صورته حرموني بــَس اْكّـ✔️ـًّيّدْ صوري بقت يمه ماادري موجودات لو حذفهن
مصطفى/باشرت بدوامي خلصت اول اسبوع ونزلت اسبوع مجاز من الدوام وبوجهي لبغداد احس روحي هناك بقت مفرفحه على شوفت حبيبتي وصلت لبغداد طبيت للبيت بقيته على حطيته ذكريات نور بي بقيته مقفول وانطي ايجار من اطبله اتخايل نور موجوده بي بيت ذكرياتي واحزاني هذا طبيت للغرفه حضنت مخدتها ونمت كعدت بليل اخذا سيارتي وطلعت لبيتهم بقيت واكف واباوع على بيتهم اتذكر ايام الكرفان يوم الي نامت بحضني للصبح وايام الي جنه نتعشه سويه وسوالفها وضحكاتها وحركاتها تذكرت اول. يوم شفتها بي من اول يوم شفتها وكلت بكلبي مبينه بنت العميد راح تشلع كلبي بس بنت العميد اخذت كلبي كله مو بس شلعته اتاخر لوقت رجعت للبيت وبقيت يوميه افوت بشارعهم وعيني على بالكونها دائما شباك غرفتها اضلم ليششش اتمنه تطلع بالبالكون واشوفها اخر يوم باجازتي بقيت بشارعهم من الصبح للعصر مكابل باب بيتهم وكاعد مابيها بعد لازم اشوفها لواعرف شي عليها
شِفـٍـْت تكسي طبك ابابهم نزلت سهير وحدها نزلت من سيارتي ورحتلها اركض صحت خالتي
اندارت عليه
سهير/مصطفى شجابك هنا روح بسرعه فدووه لالخد يشوفك وشيخلصني والله يطردوني واني ماعندي مكان اروحله غير هالبيت
مصطفى/مااريد اذيتج بس طمنيني على نور رحمه لاهلج
اشوفها خايفه وعينها على الكامرات
سهير /مااكدر انطيك معلومات بــَس الي امدر اكوله الك انسه نور أحـسًٓـن الك لان نور صارلها 10 ايام من سافرت وبعد ماترجع
مصطفى/عبالك ضربتني طلقه بكلبي انصدمت عافتني وطبت رجعت لسيارتي امشي بلاوعي نورر سافرت وبعدمترجع يعني سواها العميد وبعدها عني واحت حبيبتي راحت مريتي راحت فرحتي راحت اميرتي رجعت للبيت حضنت البوم صور عرسنه وبقيت اصيح بصووت عالي ليشششششش رحتي نورررر. ماكلتي هذا شلون يكدر بدوني ولج شلون انطاج كلبج ورحت وعفتيني اني جاي الومج شنوو نسيت انتي حالج من خالي مغصوبه على الفركه بس راح تبقين تحبيني لو نسيتيني راح تكملين حياتج هناك طبيعيه ماكو بيها مصطفى واني هنا عايش بذكرياتج والحزن صار رفيقي المقرب
نور/مشت لايام اتمنه اسمع اخبار مصطفى مره اتصلت بيه سهير كولتلها خاله موعندج رقمه دزي اليه فدووه
سهير/يمه والله من اخذو تليفوني امج ماسحه رقمه وكلشي يخصه من تليفوني وحته خطي غيرته كالت لان مصطفى يعرفه خاف يتصل بيج بس يمه قبل فتره اجه مصطفى للباب وراد يعرف اخبارج مايدري بيج مسافره بس كلتلها سافرت وراح
نور/يعني بعده مناسيني واجه للبيت حته يعرف اخباري سديته منها والحنين المصطفى زاد بلازيد مشتاقتله حيييييل يوميه بليل افكر بي واكضيها بجي الليل صار رفيق احزاني وذكرياتي اني ومصطفى
رحت قدمت على الجامعه بديت من مرحله اولى هم هندسه هسه احنه نهايه 2018 بلشت دوام الدراسه حيل صعبه هنا شفتها صعبه قررت اترك ومالي واهس اصلاً اشتريت سياره وايسر علمني سياقه صح مصطفى علمني بس موهلكد ضبطتها وبوقتها صارت هذيج السالفه وبعد ماكملت تعليم بس هسه ضبطتها حيل وكل مااختنك اطلع بسيارتي افتر بس ماكو مكان هنا يذكرني بمصطفى ابد
