اختار وين اللقى ياحلمي الأجمل على كفوف القمر والا على الغيمه

الجزء الخامس

راشد
شال شنطتها من ايدها ودخلها بالسياره
ولف لابوه اللي واقف وسلم على راسه؛توصي شي يبَه؟
عبدالعزيز:انتبه للطريق
راشد:ابشر
تنهدت بانزعاج اماني وسلمت عليه:تبي شي عمي؟
عبدالعزيز:بحفظ الله
ركب راشد وركبت جنبه اماني وحرك راشد خارج من البيت
مشى بالطريق والطريق مزدوج ويناظره وساكت
عقد حواجبه من مشى كيلو ولمح سيارة جراح
لف على سرعة السياره جنبه عاكست اتجاهه وهو مستغرب
ناظرته اماني:شفيك تتلفت ؟
راشد هز راسه:لمحت جراح قلت يمكن هو
اماني؛واذا هو ترجعنا؟
راشد ناظرها وهز راسه وكمل طريقه وهو يفكر
-
كوثر
تناظر الاراضي حوالينها ومبتسمه بحب لهالمكان
وقف جراح وهو يدخل من البوابه ويفز
داخله الف شعور وهو يلمح شجرة الريحان باخر الحوش
وتجيه ريحة الزرع والريحان تغمر قلبه بحب
نزل من السياره وهو يناظر الحوش
وكوثر ناظرت البيت بلهفه ويلعت ريقها من المواجهه
مر يمكن شهر كامل وما شافته ولا سمعت اخباره
خرج عبدالعزيز:راشد؟
جراح؛لا جراح راشد وينه؟
ناظرهم عبدالعزيز باستغراب:جيتم كلكم ؟ حيى الله ام جراح
الهنوف:الله يبقيك
كوثر عقدت حواجبها وهي تناظر الشبك مقفول
ودخلت المجلس وجلست وفز عبدالعزيز:اصبروا ادخل اعلم ام راشد
مشى وخرج وجراح لف لهم؛راشد مو في
كوثر؛وينه؟
جراح هز كتوفه؛مدري بس مو من عوايد عمي يقوم هو لداخل
الهنوف تنهدت ولا تكلمت وكوثر لفت باستغراب تفكر
دخلت ريحان وفجر وراها وابتسمت فجر؛كوثر
دقت كتف ريحام وركضت لها تحظنها وريحان ناظرت جراح جالس
وامه جنبه واحترت من حست انه جاي يخطبها
ابتسم لها جراح وهي تقدمت لكوثر وسلمت عليها وعلى الهنوف
ناظرتها الهنوف ولفت ناظرت جراح اللي مبتسم لها وصدت لها
وهمست:شلونك ريحان؟
هزت راسها وبلعت ريقها بربكه؛حمدلله
تقدمت البتول لهم بالقهوه وتوسطت المجلس وهي تصب لهم
لف جراح واخذ فنجانه؛الا وين راشد؟
البتول:اخذ زوجته ومشوا للحفر اليوم تبي تزور اهلها
كوثر لفت لجراح بخوف وجراح تكلم بهدوء:بيبطي؟
البتول:ما ادري والله
جراح:بياخذ الجمعه والسبت؟
البتول:علمي علمك ماعلمنا شي زود
جراح سكت ولف لكوثر ناظرها وهي تناظره وصد لقدام
-
ريحان
دخلت المطبخ وهي ماسكه قلبها وتهوي نفسها بيدها
ابتسمت بحب ومسكت قلبها اللي يدق بقوه
ولفت لكوثر وفجر اللي دخلوا وراها
ابتسمت بكوثر وفجر تتكلم معها:غريبه جيتي معاهم؟
كوثر ناظرتهم:جيت اشوف راشد
فجر عقدت حواجبها؛منجدك؟
كوثر:اي اجلت كل شي وزواجي وتركت كل شي وجيت عشانه
فجر لفت لريحان ورجعت ناظرتها؛شتبين فيه؟
كوثر:جراح عطى راشد كلمه انه اذا تزوج زوجته بيوافق عليه
فجر:كوثر انتي متزوجه وهو متزوج كلن منكم في طريق
كوثر:جراح وامي وانا جايين عشان هالموضوع كيف تقولين كل واحد بطريق؟
ريحان عقدت حواجبها ومشت ووقفت قدامها؛كيف يعني جايين عشان راشد؟
كوثر ناظرتها؛جراح جابني لهنا عشان افهم من راشد كل شي
لفت لفجر:متى بيرجعون؟ وليه وداها لاهلها؟ مايبيها؟
بلعت ريقها فجر وريحان انصدمت على دقت الباب
مشت بهدوء وفتحت الباب وناظرته واقف وبيدينه ريحانه يلعب فيها
ناظرت ابتسامته وهي جامده
وجراح عقد حواجبه؛توك كنتي مبتسمه؟ مسرعك تتغلين؟
