بنت العميد

البارت الاخيرررر

البارت 28 الاخير

مصطفى
دخلت للفندق شفت اميرتي متحضرتلي لابسه الثوب الابيض والمكياج والعطر تارس الغرفه تقربت عليها
خليت ايدي على خصرها غمضت عيوني وجريت نفس قوي ذبيت حسره الايام والتعب والذل الي مريت بيهن كلهن علمود هاليوم هذا علمود تصير حلالي ورفيقه دربي طول العمر
حبيبتي الف مبروك يااجمل انسانه اشوفها بحياتي اميرتي وام بيتي آحـٍْ♥️ـًٍپًٍُـچ
نور/حبيبي مبروك عليه وعليك
تقرب باسني من راسي وخله كصته على كصتي وغمض عيونه جر نفس قوي ونزلت دمعه من عينه
بقه يحجي وياي وهو مخلي راسه على راسي
تدرين شكد جنت خايف بعد ماانجمع بيج ومن جبت الشيوخ وجبت الضباط والرتب كلهم لابوج ورفضني بقيت حاير شاجيبله بعدحته يوافق
نور/حبيبي بلاخير وافق لان جبتله روحك قدمتله روحك بين اديه ووافق وهاي كدامك تحقق حلمنه وصرت الك وانت اليه
مصطفى/اااااااااااه شكد نشلع كلبي وتعبت بس الحمدالله بلاخير نلت الاريده
يله تعالي نتعشه