مصطفى/عرفتها سافرت وراحت خلاص بعد مااشوفها قررت التهي بدوامي صرنه سنه 2019 شهر لواحد اجتي ترقيتي وصرت من ملازم اول الى نقيب شدولي النجمه الثالثه صرت النقيب مصطفى هنا ابوي سوه عزيمه وذبايح بمناسبه ترقيتي اني من بعد فراق نور حملت كل المسؤليه لابويه بحيث مابقت اي علاقه بيني وبين ابويه عدا السلام وبس وحته بيوم العزيمه وعزم الكل وفرحان مخبوص ابني صار نقيب هم سلمت عليه بكل بردو. وكتله. مشكور اما نرجس موجوده مناويه نرجع لاهلها عايشه على امل يوم مْْن لايام انسى نور واتقبلها واعيش حياتي طبيعيه وياها
نور/اول ما وصلت لسويسرا استبرق جانت حامل بدايه حملها وهسه بشهر لسادس تحديداًصارت ولادتها وجابت بنوته تجنن سميناها مايا صار ايسر عنده محمد ومايا
صارت روحي بهالطفله دراستي تركتها رفم مخابرات اهلي وضغط امي بس سويتها اعناد بيها مولتلها تريدين اكمل دراسه اكملها بالعراق لمرحله الثالثه والرابعه هنا مااكمل تعبت من الملحه اخر شي ايست مني وعافتني مفتحت الموضوع ويايه
مصطفى/خلال هالاشهر امي بقت تلح عليه يمه شمنتضر وعيش حياتك طبيعيه وي مرتك واريد اشوف جهالك الى متى تبقه عايش على ذكرى نور البت سافرت وعاشت حياتها ويجوز هــًـًســًه تزوجت وانت باقي يمه لاانت هـًُّـيًُْـچ ولا انت هـًُّـيًُْـچ
بـٍْْـٍْ؏ـٍْْد ضغط امي بقيت اتقرب لنرجس بس بدون نفس وكلهن ماتقربتلها غير كم مره كل اسبوع مره وحده بدون رغبه وبدون حب بس محرد اتقربلها واكوم من يمها على السريع حته بوسـّﮧ ماابًوسها بس بهلاشهر نوجس حبلت هنا فرحت ابويه وفرحة نرجس ماتنوصف اني كلش طبيعي حته مافرحت اصلاً كلت لامي هاي نرجس حبلت بالعافيه عليكم الحفيد من ليوم ورايح هي بغرفتها واني بغرفتي
بيتي ابغداد بقه على حطيته باجازاتي اسبوع هناك ولاجازه الثانيه ابغداد اخلصه اكضيها افتر اباب بيت نور ادري مموجوده بي بس احن الها واشتاقلها حيل شوكي ياخذني البيتهم والذكرياتي اني وياها بي وارجع لغرفتي احضن ثوبها وصورها وانام
مشت لايام وصرنه بشهر ل12 سنه 2019
امي تمرضت ووصفولها دكتور ابغداد بمنطقه الحارثيه كلتلها يمه اني اخذج هنا نرجس صار عليها 7 اشهر وبطنها جبيره كلش كالت اريد اروح وياكم يكولون هناك سونار مضبوط حته اعرف جنس الطفل امي كالتلها ميخالف امشي ويانه الصبح اخذت امي ونرجس وطلعنه البغداد
نور/بشهر ل12 قررنه نروح زياره للعراق اني وايسر واستبرق وحمودي ومايا من بعد مامر على سفرتي سنه وشهرين قررنه نروح زياره شهرين ونرجع ولان اهلي رادو يشوفون مايا هنا صار عمرها 6 اشهر مايا وصلنه للعراق بس وصلنه مايا مرضت حيل تغير جو عليها صار كولت لايسر خلي واخذها للدكتور اني وياك استبرق كالت انتم اخذوها اني مااكدر اطلع وي حمودي وانتضار الطبيب يضوجني اخذناها اني وايسر ورحنه للحارثيه لدكتوره اطفال دزتنه ماما عليها
خلصنه مٰـ❧ـِّنِْٚ الدكتوره رحنه لمول بغداد نتعشه ونرجع للبيت