ريحان همست له؛ليش جايين؟
جراح عقد حواجبه:وش ليش جايين؟ المره الاولى ليه راجع والحين ليش جايين؟
ريحان؛جراح امك ليش جايه؟
فهم الموضوع وهز راسه ونزل عيونه؛عشان كوثر
ريحان تقدمت له بحده؛وانا؟
جراح؛كوثر يمكن تتطلق واحنا واقفين معها تتجاوز اللي هي فيه ولا ودي اضغط على امي بشي اكثر
ريحان؛كلمها تكلمهم تقيس نبضهم ترمي عليهم انها تبيني بس ماتجون عبث
جراح؛ماجينا عبث قلت لك ليش جينا
ريحان هزت راسها:فهمتك الحين وفهمت كلام خواتي والفرق اللي قالوه بيننا
جراح مسك يدها وطاح من يدينه الريحان؛اسمعيني
ريحان؛اترك ايدي جراح وصلتني لمكان ماوصلت له من قبل شلتني فوق وطيحتني بالارض فجأه
جراح بلع ريقه وريحان فلتت يده بتدخل
ومسكها بقوه ودفن راسه بشعرها:للحينك في بالي ماني قادر اتخطاك
كانت تحاول تبعده عنها وجراح شادها لناحيته
:انتي بقلبي ساكنه
ريحان رفعت راسها وناظرته؛خلك عند وعدك جراح اخطبني
جراح تنهد وناظرها:ابشري
ريحان ناظرته ثواني ودخلت وجراح تافف ومشى
تارك الريحان بالارض طايح ومنزوع
-
راشد
من وصل حفر الباطن يناظر الشوارع وعيونه تلمع
يبي يسكن بمكان كذا تلمه الزحمه وتاخذه الاشغال
يبي المدينه وصخب المدينه
لفت له اماني وابتسمت بلهفه:بكلم اهلي
هز راسه وهو يناظر الطريق والسيارات جنبه
رفعت جوالها وهي تكلم امها:كيفك يا امي؟
ام تركي:حمدلله انتي كيف حالك وكيف زوجك؟
ابتسمت اماني:كويسيين انتوا بالبيت؟
ام تركي:ليه؟
اماني:وصلنا الحفر
ام تركي:ماشاء الله لا والله نحنا ببيت خيلانك بنمسي عندهم الليله
اماني عقدت حواجبها بصدمه؛منجد؟
ام تركي:بس روحي انتي وزوجك تلقون الشغاله بالبيت تفتح لكم
اماني:اي زين كلميها امي تكفين لا تخلينا عند الباب
ام تركي:ابشري
قفلت اماني ولفت له:اهلي مو موجودين
راشد لف لها:نروح شقق مفروشه؟
اماني:لا لا الشغاله بالبيت تفتح لنا
راشد:لا نقعد بالبيت بدون اهلك صعبه
اماني:اهلي اهلك راشد وانا واحشني البيت
راشد مارد عليها ومشى على وصفها ووقف عند البيت
قفل السياره وابتسم:ما الومك
اماني ناظرت نظرته للبيت وهمست:بيتنا مو كبير بالنسبه للبيوت الفخمه على قد حالنا
راشد لف لها ورفع كتوفه:على الاقل مو بيوت قديمه بمكان قديم
اماني بحماس:انزل
نزل راشد واماني سبقته للبيت ودقت الباب
وراشد يناظر حوالينه من الحوش للبيت الكبير
فتحت الشغاله وابتسمت:مدام اماني
ابتسمت بحب اماني وضمتها؛كيفك جولي؟
هزت راسها ودخلت اماني وهي تنزل طرحتها ومبتسمه
ودخل راشد يناظر حوالينه ويناظر الشغاله بشي غريب
اماني لفت له:حياك راشد شفيك واقف؟
راشد تقدم وجلس بالصاله ونزلت عبايتها اماني:دقايق واجيك
هز راسه ومشت بسرعه لغرفتها وناظرت اغراضها وتنهدت بضيق
اختفت ابتسامتها وهي تتذكر حياتها ببيتهم وكيف تغيرت من تزوجت
خرجت من الغرفه بعد ماتركت اغراضها وناظرته يمشي
بالصاله ويناظر المكتبه والتليفزيون
ابتسمت ووقفت:عجبك؟
راشد لف لها وزم شفايفه:لو انا زيك ما اخرج من بيتكم
جلس ولم يدينه لصدره؛كذا غريب وملموم
رفع راسه لها واماني هزت راسها؛تعال الغرفه ارتاح
راشد مشى وهي وراه وناظر غرفتها وابتسم:انا انام هنا؟
اماني:اي مافي غرفه تشيلنا اثنينا نام انت انا يمكن انتظرهم
