اختار وين اللقى ياحلمي الأجمل على كفوف القمر والا على الغيمه

الجزء الرابع

ساري
ناظر امه واخذ منها فنجانه:كلمني جراح اليوم
ناظرته سما جنبه تتلهف تسمع اخبار عن اهلها
زهور:وش يبي؟
ساري:يقول ان زواج لجين قرب ويبي عمي تجين قبلها بكم يوم
زهور:لا لا اروح وقت العرس وارجع بنفس اليوم
ساري تنهد:امي الزواج كبير والناس من حفر الباطن ويبي لها تجهيزات
زهور:انت بتروح؟
ساري اخذ نفس وناظر سما:راشد بيتزوج مع لجين
عقدت حواجبها سما:راشد؟
زهور:من بياخذ؟
ساري:بدل
رفعت يدها سما على فمها بصدمه وزهور تنهدت :ويبي راشد؟
ساري:ماظنتي
سما:مستحيل راضي وش خلاه يوافق؟
ساري ناظرها:اتركينا منهم خلينا بالمهم وش نسوي لو رحنا الزواج واقبلنا خالي!
سكتت سما وصدت تتنهد وزهور همست:خلها تتيسر من ربك
ساري ناظر زهور:امي كلميه لو رحنا يمكن يلين ويوافق
قامت سما وتركتهم وناظرها ساري وتكلمت زهور
:بحاول بس ماظنتي
ساري هز راسه وقام لحق سما ومشى لها وناظرها معطيته ظهرها
:وش فيك قمتي فجأه؟
سما لفت له واخذت نفس بهدوء:ساري
ساري ناظر عيونها وهو عاقد حواجبه
وهمست سما:لو ما وافق ابوي برجع لخواتي واهلي
جمدت ملامح ساري وهمس:تستسلمين؟
سما:ساري ما اقدر اقعد معك اكثر واحنا محنا متزوجين
ساري:وانا؟ وجامعتك؟
سما تنهدت وصدت بعيونها:بتخلى عنهم
ساري اخذ ثواني ساكت وهمس:يذبحك
سما:انا مذبوحه هنا او هناك
ساري بلع ريقه وهز راسه:على راحتك
تركها وخرج وقفل الباب ووقف وهو مصدوم
ماتوقع تتخلى عنه وتستسلم بسرعه
-
جراح
ابتسم لها ومسك يدها:تعالي
مشت معاه وهي مبتسمه وفراشات الحب تطير بقلبها
وقف عند السياره ولف يناظر حوله وفتح الباب
وهي تترقب ومستغربه
جراح طلع كيس وناظرها وهو مبتسم:هاك
ريحان ناظرته ورجعت ناظرت الكيس:وش ذا؟
جراح:شريته لك من المدينه يوم راحت كوثر تشتري لملكتها عجبني واخترته لك
ريحان ابتسمت:فستان؟
جراح هز راسه بالنفي:شي احلى بيطلع عليك
عقدت حواجبها وفتحت الكيس وطلعت اللبس منه واختفت ابتسامتها بصدمه
وهو يراقب شكلها ومبتسم وينتظر ردة فعلها
رفعت اللبس اللي مزين بالفصوص اللي تصدر صوت مع الحركه
عاري وشفاف ومايغطي من الجسم الا القليل لبس للرقص الشرقي
ناظرته ورجعت تناظر الفستان؛لي؟
جراح:اي بس بخبيه عندي لين نتزوج وتلبسينه لي
ارتبكت من كلامه وبلعت ريقها بربكه وناظرته:ماتعودت البس كذا
جراح:عشان كذا جبته للن لبسك الفضفاض ظالمك برقصك وادري انك تخبين تحت ملابسك مفاتن مظلومه
نزلت راسها باحراج وارتباك ودخلت اللبس بالكيس ومدته له
اخذه ورجعه بالسياره ومسك يدينها:لا تتوترين وتحمّر خدودك انا ابيك ريحان وشاريك
ريحان اخذت نفس واكتفت بابتسامه معطيه ظهرها
لشباك المطبخ تطل منه البتول وسط ظلام المطبخ تطالع لهم
-
يوم جديد
اسهر الليل ولا نام له جفن ابد
يفكر بكلامها ولا يدري يتقدم والا يرجع لها
باقي لزواجه يومين بالظبط ولا يدري وش يسوي
اخذ نفس من اصبح الصبح ومشى للبيت وخطواته
بطئيه يفكر ويتردد على مسامعه صوت قلبه اللي يناديها
وقف عند شباكها ورفع يده له واخذ نفس وتكلم:كوثر
نزل راسه وغمض عيونه وهو يسمع صوت لحن اغنية محمد عبدو
:عطني من ايامك نهار وباقي العمر للى تبي
ابتسم ورفع راسه:كوثر لو تبين مني اتخلى عن اختي واهلي عشانك تخليت بس انا جايك وابي منك اشاره ووعد اني رح اكون لك هالمره
عقد حواجبه وهو يسمع اصوات من باب البيت
مشى ووقف عند الجدار وناظر جراح شايل الشنطه بيدينه وينزلها
بلع ريقه وتكى براسه يناظر ومستغرب
وثواني وهي طالعه وامها وراها وتمشي بهدوء رايحه
وقفت ولفت لها الهنوف:وين رايحه؟
كوثر:نسيت شغله بجيبها واجيكم
الهنوف هزت راسه ونزلت من الدرج وكوثر لفت بتدخل البيت
وناظرته تاكي على الجدار ويناظرها بعتاب
بلعت ريقها ورجفت يدينها وهي تناظر عيونه تلمع
اخذت نفس تقوي نفسها وصدت ونزلت من الدرج ومشت للسياره
وراشد ضرب راسه بالجدار وهمس:فات الفوت ياراشد راحت
سمع صوت السياره تتشغل ويمشي جراح للبوابه رايح
حس ان رجوله ثقيله ومي شايلته يركض وراها والا
يرجع وهو خالي اليدين وينسى ويتناسى
جلس على الارض ومسك راسه وكأن ميت له ولد
يناظر الارض ويسمع صوت الغنم جنبه وكأنها تناديه
اهمل نفسه والغنم من يوم ما عرف بموضوع زواجه
-
فارس
جالس بالسياره ويناظرهم من المرايه يركبون
ركب ساري جنبه ووراه زهور وسما
شغل السياره وحرك ماشي بالطريق
وساهي يناظر الطريق ويفكر هالمره كيف بيكون وداعه معها
هالمره بيقدر يخليها ويسافر ولا يدري كم يوم بيجلس!
هالمره يقدر يترك عيونها تشكي وتدمع على فراقه!
هالمره بيطلبها للمره الاثنين والخمسين ويحن ويرجع يطلبها!
والا بيروح ويسافر بدونها تاركها فتره يمكن تكون اطول من فترة
دراسته!
لف لساري اللي ساهي جنبه واخذ نفس طويل
اما ساري جنبه يسمع كلامها وينعاد عليه
ويفكر ان هالمره خلاص يا تروح معه برضى ابوها وذا خيار ظئيل
او انها ترجع لمكانها ولاهلها وخواتها وهو يركع بدونها
تاركها يمكن تكون لاحد غيره
اتعبه التفكير وميل راسه على الشباك وغمض عيونه
-
ريحان
رفعت شعرها وهي تقفل شنطة لجين:بتروحين بخلاجينك؟
لجين:شسوي ابوي رفض اروح مع من؟
ريحان:ان شاء الله مع زوجك
لجين ابتسمت وريحان ناظرتها وتنهدت:ماكلمك راشد؟
لجين:ولا شفته
ريحان حطت يدها على خدها ولفت على صوت امها
ناظرتها والبتول ناظرت لجين:اخرجي بتكلم مع اختك
عقدت حواجبها ريحان وخرجت لجين باستغراب
قفلت الباب البتول ووقفت ريحان بخوف:شصاير؟
البتول تكتفت ووقفت قدامها:اكتشتفت اني جايبه بنت عار علي
عقدت حواجبها ريحان:وش سويت؟
البتول ناظرتها بحده:اشك انك حامل من جراح
انصدمت ريحان وجمدت ملامحها ورمشت بعيونها بصدمه
البتول:لا تطالعيني كذا اجل امس طالعه له بنص الليل لحد سيارته ومعطيك اللبس الخيلع ذاك؟
همست لها من قريب:يبيك تترقصين له؟
ريحان لسانها انشل ولا توقعت كل هالهجوم من امها
البتول:اذا انتي الحين مامنك فايده قولي لي اذبحك قبل يعرف ابوك وينجلط
ريحان همست بتئتئه:وش تقولين؟
البتول:اللي سمعتيه تكلمي قولي لي صار شي لك؟ والا اخلي راشد يوديك يكشف عليك اذا ماتكلمتي قبل يعرف ابوك
ريحان:امي انا ماني رخيصه
البتول:اسكتي ماعندي ثقه بولا وحده من بناتي شتبيني اثق فيك واختك شارده بعفوشها مع واحد مو محرم لها!
ريحان:بس انا غير امي
البتول رفعت حاجبها:غير بوش! انا شفت بعيوني وادري فيك تختفين الليل وتروحين له بس ماتوقعت لهالدرجه علاقتكم قويه
تقدمت لها ومسكتها من اذنها:اسمعيني يابنتي ياتسعة اشهر ببطني اذا بينك وبينه شي لا تحسبيني بسكت بذبحك واقول ماتت وشالت عيبها معها وافك العيب عن اسم ابوك وعن ظهري
ناظرتها ثواني وفلتت يدها وطلعت من الغرفه
جلست على الارض بصدمه وهي تناظراللي قدامها
من كبر الكلام اللي سمعته وثقله على سمعها ماشالتها رجولها
-
دخل بالسياره وبلع ريقه ساري ولف لسما اللي تناظر البيت
وقف فارس وظل بالسياره يناظر المكان
بين ذكريات فارس وصعوبة مواجهة ساري
وحزن وخوف سما وطيوف حازم اللي تمر على زهور
ماقدروا ينزلون الا بخروج عبدالعزيز من المجلس
فتح بابه فارس وحط اول قدم على الارض اللي شالت
ذكرياته بفجر وحلمه وضحكاته وسهراته معاها
خرج راشد من جنب ابوه وناظرهم بضيق
انتقلت نظرات عبدالعزيز لسما اللي تنزل من السياره
وبعيونها دموع مجمعه تمنع النظر لابوها بدقه
وقف ساري جنبها وبلع ريقه وهو يناظره جامد وهادي
نقل نظره لزهور وابتسم لها:هلا باختي
سلم عليها وناظرها:وشلونك؟
زهور:حمدلله بخير حول ساري وفارس
هز راسه عبدالعزيز ولف لفارس:شلونك فارس؟
لف ساري لفارس وفارس هز راسه:بخير ياخالي
تقدم به وباس راسه ودخل عبدالعزيز وهو يرحب فيهم
تارك ساري وسما برا مصدومين وخايفين من ردة فعله
ولا كانه شافهم ابد اول لمحهم
لف لسما اللي تناظر وهمس:ادخلي داخل
بلعت ريقها بربكه ومشت للبيت ودخلت
وهي تسمع صوت المواعين بالمطبخ
ابتسمت بحزن ووقفت بالمطبخ تناظرهم
ناظروها بصدمه وجمدت ملامح ريحان وركضت لها
حظنتها بقوه وبكت سما وهي تضحك بحزن وفرحت
سحبتها فجر وضمت سما وهي تتكلم:وش صار؟ليش جيت؟ وش سوى ابوي ؟
لجين:وخروا شوي سما وش صاير؟
سما مسحت دموعها؛ما ادري بس مشتاقه لكم
ابتسمت ريحان ورجعت حظنتها:تعالي حكيني عن كل شي
جلستها بوسط المطبخ وهي ماسكه يدينها وتناظرهت بلهفه
سما ابتسمت وناظرتهم حوالينها:قدمت بالجامعه ودرست هالاسبوع
لجين انصدمت وفجر ضحكت وضمتها من الجنب:احلفي؟
ابتسمت سما ورجعت ناظرت ريحان:بس اذا ابوي هالمره ماوافق لي ولساري ببطل واظل هنا
ريحان:صاحيه انتي؟ والله ليذبحك مايبيك وشكله قريب مايبيني انا بعد
سما عقدت حواجبها:وش صار؟
ريحان:ولاشي اتركينا منك كيف الجامعه والمدينه؟ حيكنا
لجين:شريتي لك بجايم؟
ضحكت سما:اي ساري اخذني بالسوق لو تشوفون يابنات الملابس شي شي
ريحان ابتسمت تحت ضيقها وخوفها من امها
-
جراح
دخل وفتح الباب واخذ نفس براحه
الهنوف:وه يازين البيت والراحه بهالبيت
لف جراح لكوثر اللي داخله بهدوء وملامحها هاديه
وهمس للهنوف:كلمت عمي وتعذرت منه عنك وعن كوثر
الهنوف:زين تسوي احسن
ناظر كوثر ماشيه لغرفتها:كوثر
لفت وناظرته وتكلم بهدوء:جايب غداء ماتبين؟
كوثر:بالعافيه بحط راسي وانام
الهنوف:خلها تعبنا من هالطريق والديره الصغيره اللي مشاكلها ماتكفيها
تنهد جراح وجلس جنب امه على الكنب
ودخلت كوثر غرفتها ومن دخلت اختلف عليها كل شي
لا سريرها نفسه ولا جدرانها ولا حتى شباكها
الشباك مايطل على الوجه السموح وعلى ضحكته اللي تخجل الضي
كان الشباك يطل على شارع مليان بالسيارات المزدحمه
غمضت عيونها بضيق ولفت لجوالها اللي جاه رساله فيه
واخذته وناظرت الاسم عماد
"حمدلله على السلامه اقدر امرك؟
ردت عليه"تعبانه اجلها لبكره "
عماد"براحتك"
قفلت جوالها وانسدحت على ظهرها وهي تحاول تتخلص
من التفكير اللي اتعبها ومن الخيال اللي ارهقها
-
وقف شعر جسمها من دخل المطبخ وعينه عليها
بلعوا ريقهم البنات ووقفوا بخوف يناظرونه
وقفت سما وهي تفرك يدينها ببعض ومشت بتبوس يده
وسحبها بقوه وناظرته بخوف وهمست:شلونك يبَه؟
كان جوابه مختلف ومتوقع ضرب خدها بقوه
لدرجة ان الطنين آلم اذنها وغمضت عيونها بالم
والبنات يناظرونها بخوف وريحان تناظرها بحزن
رفعت راسها له وبعيونها الدموع وهمس:سامحني
عبدالعزيز قرب منها:اوص ولا كلمه ماربيتك زين ولا علمتك تكونين بنت محترمه ماتعصين ابوك وتسوين اللي سويتيه ليش جايه؟ تبين تخربين خواتك؟
سما:جايه افرح معكم واطلب العفو
ركضت ريحان بسرعه وخرجت وسما بلعت ريقها
عبدالعزيز:انتي منتي منا ولا نعرفك عشان تشاركينا فرحتنا
سما نزلت راسها ونزلت دموعها
ودخلت ريحان بشرشفها وساري وراها ومن دخل
خرجوا البنات بسرعه ولف عبدالعزيز لساري:وش تبي؟
ساري:خالي اذا بتهاوش احد هاوشني انا اذا بتضرب اضربني انا لاني انا اللي تكلمت وبديت رايي على كلمتك هي مالها دخل
عبدالعزيز:لا تدافع انت مابي لساني يجي على لسانك عشان امك والا كان والله علقتك بحبل المشنقه بالحوش
ساري مشى له ومسك يده؛انت اللي احوجتني اخذها معي انت بعنادك وجبروتك اللي ماله اي هدف خليتني اخذها معي
عبدالعزيز:تعصيني وتروح ببنتي ياول اختي؟
ساري باس يده وباس راسه وتكلم بهدوء:جيتك من الباب ياخالي ولا قبلت وانا لو ما ابيها ولا احبها واعزها واقدرها ما اخذتها عصيان فيك
سما رفعت عيونها لساري ومسحت دموعها
وريحان اخذت نفس بهدوء وهي تناظرهم
عبدالعزيز؛مابي بناتي يروحون عن عيني ابد