مصطفى بـٍْْـٍْ؏ـٍْْد ما امي خلصت من الدكتوره ونرجس عوفت جنت الطفل وطلع بيها ولد من عرفت ولد فرحت. لان مهما يكون هذا ابني وطفل ماله ذنب كلتلهم خلي نتعشه بالمول ونركع بوجهنه لبابل
طبينه للمطعم كاعدين على الميز رحت اطلب اكل رجعت خليت الاكل كدامهم واني اسولف واضحك وي امي لان مريضه اغيرلها جو امي كاعده كدامي ونرجس بصفي لابسه ثوب حوامل وبطنها مبينه جبيره
اثناء مااسولف وي امي واشاقه وياها رفعت راسي صارت بوجهي ابنيه فرق كم ميز عنه يـعـنـي بينه مسافه امتار ابنيه بيضه وشعرها لونه احمر قصير مدنكه راسها بحضنها طفله بملحف وردي مبينه صغيره عمرها اشهر يطلع احس كلبي عصرني منتضرها ترفع راسها وهي تبوس بالطفله وتضحكلها شويه ورفعت راسها ايييييي هي هاااي صحت يمه هاي هي والله هي مستحيل مشبه عليها
امي/يمه شكوو اسم الله شبيك منو هي
مصطفى/يمه نوررر هاااي نور والله بس بعدها ماشايفتني
شويه واحه ولد ابيضاني طويل يطلع من مصتي شاد شعره عالي كعد مقابيلها وناطيني ضهره ماشفت وجهه نور رفعت راسها عليه بقت تسولف وياه وتضحك هو تقرب على الطفله وباسها ونور تباوع عليه وتبتسم بقيت ارجف والدمعه بطرف عيني
مصطفى/ولج يمه شووفي نور تزوجت وعدها طفله هم يمه مبين زوجها من هناك مو منا ولج نور شبسرعه نسيتيني ورحتي اتزوجتي وخلفتي ورجعتي. بدي اروحلها واصرخ بوجهه ليشششش انطاج كلبج تزوجين وتخلفين وكلبي الي بقه متحطم بذكرياتج ولج لحد الأن احضن صورج وابجي عليج
نور/ايسر كال راح اشوف الطلب جهز طلبنه ويانه عشه للبيت راح ايسر ومايا بحضني رفعت راسي وهناا الصدمه. صار بوجهي مصطفى صافن بوجهي وكل الحزن بعيونه فتحت عيوني حيل مستحيل هذا مصطفى لو اتوهم شفت نرجس بصفه كاعده وبطنها جبيره مبينه حامل احس روحي طلعت مني  اييي هذا حبيبي مصطفى نفس شكله ونفس اناقته بــَس مرته يمه وحامل هم ﭐﯗﯝﯝﯝﯝﯝﯝڦ😔 مصطفى بسرعه نسيتني ورحت مشيت حياتك طبيعيه وي زوجتك وحامل هم واني عايشه على ذكراك اثنثنه ساكتين وواحد صافن بوجه الثاني وعيونه تسولف اجه ايسر كال يله يله كومي نرجع اخذ العلاليك ومشه كدامي واني شلت مايا بحضني ومشيت وراه وصلت يم الميز مالته وصرت كلش قريبه عليه رافع راسه بعيوني صافن واني امشي وعيوني صافنه بعيونه لحد ما عبرت ميزه طلعنه للسياره.
مصطفى/تمشي وراه وبتها بحضنها ماركزت على اي شي بس بعيونها ادور الحب وينه معقوله واحد يباوع على الثاني وكانما غربه محد يعرف الثاني هي عًـٍُُيُِونها بعيوني وتباوع على بطن نرجس واني عيوني بعيونها واباوع على الطفله الي بحضنها كانما هي تكلي شوف مرتك حامل وماشيه حياتك طبيعيه ونسيتني واني اكلها وانتي بنتج بحضنك شبسرعه تزوجتي وخلفتي ونسيتيني  عبرتني بس عبرت حسيت حيلي انهد جسمي كله يرجف  امي بقت تكلي يمه اسم الله شكابها لنور من بعد هاي الفتره كلها شِفـٍـْْــٰٰتْ يمه ماشيه حياتها وصاير عدها طفل هم
يمه انت هم جايك طفل كافي وليدي تحرك بروحك راح تتمرض
..............
الكاتبه ام زيزو