بنت العميد

البارت 18

نور
كوه كدرت غفيت
صحيت على لمسات بشعري تلعب
فتحت عيني لكيت مصطفى كاعد يمي ويلعب بشعري
نور/ااممم صباح الخير حبيبي
مصطفى/صباح العسل عروستي الحلوه حبيبتي
شلون صرتي
نور/جسمي حار مابيه حيل ارفع نفسي
مصطفى/ايي حبيبتي مصخنه فد نوب كومي اسبحج بيدي
نور/لا نسبح سويه شنوو عيب هسه بيش الساعه
مصطفى/ب8 محد كاعد بــَس امي يله كومي اسبحج حته لصخونه تفكج
نور/ماااا استحي
مصطفى/منين تستحين
نور/منك
مصطفى/وليش تسحين مني غير اني زوجج وحبيبج لبارحه جنتي ذايبه بيدي وغمزتلها 😉 هااا لونسيتي شسوينه لبارحه
نور/اييييي مصطفى دكافي عاااد عفيه والله استحي
مصطفى /بستها من خدها فديت اليستحي والخجول يله كومي اخذي ملابسج وطبي سبحي حته نتريك
نور/نتريك اني وياك
مصطفى/اي ليش
نور/وعروستك مو المفروض تتريك انت وياها
اليوم صباحية عرسكم
مصطفى/من اتذكر وجود نرجس بحياتي اختنك ورطه تورطة بيها
انتي هم عروستي وانتي الاصل انتي مو بس عروستي انتي عروستي وحبيبتي وفرحتي كلها يله عمري كومي لتخليني اتوازه عليج واسوي وياج نفس البارحه
نور/لاااا عزززا خلاص كايمه والله
كمت طلعت دراعه وحضرت مكياجي كولت من اطلع امكيج مو اني هم عروسه اليوم طبيت سبحت. وطلعت لبست دراعه اوف وايت وشغلها ذهبي وخليت مكياج وعدسات لون اخضر فاتح سويت شعري بالكاويه وعفته مفتوح ورشيت عطر وطلعت كعدت بالهول شويه ونزلت نرجس لابسه دشادشه كودري مدري كشمير حمره ومكياج. زرق ورق وحجاب من شافتني بقت مصدومه تباوع عليه بحقد بدها تاكلني وصلت اجه مصطفى طب منتبهلها عينه عليه راساً كال
يمه عروستي الكمر ولج شطالعه تقرب عليه صار ضهره على نرجس وهو اصلاً ممنتبه الوجودها تعمدت احضنه من ركبته واشم بي كوتله .حًبيـبي انت الكمر يااحلى عريس يالدنيه أّمُِـوٌٍت عليك وبسته بوسـّﮧ💋 سريعه من شفايفه
دار وجهه وشاف نرجس واكفه ومخنزره تباوع بحقد رجع باوعلي وهمس بصوت ناصي يعني تدرين بيها واكفه وهيج سويتي ولج والله طلعتي مو شويه بعدين اعلمج بالغرفه عافني وراح واني متت ضحك
طب للمطبخ يتريكون هي وياه كاعدين يتريكون وبدن يجني نسوان اخوانه وحده ورا لثانيه هنا وجهالهن. خليت شال شمرته على شعري بدون ما الفه ياهي الي تطب تباوع عليه عبالك جايتهم من غير كوكب
صح اتصرف كاني قويه وممهتمه وواثقه من حب مصطفى اليه واعرف انجبر على نرجس وميحبها يحبني اليه بس نفس الوقت احس نار تاكل بداخلي نار الغيره اني هم بعدني عروس ومتهنيت بحبيبي بسرعه اجتي وحده شاركتني بي اتذكرت اني ردت هالشي بس لو ادري بنفسي بعدني ابنيه جان مستحيل سمحت بهالشي اووووف شلون حظ عندي معرفت بنفسي اله بليله زواجه
نسوان اخوانه نخبصن على نرجس عروستنه وعروستنه اني كعدت بالهول وخليت رجل على رجل والكعب مالتي مبين واكلب بتليفوني
شويه واجتي امها واختها صعدت امها وياها للغرفه نزلت معصبه وتدردم راحت على خاله تعاتبها شنو ابنج يعوف مرته بليله العرس وينزل يم هذيج وهاي بنت عمه وشلون يفضل الغريبه عليها مو كافي كسر كلبها بالعرس ويركص وياه هذيج كدام بنتي وبنتي بعدها عروس وهواي بقت تحجي
