بنت العميد

البارت 27

مصطفى
يله حبيبتي لحد يحس بينه خلي ارجع
نور/ماشي حبيبي
مصطفى
رجعت للصاله طبيت شويه واستاذنه منهم وابوي تشكر من العميد على العلاج وعلى الضيافه وعزمه على غده الجمعه يمنه هو وايسر والعائله بمناسبه سلامتي
رجعنه للبيت بليل متمدد على فراشي ورقم اتصل بيه غريب على الواتساب
فتحت خط
طلعت نور بقيت اسولف وياها كلتلها احجيلي كلشي صار وياج بالتفصيل من اول ما صعدوج للسياره لحد ما وصلتلج اني
نور/حجيتلهدكولشي وكولتله شخص اكبرهم بالعمر يصيحوله الحجي وصاهم محد يتقرب عليه وبقيت طول هالاسبوع ايدي ورجلي وحلكي مشدودات بس وقت لاكل والحمام يفتحوهن
بس خفت حيل عشت برعبه خلال هالاسبوع افكر بيك كولت مصطفى اكيد مراح يتركني وحدي
وراح يوصلي ومن شفتك كدامي حسيت روحي رجعتلي بــَس كلها دقايق وروحي انسحبت مني من ضربوك ووكعت بحضني وانترست ملابسي بدمك  هفت وعيطت حيل عبالي متت

مصطفى/وشتتوقعيني اعوفج گـِْـِْلِْ عقلج وحته الموت ميبعدني عنج حته لو متت مرتاح لان متت بحضنج وتبقه روحي يمج
نور/اسم الله عليك حبيبي
صدووك بابا كال الجمعه نجيكم كولنه معزومين يمكم على غده
مصطفى/اي ابوي عزمكم وتدرين وين راح نسوي الغده
نور/وين
مصطفى/بالمزرعه والجو بدايه ربيع يخبل
نور/الله شوكت تجي الجمعه
مصطفى/  لَيــِْش حبيبتي مشتاقه تشوفيني
نور/ايييي وكولش فرحانه لان راح تنجمع العائلتين سويه وتصافت الكلوب
مصطفى/طبعاً غير على حساب صحتي لو ما هالضربه جان ماتصافت الكلوب بــَس آلـْ ح ـمـِْدِّ اللّـٰھ وراها نتيجه هالضربه مالتي
نور/بس ردت تموت
مصطفى/فدوووه الج روحي حبيبتي

نور
بقينه تواصل مستمر
واجه يوم الجمعه
ٱڵـڝُـًبح
تحضرنه اني وماما وبابا وايسر واستبرق وسهير وجهال ايسر وطلعنه بسياره بابا 7 راكب
بالطريق بابا طبك على محل حلويات اخذ اشكال الحلويات ورحنه
لبست بنطرون كابوي ازرق وبدي اسود وبشت فوكاهن وخليت شال على شعري هيج بدون ما الفه لان ادري بمصطفى يضوج من يشوفني بلا حجاب بــَس مطلعه كذلتي
كعدت بالطريق اني وحمودي يمي حته الطريق كوله اراسله اخذ راحتي وصلنه لبيتهم لكينه محضرين ذبايح على سلامة مصطفى وعمامه يمهم. جاين حته عمه الشيخ استقبلو بابا كولهم. نخبصو عليه عيني على مصطفى وهو عيونه عليه طبينه جوه يم خاله ونسوان اخوانه كولهن اجني يبوسن بيه اني سلمت عليهن عادي جاملتهن بــَس ام عباس حضنتها كولتلها والله مشتاقتلج
صار وقت الغده وتغدينه الزلم بالاستقبال البره والنسوان بالصاله جوه ورا الغده اقاربهم. كولهم. راحو. هنا كالو خلي نروح للمزرعه