ساري:مهي بعيده عن عينك ياعمي سما بنتك وانا ولدك واحنا حوالينك البنت قدمت بالجامعه تكفى ياخالي لا تخسر دراستها
عبدالعزيز ناظر سما بصدمه؛دراسه؟
ساري:بتكمل جامعه وانا قدمت لها ابيها ترفع راسك تكفى ياخالي
عبدالعزيز اخذ نفس:اطلع واتركني مع بنتي
ساري من حس بهدوءه هز راسه وخرج برا وعبدالعزيز ناظرها
:لو مت بتبكين علي؟
ناظرته بصدمه:بسم الله عليك يبَه لك العمر الطويل ان شاء الله
عبدالعزيز:ابيك تعرفين اني اذا وافقت لك بوافق لفارس وانا مابيكم تغيبون عن عيني مره وحده
ريحان تقدمت له وتكلمت بهدوء:يبَه مابي اتدخل بس فجر وسما مهم بعيدين عنا وانا بعدني مارحت
بلل شفايفه عبدالعزيز وهو يناظرهم ومشى وتركهم بدون جواب
-
راشد
رفع راسه على دخول تركي وابو تركي للمجلس
وقف وناظرهم ولا تكلم
ابو تركي:وين ابوك؟
مارد راشد على دخول عبدالعزيز:هلا هلا بابو العريس
ابتسم ابو تركي وتركي مشى لراشد:بغيتك
مشى راشد معاه ووقف عند باب المجلس ولف له
تركي:ادري ان مابيني وبينك شي ولا تعرفني ولا اعرفك بس
سكت ثواني وهو يناظر راشد:بس حسيت بضيقتك وقت طلب ابوي وادري انك تحملت عشان اختك ومقدر لك اللي سويته
راشد هز راسه وتركي تكلم:وماعلى اختي خوف وهي معك اتمنى تعذرني عن ابوي وطلبه ولو بيدي ما كان وافقت
راشد:مافي مشكله ابد ومبروك ان شاء الله
تركي ابتسم ودخل داخل وراشد ظل برا يناظر الفراغ
-
اليوم الثاني
جالسه بالحوش ولامه نفسها وتناظر الشباك بخوف
دخلت سيارة جراح ووقفت بسرعه وبربكه
استغرب وجودها بهالوقت ونزل من سيارته ومشى لها
ابتسم جراح؛مو من عوايدك تنتظريني؟
ريحان:جراح صار شي مره كبير
جراح عقد حواجبه بخوف:وش صار؟
ريحان بلعت ريقها؛امي شافتني معاك امس
جراح غمض عيونه وتافف وصد
ريحان ناظرته بخوف:جراح اتهمنتني بشرفي
جراح لف لها بسرعه؛وش؟
ريحان:جراح قالت لي شي مستحيل اصدقه ابد
جراح تنهد:طيب هي صاحيه الحين؟
ريحان:شتبي؟
جراح:بكلمها مستحيل اخليها تفكر فيك تفكير شين
ريحان بخوف:لا لا تكفى جراح اليوم زواج راشد ولجين مابي تكبر السالفه
جراح؛ريحان هي اتهمتك بشرفك معاي انا وانا ما ارضى ابد
ريحان بلعت ريقها:وش بتقول؟
جراح:بقول انك شريفه واني ابيك على سنة الله ورسوله واللي يصير يصير
ريحان هزت راسها بالنفي:تبي تكشف علي جراح تخيل؟
جراح تنهد بصدمه وحك دقنه ولف لها:امك مريضه؟
ريحان تنهدت ونزلت راسها
جراح:لا جد مريضه وش هالكلام؟
ريحان؛وش اسوي
جراح؛لو مدري وش يصير يا ريحان انا معاك وخلي هالفكره براسك انا احبك
ريحان ارتاتحت من كلمته وغمضت عيونها بتعب
جراح مسك يدينها وتقدم لها:خلك واثقه فيني السالفه ذي بتنتهي بعد زواج لجين وراشد
ريحان:متأكد؟
جراح؛واكثر من الوعد
ابتسم لها:روحي وتجهزي عشان تكونين احلاهم ومن بينهم مذهله
ريحان اخذت نفس براحه وابتسمت وهزت راسها ومشت ودخلت
وجراح مسك راسه وهو يفكر ويلقى حل للمصيبه اللي جايه
-
راشد
يناظر الزوالي الحمراء مفروشه بالحوش
والعصر قرب يختفي مع نور الشمس
لف للبشت جنبه ورجع ناظر الزوالي
دخل فارس وناظر الحزن بوجهه ومسك كتفه:وكأنك رايح مذبحه وش فيك؟
راشد مارد عليه وهو يناظر وهادي
فارس تنهد؛ياشيخ كلنا ما اخذنا اللي نبيه ماجات عليك
راشد همس:لا وظيفه ولا دراسه ولا اسم ولا اللي ابيها
فارس نزل راسه بضيق:تعدي وانا اخوك هي بتروح بطريقها وانت بطريقك ولا تدري وين الخير ووش مخبي لنا الزمن
راشد مارد عليه وفارس تنهد:هاك بشتك هاك
رفعه وراشد واقف بجمود وحط البشت على كتفه
وهو يحس بثقله على كتوفه ولا قلبه وبرجوله
فارس ابتسم له؛افرح وانسى وان شاء الله تعدي هالمرحله
مشى وتركه وهمس راشد:ماهي مرحله كانت حب وحبيبه يافارس ماهي مرحله وبس
-
كوثر
سمعت صوت الباب وصوته وقامت من سريرها
فتحت باب غرفتها ووقفت تناظره واقف
لفت لها الهنوف واستغربت انها ببجامتها
وعادتها ماتخرج له بهالشكل وتتزين
عقد حواجبه عماد وابتسم باستغراب:جيت بوقت غلط؟
مشت له بخطوات بطئيه والهنوف تناظرها باستغراب
وقفت قدامه كوثر وعماد همس:فيك شي؟
رفعت يدينها له وضمته وبكت بصوت عالي
وانصدم وناظر الهنوف خايفه:بسم الله عليك وش فيك؟
كوثر ماردت عليها وهي حاظنه عماد وتبكي
اخذ نفس عماد بضيق ومشى للكنبه وجلسها جنبه
وناظرها وناظر دموعها:شفيك؟ حكيني يابنت الناس وش صاير لك؟ احد مضايقك؟ ماتبين؟ قولي تكلمي ولا تخليني كذا
الهنوف:يمه كوثر فيك شي وش فيك علميني انا امك
كوثر ماردت وهي تسمح دموعها وتناظر يدينها
عماد مسك يدها ورفعت راسها له:كوثر فيك شي؟
ناظرت وجهه بتأمل وتفاصيل وجهه من حدود دقنه لين اعلى حاجبينه
بلعت غصتها وشرقت عيونها وعماد تنهد ورجع حظنها لصدره
وناظر الهنوف:ياخاله مويه ماعليك امر
مشت الهنوف وعماد حاظنها ويهمس:تعبانه تبيني اوديك شيخ او مستشفى؟
هزت راسها بالنفي وعماد تكلم بضياع:اجل وش فيك؟علميني
كوثر ماردت وهي تناظر الفراغ
مدت لها الهنوف المويه وشربت منها وهي ترجف يدينها
ابتسم عماد؛البسي عبايتك اجل وخليني اخذك مكان
لفت له وببحة صوتها:ماعندك شغل؟
عماد ابتسم لها بحب اكثر:ياشيخه اوقف الدنيا وراي عشانك بس قومي
ابتسمت الهنوف وناظرتها:قومي يمه روحي غيري جو
كوثر ناظرتهم وهزت راسه وقامت لغرفتها
وقف عماد وناظر الهنوف:ياخاله صار لها شي بديرتكم؟
الهنوف:ابد والله ماكان فيها شي
عماد تنهد:اجل وش فيها؟ صابتها عين والا تعبت من شي؟
الهنوف:علمي علمك لا جاني جراح بسأله
عماد سكت اول ماخرجت بعبايتها ومشى قبلها وهو مبتسم
فتح لها باب السياره وركبت وركب جنبها وحرك
تكت براسها وهي تناظره بتأمل وهو يلف عليها وهو مبتسم
يسولف معاها وهي بعالم ثاني عالم المقارنه
ليش ماتشوفه حلو زي ماكانت تشوفه ليه ما يحرك فيها
شعور راشد ببساطته وتعثر حروفه ليش!
-
راشد
جالس وسطهم ويناظرهم بجمود
لف له جراح وهمس له:بتقعد بازم كذا؟
راشد؛وش تبين ابتسم لمن؟
جراح تنهد وناظر الشيخ يصافح تركي وتركي مبتسم
وقف راشد ومشى لمكان تركي جنب الماذون
حس بضيقة الدنيا بصدره والنفس اختنق وهو يشوف ابو تركي جنبه
بلع ريقه ومد يده يصافحه وهو يحس بطيور داخله تبي تطلع
يبي يتحرر من هالمكان ويروح لها ويترك كل شي
بس حكم الاقدار اقوى ردد وراه اللي يقوله
ومد صورته ببطاقته واخذ الدفتر من يمينه وهو يقرا اسمها
ووقع بسرعه وكأنه يتخلص من كل شي داخله
—
ياليت الايام في يديني وارجعها واعدل اشياء ماكانت على بالي
-
ريحان
تزينت وطلعت لهم وهي تزف اختها وترش على فستانها العود
ناظرت اخت تركي جنبها منحنيه بظهرها وباين الحيا عليها
تنهدت بضيق ولفت تناظر امها تناظرها واختفت ابتسامتها
لفت لها سما من حسن بشي وهمست:ريحان؟
ريحان تاظرتها:هلا
سما؛وش فيها امي عليك؟
ريحان؛حتى تنتي انتبهتي!
سما:وش صاير؟
ريحان:بعدين احكيك اتركينا نفرح للجين
لفت لاختها اللي تلبس على راسها عبايتها
مشت لها وابتسمت:الله يوفقك ياروحي انتي
لجين ابتسمت:تعذروا لراشد لو ماكفاني الوقت
ريحان هزت راسها وسلمت عليها ومشت لجين
خرجت من البيت وركبت سيارة تركي وراشد واقف
يناظرها تركب ولا حتى سلمت عليه
نزل راسه للارض وانتظر صوت عبدالعزيز:تعال
رفع راسه ومشى معاه لين بيت زهور ولف له
عبدالعزيز:اسمع خلك ببيت عمتك اوسع لكم
راشد هز راسه ولف يناظرها تخرج من باب البيت
والبتول معاها وصد بعيونه حتى النظر يحرم عليه لغيرها
البتول ابتسمت وهي تدخلها البيت وتطلع لراشد
وتسلم عليه:يالله مبروكين
مارد راشد ومشت مع عبدالعزيز تاركته واقف
لف وناظر البيت وغمض عيونه بضيق
نزل بشته ومشى لداخل وقفل الباب وهو يناظرها
جالسه بالصاله وتناظر الارض وهاديه
تعداها ودخل الغرفه وقفل الباب ولا وده ابد يناظر لها
جلس على السرير وهو يناظر الشباك ونزل راسه
-
جراح
انتظر وهو يراقب الطريق وراه وخرجت له
وهي تمشي بشويش عن صوت بناجرها لا يزعج احد
ابتسم لها من شافها تتسحب ووقفت قدامه وناظرته:زين مطلعني بالوقت؟
جراح مسك يدها؛تعالي
ريحان مشت معاه وخرجوا من البيت متوجهين للجبل
جلست وهي ترفع فستانها وتجلس زين ويجلس جنبها
ناظرته وابتسمت:المفروض اخاف احد يشوفنا بس ليش مستأمنه معاك مدري؟
جراح ابتسم ولف لها بجسمه:وريني من اهدابك شوي يشبع النظر فيها
نزلت شرشفها عن راسها وهي مبتسمه وجراح يتأملها
اخذ نفس بحب كبير وهمس:للزين حد مير زينك تعداه
نزلت راسها بحيا ورجعت ناظرته؛متى جراح؟ امي اتعبتني بنظرها
جراح تنهد:ماعليك السالفه ذي بتنحل انا جنبك لا تخافين
ريحان ابتسمت له براحه وهمست:من زمان مارقصت
جراح مسك قلبه:وكنك تدرين بقلبي لوش مشتاق؟
ريحان تكت بيدينها وراها؛لوش مشتاق؟
جراح؛مشتاق لميلة الخصر وابتسامة الثغر
-
فارس
جالس بالدكّه ويلعب بالتراب ويراقب القمر
حس بخطواتها وابتسم وهمس بدون لا يناظرها:دريت انك بتجين
لف وناظرها واقفه؛عشان كذا احتريتك هنا
تنهدت من مكانها وعقد حواجبه فارس بابتسامه:لهدرجه فرقاي متعبك؟
فجر مشت له ووقفت جنبه:ليش كل مره ترجع يوم اقدر انساك واتلهى عنك؟
فارس:افا تنسيني؟ وانا حسبت ان مهما تزود الايام تذكريني
فجر؛اترك الشعر وجاوبني
فارس تنهد ووقف قدامها ونفض يده:هالمره اخر مره تشوفيني
فجر عقدت حواجبها وفارس كمل:بروح لديرة اللي تكرهينها
فجر:بريطانيا؟
فارس هز راسه وهمس:تعبت اطالب بشي المفروض هو لي من زمان
فجر:ماهقيتك تستلم عن حب حبيبتك يافارس؟
فارس تقدم لها وتكلم بوجع:وانا ماهقيت مثلك
فجر نزلت راسها ورجعت ناظرته:روح دربك سلامه ان شاء الله
فارس:تحتريني؟
فجر؛خاتمي معك اظني بحتريك
فارس ابتسم لها:اسمعيني يابنت الجبار عليك وعلي،ان كان لي عمر باخذك باخذك انتي منتي لاحد ثاني انتي لي لو عدت سنين طويله
فجر بضيق تجمعت الدموع بعيونها؛اخاف قلبي يتعب من الشوق؟
فارس تنهد وكملت فجر ودموعها على خدها:تعبت اصبر واحتريك؟
فارس رفع يدينه لوجهها:اوعديني ماتبكين،
كمل:فجر امسحي دمعك ترا دمعك انا؟
لو يطيح الدمع، محبوبك يطيح
فجر غمضت عيونها واخذت نفس طويل وبعدت عنه
كل مره تجيه بالوداع متى تجين للقى والزواج؟
-
عبدالعزيز
جالس بالغرفه ويناظر البتول:وش اسوي؟
البتول وهي تكبس رجلها:براحتك لو تبي ساري لسما وافق بس فارس بيجيك بعد يطلب فجر
عبدالعزيز هز راسه؛ادري ولا ودي يروحون كلهم
البتول:لو تبي نصيحتي ساري يستاهل سما اخذها وحافظ عليها لو غيره كان مدرس وش شوا
عبدالعزيز عقد حواجبه؛محد يقدر يسوي شي لبناتي
تنهدت البتول:ان شاء الله
عبدالعزيز:تعالي انتي تعرفين شي؟
البتول:لا ابد حط راسك ونام
عبدالعزيز سكت وهو يراقبها تنسدح وتتغطى
اما البتول تناظر قدامها وتفكر في ريحان وجراح
والمكان والموقف اللي شافتهم فيه ما ارتاحت ابد
-
ريحان
ماسكه يده ولفت له:يالله بروح
جراح؛لازم؟
ريحان ابتسمت:لازم
جراح تنهد ورفع يدها وباسها:لا تقطعين ريحة الحنه عن يدينك تسمعين؟
ريحان هزت راسها وابتسمت
جراح:يالله تصبحين على خير ياحبيبة الصبح
ريحان ابتسمت له وفلتت يده ودخلت داخل
قفلت الباب واختفت ابتسامتها بضيق من تذكرت امها
متوعده لها اكيد بس ياليت تعدي على خير الامور
-
يوم جديد
حط شنطته بسيارته ولف لجراح وابتسم وسلم عليه
جراح:لا اوصيك انتبه لنفسك هناك
فارس:لا تشيل هم
جراح ابتسم ولف فارس لساري وضمه:انتبه لدراستك يادكتور
ابتسم ساري من كلمته:وانت بعد انتبه لنفسك
فارس هز راسه ولف ناظر البيت وراهم بضيق
وكأنه قلبه يقول:لايانجوم اليل ماني بهاوي
فرقاء مناة الروح لو طالت اسباب ينَاصحين القلب ماله مدواي
غير الحبيب الي له القلب طلاب.