راشد جلس على السرير واماني لفت لجوالها وهي معطيته ظهرها
انسدح على ظهره وهو يناظر السقف ولفت له اماني
ناظرته ولف لها يناظرها نزلت راسها وهي مقفله جوالها وتناظره
همس راشد:ظلي لا تروحين
ناظرته اماني وبلعت ريقها بربكه وراشد مد كفه لها
وناظرت يده ومسكت يده وسحبها لحظنه وغمض عيونه
-
كوثر
واقفه بشباكها وتناظر الحوش وعاقده حواجبها
تنهدت بضيق ولفت لجوالها اللي وصلها منه اشعار
اخذته وناظرت اسمه "عماد"
وفتحت الرساله اللي كانت تقول:رحتي؟ يالله بالتوفيق بس ماني منتظرك كثير
ارمشت وهي تقرا وقفلت جوالها وهي ضايعه
تخاف تنتظر راشد وتخسر عماد في حين انها ترجع لعماد وتخسر راشد للابد
تاهت في بحر ضياعها وغمضت عيونها وانسدحت على ورا
-
جراح
عيونه اوجعته من السهر والتفكير ولا نام من وقت طويل
فركها وهو يفكر ويناظر الجدار ويتذكر كلام ريحان
لف لجواله وناظر فيديوهاتها وتنهد وهو ينتظر
يحصل مجال يخطبها ويخلص من المشاكل وياخذها بعيد
وجلس مابين حيره وقلة صبر ومابين التأني واللهفه
-
يوم جديد
عند فارس
دور له شغل يحاول يدبر له فلوس
وحصل له لكن الراتب بسيط
ولا رح يسدد اللي عليه جلس على عتبة الرصيف
وتلفت يناظر الشارع والاجانب وحس ان هذي هي الغربه
لا اخ او اب ولا حتى حبيبة دربه معه
وحيد وينتظر عدّاد نهايته
-
عند راشد
نايم على بطنه ومغمض عيونه بعمق
وهي جنبه تناظر ملامحه ويده اللي محاوط فيها خصرها
اخذت نفس طويل وابتسمت وصدت للسقف تفكر
سمعت صوت اهلها ورفعت يده عنها ومشت للحمام
غسلت وجهها وهي تحس انها الحين عروس بهالبيت
تروشت وغيرت ملابسها اللي عليها وطلعت لهم
من ناظرت امها واخوانها فرحت ومشت لها
لفت لها ام تركي:هلا بعيوني الثنتين
ضمتها ولف ابو تركي لها مشت لابوها وسلمت على راسه
:شلونك ابوي؟
ابو تركي:زين انتي كيفك وكيف زوجك؟
هزت راسها ورفعت شعرها ورا اذنها؛حمدلله
ام تركي جلستها جنبها:تعالي حكيني وش الطاري تجون الحفر؟
اماني:اشتقت لكم وكلمت راشد ووافق
ابو تركي؛وينه هو؟
اماني:تركته نايم
ابو تركي:قومي يا ام تركي جهزي الفطور والقهوه وحطيها بالمجلس
هزت راسها ام تركي ومشت مع اماني للمطبخ
واماني مبتسمه وتسولف مع امها وتجهز معاها الفطور
صحى راشد فتح عيونه وناظر الغرفه وعقد حواجبه
جلس واعتدل بجلسته وناظر حوالينه ومن افتكر وصحصح
حك دقنه ونزل عيونه وابتسم وتورط وهو يسمع سوالفهم برا
انتظر ومشى للحمام واول ماطلع ناظرها واقفه
عند الباب ومن ناظرته ابتسمت:صباح الخير
هز راسه وهو يناظر يدينها تفركها بحيا؛صباح النور
اماني؛ابوي بالمجلس ينتظرك
راشد مشى ووقف عند الباب واماني مشت بتروح؛وين رايحه؟
لفت له وضحكت؛ما بياكلك والله واخواني عنده
راشد هز راسه واماني ابتسمت؛روح
مشى للمجلس واماني دخلت المطبخ سلم راشد وجلس بينهم يفطر
وكل مره تجيب صحن اماني يناظرها ويصد بعيونه
-
جراح
دخل المجلس وهو يناظر الحوش
وناظر عبدالعزيز:سلام عمي
عبدالعزيز:هلا وعليكم السلام
جلس جراح واخذ نفس:صفيت لحالي عندك
عبدالعزيز ناظره:لا تلومني يوم اني اخليهم عند عيوني
جراح:يالله النصيب ياعمي كلنا بذا الطريق
عبدالعزيز:باقي انتي للحين ماتزوجت والا معلق البنت للحين!