وخاله خطيه لاتكدر تنطي بيه ولاتكدر تحجي شي بقت بس اتهدئها وتكلها احسبيها عليه
اجتي اختها طويله وضخمه جنها رجال لزمتني من زندي بقوه حيل حسيت ايدي راح تنخلع بيدها
كالت
ولج انتي الزعطوطه المايعه فاره عقل الرجال على مرته شلون. تركصين وياه لبارحه والله لوما عـيـــب من الناس جان سحلتج وطردتج ولج اختي عروس ماخذه رجلها منها بليله العرس تكعد تلكه رجلها عايفها ونازل دفعتني حيل انشمرت بالكاع انطخ راسي بطرف الخشبه مال القنفه انجرحت كصتي بقت تذب دم اتخبلت شلون تمد ايدها عليه بس محجيت شي ونسوان اخوانه مصدكن كولهن ظلن يذبن حجي عليه عدا الجبيره ام عباس مقبلت على تضرفها واجتي كومتني ومسحت الدم. من كصتي بقت يحجن متستحي وشلون تاخذ الرجال من مرته ردت اصرخ هو زوجي اليه وهي الي اخذته مني بس خفت لا يكتلني ولنوب مصطفى جان طالع مدري وين راح طبيت كبل. للغرفه لميت ملابسي قررت ارجع لبغداد مستحيل ابقه هنا لاااتحمل نرجس ولاااتحمل نسوان اخوانه البقيه دااحس نفسي غريبه بينهم خاله مقبلت عليهن بقت تحجي اسكتن عوفن الابنيه اذا مصطفى يدري يلعب لعب بيجن بس خاله فقيره حته متكدرلهن هنا كل وحده جنها رجال وامها بقت تحجي وبنتي شبيها ومينام يمها وجنها ؤرده وتخبل بكلبي كولت وينها تخبل حته مصطفى يكول عبالك آخـۅيھ نايم يمي لميت ملابسي وغراضي كولهن. لبست بنطرون وقميص وخليت الحجاب على شعري كولت بــَس يجي مصطفى يرجعني راسي ياذيني مخليه عليه كلنس راحت امها واختها وطبت خاله تبوس بيه يمه اكعدي والله مصطفى يتخبل عليج جابتلي لاصق جروح خليت للجرح صار بكصتي كدام الوجه كولتلها خاله اعذريني مستحيل ابقه هنا شفتيهن كولهن يكرهني محد طايقني بهذا البيت بس آْنَتي ومصطفى مااكدر ابقه خلي يوصلني لاهلي ويرجع المرته خلي تشبع بي
خاله/يمه هنا طبعاً يضوجن منج غير كلهن يغار منج والله جا غير انتي احلاهن وتخبلين وكل كرايبنه يسولفون بجمالج وياهو الي يشوفج يكول احلى جنه بيهن واصغرهن ومرتبه ومثقفه هنا وحدتهن ممكمله سادس ابتدائي
نور/بقيت ابجي زين خاله واني شنو ذنبي حته هيج يعاملني ويتهجمن عليه ومخبوصات على نرجس اني مرايده منهن لا سلام ولاكلام بس مجرد يكفني شرهن يعني اكو بيهن اني من عمر جهالهم ويغارون مني بس للامانه مرت الجبير مالها علاقه ام عباس شويه واعيه اكثر منهن ماسمعتني حجي ابد عكس الباقيات
طلعت تليفوني واتصلت بمصطفى
مصطفى/الوو هاحبيبتي
نور/مصطفى انت وين
مصطفى/جاي شغله دقايق وواصل للبيت خير شبيج شبي صوتج
نور/مْـإأڜْـي يله انتضرك
سديت الخط واحس اعصابي تلفت وجسمي كله يرجف. من وراهن اسمعهن كلهن ملتمات بالهول اتلمس الجرح ياذيني
شويه وانفتح الباب طب مصطفى شاف الجنطه متحضره ومبدله كال شكووو وين رايحه
نور/راساً نزلت دموعي رجعني لبيتنه حباب
مصطفى/تقرب عليه ليش حبيبتي شبيج وشبيها كصتج ليش لازكتها
نور/مابيه شي بــَس مااريد ابقه هنا رجعني بسرعه
مصطفى/ضل يصيح لج احجيييي شبيج ومنو وياج وشبيها كصتج
عافني وطلع بقه يصيح يمممه وينج
تجتي امي تركض هاا يمه شبيك تصيح
مصطفى/يمه منو وي نور ومنو ضاربها احجييي