تنهد وركب سيارته وخرج من البيت
ولف ساري للبيت؛راشد ماصحى؟
جراح ناظر البيت وعقد حواجبه:اي والله ابطى
ساري:بروح اشوفه
جراح:لا لا اتركهم صاحي انت عرسان
لف جراح على صوت فتحت الباب اللي قلبه دق منها
ومن ناظرها شايله في يدها كوب وماسكه الشرشف على وجهها
ابتسم ولف له ساري وضحك ومشى تاركه يناظرها
مشى لها واخذ نفس بكل خطوه يناظر عيونها
اخذ منها الشاهي وابتسم:صباحك خير
ريحان ابتسمت:صباحك ريحان ان شاء الله
جراح:كنت بزعل سقيتي الورد وخليتي حبيبك؟
ريحان:انسى وردي وريحاني ولا انساك مهبول انت؟
جراح لف وراه وناظرها:اجل تعالي معاي اكلمك ابوك
ريحان بخوف:لا جراح وين اجي ناقصه انا!
جراح؛ساري بيكلم ابوك وابوك شكله بيوافق لين متى انتظر؟
انفتح الباب ولفت ريحان وناظرت امها وبلعت ريقها
اخذ نفس بثقه جراح وابتسم؛كيف حالك ياعمه؟
البتول ماردت ولفت لريحان:ادخلي
دخلت ريحان وجراح يناظرها وتقدمت له البتول:عيال المدينه ماهم مثل عيال الديره؟
اخذ رشفه من الكوب جراح؛ليه وش فيهم عيال المدينه ياعمه؟
البتول:وراك ماتدري اني شفتك مع ريحان؟
جراح:داري وداري باللي قلتيه لها اللي محد يرضى به ابد
البتول:لا تلعب بذيلك لو بنتي مسّها الضر منك والله لاحرق قلب امك عليك
جراح اخذ نفس:بنتك اشرف من الشرف وانا ماني من عيال الحرام وابيها وبطلبها من ابوها بس انتظر الوقت المناسب
البتول:اجل وش اللي جايبه لها؟
جراح ابتسم:شفتيه؟
البتول ناظرت ابتسامته وعقدت حواجبها
جراح؛عجبها وابيها تلبسه لاحليت لها ان شاء الله وتزوجنا
البتول ناظرت الكوب ورجعت ناظرته؛خلنا نخلص من ساري ونرجع لك
جراح هز راسه؛ماوراي شي ابد
البتول قفلت الباب وجراح ابتسم وشرب من الشاهي وهو يتلذذ فيه
لفت البتول لريحان اللي عند الباب وصاده عنها
:اسمعيني زين بكلم ابوك يشوف حل لصياعتك
ريحان لفت لها بصدمه:انتي متأكده اني بنت بطنك؟
البتول:مع الاسف ولا انا مصدقه
ريحان؛انتي تدرين بسما وتدرين بفجر وكنتي تعرفين من زمان انهم يطلعون بنص الليل ليش وقفتي علي انا؟
البتول:لانه ماهو زي ساري وفارس يبون من الباب
ريحان:بس هو ولد عمي عايض والدم مايصير ماء ابد
البتول تقدمت لها:اتركي امثالك التعبانن وتذكري انه خاطب وجاي من مدينه وشايف له شوفه يعني ماظنتي يبيك
ريحان ابتسمت؛اجل خبرك عتيق فصخ خطوبته وتركها من زمان عشاني
البتول:وانتي صدقتيه؟
اختفت ابتسامة ريحان وكملت البتول:يابنتي ماظنتي تطلعين غبيه وتصدقين ولد عمك المتربي باحسن مكان
ريحان بلعت ريقها:ماتعرفينه كثري
البتول:ما اعرفه صح بس لي خبره بالدنيا اكثر منك
مشت وتركتها وريحان تناظر مكانها ماتوقعت ممكن تأثر عليها وتهز ثقتها بحبه
-
راشد
صحى بسرعه وناظر حوالينه وانصدم
من الوقت ومن انه غفى بدون لا يحس
طلع من الغرفه وناظر الصاله فاضيه
تنهد ومشى على صوت بالمطبخ
دخل وناظرها واقفه عند الفرن ومعطيته ظهرها
اخذ نفس وتنحنح ولفت له بربكه ورجعت تناظر الفرن
مشى لها راشد وهو يدور عذر؛غفيت وماحسيت وين نمتي انتي؟
اماني:بالصاله
راشد بلل شفايفه ومشى بيطلع
لفت له؛ماتبي تفطر؟
راشد ناظرها:ماني متعود افطر افطري لوحدك بالعافيه
تركها وخرج واماني ظلت تناظره لين خرج
طلع من البيت وناظر ساري ومن ناظره:وينك انت كل ذا نوم؟
راشد؛ماحسيت بالوقت
ساري ابتسم:كيفك ياعريس؟
راشد ناظره وساري رفع حاجبه:ماتبي احد يقولك الصدق؟
راشد؛لا اتركنا مني وين ابوي؟
ساري:بالمجلس امش معاي كنت استناك اكلمه
راشد هز راسه ومشى ودخل المجلس وناظره جراح
عبدالعزيز:ارحب يا ابو عبدالعزيز
ناظره راشد باستغراب وجلس وجلس جنبه ساري
ساري اخذ نفس:خالي
عبدالعزيز تنهد وناظره؛نعم؟
ساري ابتسم؛شدعوه معطيني هالوجه وكنك غضبان؟
عبدالعزيز؛لانك ازعجتني انت واخوك
ساري:اوعدك ماني زاعجك ابد بعد ما توافق
عبدالعزيز:شتبي؟
ساري؛بغيتها مابغيت شي ثاني غيرها
عبدالعزيز ناظرهم وجراح ابتسم:عمي البنت بدت بدراستها
عبدالعزيز اخذ نفس بتفكير:عطني سبب اوافق؟
ساري ابتسم؛شاريها وجايك من الباب
عبدالعزيز نزل راسه ورجع ناظره:واخوك؟
ساري:ماعلي من اخوي انا اللي طالب الحين
عبدالعزيز ناظر جراح ورجع ناظر راشد:تم
رفع راسه بصدمه راشد وجراح ابتسم بفرحه
عبدالعزيز:والحين قوم عني
ساري ابتسم ووقف بيروح ووقفه صوت عبدالعزيز
:بس بشرط؟
لف جراح واختفت ابتسامته وعقد حواجبه
عبدالعزيز :لايدري فارس ولا تعطيه خبر
لف ساري لجراح ورجع ناظر خاله؛وش يعني؟
عبدالعزيز:مفهومه فارس لا يدري
جراح؛كيف مايدري ما يحضر زواج اخوه يعني؟
عبدالعزيز:لا
راشد ساكت ولا تكلم ويناظرهم بضياع
ساري:وليه فارس بالذات؟
عبدالعزيز:لاني رديته خمسين مره ولا ابيه يجيني يعاتبني
راشد همس:ثلاث وخمسين
لف عبدالعزيز وناظره ورجع ناظر ساري اللي تكلم بضحكه
:اخوي ومستحيل ما يحضر زواجي
عبدالعزيز:اجل كنسلنا
جراح:عمي منجدك انت؟
عبدالعزيز:شايفني مستانس وانكت؟
جراح لف لساري اللي يناظره بصدمه
مشى ساري وجلس قدامه وتكلم بهدوء:وليه وافقت علي انا وخليت فارس؟
عبدالعزيز:انت صنت بنتي هناك وحافظت عليها واستحيت اردك
ساري:وما استحيت ترد فارس ثلاث وخمسين مره؟
عبدالعزيز ابتسم:ساري يمديني اغير رايي ولا هميتني ابد
ساري ظل يناظره ولا يقدر يتكلم ومشى وخرج برا
ولحقه راشد وجراح ناظرهم ومشى وراهم وخرج
راشد مسك يد ساري وهو يمشي ولف له؛شتبي؟
راشد؛بتخّون باخوك؟
ساري مارد وصد بعيونه ووقف جراح جنبهم
راشد:اصحك ساري لا تنهبل اخوك ذا
ساري:وش تبيني اسوي عطني حل ابوك خيرني بعينيني وحده سما والثانيه فارس
جراح:اسمع ساري اذا تعز اخوك لا تتزوج لين يعرف او خله يرجع يمكن هو يضحي عشانك؟
ساري:مستحيل جراح فارس يبيها ولو جاته فرصه بيبدي نفسه علي
جراح؛اجل بدّ نفسك عليه
راشد:جراح؟
جراح ناظر راشد:راشد اطلع انت من الموضوع شوف حياتك شلون صايره وتجي تنصح بعد؟
راشد سكت بجمود وساري ناظره؛راشد ليش ما تتكلم انت بفهم!
راشد مارد عليهم ومشى بيروح ومسكه جراح:لا تنزل راسك وتروح اذا ماعجبك الكلام وقف وخلك رجال ولك كلمه
راشد ناظره بعصبيه وهمس:انا رجال من قبل اعرفك
جراح:اجل خذ العلم عماد حدد زواجه
جمدت ملامح راشد وساري ناظره وبلع ريقه وجراح رفع حاجب
-
سما
جلست قدامها بالسطح:وش صاير؟ حكيني
ريحان بخوف هزت راسها:ما ادري
سما:كيف ماتدرين وش فيك؟
ريحان ناظرتها وبلعت ريقها:امي شاكه فيني؟
سما عقدت حواجبها:شاكه بوش؟
ريحان همست:شاكه انه صار بيني وبين جراح شي
سما انصدمت وجلست باعتدال:ليش؟
ريحان:شافته يعطيني لبس لبس عاري وحق رقاصات
سما رفعت يدها على فمها:وانتي كيف تسمحين له يعطيك شي كذا؟ يحّل لك؟
ريحان هزت راسها وسما ناظرتها بحده:رجعتي ترقصين له؟
ريحان ناظرتها وعقدت حواجبها:وش فيك عصبتي؟
سما:لانك رخيصه
ريحان عصبت وتقدمت لها؛نعم؟
سما:اي رخيصه وصادقه امي يوم تهينك ريحان اصحي على نفسك ذي ماهي تربيتنا الولد لا يلعب عليك واضحه نيته
ريحان بعصبيه رفعت صوتها:انا الرخيصه ومن اللي شالت قشها وذلفت للمدينه؟ انا؟
رفعت حاجبها سما؛على الاقل رحت بشرفي ورجعت فيه
صفقتها كف ريحان بعصبيه ورجفه ومسكتها من رقبتها:لا تطعنين بشرفي عشان رقصت لاني والله الدم اللي تفاخرت فيه قدامه وما بيتحول ماء بخليه تراب
سما ناظرتها بصدمه وريحان مشت من جنبها ونزلت من السطح بسرعه
نادتها فجر وماردت وعقدت حواجبها باستغراب
خرجت ريحان بسرعه وهي تلف شرشفها عليها ومشت للبيت ودقت الباب بقوه وهي تلهث بسرعه وترجف
فتح الباب وعقد حواجبه وناظرها بصدمه:شفيك تدقين الباب كذا؟
دفته ودخلت وناظرته بحده:الكل لامني فيك ياجراح ياولد عمي الكل تكلم فيني وطعني بشرفي عشانك
جراح رجع على ورا وهو مصدوم ولا فاهم شي
ريحان تقدمت له بغصب ومدت اصبعها والدموع بمحاجر عيونها
:لو فكرت تتركني بهالمصيبه لحالي والله ما ارحمك وادور لك بكل مكان
جراح هز راسه:ريحان انتي وش قاعده تقولين؟
ريحان نزلت دموعهاوهي معصبه:لا تناديني باسمي
جراح تنهد وتقدم لها:من لعب بمخك؟ من قال لك اني ماني حبيبك وماني قد الثقه
ريحان؛الدنيا واقفه ضدي اهلي خواتي كل شي حولي يخليني احتار بامرك
جراح قفل الباب ورجع ناظرها:انا الاسبوع الجاي تنتهي اجازتي
ريحان عقدت حواجبها؛طيب؟
جراح؛لا تخليني اروح وبيننا مشاكل وشك
ريحان انصدمت ورفعت حواجبها:اوه بتروح؟
جراح؛بروح وارجع ماني مخليك يابنت الناس
ريحان حست بالضياع ودارت الدنيا فيها من حست استرجعت كلام امها وتقدمت له ومسكته من ثوبه بقوه وناظرها بصدمه:حلفت اني لاحرق قلبك لو تركتني
جراح دف يدها:انتي انهبلتي لا جد وش صاير لك؟
ريحان هزت راسها ومشت بتروح وسحبها جراح ولفها له
ناظرها من قريب واخذ نفس يهدي نفسه:وش تبين يرضيك؟
ريحان ناظرته ولاردت وجراح ردد كلامه:قولي وش تبين؟
ريحان؛تخطبني وتفكني من كلامهم
جراح هز راسه ورفع اصبعه على خشمه:وعد رجال
ريحان بلعت ريقها وهي تناظره ودفت يده ومشت وخرجت من البيت
تركته وهو تافف وقفل الباب وراها وجلس وحط يدينه على راسه
-
راشد
واقف بالبيت ويناظر الشباك وجامد
بلعت ريقها بربكه وهمست:جيعان؟
لف عليها وناظرها من بعيد تفرك يدينها
ورجع صد وهز راسه بالنفي
اماني:ما اكلت شي من اول
راشد؛ادري
اماني غمضت عيونها وهمست:بنجلس كذا؟
لف لها ورفع يدينه لصدره وضمها:وش تبينا نسوي؟
اماني هزت كتفها؛بنقعد بالبيت؟
راشد رفع اصبعه؛هذاك بيت اهلي روحي لهم ووسعي صدرك
اماني ابتسمت باستغراب؛انت فيك شي؟
راشد هز راسه؛اي عشان كذا اقولك روحي لاهلي
اماني بلعت ريقها وهزت راسها ومشت وتركته
اول ماراحت قفل عيونه وهو يتذكرها
عض شفته وجلس وهو ماسك راسه
يوم فكر يضحي ويروح لها سبقته وراحت
هي انانيه والا معاها حق هي تبيه والا تكابر
مافهمها ابد وكل اللي يخطر بباله شكلها عروسه
مستحيل ينسى ابتسامتها وجياتها له باكل دواس
تسقيه وتطعمه عذر انها تشوفه
-
كوثر
ناظرت الباب ينفتح وشالت المخده عن بطنها
الهنوف ابتسمت بارتباك ودخلت
جلست جنبها وكوثر لفت لهت:شفيك خايفه؟
الهنوف:لاني مدري وش فيك؟
كوثر:مافيني شي
الهنوف:فيك شي وانا متأكده
كوثر:كلمتك ام عماد!