جراح ابتسم؛لا فصخت خطبتي انا من فتره طويله
عبدالعزيز عقد حواجبه:وليه؟ عسى ماشر؟
جراح؛ماشر بس ما اتفقنا
عبدالعزيز:والا ماودك تتزوج؟
جراح ناظره وسكت والكلام بفمه يصارع سكوته
عبدالعزيز:لا تستعجل توك صغير
جراح هز راسه وصد لقدام ولف بيتكلم وقاطعه
:عندك رقم ذا اللي يبي البيت؟
جراح؛فيحان؟
هز راسه عبدالعزيز وتكلم جراح؛ليه؟
عبدالعزيز:بغيت اتأسف منه ابي علاقتتا تكون ببعض احسن
جراح هز راسه وطلع جواله؛اي عندي
ناظر جواله وسمع صوت الدلو وتفزز الف شريان بداخله
بلع ريقه ومد جواله لعمه؛هذا هو شوي واجيك
وقف ومشى وناظر ريحان طالعه وماشيه من جنب المجلس
مشى لها ومسك يدها ولفت وناظرته:نعم؟
جراح تنهد ولف وراه؛خفضي صوتك عمي بالمجلس
ريحان؛مابيننا كلام خلصنا جراح
جراح تنهد وفتح فمه بيتكلم وسكت وهو يسمع صوت الموسيقى
عقدت حواجبها ريحان وهي تناظر ملامحه ومستغربه صوت الاغاني
بلع ريقه جراح وضرب خده بقوه وفلت يدها ووقف عند المجلس
وريحان خافت من خوفه ومشت وراه
وقف جراح عند باب المجلس وهو يناظر وجه عبدالعزيز
يناظر الجوال وملامحه مصدومه ومحتدّه
حس بالدوخه جراح ورفع راسه عبدالعزيز اول ما انتهى الفيديو
ناظر ريحان واقفه ورا جراح ومستغربه
ورجع ناظر جراح اللي صدره يركض بالنفس
ووقف وهو يناظرهم وجراح متملكته الصدمه والخوف
-
راشد
ابتسم؛جينا نطمن عليكم وراجعين
ابو تركي:ما طولتوا
راشد؛ماعليه نعيدها ان شاء الله
لف لاماني:يالله مشينا
مشت اماني وودعتهم وركبت السياره
وحرك راشد راجع للديره واماني تنهدت بضيق
حست انها بترجع لنفس المكان والذكريات وحال راشد
بس لفت ومن ناظرت ملامحه تجاهلت تفكيرها وابتسمت
ولا شعورياً رفعت كفها ومسكت كفه اللي على الدريكسون
لف لها راشد وابتسم لها بهدوء ورجع يناظر طريقه
وبعد وقت طويل بالطريق وصلوا للديره
-
عند عبدالعزيز
رافع الجوال وريحان تناظره وجامده ملامحها
وجراح صاد بعيونه وعاض شفته بقوه
عبدالعزيز همس:وش ذا؟
ريحان رجف فكها بشكل ملحوظ وهمست؛ما ادري
عبدالعزيز بنفس الهمس قرب منها؛ماتعرفينها؟
ريحان تجمعت الدموع بعيونها وهزت راسها بالنفي
مسكها من شعرها وصرخت وجراح لف لهم بتوتر
عبدالعزيز رمى الجوال وضربها بقوه على خدها وهي تصرخ
خرجت البتول ركض ومن ناظرتهم انصدمت وفجر وراها
عبدالعزيز:ماتعرفين من ذي؟ ذي اللي وطت راسي بالارض
ريحان بكت وهي تصرخ وتحاول تتخلص من يدينه
وجراح واقف ويناظرهم والصدمه تملكته
وقفت الهنوف ووراها كوثر خارجين من بيتهم:وش صاير؟
ناظرهم جراح وعبدالعزيز ناظر الهنوف:مات اخوي ماربى عياله
عقدت حواجبها الهنوف وناظرت جراح وريحان شعرها بيده
ولا هي فاهمه شي والبتول اخذت تنهيده وصدت بعيونها عنهم
عبدالعزيز:مصّور بنتي بجواله؟ يبي يهددني فيها يعني!
جراح همس:عمي م..
قاطعه بصرخه عاليه؛اسكككت ماني عمك
جراح بلل شفايفه بتوتر ورفع نظره لريحان اللي تبكي
شدها بقوه عبدالعزيز وهو يناظرها:عبالك برحمك؟ بسكت عن اللي شفته بعيوني؟
هدأ الجو وفلت ريحان من دخلت سيارة راشد
وهو عاقد حواجبه ويناظرهم وقف السياره ونزل
وجراح صد وهو وده يصحى من هالكابوس ويبّري نفسه
تلفت راشد باستغراب وهمس:وش صاير؟
نزلت اماني وهي تناظرهم وكوثر ناظرت راشد
وجمدت ملامحها من شكله وشنبه ودقنه ورفعت يدها على فمها
محد رد عليه ولف ناظرها تناظره وتصنّم محله يناظرها
لفت اماني وناظرته ورجعت ناظرتها على صوت فجر
:راشد الحق على ريحان
لف راشد وناظر عبدالعزيز يناظره:تعال شوف اختك وش سوت؟
رفعت راسها ريحان والدموع ماليه وجهها والصدمه تعتلي ملامحها
راشد:وش صاير؟
عبدالعزيز اخذ الجوال من على الارض وعض شفته جراح
رفعه لراشد وراشد واقف محله ويناظر الفيديو
وعقد حواجبه من شاف ريحان وانصدم وناظرها بالارض تبكي
ولف بسرعه لجراح جنبه وطاحت عينه بعيون جراح
الهنوف:فهموني وش صاير؟
مشت بسرعه من بينهم ووقفت جنب راشد وهي تناظر الفيديو
عقدت حواجبها الهنوف وناظرت جراح؛وش جاب ريحان بجوالك؟
جراح سكت ونزل راسه وريحان تناظره تنتظره يبرر
الهنوف مشت لجراح؛رد عليهم قول انه مو انت اللي مصورها
سكت وتصدد بعيونه وعبدالعزيز رفع يدينه:العيب مو عليه هو تربية مره العيب على هال## اللي تترقص لواحد غريب
غمضت عيونها بقوه من سمعت النعت اللي قاله عنها
فجر بصدمه عضت شفتها وحطت يدها على خدها
وراشد بين الصدمه والصدمه مايدري وين موقفه بهالموقف
عبدالعزيز ناظرهم وناظر ريحان بالارض:شنقاً والا حرقاً؟
ناظرته ريحان بصدمه وجراح رفع راسه لعبدالعزيز بصدمه
عبدالعزيز ضرب كتف راشد:جيب الباروده
راشد ناظر ريحان ورجع ناظر ابوه وظل ثابت محله
عبدالعزيز ناظر راشد:وش فيك كنها اول مره؟
رفع راسه راشد وجمدت ملامحه وجراح رفع راسه له
:عمي
عبدالعزيز مارد عليه:يالله راشد قوم جيب الباروده
جراح مسك يد عبدالعزيز ولف عبدالعزيز يناظره
بلع ريقه جراح وتكلم بهدوء:انا صورتها بدون علمها
ضربت راسها الهنوف وصدت عنهم
عبدالعزيز:ورقصت بدون علمها بعد!