فرشت الاكل على الميز وكعدنه اني ونور نتعشه
اشوفها تاكل قليل
كلتلها
اكلي زين حبيبتي وراج شغل وجسمج ينرايدله طاقه وغمزتلها😉
نور/مصطفى كاافي نضراتك هاي بطلها والله حته مدا اكدر اكل
مصطفى/هههههههه يله ماشي مااذكرج كلشي بوقته حلو اكلي اكلي حبيبتي
كملنه العشه وجبت الحلويات خليت بحلكه بقلاوه
وكلت يمه اول مره اشوف كنافه تاكل بقلاوه
كعدت اكل خلصت نص العلبه بقلاوه على زنود على كنافه
نور/كاافي حبيبي ترى السكر راح يصعد عندك
مصطفى/اكو غير شي صعد عندي من ورا الحلاه😉
نور/لك مصطفىىىىىى
مصطفى/اممممم مستحي حبيبي
ايي سولفيلي شكم مره ابوج رفضني وشكم دمعه نزلت من عيني علمودج وشكم قطره دم ذبيت بسببج
نور/يوووه هوووايه ليش
مصطفى/اليوم كلهن اخذهن منج احكج بيهن
نور/ردت اركض وراساً حاوطني بيده
مصطفى/وييين تعاالي تعاالي حبيبتي ماكو مفر اليوم
لعد اني شكو جبتج لاربيل اسبوع وحدنه غير عندي حك يمج واريد اخذه وابو الحك مدلل
نور/بطلت بعد ماريد رجعني لبيتنه
مصطفى/تريدين ترجعين البيتكم موو تعالي يله ارجعج
شلتها وخليتها على الجربايه نمت فوكاها وحضنتها ورافع راسي اباوع على عًـٍُُيُِِِِوـنُـ👀ــًها
تريدين ترجعين البيتكم مو حبيبتي هسه ارجعج غمضي عيونج
نور/غمضت
مصطفى/خليت شفتي على شفتها وبكل قوتي مابقيت مكان بجسمها مابقيت بي اثر ذابت بين ايدي همست باذنها هاا بعدج تريدين ترجعين
نور/لا
مصطفى/انتي هنا بيتج منا ورايح واشرت على حضني هذا بيتج وهاي غرفتج اشرت على كلبي واني اهلج رجعت ابوس بيها واشمها تقربت عليه على كيفي وبراحه لان مصار بينه بس مره وحده وصار هواي باعتبارها بعدها هسه عروس جديده خلصت وبستها من راسها ها حبيبتي تاذيتي
نور/اي بس كولشي فدووه العيونك
مصطفى اخذتها بحضني ممصدك واخيراً حبيبتي نايمه بحضني رجعت تقربت عليه مره ثانيه
نور/مصطفى كااافي
مصطفى/جا بويه ومفعول البقلاوه وين افرغه
نيمت حّْـ💋ـبّْہيبتي بحضني للصبح حاضنها حيل كأنما خايف لا افقدها بعد مره ثانيه
احلى اسبوع قضيناه باربيل مخليت شي بنفسها فريتها كل الاماكن والمصايف واخذتها لمدينه الالعاب صعدتها الالعاب كلها خلصنه الاسبوع نهارنه طالعين نتونس وبليل اخذ حّْـ💋ـبّْہيبتي بحضني انيمها صرت اعشق الليل بعد ما جان الليل يخنكني بغيابها
اخر يوم النه باربيل
نور/مراح اطلع اليوم تعبانه خليني هنا ارتاح وورانه طريق هم تعب
مصطفى/براحتج حبيبتي بس اني رايح بشغله وارجع
رحت لمركز وشام معروف باربيل شكله يجنن
سويت وشم اسم  Noor وتاريخ زواجنه بصدري بجهه كلبي
ورجعت للفندق لكيتها نايمه كعدت تفرك بوجهه
كلت خلي انزع قميصي بدون مااكللها خلي اشوفها تنتبه رغم الوشم واضح وحجمه كبير مو صغير والمنطقه بعدها حمره
نور/هاا حبيبي وين جنت
مصطفى/هيج افتريت واجيت غير انتي ماقبلتي تطلعين ويايه خليتيني اطلع وحدي
نور/مصطفى نزع قميصه ووكف كدامي يكلب بالتلفزيون انتبهت الصدره احمر حيل
نور/هاي شبي صدرك احمر تقربت عليه وشفت وشم اسمي وتاريخ زواجنه بقيت صافنه عليه وهو مبتسم بوجهي
هاي جنت تفتر مووو
مصطفى/غمزتلها عجبج
نور/يجنن هذا ثابت لو مؤقت
مصطفى/ثابت بكلبي للابد حته من اموت يبقه اسمج ويايه
نور/اسم الله عليك عمرري بس لَيــِْش هلكد حمار تاذيت مو
مصطفى/الخاطر حبيبتي اتحمل كلشي ولج هو اني شمرت روحي بنص الموت لخاطر عـُـيـُــُونج  هسه تساليني تاذيت من وشم
يله بوسي حته يروح الالم
نور/ابوس اسمي لو كلبك
مصطفى/اثنينهن واحد اسمج وكلبي واحد مطبوعات سويه
نور/شمرت نفسي بحضنه وحضنته حيل حبيبي لهل درجه تحبين
مصطفى/واكثر من ما تتصورين اعشقج مو بس احبج ولج بدم كٓٓلٍٰــْـٍ❤️ــبْْي اخذتج وهسه تساليني احبج كرصتها من خدها
حضرنه جنطنه وغراضنه وسلمت الغرفه وانطلقنه البغداد مشينه مسافه عبرنه سيطره اربيل
نور/مشتاقه للسياقه خليني اسوق عليك الله
مصطفى/طبكت على صفحه ونزلت كلتلها يله حولي بمكاني خلي اشوف سياقتج باله
نور/صعدت بمكانه وسقت
مصطفى/تذكرين من علمتج سياقه
نور/ايي من جنت وحده طايشه ومهامني شي مرتاحه لا هم ولا دموع جنت كل همي الطلعات والملابس ومراكز تجميل
مصطفى/رفعتلها حاجبي اي وشنو قصدج من حبج مصطفى تدمرت حياتج وكلها بجي وهم صارت
نور/ابتسمت بوجهه لا حبيبي بالعكس حسيت نفسي نضجت وشفت الحياة بصوره صحيحه والاهم هو عرفت معنى الحب الحقيقي وعذاب الحب تدري اني من حبيتك عرفت الحب الحقيقي شنو اول مره احس بطعم الحب من صدوك الي ميتعذب بحبه ميتسمه حب ابد وعاد اني وياك حته دموعنه خلصن
مصطفى/ولج اني الي ً أگـِْۈۈل كلبي ميت وبعمري دموعي مانازله حته شكد ماتولنه اعزاز انقهر بس ماابجي ابد وتالي دموعي صارت شلال من ورا بت العميد
نور/امممممممم لعد ﺸنـٌٍـٍوﯛ عبالك اني شويه صدوك دريت عن قريب كولش راح اصير بنت اللواء
مصطفى/اييي يابووو بنت العميد وشلعت كلبي لنوب بنت اللواء شراح يخلصني بعد
نور/مو مهم عندي بنت العميد بنت اللواء
المهم آٌنـي مرت النقيب
مصطفى/لك فديت اني مرت النقيب
يله حته تكملين السنه الجايه تكملين جامعتج اذا العيمد صلاح متزوج دكتوره يتفاخر بيها اني النقيب مصطفى متزوج المهندسه ومن حقي اتفاخر بيها هم
وصلنه للمطعم نزلنه اكلنه واخذت السياره من نور لان سياقتها بطيئه متعلمه على النضام الاوربي
كملت طريقي هي شويه وغفت نامت وصلنه لبغداد بليل رحنه كبل لبيت اهلها منتضرينه ومسويلنه عشه تعشينه سويه واخذنه مفتاح البيت جان يمهم لان منضفينه ومرتبي قبل لـ❌ـلا نرجع
طبينه لبيتنه تعبانين سبحنه ونمنه
مشت الايام. وابو نور صار لواء وصرت اني بحمايته ولان نسيبه مداريني شوكت ماريد اجازه اخذ
قررنه منسوي طفل الى ان نور تكمل جامعتها
بس وراها باشهر الله رزقنه ونور طلعت حامل