الهنوف هزت راسها:توها قفلت
كوثر:كلمني عماد امس وقال انه يبي يتحدد الزواج
الهنوف:وانتي وافقت؟
كوثر؛اكيد والا ماكانت كلمتك امه
الهنوف تنهدت:يمه كوثر تدرين اللي يشوفك وش يفكر؟
كوثر صدت ولاردت عليها
الهنوف:اثنين الاول ان العروس مسحوره والا معيونه
ضحكت كوثر بدون نفس ونزلت راسها
الهنوف:والثاني ان قلبها مايبي العريس
اختفت ابتسامتها ولفت ناظرتها والهنوف رفعت حاجبها
:اذا ماتبينه قولي محد بيجبرك لا انا ولا اخوك
بلعت ريقها كوثر وصدت:مو اني ما ابيه بس احسه ماهو مثل قبل
الهنوف مسحت على شعرها:كيف مو قبل
كوثر بضياع؛ما اشوفه زي ما اشوفه زمان ما اتلهف له زي زمان
الهنوف عقدت حواجبها؛وش اختلف؟ تغير عليك؟
كوثر هزت راسها:لا زي ماهو
الهنوف:اجل وش فيك؟
هزت كتوفها؛ما ادري
الهنوف تنهدت بضيق:الحين بتطلعين معه زي زمان وتقضين وقت اطول معه يمكن يتصلح كل شي
كوثر ابتسمت؛لا تشيلين هم روحي نامي لا تفكرين
الهنوف وقفت وتاففت:انتي واخوك اشغلتوني والله
كوثر ماردت عليها والهنوف لفت لها:تصبحين على خير
كوثر:وانتي من اهله
قفلت الباب وكوثر ناظرت محلها وغمضت عيونها بضيق
رجع انفتح الباب وفتحت عيونها بسرعه
الهنوف ضحكت:عماد تحت يبيك
كوثر عقدت حواجبها ومشت وطلعت وناظرته واقف
عند الباب وينتظرها وراسم على محّياه بسمه وشايل بكفوفه ورد
ابتسمت الهنوف وهي تناظرهم وواقفه تترقب ردة فعلها
عماد عقد حواجبه وهو مبتسم؛شفيه صاحب الورد؟
كوثر لفت وناظرت امها ورجعت ناظرته وهمست:مابي ورد
تنهدت الهنوف ونزل راسه عماد ورجع ناظرها بضياع
كوثر بلعت ريقها وهزت كتفها:مو ذا اللي ابيه
وقصدت بكلامها الشخص مو الورد بي ما كان مفهوم لا لعماد ولا لامها
-
ساري
انتظر عند الباب وخرجت له بخوف:وش فيك؟
ساري: وش فيني؟
سما؛منادي امي تناديني؟
ساري اخذ نفس وهمس:اطلعي بتكلم معك
سما استغربت وخرجت وقفلت الباب:وش صاير؟
ساري:ابوك وافق
انصدمت وهمست؛احلف؟
ساري:وشرط
سما تنكدت من شكله؛وش شرطه؟
ساري؛ما يكون فارس معه علم ابد
سما عقدت حواجبها؛ليش؟
ساري:مايبيه ياخذ فجر
سما مسكت راسها؛وش هالطلب؟
ساري:اتعبني التفكير ولا قدرت اخذ قرار مابينك وبينه
سما صدت عنه ورجعت ناظرته؛ولو قلت لفارس تتوقع يجي؟ ويطلب فجر؟
ساري:اكيد وما بيفكر باحد غيرها
سما بلعت ريقها:وانا ابي لاختي الزين ساري
ساري:واحنا؟ ودراستك؟
سما:ما اقدر اخون باختي فارس يبيها من زمان وهي تبيه
ساري:مارح يوافق خالي لا لي ولا له
سما؛اجل وش الحل؟
ساري:خلينا فينا سما ماعاد فيني قوه ارجع بدونك فرصه جات لين عندي ماني قادر ارفسها
سما:وفجر ساري
ساري:وفارس بعد، بس ما اقدر سما اخليك
سما بضيق همست له:تبديني على اخوك؟
ساري:امي ماتبي تطول هنا وفارس سافر ولا ادري متى يرجع خلينا نتزوج سما خلينا نترك كل شي ورانا وفارس لو رجع بيلقى نصيبه زي مالقيتك
سما نزلت راسها ورجعت ناظرته؛بكلم فجر
ساري: وش تقولين لها سما راشد تزوج عشان اختك وفجر اكيد بترضى عشانك هذي الحياه لازم واحد يضحي والثاني يعيش
سما؛حرام اكون انا عايشه وهي هنا ساري
ساري:اجل كلميها بس انا عند كلامي ماني راجع بدونك برايك او براي فجر
سما تنهدت ورفع يدينه ساري باستسلام
-
جراح
اتعبه التفكير ولام نفسه الف مره وهو جالس لحاله
وقف وخرج من البيت وهو يبيس حذيانه
مشى ودق الباب وخرجت له سما:هلا
جراح:وين ريحان؟
سما صدت بعصبيه ورجعت ناظرته؛مي موجوده
جراح ناظرها وابتسم باستغراب:وانت شفيك علي بعد؟
سما؛روح دور لها
قفلت الباب وجراح ناظر الارض ومشى بسرعه خارج من البيت
اتجه للجيل وهو يسمع نحيب غمض عيونه واتجه لها
ناظرها تبكي بشرشفها ومغطيه بيدينها على وجهها
وقف عندها وبلع ريقه وهمس:لا تبكين
سكتت ثواني ورفعت راسها له بدموعها وناظرته
جراح ميل راسه بضيق:لا تبكين عشاني
ريحان:مو عشانك عشاني انا اللي جريت وراك ولا اهتميت لشي
جراح مسك يدينها ورفعها توقف ولا رضيت توقف
فكت يدينها وناظرته واقف:شتبي راجع؟ يا اخي انت اعمى؟
جراح جلس قدامها وريحان تناظره بعتاب:انت اعمى! ماتشوف حبي لك وش سوا فيني؟ ووين وداني؟
جراح مارد عليها ويناظر دموعها ومكسور قلبه عليها
ريحان؛ما اهتميت لشرع الله ولا لعيب التقاليد مشيت وراك وتميايبت قدامك وانت ولا تحس!
جراح؛من قال! يابنت الناس انا ماقلت اني ابيك؟ ماقلت اني شاريك وبايع دنيتي وراي! ماقلت اني فصخت خطبتي عشانك؟ اذا ما كفاك الكلام بوريك الافعال بس اصبري
ريحان:لين متى! لين يرجموني بالحصى كني مسويه حرام؟
جراح مسك وجهها من كلمتها وهزها بقوه:ريحان انتي ماسويتي شي تسمعين! يكفيك دموع احرقتي اهدابك منهم
ريحان ماردت عليه وصدت تمسح دموعها وتناظر المكان
لف جراح وناظر لمبة غرفه من البيت اشتغلت
لف لها وهمس:روحي ارجعي مابي احد يشوفك
ريحان وقفت وتركته وهي تمشي بهدوء وتناظر الطريق
وجراح جلس وتنهد ومسك راسه يفكر شوي بطريقه عشان امه
اولاً وعشان عمه اللي مايدري عن راييه
-
كوثر
لفت تناظر عماد يحتاسب ولفت تناظر المحل
والاثاث اللي مرتب وموزع بالمحل بشكل حلو
مشى لها عماد وهو يحط الفاتوره بجيبه:عجبك شي؟
كوثر هزت راسها بالنفي:لا خلنا نروح
مشى وخرج وفتح لها الباب وركبت وركب جنبها وحرك
لف لها وتكلم بهدوء:الاغراض اللي معانا بوديها شقتنا الحين
كوثر:وصلني البيت قبل
عماد؛ليش؟ مابنطوب بحط الاغراض ونروح نتعشى
كوثر همست:ماني جوعانه
عماد؛شي خفيف
سكتت وصدت للطريق وعماد يناظرها ويناظر الطريق وهادي
وقف عند الشقه ولف لها؛انزلي
كوثر ناظرته؛خلاص ودها وتعال بنتظرك هنا
عماد:لا ماني مخليك بالسياره لحالك بالليل
كوثر:بقفل علي روح
عماد؛واذا قلت ابيك تجين معاي؟
سكتت ثواني تناظره وفكت الباب ونزلت وهي تناظر الشقه
مشى قبلهع وهي يطلع المفاتيح ويفتح الباب ويلف لها
ابتسم ومشت قبله وهي تناظر الشقه ظلام
فتح الانوار وقفل الباب وابتسم:شرايك؟
ناظرت الجدران والمكيفات وريحة البيت بويه وغراء فرش
لفت له وهزت راسها:حلوه
حط الاكياس اللي بيدينه ومشى ومسكها من كتوفها:تعالي اوريك مطبخك
مشت معاه وفتح المطبخ وهي مبسوط ويدلها على الدولايب
لف وناظرها:باقي الثلاجه قريب بنروح نشتريها مع الغساله
كوثر ماردت عليه وعماد تنهد ومشى لها؛اذا مو عاجبك شي قولي لا تسكتين
كوثر:لا كل شي تمام
عماد:اجل فيك شي؟
هزت راسها بالنفي وابتسمت له وهو من ناظر ابتسامتها
قرب لجبينها يبوسها ورجعت خطوه بارتباك على ورا
عقد حواجبه باستغراب وناظرها؛شفيك اخترعتي؟
كوثر بلعت ريقها:مو لازم نقرب من بعض هالفتره
عماد رفع كتفه؛مابقى على زواجنا شي وانا كنت ببوس جبينك وين الغلط؟
كوثر رفعت عينها له وباندفاع؛مابي قلت واصلاً جيتنا لهنا سوا غلط والحين رجعني
مشت وتركته وعماد يناظرها باستغراب وتفكير ولحقها
-
راشد
فتح الباب ودخل بجمود وهو ساهي
وقفل الباب وناظرها واقفه وبيدها صينية
ناظرته ودخلت المطبخ ولا تكلمت وهو اخذ نفس
ومشى للصاله رمى شماغه من على كتفه ورخى راسه على ورا
سمع صوت الفرن وريحة الاكل طالعه منه وغمض عيونه
مسك بطنه لا شعورياً من الريحه الزكيه
وقف ومشى للمطبخ وطل وكأنه طفل صغير يتفقد الوضع
ناظرها تترقب استواء الصينيه بالفرن وتناظر انعكاسه بالفرن
قفلت الفرن ووقفت وهي تطلعها وتقطعها وهو يتقدم لها
بحذر ويراقب الاكل بالصينيه وابتسم:خبزه؟
ماردت عليه وحطتها بالصحن ومشت بالصحن لبرا
وراشد يراقبها وساكت رجعت دخلت واخذت الكوبين
وجات بتطلع وناظرته واقفه وهمست:مابتجي؟
هز راسه ومشى وراها وحطت الكوبين بالصاله
على الارض وتربعت وبدت تاكل من الخبزن وتغمسها بالشاهي
ناظر اصابعها تغمسها بالشاهي ورجع ناظرها:مو حار على اصابعك؟
اماني من دون لا تناظره هزت راسها بالنفي
وراشد بدأ ياكل وهو يتلذذ بالطعم ورجع ناظرها:ما توقعتك تعرفين لها؟
اماني ناظرته؛مو بس هنا تسوونها حتى بالحفر نسويها
راشد بفضول ناظرها:ما حنيتي للحفر؟
اماني بلعت اللقمه وناظرت الاكل:حنيت لكل شي زمان
راشد سكت ثواني واكل لقمه ورجع ناظرها:منتي مبسوطه الحين؟
اماني ابتسمت وناظرته:متأكد ان السؤال خرج من فمك بكامل قواك العقليه؟ والا تحت تأثير الخبزه!
راشد رمى لقمته وتنهد وصد عنها واماني رفعت حاجبها
:معليش والله نغصنا عليك الاكل واسئلتك الغبيه نسيت اني خدامه هنا اطبخ واغسل ولا اسأل عن شي
راشد ناظرها بحده؛من قال انك شغاله؟
اماني:مو لازم تقول واضح لك ولامك ولاهلك انت حتى ما ناديتني باسمي من يوم ما تزوجنا وذا ثاني اسبوع لنا
راشد صد بعيونه ولارد عليها واماني وقفت
:اذا انت جبان تتكلم بالحقيقه انا ماني زيك ادري ان زواجنا حبكه عشان زواج اخوي واختك وطلب من ابوي وابوك بس هذا نصيبنا ومضطرين نمشي بالطريق
راشد ناظرها بصدمه من كلامها ووقفتها وثقتها ولا تكلم ابد
اماني ظلت واقفه دقايق ومشت ودخلت داخل وقفلت الباب
تاركه الاكل قدامه والشاهي يتبخر دخانه متروك بالارض
-
سما
دخلت المطبخ وناظرت ريحان تعجبن وصدت عنها
ومشت للمغسله تاخذ المواعين ترجعها بالدولاب
ناظرتهم فجر وابتسمت:اووه زعلانين؟
ماردوا عليها وفجر ضحكت:تستقبلين اختك كذا ياريحان؟
ريحان ناظرتها بحده وصدت عنها
فجر؛من زمان ما تزاعلتم اذكر اخر مره بالمتوسط عشان المشط
ماردوا عليها وفجر تنهدت:الحين انا اللي انتركت مره ثانيه مو انتم
سما رفعت راسها وناظرتها بضيق وريحان بلعت ريقها وسكتت
فجر ابتسمت لهم:يالله معوضين خير يارب
سما حطت المواعين من يدينها ومشت ووقفت عند فجر:فجر
رفعت راسها فجر وناظرتهم ريحان باستغراب
سما بلعت ريقها:تحبيني؟
فجر عقدت حواجبها ولفت لريحان ورجعت تناظرها
سما:تعزيني لدرجة تبديني على نفسك؟
فجر هزت راسها:مافهمت وش هالسؤال!
جلست سما قدامها ومدت يدينها لها وفجر مستغربه وتناظرها
سما بضيق:ابوي شارط علينا شرط انا وساري
فجر جمدت محلها وبلعت ريقها بخوف وريحان فلتت يدها من العجين
وعقدت حواجبها تبي تسمع سما بلعت ريقها وهمست
:الشرط يخصك انتي ولو وافقتي بنتزوج انا وساري
فجر ضحكت باستغراب وخوف:انا شدخلني؟
سما:ابوي شرط مايدري فارس عن زواجنا
بققت عيونها ريحان وفجر ظلت تناظرها جامده
ريحان؛على كيفكم هو؟
سما:خليك بنفسك انتي لا تتدخلين بيني وبين اختي
ريحان ضحكت:لا ياشيخه اختي؟ تبين تعرسين وتخلينها هنا؟
سما:ريحان مالك دخل ياخي لا تتدخلين
لفت لفجر وبلعت ريقها من شكلها؛فجر ابوي مايبي تتزوجين الحين اكيد ماقال كذا الا يبيك تجلسين عنده وتدارينه وانا وراي جامعه
فجر ماردت عليها وريحان وقفت وناظرتها بحده
:روحي ادرسي وخليها هي خدامه هنا لين يرجع الكافره فارس وهي تعنّس هنا انانيه من يومك
سما وقفت وناظرتها بحده:على الاقل ما اترقص قدام اي احد وارخص بنفسي
ريحان صفقت بيدينها مليانه عجين:بتتعدين حدودك معي انتي شكلك
فجر؛وانا؟
سكتوا وناظروها وفجر رددت الكلمه:وانا طيب؟ مافكر فيني ؟
سما بلعت ريقها وتكلمت بهدوء؛اكيد وانتي تدرين انك اعز وحده على ابوي
فجر رفعت يدينها بضعف:ثلاث وخمسين مرره
صدت ريحان بعصبيه ومسكت راسها بقوه
فجر:ثلاث وخمسين مره طلبني وبغاني قبل الدراسه وبعد الدراسه قبل الزواج وبعد الزواج كم مره يبيه يطلب؟ لمتى يبينا ننتظر جبروته ينهز ويطيح!
سما ماتكلمت وهي تناظرها بخوف عليها
فجر:ماني موافقه
سما تقدمت لها بسرعه؛لا تكفين فجر تكفين لا تسوين فيني كذا
فجر وقفت ودفتها؛ماني موافقه والله لو تزوجتوا لادق عليه واخليه يجي
سما؛فجر انا اختك
فجر باندفاع؛وانا اختك بعد وانا بعد اختك
سما تجمعت الدموع بعيونها:دراستي؟
فجر همست؛حبي!
سما غمضت عيونها ونزلت دموعها بضيق
وفجر ناظرتها وتكلمت بهدوء:انا ماني ضعيفه زي راشد واتنازل عن حبي عشان وحده من خواتي
سما ماردت وهي تبكي بدون صوت
وريحان تكلمت بعصبيه:يدري ابوي يدري انك مارح توافقين عشان كذا شرط هالشرط متى ينهدم هالرجال ويفكنا
ماردت عليها فجر وخرجت من المطبخ وسما جالسه
ولامه نفسها وتبكي ماتوقعت فجر توقف ضد حياتها ودراستتا ابداً
ناظرتها ريحان بضيق ومشت بتجلس جنبها وكابرت
وتركتها وخرجت من المطبخ تاركتها تبكي جنب العجين
بدال ما تكون جنب الكتب والدفاتر تذاكر وتستعد لاختباراتها
-
يوم جديد
ساري
هز رجوله ينتظرهت تطلع وانفتح الباب
وفز تقدم لها:سما!