جراح هز راسه بالنفي:كنت بكلمك عمي كنت بخطبها وتمشي الامور
عبدالعزيز ناظر راشد؛روح انت وش تنتظر
مشى راشد من جنب كوثر ودخل البيت
وجراح مسك يده؛عمي صل على النبي اذكر الله وخلنا نتفاهم
عبدالعزيز:خذ اختك واطلعوا من هالارض وزين ان البيت بينباع
جراح اخذ نفس طويل وراشد وقف بينهم والباروده بيده
جراح ناظر راشد ورجع ناظر عمه ووقف قدامه؛عمي اسمعني
عبدالعزيز:وخر عن طريقي هاته
راشد مده لابوه وريحان ناظرت راشد وهمست؛راشد
ناظرها راشد ورجع على ورا ولاقدر يسوي شي
عبدالعزيز ناظر ريحان وريحان تناطره مصدومه
فجر؛يبَه تكفى خلها
جراح ناظره بصدمه وهمس:تذبحها؟
عبدالعزيز؛محد يدري عن شي وخر
نزلت راسها ريحان وهي تتمسسك بالتراب وتبكي بخوف
وجراح مصدوم ويناظر عبدالعزيز يتفقد البارود
رفع الباروده على راس ريحان وجراح يناظره مصدوم
غمض عين عبدالعزيز وهو يقرب يضغط الزناد
وبسرعه دف البارود لفوق واطلق عبدالعزيز
وجراح غمض عيونه وتكلم:انا اتحمل المسؤوليه
ركضت فجر لريحان وسحبتها من الارض لداخل
وعبدالعزيز نزل البارود ودخل المجلس وجراح
اخذ نفس وغمض عيونه وناظر امه تناظره وتنهد بضيق
مشت الهنوف للبيت وسحبت كوثر بيدينها معها
وراشد دخل المجلس وجلس وهو يناظر ابوه
جراح اخذ نفس:انا اتحمل الغلط واشيله على اكتافي ومستعد ارضيك باللي تبي ياعمي
عبدالعزيز:هو لو اني ما اعزك من معزة ابوك ما شفتني جالس واسمعك طبعي ما اسمع ابد
جراح بلع ريقه:استر عليها واخذها واخلصك منها لو تبي واطلب اي شي مني وانا حاضر واشرط علي باغلى الشروط بس وافق
عبدالعزيز نزل عيونه للارض ورجع ناظر جراح:اغلى الشروط!
جراح هز راسه:انا حاضر بأي شي ودك
عبدالعزيز:زين مابيك تقعد هنا ولا ابي هالحيوانه من بينهم تقعد عند عيوني بس البيت ما ينباع
جراح ناظر راشد ورجع ناظره وهمس:البيت في منه قسم لكوثر
راشد نقل نظره بينهم وعبدالعزيز هز راسه:ادري
جراح ناظر اصراره وهز راسه؛ابشر بس عطني وعد
عبدالعزيز اعتذل بجلسته وجراح كمل:وعد انها تكون لي ولا تسوي فيها شي
عبدالعزيز هز راسه؛روح قوم عن وجهي
جراح ناظره واخذ ثواني وقام من المجلس
واول ماطلع وحس ان الموضوع انحل ماقدر يوقف على رجوله
وجلس بالارض وشد شعره واخذ نفس طويل
للحظه كان ممكن عبدالعزيز يقتلها ولا يهتم
-
ريحان
تبكي ومنهاره وفجر جنبها تهزها بقوه
:بنت خلاص اسكتي تكفين
ريحان ماردت عليها وظلت تبكي ومصدومه
دخلت البتول وناظرتها؛جاك اللي بيجيك من قبل
ريحان رفعت نظرها للالبتول وبكت وهمست:منتي امي
البتول:قومي قومي صلي لك ركعتين ربي كتب لك عمر جديد
خرجت وتركتها وفجر ناظرت ريحان؛قومي صلي ريحان صدق
ريحان هزت راسها وهي تناظر الجدار وتبكي
تنهدت فجر وقامت وتركتها بالغرفه لحالها
خرجت ريحان بعد دقايق ودخلت الحمام
مشت للمغسله بتغسل وجهها ولا قدرت توقف دموعها
لفت بسرعه للدش وشغلته ونزلت المويه عليها بارده
غرقت ثيابها وشعرها ووجهها فركت وجهها بقوه
وكأنها تحاول تتخلص من كل الكابوس اللي مر عليها
انهانت وانفضحت وانذلت وانصدمت
اي انصدمت من اكثر شخص وثقت فيه وحبته وقدرته
-
راشد
ناظر ابوه وهمس؛بتعطيه؟
عبدالعزيز لف لراشد:لو يبيع البيت اعطيه ليش لا!