نور/بـٍْْـٍْ؏ـٍْْد زواجي باشهر  طلعت حامل رغم مجنه رايدين او اني الي مرايده علمود دراستي اله مصطفى امنيته يصير عدنه طفل ومن عرف بيه حامل الفرحه مساعيته حته اني فرحة على فرحته وحبيت الشعور كولش
فتره حملي كولش متعبه صارت بحيث قفلنه بيتنه وكضيتها ابيتنه ماما اتابع حالتي لان هي دكتوره نسائيه وسهير ابد مقصرت ويايه مداريتني حيل واما مصطفى خلصها اجايز بحجه زوجتي تعبانه ومكابلني وكاعد كولتلها بالكت بابا ينقلك ويحرمك من هالاجايز
مصطفى/ميكدر غير يكولون النسيب قطعه من الكبد وين يكدر ينقلني هو بكيفه
نور/اييي هـًُّـيًُْـچ كدامه واحجي كول بكيفه
فعلاً بابا وماما صارو كولش يحبون مصطفى وبابا يعتبره ايده اليمنه ويعامله كأنه ابنه مصطفى مااخذني جنه لاهله اني اخذته نسيب لاهلي 😂
مشت لايام وصرنه بسنه 2021 وهم اجلت السنه بسبب الحمل عرفنه جنت الطفل. وطلعت بنوته واني عشقي البنات كولش فرحت  لان راح تجينه بنوته
صار موعد ولادتي وردت عمليه اخــّّـّّاف من الطبيعي وسويت عمليه باشراف ماما هي سوتها اليه بيدها واجتي بنوتي ثمرة حبنه صحيت من البنج لكيت مصطفى فوك راسي وبابا وماما وخاله وام عباس  وابو عباس وعمو جاين من بابل علمودي
والغرفه كولها نفاخ وزينه بلون الوردي تجنن مسوينها
مصطفى/بستها براسها الحمدالله على سلامتج حبيبتي اميرتي
اجتي الممرضه وشايله بيدها بنوتي اخذها مصطفى من ايدها ويشم بيها ماما كالت شراح تسمونه
مصطفى/سميتها نور
نور/شنووووو تاخذ اسمي ميصير
مصطفى/آْنَـتي شعليج بنتي واسميها بكيفي اسمها نور لحد يعترض ويتعب نفسه
همست باذن نور غير اسميها على اسم حبيبتي شبيج ضجتي تغارين
نور/اويلي عليك وين صايره باله اني نور وبنتي نور
بابا/عاشت الاسامي حلووو اخذ الطفله من ايد مصطفى باسها دمعت عينه كال تذكرت من جنتي بكدها وهيج شايلج وكلتلهم اسميها نور لان عالطفله احسها راح تنور حياتي وانشالله هالطفله بنتج تنور حياتكم بابا
مصطفى/من رخصتك عمي انطيني نور بنتي وهاي نور بنتك الك مااحتاجها بعد دام صارت عندي نسختها صغيرونه
نور/مصطفىىىىى ااااه بطني
مصطفى/هاا حبيبتي تاذيتي
نور/ضحكت هاااا مو علاساس متختلجني بـٍْْـٍْ؏ـٍْْد ومااهمك شو فزيت عليه
مصطفى/يعني هسه انتي كمتي تغارين منها مووو
نور/هزيت راسي ايي
مصطفى /خوش لعد دقت طبول الحرب بينج وبين نونه ابنيتي اميرتي
نور/لك مصطفى اخذت اسمي وقبلت بس ممنوع تاخذ  لقبي شنووو هاي بطلت ماريد اصير ام بعد من اول يوم تقهرني
مصطفى/ضحكت وبستها من راسها وخليت بنتي نور بحضن امها نور حبيبتي انتي اميرتي وهي امورتي
ربي يقدرني وينطيني العمر واكدر اسعدكم وادللكم اثنينكم شعندي غيركم انتي كلبي وهي نبضاته
احبكم بنوتاتي الحلوات جانت نور وحده وشالعه كلب مصطفى  وهسه صارن نورين الله يساعدك يامصطفى
نور/طبعاً الام وبتها نتفق عليك اله نخبلك
مصطفى/كلي فداكم احبكم بعد مااكول احبج لازم كله احبكم خاف وحده منكم تزعل عليه
احبكم يااحلى شي صار بحياتي عائلتي الحلوه

نور
طلعنه من المستشفى وبقيت فتره يم اهلي
ورجعنه البيتنه واحلى حياة عشتها وي مصطفى وبنوتي نونه بس هي اخذت مصطفى مني شويه كبرت ومتنام اله بحضنه ينيمها ولنوب يجي ينيمني لحد ماصار عمرها سنه كامت حته متقبل تنام بجربايتها اله على ايد ابوها ومصطفى صار ينيم وحده منا ووحده منا سوالها احلى حفله ميلاد بقاعه وعزم الدنيه كولها كأنما عرس صار مو حفله ميلاد وهسه بنوتي عمرها سنه وكم شهر
عائلتي الصغيره اغلى شي همه بحياتي
زوجي وحبيبي صوفي
وبنوتي الحلوه نونه
....................
الكاتبه ام زيزو