ناظرته بضيق ولا تكلمت وساري فهمها
وابتسم:مستحيل! ما وافقت؟
سما بضيق نزلت راسها:خلاص ساري
ساري:وش خلاص ساري؟ وش خلاص؟ يعني خلاص كيف هذي؟
سما؛يعني خلاص ابوي عرف يلعبها ويشرط هالشرط يدري بفجر
ساري:خلاص حبنا؟ خلاص دراستك؟ خلاص حلمنا وبيتنا؟
سما بلعت غصتها وهمست:حلفت تكلم فارس وما اتوقع بترضى من امس اسمعها تبكي ولا نامت
ساري بعصبيه؛انا ضحيت باخوي هي ماتضحي
سما:لا ماتضحي ولو انا مكانها ماضحيت بك عشان احد
ساري مسك راسه وناظرها؛وفارس؟
سما:شفيه فارس؟
ساري:لو اكلمه تتوقعين يوافق ولا يجي
سما؛اذا هو طالبها ثلاث وخمسين مره مابيجي والفرصه عنده؟
ساري صد بضيق وحط يدينه على خصره بتفكير
سما همست:ارجع طولت عن جامعتك وفاتك الكثير
ساري لف لها وسما كملت بنفس الهمس:خذ امك وارجع ساري
ساري ناظرها وهز راسه بالنفي
وسما اخذت تنهيده طويله وهي تناظره وابتسمت:روح وارجع دكتور وانا بتعذر عشان تعالجني
ساري مارد عليها وهو يناظر ابتسامتها البارده
سما مشت وتركته وقفلت الباب وراها وساري جلس بالارض
-
جراح
قفل ازرار ثوبه وهو يلملم اغراضه ومشى طالع من البيت
قفل البيت ومشى بينزل من الدرج وناظرها جالسه نهاية الدرج
وقف ثواني ونزل ووقف جنبها:ريحان!
ناظرته ورفعت حاجبها؛اوه رايح ومعزل شكلك؟
جراح:لا ماني راسح ومعزل بس بجلس يومين وارجع
ريحان وقفت وناظرته بحده؛عبالك بتمشي علي هالنكته؟
جراح مسك راسه:ياريحان خلاص يكفي وش صاير معك؟
ريحان؛صاير معي اني اشوف الخيانه بعيوني
جراح؛مافي خيانه وانا راجع وهذا بيتنا
ريحان:بيتكم اللي بالعقار للبيع؟
جراح:قلتيها للبيع وبعد ما انباع يعني مارح اخليه
ريحان؛تخليه وانا؟
جراح بعصبيه:ريحان لا تصيرين حنّانه خليني الحق على دوامي ولنا كلام اذا رجعنا
مشى بيروح وريحان تكلمت بصوت يسمعه:بياخذوني المستشفى يتأكدون
جراح لف وناظرها وريحان كملت؛وقتها ماني مسامحتك
جراح ماقدر يرد عليها وركب سيارته وحرك تاركها
وريحان عضت شفتها بعصبيه ومشت راجعه للبيت
قابلت امها بوجهها:راح جراح؟
صدت بعصبيه والبتول ابتسمت:ماسلم علينا
ريحان؛لا تبدينها معي
البتول:احنا بدينا من زمان
ريحان:شتبين؟
البتول:كلمي امك زين اول
ريحان ماردت عليها وهي متكتفه
والبتول همست:تروحين مع راشد المستشفى
ريحان صرخت بوجهها:ماني رايحه والله مااروح
ركضت وتركتها والبتول ناظرتها بحده وتكلمت بصوت عالي
:تروحين ورجولك فوق رقبتك بعد
قفلت الباب بقوه ريحان وهي معصبه وجلست بالارض
تاكل نفسها بالتفكير
-
جراح
بالطريق يسوق وماسك الدركسون وراسه باليد الثانيه
يراقب الطريق ويفكر بدوامه وكيف بيرجع مسافه طويله
للبيت بالديره عشانها وكيف يرضي امه ويقنعها بريحان
اللي للحين مادرت اصلاً ولا فاتحته بالموضوع
طول بالتفكير وماحس الا ببيته قدامه
وقف ونزل من السياره مستعجل لدوامه
دخل ولفت الهنوف وابتسمت؛هلا ياعمري
جراح ابتسم؛هلا فيك شلونك؟
باس راسها والهنوف ابتسمت بحب:حمدلله
جراح؛اجل وين كوثر؟
الهنوف تنهدت:فوق انت وين رايح؟
جراح؛دوامي مستعجل مابي اتأخر بعد اجازتي
الهنوف:اي روح ياعمري وينتظرك الغداء ابيك بموضوع
هز راسه ومشى لغرفته ودخل الغرفه وناظرها
وكأنه رحع لحياته القديمه غرفته والمدينه وشغله
والحداثه بحياته بعيد عن ريحة الريحان وكباية الشاي
-
فارس
دخل المطعم وهو يدورها بعيونه وحاط يدينه بجيوبه
ناظرها تشيل الطلب بيدينها وتسأل عن المنيو
لفت ومن ناظرته اختفت ابتسامتها ومشت بسرعه
مسك يدها وتكلم:سابين
فلتت يدها بقوه:اغرب عن وجهي هنا مكان عملي
فارس:اعلم انه مكان عملك جئت لكي نتصافى
سابين:بعد طردتك لي؟واهانتك لي امام عائلتك؟
فارس:عذراً ١٠ دقايق فقط امهليني
تاففت ومشت فصخت المريله ومشت معاه برا المطعم
وقفت وهي تناظر قدام وصاده عنه
فارس:جئت لنحل الموضوع بشكل ودي وننتطلق
سابين:وانا كنت اظن انك تريدني الا الان
فارس:وجود اختلاف الاديان والتقاليد لا يمكن لزواجنا ان يستمر بها
سابين ناظرته بحده؛بدون مقابل؟
فارس؛سوف اكمل الاجراءات والمبلغ فقط لا اريد مشاكل اكثر
سابين:تعادلنا ولكن ليس اليوم تعال الي غداً بعد دوامي ونتكلم
هز راسه فارس ورجعت دخلت
وفارس تنهد وهو يناظر الجو والمطر الخفيف اللي على المحل
-
فجر
تغسل الصحن بيدها بقوه ولا تناظر حولها ابد
مشت لها ريحان وناظرتها بضيق وهمست:محنا متوفقين ابد
فجر ماردت وهي تغسل الصحن بقوه
وريحان بضيق رفعت كتوفها:لا راشد ولا نحنا توفقنا بشي تدرين ليه؟
فجر ماردت عليها وريحان كملت:لان لا امي تدعي لنا ولا ابوي يساعد الدعاء يستجاب
فجر رفعت يدها ومسحت دموعها بقوه ورجعت تغسل الصحن
ناظرتها ريحان وهمست:فجر من اول تدعكين هالصحن لا ينكسر بيدك
فلتت فجر بالمغسله ونزلت راسها وهي تبكي
وريحان بلعت ريقها وضمتها بضيق وفجر تبكي
وجلست على الارض وريحان ضامتها واخذت تنهيده طويله
لفتها ريحان وناظرتها بحده؛خلي ساري وسما يتزوجون وبيوم الزواج كلمي فارس يجي ويوقف هالمهزله
فجر همست لها:ما اقدر ماني قويه انا قدام ابوي ولا فارس قوي قدام احد
ريحان؛حبكم قوي لدرجة انه طلبك بالستين مره معناته قوي حبكم ومتمسك فيك ولو عرف بيجي ويهد البيت علي فيه
فجر بلعت ريقها ونزلت راسها
ورفعته ريحان:فجر عُمرك لا تسنين احد ياخذ لك حقك وقفي قدام ابوي وامي وكل العايله وتزوجي زيك زي الناس الباقين
فجر تنهدت وتكت بظهرها وهي تناظر الفراغ
وريحان بضيق جلست جنبها:وانا مدري وش مصيري
فجر ناظرتها وعقدت حواجبها وكأنها تقول كيف نسيت امر اختي
:وين جراح؟
ريحان؛راح
فجر بلعت ريقها وعقدت حواجبها اكثر
وريحان ناظرتها؛راح
سكتت فجر ولا تكلمت ومشت ريحان برا المطبخ تاركتها تفكر
-
جراح
ناظر مكتبه ومسك راسه ماتعود على الشغل
اخذ فتره طويله وهو بمكان هادي وريحه جميله
صفى ذهنه بعد موت ابوه وشاف احلى ملاك بحياته
رجع ظهره على ورا من تذكر ريحان وناظر جواله
لو بإمكانه يكلمها ويكون معها جوال كان انحلت اموره
حس ان الاوضاع بدت تزيد سوء هذا وهي مابدت
ترك شغله على مكتبه وركب سيارته وحرك راجع للبيت
واول ما وقف تنهد ولف يمينه وناظر المقعد الخلفي
والكيس اللي موجود وتجاهل ربكته وذكرياته ونزل
نزل ودخل البيت وناظر امه:جيت بدري
جراح هز راسه:اي ماتعودت على الشغل تعبت وجيت
الهنوف شالت الريموت على جنب:بحط الغداء وانادي اختك بس قبلها بتكلم معك
جراح؛عساه خير
الهنوف:اكيد خير مو بنفتك من الديره والبيت اللي هناك
عقدت حواجبه جراح؛وش صاير؟
الهنوف:بنت خالتي تعرفها اللي متزوجه رجل الاعمال ذاك؟
جراح هز راسه باستغراب
وكملت الهنوف:كلمتها على البيت وورت زوجها صور البيت ويبيه
جراح بلع ريقه :كيف يعني؟
الهنوف:يبي يشتريه منا بأي سعر عاجبه ويبي يصيف فيه هو وعايلته
جراح:امي مالقيت الا الحين تحرجين للبيت؟
الهنوف:ليش خلاص رجعت لدوامك انت شتبي تروح هناك؟
جراح سكت ونزل راسه ورجع ناظرها:امي انا قلت لك اني ابي وحده من بنات عمي
الهنوف مسكت راسها وصدت:عبالي نسيت
جراح:لا مانسيت وابيها وانتي راضيه
الهنوف:ياولدي تارك رنا منا وفينا وبتروح لبنت لا تعرف شي بالمدينه لا جوال ولا لبس لا ذوق كل حياتهم بالديره
جراح:هذا اختياري
الهنوف تنهدت؛قفل الموضوع الحين بعد زواج اختك نشوف
طلعت كوثر من غرفتها وناظرت جراح وهمست:جيت!
ناظرها جراح وعقد حواجبه من شكلها:هذا شكل عروس؟
الهنوف لفت ناظرتها:تلومني
كوثر:وش يعني العروس تكشخ ٢٤ ساعه يعني
جلست وهي تناظرهم بجمود وجراح هز راسه بالنفي
:ابد بس تزين وجهها بابتسامه
كوثر صدت عنه ولاردت والهنوف تنهدت:جاك اخوك روحي خلصي اغراضك قبل زواجك
كوثر هزت راسها بالنفي:ما احتاج شي
الهنوف:انت شفيك؟ بتحريني ؟ فستان زواجك والصالون غير الاغراض الثانيه وما تحتاجين شي
كوثر:انتي ذكرتيهم خلاص انتي جيبيهم مالي خلق اسواق
الهنوف ضربت فخوذها وناظرت جراح
وجراح رفع يدينه:بروح اريح
الهنوف:والغداء؟
جراح:بالعافيه ما اشتهي شي
مشى وتركهم والهنوف ناظرت كوثر :محسودين انتم؟
كوثر ماردت عليها وصدت بنظرها
-
فجر
دخلت الغرفه وناظرت سما منسدحه ومن ناظرتها صدت
مشت وقفلت الباب وجلست جنبها وسما منسدحه
فجر اخذت نفس طويل:ما الومك لو تجيني الفرصه لين عندي بسوي نفس اللي سويتيه
سما:مايفيد كلامك ساري رايح
فجر ناظرتها؛روحي ناديه
ناظرتها سما بهدوء وفجر مسكت يدها؛روحي ناديه بكلمه
سما جلست ورفعت شعرها:ليش؟ وش بتقولين له؟
فجر:بقوله لا يروح الاوانتي زوجته
ابتسمت سما وناظرت فجر:احلفي؟
فجر هزت راسها وسما ركضت بسرعه من البيت
طلعت وهي تناظر ساري يحط شناطه بالسياره وامه معه
ركضت وهي تناديه ولف ناظرها وعقد حواجبه
وقفت قدامه تلهث:وافقت
جمدت ملامحه ولفت زهور لهم باستغراب وساري بلع ريقه
:من هي؟
سما:فجر فجر ساري وافقت
ابتسم وهو يناظرها ولف لامه بصدمه ومشى بسرعه للمجلس
ناظر عبدالعزيز جالس ومبتسم يناظر الجو:عجّل بذبح الخرفان بنتك بتتزوج اليوم
جمدت ملامح عبدالعزيز وناظر ابتسامته وعقد حواجبه
-
راشد
خرج من الغرفه وهو يقفل ازرار ثوبه وناظرها بالصاله
همس لها بهدوء:جهزي نفسك بكره زواج ساري ولد عمتي
رفعت راسها اماني وناظرته؛هم اختاروا بعض والا نفس وضعنا!
تنهد وتافف بنفس الوضع؛مابتبطلين ذا الموضوع
وقفت اماني وتكتفت:لا ماني مقفلته لاني ماني راضيه ولا دقيقه اعيش هنا
راشد بعصبيه تقدم لها؛وش تبين؟ وش اسوي لك؟ ابني لك قصر والا ازرع بكفوفي ورد عشان ترضين!
اماني:محنا لبعض لا انت لي ولا انا لك ليه مانتطلق بالنهايه تزوجوا لجين وتركي
راشد ضحك وحك جبينه ورجع ناظرها؛والله مبطي ماضحكت كذا
اماني متكتفه وتناظره بحده
وراشد سكت بعد الضحك وناظرها،تطلقنا احنا تطلقوا هم والا ماتعرفين مفهوم البدل!
اماني بجنان؛وش يعني ؟
راشد:يعني تعايشي زي ما انا متعايش وماكل تراب
اماني:ياخي مانبي بعض ليش مايفهمون
راشد نزل راسه ثواني ورجع ناظرها:هم مايفهمون هم يامرون وبس
اماني جلست ومسكت راسها بانزعاج
وراشد رفع شماغه على كتفه:تحملي راعي الغنم وريحة التراب والغبار في ملابسه عشان اخوك
اماني رفعت نظرها وهزت راسها؛زين انك تعرف نفسك
راشد ابتسم:ماني عاجب احد ويوم عجبت احد كانت الاقدار اقوى
مشى وخرج من عندها واماني عقدت حواجبها باستغراب
وراشد قفل الباب ووقف وهو يناظر اللي قدامه
رفع اصبعه على شنبه الكثير وغمض عيونه من سمع صوتها
وشاف زولها وطيفها فتح عيونه ومشى مبعد من البيت
-
فارس
انتظر عند المطعم ولف يناظرها بالمطعم ماحصلها
استغرب ودخل ومشى يدورها بنظره
مشى لنادله؛عفواً اين سابين؟
ناظرته النادله ورفعت كتفها؛لا اعلم لم تكن هنا اليوم
عقد حواجبه ولف يناظر حوالينه
تنهد وعرف انها تتهرب ومشى بيطلع من المطعم
وسمع اسمه وراه:فارس!
لف وناظر الشرطي رافع علامة الشرطه بيدينه ويناظره
هز راسه وكمل الشرطي:من السعوديه؟
هز راسه؛نعم هذا انا
الشرطي:تفضل معنا قسم الشرطه
فارس:ما السبب؟
الشرطي:افضل لك ان تتصل بمحامي بالطريق
فارس بلع ريقه ومشى معه وركب السياره وهو مايدري عن شي
واول ماوصل القسم دخلوه غرفه وجلس ينتظر فيها
دخل الشرطي وحط الملف قدامه وهو واقف
ناظره فارس واقف:ماهذا؟
الشرطي:زوجتك رافعه قضيه عليك من تاريخ طويل وانت كنت هارب لدولتك
فارس ضحك:انا ما كنت هارب من اي شي لم يخبرني احد عن القضيه والا اتيت
الشرطي:اذا لديك كلام سوف يحاسب ضدك بالمحكمه انصل بمحامي
فارس ناظره والشرطي خرج وتركه
مسك راسه وتافف وما اتصل بمحامي اتصل بالسفاره
لان مشاكل الطلاق بدوله ثانيه اجنبيه تحتاج شخص له خبره
-
ساري
لف لامه وهو مبتسم من سؤالها؛وش غير قرار فجر؟
ساري:ما ادري بس عرفت مقصد عمي من الشرط يوم شرط
زهور تنهدت:زين انه وافق مبروك
ساري ابتسم:الله يبارك فيك
زهور؛مابتعلم اخوك؟
ساري هز راسه بالنفي:لا
تنهدت زهور :الله يهدي النفوس
ساري:امين
ناظرهم من الشباك العمال يوزعون الزوالي الحمر
وابتسم وهو يناظر عبدالعزيز واقف وحاده ملامحه
مشى وخرج من البيت ومشى له ووقف جنبه؛وش مضايقك ياخالي؟
ناظره عبدالعزيز وضحك:وصلت لمبتغاك؟
ساري ابتسم:ماكنت متوقع توافق فجر والا ماشرطت
عبدالعزيز هز راسه؛صرت تعرف اللي يدور براسي
ساري لف لقدام وهمس:وصار اللي مابغيته
ابتسم وضرب كتف عبدالعزيز ومشى وتركه
وعبدالعزيز شد من قبضة يده ودخل المجلس
-
سما
تدور بفستانها وفرحانه وتناظر امها واقفه
البتول:وليش بكره؟
سما؛عندي جامعه وزوجي عنده جامعه بعد
رفعت حاجبها البتول وسما ابتسمت
البتول:وما بتتحنين؟
سما:لا مابي شي ابي اروح من بيتكم وخلاص
البتول هزت راسها بأسف ومشت مخليتها
وسما ابتسمت وهي تناظر شكلها ولفت من دخلت ريحان
تكتفت ريحان ورفعت حواجبها؛اوه عروس!