راشد سكت ووقف وخرج من المجلس
وناظر الشباك وانوار الغرفه مولعه
ومشى لشبك الغنم من سمع صوت الكلب عندها
ناظرهم جوعانين وينتظرون لو شوي وياكلون
فتح الشبك ونزل شماغه من على راسه وحطه على الشبك
ودخل بالعشب والخبز وحطه بالحوض داخل وتجمعوا ياكلون
اخذ نفس بضيق وحمل كبير على اكتافه وغمض عيونه من صوتها
:تمنيت نتقابل لو عند شبك الغنم
اخذ ثواني ولف لها وناظرها واقفه ورا الشبك وتناظره
خرج ووقف قدامها وهو يناظرها وضايع ومهموم
ولا قدر يخرج من فمه الا:ليش رجعتي الحين؟ بعد ما تأكدت انك منتي راجعه!
كوثر ناظرت دقنه وملامحه من قريب وابتسمت بحزن
:جيت وليتني ماجيت رجعت وليت رجولي ماساقتني اشوفك
راشد ميل راسه وهو يناظرها:جيت انت واخوك وجايبه مشاكل لنا
كوثر هزت راسها:الحين انا مشاكل؟
راشد مارد عليها وهو نفسه ياخذها بحظنه ويترك كل اللوم
كوثر رفعت يدها على دقنه وغمض عيونه:تغيرت ولاوفيت بوعدك اجل تقص الشارب اللي احبه!
راشد رفع يده ومسك كفها وتقدم لها وهو ياخذ نفس
:كل شي بعدك تغير جات على الشارب؟
كوثر ظلت تناظره وتنتظره يكمل
راشد؛حتى نباح دواس تغير وشبك الغنم اللي كنت احب اتكي عليه مال وتغير علي، شبابيك البيوت وابوابها تغيرت كنها تحتظر بعدك وقلبي اللي عاش على صوتك وجيّاتك تغير معّاد يجذبه شي، ريح المطر يابنيه وغيوم الصباح تذكرني كل يوم فيك وايامي ماهي كما هي
كوثر ضحكت بين دموعها وهمست؛حتى تعبيرك تغير
ابتسم راشد بين همه وهز راسه؛جايه ترجعين اللي كان واللي تاخذين اللي بقى مني وتروحين؟
كوثر:جايه تاركه يميني وشمالي وراي ماني ماشيه الا لك
راشد ارمش بعينه وتنهد وكوثر نزلت يدها من على كفه
:بس شكلي تأخرت حيييل
راشد عقد حواجبه؛اذا على شاربي يرجع يطيل وحرام علي انتف منه شعره
كوثر ابتسمت؛لا ماهو على الشارب على اللي تنتظرك بالبيت
راشد رجع خطوه على وراه وكوثر كملت
:مابي اخذ محلها وهي واضح تبيك
راشد؛وانا مو واضح ابيك؟
كوثر بلعت ريقها ونزلت نظرها لتحت:جيت وفهمت ان الزمن واقف هنا
اشرت على المسافه القصيره بينهم:واقفه بيننا راشد
راشد؛لا ترجعين تروحين لانك مابتلقيني
كوثر ماردت عليه وهي تناظره ومشت معطيته ظهرها
:فل الزمن وودع صاحبه وش عاد يغريني بالحياه؟!
عقد حواجبه راشد وكوثر لفت له وابتسمت:واضح بيننا حواجز كثير
مارد راشد ومشت وتركته وهي تخلي بداخلها شماغه وتحبس دموعها بعيونها
جلس راشد على الارض وهو يناظر مكانها ولف ناظر دواس
يجلس جنبه واخذ نفس طويل ورفع عينه للبيت جنبه
وناظر اماني تطل من الشباك عليه وواقفه بهدوء ومن شافها
دخلت وقفلت شباكها وتركته لحاله
-
جراح
ناظر امه صاده عنه واخذ نفس
:امي وافق يعطيني وانا مستحيل اتركها
الهنوف:والبيت؟
جراح؛البيت بيبقى هنا محد بيسكنه
الهنوف هزت راسها:والله ماقصرت ياولد بطني
جراح تنهد:تكفين لا تصعبينها علي
الهنوف:تركت البنت اللي بغيتها وجيت هنا معك عشانك ورغبتك والحين تطيح راسي بالارض قدامهم اني ماربيت!