مصطفى
كلتلهم بس بيت العميد واحنه منريد هوسه اخواني مااحوي بــَس اخوي الجبير ابو عباس هو وعائلته اجوي ويانه
نزلو الحلويات من السياره وكعدنه بالزرع كلنه ملمومين كامت سهير هي وام عباس وزعو الحلويات بمواعين ووزعوهن علينه كعدنه ناكل واني ونور نضراتنه مستمره
هنا بابا فتح موضوع وي العميد كله ابو ايسر رايد منك طلب وهالمره انـ شـاء الـلّه متردني
العميد/كول ابو احمد اسمعك
ابوي/خويه اولادنه واحد نفسه بالثاني بعدهم ومصطفى انه فرضت عليه يتزوج بت عمه وحته الله ما قسم لوليده يعيش ابن القسمه تلعب  دور واولادنه قسمتهم واخد للثاني بعد عليش نوكف بطريقهم خلي نجمعهم بالحلال مره ثانيه ومادام واحد رايد الثاني الله يكتبلنه بيها اجر انشالله
مصطفى
العميد بده يحجي واني الخوف يقرا الـ1000ــف عندي
العميد/على بركة الله اني احب الانسان المكافح وميمل ويسعى ورا الشي الي يريده ميأيس الى ان يوصل آِٰلُّـى مراده والنقيب مصطفى من هالنوع هذا على بركة الله اذا تحبون وعلى هالجمعه الحلوه نقرا الفاتحه
مصطفى اني ونور واحد يباوع على الثاني قرينه الفاتحه وعيونه على بعض اثنينه عيونه دمعت من الفرحه وامي وسهير ومرت اخوي يهلهلن والكل باركلنه
وكفت كدام العميد وبسته مٰـ❧ـِّنِْٚ راسه كتله اوعدك وكلام زلم هالمره راح احافظ على الامانه واصونها للابد
ونفس الحجي كلته لامها وبستها من راسها
نور
الفرحه مساعيتنه اني ومصطفى عيونه تحجي ومدمعه من الفرح
صارت عصريه والجو يجنن وريحه الزرع
استبرق كالت شنو مراح تاخذونه نتمشه بهالطبيعه الحلوه
عاد رحنه اني ومصطفى وهي وايسر وعباس واخته فرح. وحمودي رحنه نتمشه بالزرع ومصطفى يسولف وي ايسر واني عيوني عليه
همست وي استبرق كولتلها بس اريد احجي وي مصطفى شويه اخذي زوجج عاد
استبرق بقت تضحك كالت تدللين صاحت
ايسر شو تعال بس نرجع ابدل حفاضه ميمي موسخه نفسها وضاجت اخذت ايسر وراحت بقينه اني ومصطفى وعباس وفرح مصطفى كلهم يله عمي روحو ليغاد حمودي وياهم
يلعبونه بقينه اني وياه وحدنه سحبني ورا نخله وحضني حيل شالني وبقه يفتر بيه ويصيح احبجججججج
ولج واخيرا ً راح اخذج وبرضات الكل هم لج نور فرحان كلش فرحان
نور/هو شايلني واني حاضنته من راسه والفرحه معميه علينه اثنينه
نزلني وكفني كدامه وحضني حيل
مصطفى/تدرين مراح اخليها تطول بسرعه اخذج ولج مليت انشلع كلبي اووووف يا بنت العميد شسوي بحالي موتيني بهذلتي احوالي بس مااريد شي بعد بس اخذج بهالحضن هذا وبس

صارت الغروب
ورجعنه اني وفرح وحمودي كال مصطفى روحو وشويه ونجي اني وعباس حته لا يحسون جنه سويه وحدنه
رجعت بابا وماما وسهير واهله كاعدين يسولفون ويشربون جاي
بابا كال يله نتوكل احنه هم ياله
جلبو بينه باتو يمنه بابا كال على الجايات انشالله وتشكر منهم على الضايفه
وصعدنه السياره ورجعنه لبغداد
ورا اسبوع ابوه خابر بابا كله هلي نعقدلهم
اتفقنه منسوي حفله نعقد ونسافر
ولان جانت بدايه كورونا ولوضع يخوف قررنه نعقد ونروح اسبوع للشمال ونرجع لبيتنه القديم نعيش ابغداد
بابا كال المصطفى راح ارجعك تداوم ابغداد وراح اخليك ضمن حمايتي حته تاخذ راحتك شوكت ما تريد اجازه انطيك
مصطفى كولش فرح بهالشي
عقدنه سيد ومحكمه بنفس الاسبوع
طلعنه اني ومصطفى اخذنه شغلات بسيطه سيتات نوم جديده وهالشغلات لان اني اصلاً كولشي عندي
اخذلي تخم. ذهب ناعم كولش نازك وذهبي القديم كوله ضامه هم رجعه اليه
اخذت فستان ابيض طويل كولش نازك وشويه منفوش  البسه بيوم زواجنه
البيت غيرنه بي شغلات بسيطه
مصطفى حاجه صاحب البيت وقرر يشتري منه وكال هاي هديه عرسنه راح اخذه واسجله باسمج
حددنه موعد سفرتنه
قبل سفرنه بيوم رحت للصالون جهزت نفسي
سوينه حفله بسيطه ابيناتنه بس اهلي واهله واخوانه وعوائلهم كولهم اجوي بحديقه بيتنه حديقه بيتنه كبيره وزيناها كولها وسوينه كوشه عرسان ودي جي وصارت حفله عائليه تجنن هي عرس وهي تلبيسه الذهب

كمنه قطعنه الكيك ووكلنه بعضنه
ركصنه اني وياه وشالني يفتر بيه كدام الكل فرحان حبيبي الفرحه مساعيتي على طول الحفله ايدي بيده ماتركها ابد
لابس قاطه الاسود وكاعد يمي بالكوشه وايده بيدي

ثاني يوم  حضرنه ملابسنه ورحنه اني ومصطفى بسيارته انطلقنه لاربيل وبنفس اليوم جان موعد سفر ايسر واستبرق رجعو لسويسرا
وصلنه اجرنه سويت بفندق 5 نجوم
واليوم هو يوم ليله دخلتنه اني ومصطفى
طلبت منه يطلع بين مااجهز نفسي
عافني وطلع كال اجيب عشه وياي بطريقي
لبست ثوبي لابيض و رتبت شعري
وخليت مكياج وتعطرت ولبست معب ابيض عالي
وانتضر حبيبي شوكت يجي
ورا نص ساعه اجه مصطفى
اول ما طب بقه صافن عليه خله العشه وعلب الحلويات على صفحه واجه وكف مقابيلي خلى ايده على خصري
وصافن بعيوني
...................
الكاتبه ام زيزو