سما ابتسمت؛مع الاسف زواجي مابتفرحين فيه
ريحان:وليش وين بروح؟
سما:ولا مكان بس زعلانين من بعض
ريحان؛واللي قلتيه شوي؟
سما ناظرتها بضيق وتنهدت وصدت لها:واللي سويتيه عادي؟
ريحان هزت راسها بالنفي:محد علمني لا امي جنبي ولا خواتي يفهمون
سما؛لا انا قلت لك ولجين قالت لك بس انتي ركبتي راسك
ريحان:وكيف اخليه يتمسك فيني اجل!
سما؛مو بهالطريقه ابد نصيبك بياخذك وخلصنا شفتي تركي جاي من اخر الدنيا واخذ لجين اختي
ريحان؛اخذها بدل اخذها وضيع حياة راشد لازم في سيئات للزواج وانتي بتتزوجين وفجر بتعنّس شفتي!
سما تنهدت ونزلت راسها؛مو هذا مقصدي من الزواج ابد
مشت لريحان وناظرتها بضيق:بروح ادرس واتخصص بالقانون واحكم البلد بالعدل واول شي اسويه اخذ حقوقنا من ابوي
ريحان بضيق ناظرتها؛ليتني اقدر ادرس واروح معك
سما ابتسمت:لا تزعلين مني ريحان تكفين انا بروح واترككم لا تدعون علي
ريحان تنهدت وحطت يدها على شعرها:ربي يوفقك بدرساتك وبحياتك وان شاء الله تفرحين فيني قريب
ابتسمت سما وحظنتها:ان شاء الله
-
يوم جديد
جراح
دخل دوامه وهو عاقد حواجبه:اليوم؟
ساري:اي ومابعطي خبر لفارس
جراح؛سويت يعني اللي براسك!
ساري تنهد:هذا افضل
جراح؛اجل مبروكين
ساري؛مابتجي؟
جراح:لا مايمديني ابد تعذّر من عمي
ساري؛لو ساعه جراح تعال محد معي غير راشد
جراح تنهد:بشوف مع انه ماظنتي
ساري:على هواك اخليك انا
جراح قفل جواله وبدأ شغله
عند ريحان
اخذت الدلو وهي تسقي الريحان وتناظر مكان سيارته
تنهدت بضيق وهي تناظر البيت مقفله ابوابه
وتركت الدلو على الارض ومشت راجعه البيت
ناداها راشد وقبل تقفل لفت له باستغراب
راشد مشى لها وهو شايل علف بيده اليسار:جاتكم اماني؟
ريحان عقدت حواجبها؛اي داخل
راشد تنهد وهز راسه وريحان كملت:ليش ماكلمتك انها بتجي؟
هز راسه بالنفي ومشى للغنم وريحان تناظره بضيق
-
سما
لبست وتجهزت وهي تفل شعرها على ظهرها
لفت لفجر من دخلت الغرفه وابتسمت لها بامتنان سما
ابتسمت فجر ومشت ووقفتت وراها:تجنين
سما ابتسمت لها:مشكوره فجر
فجر هزت راسها لها وهي مبتسمه ومشت لدولابها
وغمضت عيونها ونزلت دموعها بسرعه
عضت شفتها لا يطلع صوتها وسمعت صوت الباب يتقفل
ناظرت مكان سما وعرفت انها طلعت وقفلت الباب
وتكت براسها تبكي بدون صوت وخايفه احد يشوفها
بمكان ثاني كان المفروض يكون جنبها
بس من امس بالمركز اوراق ومعاملات وجوازات وصور
وللحين مايدري كيف يخرج منها ويرجع السعوديه
مشى له سفير السعودي وتكلم بجديه؛موضوعك كبير
فارس:كيف يعني؟
السفير:يعني اتوقع انك بتطول هنا لان الحكومه البريطانيه صارمه بموضوع الزواج خصوصاً من دوب اخرا
فارس:اي بس انا مستعجل بطلقها وارجع السعوديه
السفير:بيطول الموضوع اذا لك احد فاهم من اهلك كلمه
فارس تنهد والسفير مشى بضيق وخرج
ونزل راسه فارس على الطاوله وغمض عيونه بضيق
-
ناظر الدفتر يمينه واخذه من يد الشيخ وهو مبتسم
وناظر اسمه واسمها ياما انتظر وانتظر وجا اليوم اللي انتظره
حصل عليها وصارت تحت اسمه ومعاه وجنبه
بيكمل تعليمه وهي ترعاه وتدرس معاه اكثر من كذا ماطلب
وقع ومد الدفتر لعبدالعزيز اللي باين على وجهه العبوس
سمع اصوات الغطاريف ووقف ببشته يسلم على راشد
عند البنات
اماني واقفه وتناظر لجين مبسوطه وواضحه عليها السعاده
صدت بعيونها ومشت ريحان وضمت سما بقوه
وفجر مبتسمه من بعيد وتناظر فرحتهم فيها
مشت ريحان من سمعت صوت السياره وركضت للشباك
تكت بفتسانها ومن ناظرت سيارته ابتسمت بحب وشوق
وقف جراح سيارته ونزل وهو مبتسم وناظر ساري
تقدم له ساري وهو يضحك وضمه
جراح؛معليش جيتكم مقرّع بدون شماغ بس ما مداني اكويه
ساري:زين انك جيت
بعد جراح عنه وناظره:مبروك والله يوفقك يارب
ساري ابتسم:عقبالك
لف جراح وناظر باب البيت وتنهد:ان شاء الله
لف وناظر امه تتقدم له وتسلم عليه:مبروك
ساري:الله يبارك فيك
زهور:خذ مرتك ورحوا يومين وانا اجيكم بعدين
ساري:لا والله ادري انك ماتبين القعده تجين معي
زهور:لا لا بقعد مع البتول روح انت بزوجتك
ساري:متاكده يا امي؟
زهور ابتسمت وهزت راسها وساري باس راسها
انتظرهم يطلعون وناظرها لابسه عبايتها وماشيه له
اخذ اغراضها راشد وهو يركبها ورا بالشنطه وينفض يدينه
ركبت بالسياره ولف ساري وناظر عبدالعزيز واقف بعيد
ابتسم له ورفع يده له ومشى لسيارته وركب وحرك طالع من البيت
مشى جراح وسلم على راسه؛شلونك عمي؟
عبدالعزيز:بخير
جراح:وش فيه ضايق صدرك؟
عبدالعزيز تنهد:تعرف انت ويعرفون الباقين
جراح لف وناظرها من الشباك واقفه وتناظره
اخذ نفس جراح وصد لها يناظرها لين اختفت
انتظر عمه يدخل المجلس ومشى للباب وقبل يدقه
انفتح الباب وطلت منه بفستانها الاحمر وبكحلها اللي يزين عيونها
رفع يده على قلبه لا شعورياً وهمس:محلى طلتك قبالي
ريحان رفعت كتفها؛جيت!
جراح؛اخليك؟ صاحيه انتي!
ريحان؛لا والله معدني اعرف جنوني من عقلي
جراح ابتسم لها:ماتمنيتي هاليوم يومك؟ وانتي عروس الديره اليوم؟
ريحان؛كل يوم اتمنى هاليوم
جراح تقدم لها ومسك يدها:جيت اشوفك مع اني تعبان من دوامي
ريحان؛جيت توجب ساري ماجيت عشاني
جراح رفع حاجبه وابتسم من عنادها؛وجيت عشانك والا كان مشيت قبل اشوفك
ريحان ابتسمت بهدوء ورفعت حاجبها؛سلمت على عمك قبل تسلم علي
جراح ضحك وهز راسه بالنفي:مابقيتي لا فيك ولا فيني عقل
ريحان ابتسمت ولفت وراها ورجعت ناظرته:بترجع؟
جراح؛مضطر كوثر بتتزوج قريب ولازم اكون معهم
ريحان اختفت ابتسامتها؛وبتطول؟
جراح؛لا راجع لك باهلي هالمره ان شاء الله
ريحان ابتسمت:لا تبطي علي
جراح هز راسه وحط اصبعه على عيونه
ريحان فلتت يدها من كفه اللي على صدره وتنهدت
ودخلت وقفلت الباب وجراح غمض عيونه ومشى رايح لسيارته
ركب سيارته وناظر بيتهم وبلع ريقه بضيق وحرك راجع
-
ساري
يسوق للمدينه ومبتسم وهادي
وسما تتنهد بين دقيقه وثانيه
وقف بالطريق بالمحطه ولف لها؛تشربين بارد؟
سما ابتسمت:ياليت
ابتسم لها ونزل من السياره وهي تناظر زوله
ماتوقعت بتجلس جنبه بسياره وتشاركه طريق طويل
يكون زوجها رسمياً قدام الناس وقدام رب الناس
رجع وبيدينه كاستين وركب السياره ومد لها:بالعافيه
اخذته من يده وهو حرك يكمل طويقه
وقف عند شقتهم ونزل وفتح لها الباب وطلع قبلها
فتح باب شقتهم ودخل وهو يفتح الانوار ومبتسم
:جيتينا قبل ماتكونين على ذمتي
ابتسمت سما:زين اني متعوده عليها
ساري لف لها ومد يدينه لها ومشت له ووقفت قدامه
مسك يدها واخذ نفس وناظر الارض ورجع ناظرها
:ادري انك تعرفيني ومتعودين على بعضنا بس ابيك تعرفين اني مستحيل بيوم ازعلك او اضايقك وهذا وعد مني
ضيقت عيونها بحزن سما وناظرته بحب
وكمل ساري وهو مبتسم:انا تعبت لين وصلت هاليوم تعبت لين كملت دراستي واحقق حلمي اصير دكتور
رفع يدينه لوجهها ومسكه بيدينه؛وتحقق حلمي انك جنبي تدرسين بعيد عن مشاكل الديره وريحة النار والحطب مكان هادي ولحالنا
ابتسمت سما له وهمست:مادري شقول وارد عليك
ساري:لا تردين مابيك تقولين لي شي يكفي اشوف هالبسمه على شفاهك
ابتسمت اكثر سما وتقدمت له وحظنته وهو تنهد بحب
-
فجر
جالسه عند الشباك وتناظر القمر مكتمل
ابتسمت وغمضت عيونها تذكره..
فارس مد اصبعه وهو يغطي مكان القمر:تشوفينه؟
فجر ابتسمت وهي منسدحه على العشب:اي
فارس:كل شهر يكتمل البدر وتشوفينه تذكري ان فارس يحبك وتعالي لي
ابتسمت بحيا وصدت تناظر البدر:واذا ماكنت جنبك وقتها؟
فارس تنهد:ضميني بدعواتك ..
فتحت عيونها فجر ومشت وطلعت برا الصاله
ناظرت التليفون وناظرت البيت ساكن ومشت للتليفون
دقت رقمه اللي حفظته عن ظهر غيب وانتظرته يرد
عند فارس
رفع راسه على دقت جواله وناظر الشرطي:تفضل
فارس قام وناظره؛الى اين؟
الشرطي:مكتبي سوف نتحدث قليلاً معك ومع زوجتك
فارس ناظر الجوال والرقم وعقد حواجبه:اسمحي لي
هز راسه الشرطي وطلع ورد فارس:هلا
فجر اخذت نفس طويل:فارس
فارس بخوف:فجر؟ وش صاير؟
فجر؛وينك؟
فارس تنهد:محتاس والله
فجر؛تعال فارس بأقرب وقت في خبر ينتظرك
فارس عقد حواجبه؛خبر وش؟
دق الباب الشرطي واشر له فارس
وتكلمت فجر؛تعال فارس اول مره اطلبك تترك كل شي وتجي،تعال
فارس بضيق اخذ نفس؛ان شاء الله انتبهي لنفسك
فجر ماتكلمت وقفل فارس ومشى للشرطي
دخل فارس وناظر سابين جالسه وتناظره ببرود
مشى لها وناظرها بحده:هذا هو الود الذي طلبته منك؟
سابين:معاملتك لم تجعل بيننا ود هل تذكر امام منزلك وعائلتك ماذا فعلت؟
فارس ناظر الشرطي وجلس وتنهد
الشرطي:القضيه رفعت للمحكمه وننتظر موعد الحكم الا هذا القرار لن تغادر البلد ابداً واذا غادرت سوف يكون ضدك الحكم
فارس مسك راسه وسابين ناظرت الشرطي:متى يصدر الحكم؟
الشرطي:سوف تأتيك لعنوانك ورقة من المحكمه يوجد داخلها التاريخ
فارس رفع راسه لسابين؛لو لم تأتي في يوم الحكم سوف اقتلك
الشرطي ابتسم؛سوف تحاسب على تهديدك لها
سابين ابتسمت والشرطي كمل:اتمنى منك حسُن السلوك
فارس ناظره وناظر سابين ووقف وخرج من المركز بضيق
-
عبدالعزيز
مشى بعد ماصلى الليل ووقف بالشباك
وعقد حواجبه وهو يناظر راشد جالس فوق الصخور
انتفض جسمه بخوف وركض يخرج حافي
وقف عند الصخور وصرخ عليه؛وش قعدك هنا؟
فز راشد ولف له بخوف:بسم الله وش فيك؟
عبدالعزيز:ليش قاعد هنا؟
راشد؛جفاني النوم وجيت هنا،انت وش صحاك يبَه؟
عبدالعزيز:انزل انزل بسرعه ولا اشوفك قاعد هنا
راشد نزل من الصخور ووقف قدامه:وليه؟ حوشنا
عبدالعزيز:ادري انه حوشنا بس هالمكان لحد يقعد فيه
راشد باستغراب ناظر ملامحه ورجوله الحافيه وهمس
:لا يقرصك شي ادخل يبَه
عبدالعزيز بتوتر بلع ريقه ومشى راجع للبيت وهو يناظر راشد
استغرب راشد ولف يناظر الصخور ودخل البيت
وهو يفكر في ردة فعل ابوه ناظر اماني خارجه من الحمام
ومن ناظرها اخذ نفس:شفتي لجين؟
اماني وهي تنشف شعرها؛اي،ليش تسأل؟
راشد جلس بالصاله؛اطمن
اماني:ما يدري كيف يقول بها تركي ماعليها خلاف
راشد؛الله يزيدهم
اماني ناظرته وشالت منشفتها وهي تمشط شعرها
ماسكه بيدها اليمين مرايه وبيدها اليسار تمشط شعرها
لفت المرايه وناظرت انعكاسه يناظرها همست:شسمها؟
راشد عقد حواجبه:من هي؟
اماني:اللي عجبتها من بين اللي حوالينك وراحت؟
راشد سكت ثواني ووقف:بنام
اماني:تزوجت؟ والا وينها؟
غمض عيونه يمتص غضبه ولف لها؛شتبين تدورين مشاكل؟
اماني ناظرته؛وين المشاكل نسولف
راشد؛لا تسولفين عنها
اماني ابتسمت:يعني في قبلي
راشد سكت وناظر ابتسامتها وهز راسه
اماني نزلت راسها وهي مبتسمه:ومنت شجاع عشان تاخذها؟
راشد؛لا جبان وغبي وامشي ورا الغنم وش تبين الحين؟
اماني:اعصابك طيب روح نام
راشد دخل وقفل الباب واماني لمت شعرها واخذت مشطها ودخلت الغرفه الثانيه
-
يوم جديد
عند ساري
صحى وهو يلبس لبس الطب ويشيل كتبه بايده:سما يالله
سما رفعت يدها وناظرته بانزعاج:لبست؟
ساري:اي ماني منتظرك لو تأخرتي
سما:مايمديني ساري اصبر شوي
ساري:١٠ دقايق يالله لا تأخريني يالله القى موقف
سما صحت وهي تطبق المفرش:هذي صباحية عروس
ساري ضحك وناظرها وهو يلبس بوته؛لاحقه على الورد والفطور خليني اتخرج
سما؛اي قصدك اذا تروجوا عيالنا
مشت للحمام وساري ينتظرها ناظر جواله بضيق
وده يكلم فارس ويطمن عليه بس مايبي يبنا بنبرته سعادته
خرجت سما بسرعه واخذت عبايتها وطلعت معاه
وصلها عند الجامعه ولفت له:لا تمرني الا بالغداء
ساري ابتسم؛قصدك العشاء عندي محاضره المغرب
سما ناظرته بصدمه:وبتخليني بالجامعه للمغرب؟
ساري:لا عندي بريك قصير يالله انزلي سما
سما؛وع ساري الدراسه خلتك ناشف
ساري ضحك بصوت عالي وسحب راسها وباس جبينها
ناظرته وضحكت من ضحكته؛انتبه من الطريق
هز راسه وهو مبتسم ونزلت للجامعه وهو حرج جامعته
-
جراح
دخل مكتبه وانشغل باوراقه والاتصالات
دق الباب ورفع راسه؛هلا تفضل
تقدم له وهو مبتسم وجراح ابتسم له.كيف اقدر اخدمك؟
جلس وناظره:ماني جاي لمعاملة كهرباء او مويه
عقد حواجبه جراح؛اجل امرني
تكلم بهدوء:دولني عليك انت جراح ولد عايض؟
جراح هز راسه؛وصلت
فيحان ابتسم؛وانا فيحان اللي ابي اشتري البيت
جراح هز راسه؛ايه هلا والله حياك
فيحان؛جيتك مكتبك لاني مستعجل والله وعندي اشغال
جراح؛معذور عادي المكان مكانك
فيحان:ماقصرت متى فاضي انتي تاخذني اشوف البيت!