جراح؛انا غلطت امي وهذا جزاي
الهنوف:جزاك غضبي عليك والله تبي تسكن وحده معاي مهي عاجبتني
جراح تنهد ونزل راسه ودخلت كوثر البيت
وناظرتها الهنوف :جات الثانيه بعد
صفقت بيدينها الثنتين وناظرتها كوثر:زين ماربيت والله رافعين راسي فوووق فوق
تركتهم ومشت وجراح رفع عينه لكوثر اللي تناظره والصمت بينهم
-
ريحان
تناظر الغرفه وملامحها ساكنه ومنسدحه على فراشها
دخلت فجر وقفلت الباب وناظرتها وتنهدت:كل ذا !
ريحان ناظرتها وهمست:ليش شوي؟
فجر:ياما دعيت ان الهنوف تكون عمتك وولدها زوجك
ريحان جلست وناظرتها بحده:مو بهالطريقه اكيد
فجر:صار وهذي نتيجة دعواتك
ريحان رجعت انسدحت:اذا بتتشمتين اطلعي وخليني
فجر:ماني متشمته بس هذا الوقت اللي كنت اقولك فيه ريحان اثقلي واتركي غباء الحب
ريحان غمضت عيونها بقوه من كلامها
فجر:كان فكرتي قبل تترقصين له واحد ماتعرفينه ولا تربى معانا
ريحان؛اتركيني لحالي
فجر ناظرتها وتنهدت:بنام
ريحان؛اجل اسكتي وخلي اللي فيني يكفيني
فجر انسدحت ولفت معطيتها ظهرها وهي تناظر الجدار
خافت عليها من ان ابوها صدق يذبحها خافت بس ماتبي تقول لها
لانها غلطانه واللي صار مو شويه ان الاب يشوف بنت ترقص بجوال شخص مو محرم لها اكبر مصيبه تصير له
-
يوم جديد
فتح الباب جراح باستغراب
ومن ناظر عبدالعزيز واقف عقد حواجبه:عمي؟
عبدالعزيز:روح جيب شيخ يكتب كتابك اليوم وكلم الرجال ان البيت ماهو للبيع
جراح:بهالوقت؟ ما اذن للظهر
عبدالعزيز:اذا طولت بغير رأيي استعجل
جراح ناظره وعبدالعزيز لف ونزل من الدرج راج للمجلس
قفل الباب جراح واخذ نفس ولف وناظر الهنوف واقفه
ابتسمت بحسره وهزت راسها ودخلت غرفتها
وغمض عيونه جراح بضيق ومشى لغرفه اخذ مفتاحه وجواله
وطلع من البيت ركب سيارته ورجع راسه على ورا
لف لثواني يناظر الريحان يداعب شباك سيارته من لفحة الريح
وفكر ان هالمره ريحان ما بيرضيها اللي صار توقع تزعل وبيتحمل اللي يصير له
حرك سيارته ومشى خارج من البيت
-
راشد
رفع شماغه على راسه وهو يناظر شكله ودقنه
وغمض عيونه وهو يستنشق عطرها يدخل من اطراف الباب
فتح عيونه ولف يناظر الغرفه فتح الباب
وطل وهو يشم ريحة الصاله ريحة عطرها
طلع وهو يمشي بهدوء ويسمع صوت العمال برا
ينزلون زوالي الزواج بس يحس ان الهدوء استولى
صدره من ريحة العطر اللي تدله وتجره لغرفتها
وقف عند الغرفه وبلع ريقه وفتح الباب بشويش
طل براسه وناظرها تحط طرحتها على شعرها
لفت له وناظرته يناظرها ولفت للترسيحه الخشب
فتحت الدرج وحطت علبة زيت على الرف
وهمست:يطول الشعر بسرعه
لفت له وناظرته:يمديك تطول شاربك قبل تروح
صد راشد وتنهد وعض شفته واماني
اخذت عبايتها وهي تحطها على كتفها:بروح اساعدهم
مشت من جنبه ومسك يدها ولفت له تناظره واقف جنبها
ناظرها راشد بهدوء وضاع الحكي من بين شفايفه
ولا واجه هالشي الا مع كوثر ترتبك الحروف وتتناثر تعابيره
وهالمره اماني قدرت تاخذ منه سرعة التعبير
ضاع ولا قدر يجاوب واماني من حسته طول بسكوته
فلتت يدها وخرجت من الغرفه ومن البيت
وراشد غمض عيونه وجلس على الكنبه ومسك راسه
-
جراح
واقف جنب عبدالعزيز
ولف لساري اللي تقدم لهم باستغراب:زواج الثلاثاء؟
عبدالعزيز ناظر ساري وصد
وجراح تقدم له وسلم عليه
ناظره ساري باستغراب:شفيك؟
جراح:بعدين تعرف كل شي بس بغيتك تعاوني
ساري:ابشر بس صاير شي؟
جراح؛لا، ابيك تمر المجزره تشوف الغنم اللي ارسلهم عمي
ساري هز راسه:ابشر
لف جراح وهو يناظر سما تدخل البيت وتنهد وصد
دخلت سما وهي تتلفت باستغراب ومن شافت ريحان بالغرفه
ركضت لها وحضنتها:اخيراً اخيراً
ريحان سكتت ولاردت عليها وسما ناظرتها
وعقدت حواجبها؛شفيك متوتره؟
ريحان بلعت ريقها:ليش تأخرتي؟
سما جلست قدامها واستغربت:وش صاير؟
ريحان مسكت يدينها واخذت نفس:اسفه اني ماسمعت منكم
سما عقدت حواجبها؛بنت لا تخوفيني وش صاير؟
ريحان رفعت راسها بضيق:جراح
سما:شفيه؟
ريحان استثقلت الكلام وهسمت بتردد:كان يصورني بجواله وانا ارقص
انصدمت سما وفلتت يدينها ورفعت يدها على فمها
ريحان؛انا اكثر منك مصدومه ماني طايقه اشوف وجهه
سما:شدراك؟
ريحان؛ابوي شافني بجواله
ضربت خدينها سما وهمست:ياويلي
ريحان:حط على راسي الباروده كان بيذبحني
سما؛وش صار طيب!