ام عباس اجتي اهدء خويه ماكو شي سوء تفاهم بين نسوان
مصطفى/ام عباس رحمه لروح ابوج احًـجًِي الصار كله
ام عباس/والله ياخويه اجتي ام نرجس وبقت تعاتب عمتي شلون انت عايفها بليل ونازل ولنوب اختها نوال صارت عصبيه ولزمت نور من زندها وشمرتها للكاع وانطخ راسها متخبلات شلون ركصت وياها وشلون عفتها بليل
مصطفى/صارت عيوني بكصتي. عطت بعلو صوتي لج نرررررررجس
اجتي اطكطك
ولج شلون اختج ماده ايدها على مرتي
نرجس/وشبيك خبصت نفسك مواني هم مرتك
وبعدني عروس هم شّــْْكو مكابلتنه وكاعده ماتولي لاهلها
مصطفى/لزمتها من زندها اسمعي لججج مكاعده ابيت ابوج هي ووين مااكون موجود اني نور تكون موجوده وهاي اختج اذا هي بت ابوها خلي تجرب تعدي عتبت الباب مالتنه واني موجود اله اكسرها الها والله لوما مره جان عرفت شتصرف وياها
نرجس/وهيج تهين بنات عمك علمود الغريبه هاي
مصطفى/الغريبه تصير مرتي وحبيبتي رضيتو واله مارضيتو
باوعــت على نسوان اخواني وانتن اسمعن. ادري بسوالفجن كلها صايرات حزب عدا ام عباس الكلام موجه للبقيه وحق دين محمد الي تسمع نور حجايه لو كلمه وحده اخـابر على رجلها وهو يتصرف وياها جايات خطار احترمن نفسجن
طبيت للغرفه يم نور سديت الباب
رحت اخذتها بحضني وابوس براسها حبيبتي والله الي تحجي وياج منا ورايح احسب الله ماخلقها كلشي ولاوحده تندك باميرتي
نور/سحبت نفسي منه
يله مصطفى اريد ارجع مستحيل ابقه هنا وصلني وارجع يم مرتك خلي تشبع بيك
مصطفى/شبيج نور وين رايحه اكعدي واسكتي ماكو طلعه
نور/كولتلك اريد اروح كااافي ماريد ابقه هنا شنوو سجن هو محد طايقني ماريد ابقه هنا مااتحمل اريد ارجع لبغداد اذا متريدني ابقه بالبيت وحدي وصلني لبيت اهلي
مصطفى/جريت نفس وفركت راسي نور لتعاندين ابقي هنا مااكدر اعوفج هناك واني هنا بس تخلص لسبعه واخذج ونرجع
نور/كولتلك مااااا يـعـنـي مااااا ماابقه هنا عفته وطلعت رحت لام عباس اكولج عفيه خابري عباس خلي يجي يوصلني اذا يكدر
ام عباس/حبيبتي استهدي بالرحمن واكعدي شعندج رايحه
نور/اريد اروح يم اهلي مااكدر ابقه هنا عفيه خابري
بهلاثناء طب عمي
صاح شكوووو
خاله/ماكو شي حجي بس نور تريد ترد لبغداد
مصطفى/صكيت سنوني نور تعالي طبي للغرفه
ابوي/وليش تطب للغرفه خليها ترد شرايد منها هي وجودها هنا غلط انت عريس لازم تاخذ راحتك وي مرتك هي شعدها هنا
نرجس/بقت تبجي عمي تقبلها مصطفى يصيح عليه علمود هاي الغريبه
مصطفى/استغفرك ربي شنو هالمصيبه الي وكعت براس مصطفى
ابوي/ولك صدك تصيح على بت عمك شلون ولك ماعرفت اربيك انت الوحيد من اخوانك شالع كلبي وطالع عن شوري
مصطفى/كااافي ياابه رحمه لاهلك كاافي شسوي بـٍْْـٍْ؏ـٍْْد حته ترضه عني خليتني اتزوج اجباري وراح ينهجم بيتي واخسر لابنيه الي حبيتها وكوه كدرت اخذها وتصير من قسمتي بسبب طلباتك وكل هذا وتكلي طالع عن شوري شسوي بعد حته ترضه عني الله ياخذني واخلص علكت بركبتي علاكه ورطتني بيها
ابوي رفع ايده راد يضربني ولزمتها
بويه انتي ابوي على عيني وعلى راسي بس ماتمد ايدك عليه اني مو جاهل كدامك واني ماخذ مرتي وراد لبغداد