جراح؛اي وقت عادي انت تفضى نهاية الاسبوع؟
ضحك فيحان؛والله انا اشغالي تسبقني لبيتي
جراح ابتسم؛اجل بعطيك رقمي واذا فضيت لو ساعتين كلمتي
مد رقمه بورقه واخذه فيحان؛اكيد
جراح؛وما ياخذ الدرب كثير
فيحان صافحه وابتسم؛ان شاء الله على خير
ابتسم جراح ومشى وخرج فيحان وناظر الفراغ جراح
تكى بظهره بضيق ورجع ينشغل باوراقه بدون تفكير
-
كوثر
واققه قدام المحل وتناظره من برا
الملكانات مزينه المحل بفستاني عرايس
تسحر عيون اي بنت امر من امامه كيف لو كانت عروس!
لفت لعماد وناظرت ابتسماته؛هذي المفاجأه؟
عماد هز راسه؛قلت انا بختارك لك فستانك واصلاً اخترته بس باقي تقيسينه
كوثر تنهدت؛عماد ما يحتاج كلافه مابي
عماد عقد حواجبه؛وش ماتبين؟
كوثر:يعني مابي شي كبير وواو يكفي شي صغير بيننا
عماد؛اها والله تبين تنقشين يدك حنه وتلبسين جلابيه وتنزفين لي بحوشكم بالديره؟
كوثر ناظرته بحده؛وش فيها الديره؟
عماد؛فيها اني ابي زواج كبير اعزم فيه كل اهلي يشوفونك باحسن طله
كوثر ناظرته ثواني وعماد اخذ نفس يهدي نفسه
:قاعد اسوي لك اي شي يرضيك بس انتي اللي تحاولين تتصددين
كوثر ماردت وهي تناظره وعماد دخل المحل وسبقها
دخلت وناظرت الحرمه ترحب فيه وتعرض له الفتسان اللي اختاره
لف لها وناظرها بهدوء وهمس؛مابتقيسينه؟
كوثر هزت راسها ومشت لداخل وعماد تنهد وجلس ينتظرها
-
ريحان
جالسه بالسطح وضامه نفسها وتناظر وهاديه
دخلت فجر وناظرتها:ليه ماعزمتيني ؟
ناظرتها ريحان؛اعزمك على وش؟
فجر جلست جنبها وحطت الشاهي بينهم:على قعدتك
ريحان تنهدت؛شتبين في الهم؟
فجر نزلت نظرها وصبت لها من الشاهي؛نسلي بعض
ريحان ناظرتها:ماكلمتي فارس؟
فجر؛الا
ريحان؛وش قال؟ علمتيه؟
فجر؛قلت له اني محتاجته يكفي ذا الكلام
ريحان؛فجر الله يهديك ليش ماقلتي له! ووضحتي له
فجر؛حاسه ان في شي،حاسه انه محتاج احد وما ادري لمين اقول
ريحان؛بعده ماطلقها؟
فجر؛ماسألته بس شكله باقي صوته فيه ضيق
ريحان:كلمي راشد طيب
فجر تنهدت؛خليه اذا احتاج شي يكلم اخوه مافيني شده خلاص
ريحان لفت وناظرت بيت عايض:تتوقعين يرجعون بعد زواج كوثر؟
فجر:لا
ريحان بلعت ريقها بضيق من مواجهة الحقيقه
فجر؛هو بيتشغل وبيتهم لا تنسين انه بالعقار
ريحان تنهدت ولفت لها:طيب تتوقعين نصيبي معاه؟
ابتسمت فجر لها ومسحت على ظهرها؛الله يكتب اللي فيه الخير
لفت فجر وهي تناظر الجو وتشرب شاهي وهاديه
وريحان تنهدت ولفت لقدام وهي تفكر
-
كوثر
دخلت وهي تبكي وركضت للهنوف وهي جالسه
ارتمت بحظنها تبكي بنحيب وانصدمت الهنوف:وش فيك؟
لفت ناظرت عماد داخل ويناظرها ومغمض عيونه وياخذ نفس
الهنوف:وش صاير وش فيكم؟ يمه كوثر وش فيك؟
عماد تقدم لها وتكلم بهدوء وجديه؛عمه انا نفذ صبري وتعبت حيل سويت كب شي يرضيها وهي تتصرف بغرابه اذا ماتبي تقول
الهنوف رفعت راسها؛وش فيك انتي؟
كوثر ماردت عليها وهي تبلع ريقها وتبكي
عماد :اول مالبست فستانها بكت قدام اللي بالمحل
الهنوف:وش فيك انتي تكلمي؟
كوثر مسحت دموعها وناظرتها؛مابي
انصدمت الهنوف وعماد مسك راسه وصد
الهنوف:وش تقولين انتي تهذرين؟
كوثر؛مابي يا امي مابي رجعوني الديره
الهنوف:اجل سحرك في الديره سحروك هناك
عماد:شكي ماهو سحر ابد
ناظرته كوثر وبلعت ريقها وعماد يناظرها وكأنه فاهم
كمل كلامه وعينه عليها؛اذا ماتبين تيسيري يابنت الحلال خليني اكمل حياتي وانتي تشوفين حياتك
الهنوف:وش تقول انت بعد؟ لا كوثر لك وانت لكوثر هي بس تعبانه
عماد؛انا بستأذن وردي لي ياعمه لو سمحتي مابي اتكلف اكثر
مشى وتركهم والهنوف هزت كوثر؛انت وش فيك بتعلميني والا كيف؟
كوثر بلعت ريقها:ماني قادره اتحمل اكثر امي
الهنوف تناظرها وعاقده حواجبها وكوثر نزلت دموعها:انا تاركه قلبي بالديره
ناظرتها الهنوف ثواني وكوثر رفعت كتوفها بقل حيله
وصدت وغمضت عيونها بقوه الهنوف ومسكت راسها
-
راشد
قفل الشبك على الغنم ونشب شماغه فيه
وتافف وسحبه وانفرط الشماغ
مشى للبيت وهو يناظر شماغه ودخل
ناظرته اماني باستغراب وراشد جلس وهو يسحب الخيوط
هزت راسها؛لا لاتسحبها
رفع راسها وناظرها واماني مشت واخذت الشماغ
وجلست وحطت الخيط بفمها وقطعته باسنانها
وهو يراقبها ناظرت الشماغ ولفت له؛بخيطه لك بس يبي لك غيره
راشد؛لا عادي كل اشمغتي كذا
اماني ناظرته؛ادري اشمغتك كلها كذا وشماغ زواجنا كان كذا خيوطه تشلل من ورا ظهرك
تنهد راشد ولا رد عليها
اماني:لو تبي لك الزين ماخلتك بهالحال
راشد لف لها؛من هي؟
اماني:اللي هي
سكت راشد وهو يناظرها واماني تناظره
همست له:حف شنبك ياراشد واهتم بمظهرك وريحتك لانها تركتك وراحت للي احسن منك
راشد تقدم لها بحده وهمس:ما راحت لاحد وريحتي ومظهري على قولتك انا عاجبتني ولا طلبت رايك
اماني؛هذا مو رأيي هذا رايي المجتمع معي رايي الناس بعد
راشد سكت واماني همست:مابي احد يضحك فيك ابي لك الزين
وقفت واخذت شماغه بيدها ودخلت الغرفه وتركت الباب مفتوح
وراشد ناظرها لين غابت عن عيونه ودخل الغرفه
قفل الباب وبلع ريقه ومشى للحمام ناظر انعكاسه بالمرايه وصورته
ونزل راسه بتفكير وعض شفته وناظر الموس على المغسله
اخذه بيده وهو يناظره ويتذكرها ويتذكر طلبها
رفع عينه والموس بيده وناظرها وراه واقفه
ابتسمت له ومشت؛هاته
اخذت الموس من يده ومسكت يده ومشت خارجه من الحمام
جلسته بالارض وجلست قدامه وهو يناظرها وهادي
تقدمت وبدت تحلق دقنه الغزير وتحف شنبه وهو يناظرها
ولاهو متخيل ابداً شكله مسحت وجهه باصابعها
وهي تمررها على دقنه وشنبه نزلت الموس بالارض
وناظرته وتكلمت بهدوء؛توه طلع وجهك
-
جراح
دخل البيت وناظر امه تنتظره وواقفه استغرب
ومشى لها ومفتاحه بيده؛امي وش فيك؟
الهنوف سحبته:امش اقعد
جراح جلس وهو يناظرها والهنوف ناظرته؛اسمعني
جراح؛وش صاير؟
الهنوف:عندك خبر عن اختك؟
جراح سكت ثواني وهمس؛وش فيها؟
الهنوف:تدري انها ماتبي تتزوج؟
جراح همس؛بطلت؟
الهنوف:من تعرف هناك بالديره؟
جراح سكت والهنوف كملت كلامها:من سرق قلبها هناك؟
بلع ريقه جراح وانصدم انها ماكملت عباله فتره وتعدي بس طلع الموضوع جدي
الهنوف عقدت حواجبها وطال سكوته؛جراح!
هز راسه جراح والهنو تناظره وهمس:راشد
-
فارس
ضاقت فيه الدنيا ولا معه سند وظهر لحاله بالغربه
مالقى غير اخوه اللي ممكن يستند عليه بهالوضع
دق على ساري وانتظره يرد
ومن ناظر رقمه ساري لف لسما وسما هزت كتفها؛يمكن عرف؟
ساري مارد عليها ورد على فارس:هلا
فارس:ياخوي ياسند ظهري وكتفي اليمين
غمض عيونه ساري وتنهد:لا تزيدها علي يافارس تدري انه ماهو بيدي
عقد حواجبه فارس:داق استنجد فيك
ساري:وش فيك وش صاير؟
فارس:انت اللي وش فيك؟
ساري بلع ريقه:ادري ادري بس خالي حطني امام الامر الواقع شسوي مالي الا اوافق
فارس جلس باعتدال وهمس:وافقت؟
ساري استغرب نبرته وبلع ريقه؛ماتعرف؟
فارس:اعرف وش؟
مسك راسه بسرعه ساري وعض شفته
وفارس كرر سؤاله بشك:وش صاير ساري؟
ساري بلع ريقه:انت اللي وش بغيت؟
فارس:خلك مني وش صاير ياساري
ساري تنهد وتكلم بهدوء:تزوجت
فارس عقد حواجبه؛وافق خالي؟
ساري:اي
انصدم فارس وهمس؛وليه ماعلمتني؟ ليه ماحضرت زواجك؟
ساري:طلب خالي قال ما اعلمك
فارس وقف بصدمه؛وتخبي علي؟ ساري تخبي علي زواجك؟ تضحي فيني وانا اخوك وانت تدري اني وانا قبل اسافر طلبت خالي رابع وخمسين مره!
ساري:فارس سما بتكمل دراستها وفجر وافقت
فارس:انا اللي طلبت وانا اللي انذليت خمسين مره ماهي فجر
ساري غمض عيونه ولارد وفارس هز راسه
:ونعم السند اللي ادوره ونعم العضيد
ساري:فارس اذا رجعت نتكلم مابي اتكلم اكثر بالجوال
فارس همس:ارجع؟ ماظنتي ابد شكلي بصير حبيس بريطانيا لكن ماني مدورك ولاني محتاج لك
قفل جواله فارس ورماه بقوه بالارض وتناثرت الشاشه
جلس على الارض ومسك راسه بصدمه ودارت فيه الدنيا
اخوه دق يدوره دق يستنجد ويحتمي فيه طلع اخوه مثل الاغراب
خون فيه ومافكر الا بنفسه
-
ساري
لف لسما؛ليتني سكت ليتني مت الله ياخذني
سما؛ماكان يعرف؟
ساري:لا لولا لساني ذا كان ماعرف
سما تنهدت:لا حول ولا قوة الا بالله
ساري؛انا حمار والله اني حمار
سما:عاد ساري اذا ماعرف منك يعرف من غيرك
ساري؛هو دق بغاني اساعده بس مدري بوش ماهو بحال يعرف الحين
سما؛عاد صار اللي صار مالك حيله
ساري جلس بضيق وهز راسه بالنفي:اروح له
سما؛وين تروح ساري؟ واحنا داخلين فترة اختبارات وانت تحتاج ترفع معدلك
ساري:ادور لي يومين
سما؛وبريطانيا جنبنا يومين؟
ساري هز راسه؛استغفر الله بس
سما مسحت على كتفه تهديه وساري يناظر الفراغ ويفكر
-
بعد مرور اسبوع
:حكمت المحكمه بالغرامه على المتهم ب٤٠ الف دولار وفي حين لم يتم السداد خلال ثلاثة شهور سوف يتم اجراء حكم اخر رفعت الجلسه
نزل راسه فارس وجلس بضعف على الكرسي
وسابين ناظرته بحده وخرجت من قاعة المحكمه وتركته لحاله
لا وراه اهل ولا جنبه محامي
-
عبدالعزيز
وقف من ناظر سيارة جراح ووراها سياره
استغرب وراشد لف وناظر السياره وعقد حواجبه
وقفت السياره ونزل جراح وناظرهم
ولف يناظر فيحان ينزل منها ويناظر البيوت
بلع ريقه عبدالعزيز ولف له راشد؛هذا الشاري شكله
ناظره عبدالعزيز بصدمه وخرج لجراح
ووقف قدامه؛من ذا؟
فيحان؛سلام عليكم
ناظره عبدالعزيز وجراح استغرب عمه؛عمي وش فيك رد السلام؟
عبدالعزيز ناظره؛انت بتشتري؟
فيحان؛الله الله
عبدالعزيز ناظر جراح؛ما قفلنا السالفه؟
ضحك جراح:سالفة وش عمي بيتنا ذا ماهو سالفه
لف لفيحان؛حياك من هنا
مشى معاه فيحان وهو يتفقد الحوش والبيت قدامه
ناظر ريحان واقفه عند الريحان وبيدها الدلو
وتناظره مصدومه ملامحها وجامده
بلع ريقه ومشى لداخل البيت وفيحان معه
دار بالبيت وهو مبتسم ولف لجراح:والله هالبيت عجيب
جراح ابتسم له ببرود
وفيحان ناظره؛بس من ذاك اللي مارد السلام؟
جراح؛اي ذا عمي وتعز عليه هالبيوت عشان كذا
فيحان هز راسه؛بس بصير لهم نعم الجار ان شاء الله وانا بجي هنا بعايلتي اصيف واستثمر مكان حلو
جراح:الله ييسر لك
فيحان طلع من الباب وناظر الحوش:والحوش وسيع احط فيه مواقف لعيالي ويزين الوضع
جراح؛على بركة الله
لف له فيحان وصافحه وجراح ابتسم له
ترك فيحان بالبيت ومشى بالحوش
وقف عند الباب ودقه وانتظر وانتظر ولاردت عليه
تافف وهمس:ريحان!
فتحت الباب وناظرته بحده؛ليه راجع؟
جراح ميل راسه:ليه راجع! راجع لارضي ولاحبابي
ريحان؛مالك احباب هنا ماصدقت اهلي يلهون عني ليه راجع جراح؟
جراح عقد حواجبه؛راجع لك بشوفك
ريحان؛وعدتني المره الجايه تجي باهلك وجيت بشرّاي
جراح؛لاني انشغلت بكوثر وب..
ريحان قاطعته:لا تكمل مالك احد هنا يحتريك انسى ريحان جراح انساني مابي احد مايبيني
جات بتقفل الباب ومسكه جراح وناظرها:ماني ناسيك وراجع لك مره ومرتين وخمس
ريحان؛مابتلقاني لا بطلع لك تذكر كلامي
جا بيتكلم جراح ولف على صوت فيحان؛نمشي؟
ناظره جراح ورجع ناظر ريحان اللي تركت الباب ودخلت داخل
قفل الباب وهز راسه ومشى مع فيحان واستوقفه عمه
:ماعندنا بيوت للبيع
لف جراح وناظره باستغراب ولف وناظر راشد واستغرب اكثر
فيحان؛صاحب البيت جنبي ومابي نزعل من بعض ياعمي وانا بصير جارك
عبدالعزيز:وش كبرك وتقولي عمي؟
فيحان ابتسم وناظره؛انا شفت مثلك كثير بشغلي بس كلامي مع صاحب البيت
لف لجراح؛ناوي البيعه والا اتوكل على الله؟
جراح:علامك ياعمي!
عبدالعزيز:هالارض ارض ابوي واجدادي وارضي محدن غريب يدخلها
جراح؛هذا رايي ورايي امي
عبدالعزيز:هالبيت ماينباع واذا بتبيعه بشتريه انا
فيحان ضحك:لا تضيع وقتي ياجراح
جراح؛حياك انتظرني بالسياره
مشى فيحان وركب سيارته وجراح تقدم لعمه:عمي اترك عنادك هالبيت نبي فايدته ليه نتركه مقفول ومحد يسكنه واحنا نقدر ناخذ فلوسه
عبدالعزيز مارد عليه وهو يناظر بحده
وجراح ناظر راشد وابتسم:تونا نقدر نقول ياراشد
ناظره راشد وابتسم بهدوء وجراح مشى؛وداعة الله
ركب سيارته ودق بوري لفيحان وحركوا خارجين من البيت
عبدالعزيز؛بيوديني للقبر ولد اخوي
راشد عقد حواجبه:وليه؟
عبدالعزيز مارد ونزل راسه ودخل داخل المجلس
-
ريحان
قفلت باب غرفتها بقوه وبكت بصوت عالي
ومن سمعتها البتول دقت الباب بقوه:افتحي
ريحان؛مابي احد خلوني بحالي
البتول بعصبيه:افتحي لا انادي ابوك يكسره
فتحت الباب ريحان بحده وهي تناظرها
البتول:هذا شكل وحده مافيها شي؟
ريحان؛وش قصدك؟
البتول:وش مخبيه يابنت الناس؟
ريحان؛ماني بنت الناس بنتك انتي وماني مخبيه شي ابد ياخي افهميني لو مره
البتول مسكتها من يدها؛وليه تبكين هالبكاء كله! الا اذا راح منك شي مايرجع
غمضت عيونها ريحان وهي تبكي:ارحميني الله يرحمك
البتول:انا اشيل العار عن اسم ابوك
ريحان:اي عار انا مو صاير لي شي غير اني حبيت والله بس حبيت
البتول:سكت عنك مده طويله بس والله ما اسكت اكثر وتذكري هالكلام
مشت وتركتها وهي تناظرها باشمئزاز وريحان
جلست بالارض وغمضت عيونها بضياع
ماتدري تبكي على البيت اللي دخلت فيه ورقصت فيه
وحبت اهل البيت وراعي البيت والحين انباع!
والا تبكي على حبها وضعفها وغبائها
—
كوثر
رفعت راسها بثقه لامها:قراري امي انا ماني راضيه عن بيعة البيت
الهنوف:لا انهبلتي انتي عاد
كوثر:ليش مالي حصة بالبيت انا بعد؟
الهنوف:الا لك انتي واخوك بس وش نبي فيه
كوثر مشت لها:فيه حبي وسنيني امي مابي ابيعه
الهنوف غمضت عيونها:اتركي عنك هبال المراهقين واعقلي
كوثر؛هذا العقل اني اتزوج واحد ابيه
الهنوف:متزوج قصدك؟
كوثر:مايبيها كان يبيني انا
الهنوف:ما ارضاها على بنتي اربيك وياخذك راعي غنم
كوثر:ابيه بغنمه وشكله وكل شي فيه ابيه
الهنوف مسكت يدها وجلستها؛وش دراك انه ما ارتاح لزوجته؟
كوثر:مستحيل
الهنوف:وليه؟ يؤلف الله بين قلوبهم لا تضيعين عماد من يدينك
كوثر؛طيب خليني اروح امي مده قصيره افهم شعوري ووعد ارد لك
الهنوف:وين تروحين؟
كوثر؛الديره خلينا نروح لبيتنا قبل ينباع اقابله واشوفه
الهنوف:وش تبين فين ياكوثر يا امي انتي
كوثر:تكفين اطلبك قبب ارد على عماد خليني اروح
الهنوف تنهدت وهزت راسها؛على راحتك
كوثر ابتسمت لها بهدوء ومشت الهنوف وخرجت من البيت
-
راشد
دخل البيت وناظرته اماني وابتسمت
راشد ناظر ابتسامتها وابتسم؛علامك؟
اماني ضحكت ونزلت راسها:ولاشي غريبه طاوعتني
راشد تقدم لها؛لاني مالي الا انتي
اماني رفعت راسها وناظرته
وراشد جبس قدامها:بالظيب بالغصب انتي لي وانا لك
اماني:من هي علمني اعرفها؟
راشد تنهد:لا
اماني:من وين عرفتها؟
راشد؛من نور الصبح واحلام الجنه
اماني ابتسمت وهزت راسها باعجاب
راشد:بنت عمي عايض كوثر
اماني نزلت عيونها وكمل راشد يحكيها عنها
انتظرته يسكت واخذت نفس:راشد
راشد هز راسه؛هلا!
اماني:ودي باهلي توديني الحفر؟
راشد عقد حواجبه:الحفر!
اماني هزت راسها؛بخاطري ازورهم وماني مرتاحه اكثر هنا
راشد بتفكير:بشوف ابوي واقولك وش نوحه
اماني:وليش تنتظر ابوك؟ بأي وقت خذني ونروح
راشد؛هذا سفر وابوي لازم اخذ شوره لان الحلال والغنم انا مسؤول عنهم
اماني:اي ونعم المسؤوليه
راشد صد ولارد عليها واماني ناظرته ومشت لغرفتها
-
جراح
من دخل البيت مشى لغرفته ودخل الحمام
واول ماطلع دخلت الهنوف:ليش ما مريتيني؟
جراح؛كنت جايك بس بغسل واغير اول
الهنوف:رحت مع فيحان؟
جراح؛اي وعجبه البيت
الهنوف:اي زين بس كوثر ماتبي تبيع البيت
جراح عقد حواجبه وجلس:وليه؟
الهنوف:تبي تروح
جراح؛تروح طيب بس البيت ينباع الرجال مايقدر ينتظر
الهنوف:رافضه راكبه راسها روح كلمها
جراح هز راسه ومشى وخرج من غرفتها
ودخل غرفتها ورفعت راسها له:هلا!
جراح قفل الباب ومشى لها؛وش سالفة الروحه ذي؟
كوثر قفلت جوالها وجلست؛بروح الديره
جراح؛اي وليه؟
كوثر؛بس جراح مابي اتكلم بتفاصيل
جراح؛لا لازم تتكلمين خصوصاً انك موقفه بيعة البيت عشان هالتفاصيل؟
كوثر:كيف يباع البيت واحنا بنروح؟
جراح؛وليه من الاساس تروحين؟
كوثر تاففت؛جراح تكلمت مع امي وخلاص
جراح ناظرها بهدوء:مافي شي اسمه خلاص انا متفهم لو تقولين
كوثر سكتت ثواني وهمست؛عشان راشد
جراح تنهد وصد بعيونه:متزوج اذا ناسيه
لف وناظرها؛ولو بتروحين هناك بتشوفين زوجته معاه وجنبه
كوثر:ادري بس ماني قادره اخطي خطوه مع عماد لين افهم شعوري
جراح تضايق وهمس:كوثر خذيها مني لا ترجعين وتناظرين وراك امشي قدام وعماد مارح ينتظرك مايتعوض والله
كوثر؛ينتظرني عماد لاخر حياتي وانا متأكده
جراح رفع حاجب؛وهذا جزاه؟
كوثر:لا تزيدها علي بنروح الديره باقرب فرصه
جراح رفع كتوفه؛طيب بس انتي تتحملين نتيجة قرارك
كوثر هزت راسها وجراح وقف وخرج
وهوي دور رقم فيحان ويدق عليه
ابتسم من رد؛اعذرني داق عليك هالوقت بس بغيت اخبرك اننا بنودع بيتنا ونقعد فيه كم يوم صعبانه على امي واختي بيعته
فيحان؛لا عادي خذوا راحتكم البيت بيتكم للحين
جراح ابتسم؛الله يعطيك العافيه
فيحان:بس اسمع انت عطيتني المفتاح اذا تبيه برسل لك العنوان تعال خذه
جراح؛على خير ان شاء الله بيننا اتصال
قفل جراح ورجع لغرفته وهو ضايع مايدري يلتفت لنفسه او لاهله
-
عبدالعزيز
من ناظر البتول تجلس بالمجلس جنبه
لف لفجر:قومي شوفي لك شغله
قامت فجر وتركتهم ولف لالبتول:بينباع بيت عايض
البتول:زين ماشاء الله
عبدالعزيز همس:وش زينه انتي؟ بياخذ الارض وبيت عايض وانتي تدرين انه بيتشارك الحوش بعد
البتول سكتت ثواني وناظرته؛بيحفر المدفون يعني؟
عبدالعزيز:قصّري حسك محنا ناقصين
البتول:يارجال انت بس تتوتر من شي تافهه اجل شايف راشد قاعد عالصخور تهاوشه
عبدالعزيز؛هذي اراضينا نحنا ونحنا ابخص فيها من احد غريب
البتول:هدي نفسك واذا انت شفت الرجال ما يتشارك ارض ماطله لين يشرد وماظنتي يسكن دايم هنا
عبدالعزيز سكت بتفكير والبتول مسكت يده وهزته
:اترك التفكير اللي اندفن اندفن ومابينكشف شي ابد
هز راسه عبدالعزيز وصد عنها
وفجر عقدت حواجبها ورا الجدار تسمع ولفت على طول
وناظرت الصخور قدام بيت عمها عايض وبتفكير
مشت لين وقفت عندها وهي تناظرها وتدور ببالها الافكار
اخذت نفس وبعدت بسرعه عن المكان ودخلت البيت
واصرت انها تعرف السر يمكن تستفيد منه وتستغل
موقف ابوها خصوصاً انها شافته خايف ومتوتر من الجار الجديد
ناظرتها ريحان تفكر وهمست:وش فيك؟
فجر هزت راسها بالنفي:ولاشي
اما عبدالعزيز ناظر راشد من دخل واعتدل بجلسته؛هلا
راشد ناظرهم وجلس؛جيت اخذ شورك يبَه
عبدالعزيز:وش عندك؟
راشد؛اماني تبي تزور اهلها بالحفر
البتول:طفشتها؟
راشد بلع ريقه وهمس:لا تقول تبيهم
عبدالعزيز:ضايقتها بشي انت؟
راشد هز راسه بالنفي:مشتاقه لهم يمكن
عبدالعزيز؛يمكن! والله انك فاهي خلاص خذها بالسياره
راشد سكت ثواني وكمل:تبي تروح طياره
البتول:عشتوا والله طياره ليه؟
راشد؛بعيده الحفر بالسياره
عبدالعزيز؛هي اللي بتسوق والا انت؟
راشد؛انا اكيد
عبدالعزيز:اجل مو على كيفها خذها بالسياره زين انها بتروح لهم بعد تتشرط
راشد هز راسه والبتول ضحكت؛اجل طياره؟
ناظرهم راشد وخرج من المجلس راجع للبيت
-
دخل راشد لاماني البيت
ولفت له؛وش قال؟
راشد؛وافق
اماني:اي زين وافق علينا ابونا
راشد؛بس مو بطيارن
اماني ناظرته وعقدت حواجبها؛ليه هو اللي بيسوق؟
راشد؛ياشيخه تفاهمي معه انا هذا ابوي شسوي فيه؟
اماني؛راشد مو حاله تستأذن منه وانت متزوج وفاتح لك بيت وش هالحياه اللي بتمشي على شور ابوك
راشد؛اذا عندك مشكله مع ابوي كلميه انا ماعرف له
اماني؛هو يعرف لك والله يعرف يخليك ترعى غنك وعيال عمتك دكاتره
ناظرها راشد وهمس:سبحان الله ترمين كلام وماتدرين وش مفعوله عالروح
اماني؛مارميت شي ذي الحقيقه
راشد مارد ووقف بيروح لغرفته
وتكلمت:لا تقفل الباب بجي الم اغراضك
راشد؛متى تبين نمشي؟
اماني:انت قول متى لا تتعبني راشد تكفى
راشد؛الشرهه علي ابي رايك انتي؟
اماني:ما احب امشي رايي على احد يبي لك تتعلم تتخذ قراراتك بنفسك بس متى وابوك عايش
تركها ودخل وتضايق منها وانسدح على فراشه
-
كوثر
فاتحه الشنطه وترتب اغراضها داخلها
ناظرت الشريط وابتسمت وجلست على السرير وهي تناظره
تنهدت بحب وحطته بالشنطه على دقت الباب
الهنوف دخلت؛خلصتي اغراضك؟
كوثر:باقي
الهنوف:بكره بنروح ماهو اليوم
كوثر:ليه؟
الهنوف:جراح وراه دوام يابنتي خليه الخميس
كوثر تاففت؛قلت له ماكان عنده مشكله
الهنوف؛ادري بس انا قلت ليه يرجع لحاله حرام يقعد معنا ثلاث ايام ونرجع
كوثر هزت راسها؛طيب
الهنوف:انا كارهه الروحه ياكوثر بس عشانك ترا
كوثر؛كلكم ماتبون تروحون اجل؟
الهنوف:لا والله اخوك متلهف ادري فيه
كوثر:ماودك تخطبين له؟
الهنوف تنهدت؛مو وقته اسكتي اسكتي
كوثر ما تكلمت والهنوف خرجت وتركتها
مشت لغرفة جراح وفتحت الباب وفز وناظرها:شسالفه؟
ناظرت جواله الهنوف وهي تسمع صوت الاغاني:تسمع مصري هالوقت؟
جراح قفل جواله وهز راسه؛شبغيت امي؟
الهنوف:خلاص الخميس وافقت اختك
جراح هز راسه:زين
خرجت وتركته وفتح جواله وناظر الفيديوهات وتنهد
ناظر شكلها بالفيديو ترقص ولا تدري عنه يصورها
وابتسم من شكلها واشتاق لها من تذكر كلامها وقعداتهم سوا
تنهد وقف جواله وغمض عيونه بقوه ورجع فتحها