ريحان هزت راسها:ما ادري كل اللي ادري عنه ان اليوم زواجي وعلى قد ماتمنيت هاليوم يجي على اني ماودي يتم
سما سكتت وصدت بعيونها وهي تفكر وماسكه راسها
وريحان تناظر الارض وهاديه وكأن داخلها عاصفه تستعد للانفجار
-
جراح
حل الظلام وبسرعه مر عليه الوقت
ولا هو مستوعب للحين ان اليوم زواجه
ومن البنت اللي تمناه وحلم فيها تخيلها وزاد تعلقه فيها
ناظر اللي قدامه بسرحان وهو يسمع الشيخ
يقول اسمها كامل واسمه كامل
لف وناظر عبدالعزيز هادي وعلى ملامحه الرضى
رفع يده عبدالعزيز ومد يده تصافح كف جراح
وجراح اخذ نفس بعمق وبدأ يردد ورا الشيخ
اخذ الدفتر ووقع تحت اسمه ومد لعبدالعزيز الدفتر
اللي مده لراشد جنبه ووقف راشد ماشي للبيت
دخل راشد بالدفتر وناظر اخته تتوسط المجلس
ريحان رفعت راسها وناظرت راشد يناظرها
طالت نظرته لها يعاتبها ويلومها واوجعتها نظراته
نزلت راسها وهي تحبس دموعها وراشد
حط الدفتر على رجلها ولا تكلم بأي كلمه
ناظرت الدفتر ريحان واسمه جنب اسمها
وحست ان حلمها تحقق بس ما كان نفس اللي تخيلته
وقعت بيد راجفه ولا سمعت غطاريف او تصفيق او مباركات
رفعت راسها وناظرت راشد يعطيها ظهره ويخرج
بدون لا يبارك لها ونظرات امها وكأنها تخلصت من عار
ونظرات الهنوف اللي مي راضيه عن اي شي يصير
وكوثر واماني اللي كانت نظراتهم لبعض هاديه وكل وحده
واثقه ان راشد يكن لها الحب والشك يغمرهم مع الثقه
لمين يكن راشد اكثر حب!
-
فجر
كانت واقفه وتناظر ريحان ودموعها بعينها
زفت خواتها وحده وحده وللحين ما جا خبر من فارس
لفت لريحان وحطت عبايتها على راسها
وناظرتهم ريحان بدموع تملي عيونها
لجين همست لها:الله معاك
ناظرتها ريحان ومشت طالعه من البيت والهنوف وكوثر وراه
طلعت كوثر وناظرت سيارة جراح تنحط داخلها الشنط
وراشد وساري واقفين عند  السياره وجراح واقف يناظر الحوش
لف من خرجوا وناظر ريحان تخرج من البيت
بلع ريقه وصد للسياره وركب وترك الباب مفتوح
مشت الهنوف وركبت قدام وكوثر مرت من جنب راشد
وناظرته لاخر مره ومن ناظرها صدت وركبت ورا جنب ريحان
ركبت ريحان ورفعت عينها بعين جراح بالمرايه
ناظرها جراح وهمس:مبروك
لفت الهنوف عليه وناظرتهم وصدت لقدام
وريحان ماردت وهي تناظره بعيون مليانه دموع ولوم
نزل راسه جراح وقفل باب سيارته وناظره ساري
:تبغاني اجي معاك؟
جراح هز راسه بالنفي وساري بعد عن السياره
وحرك جراح خارج من البيت وريحان صدت تناظر
الطريق وتناظر الديره اللي ماتوقعت بيوم تتركها
الهنوف همست:صكيت الباب؟
جراح حس من نبرتها زعلانه وتنهد:اي
ماردت الهنوف وتموا الطريق بسكوت وتفكير
-
المدينه المنوره
ولاول مره يدخل بيتهم وهي تكون معاه
سبقتهم الهنوف وتركتهم ومشت لغرفتها
وكوثر مرت من بينهم ودخلت غرفتها
تركت ريحان تناظر اللي قدامها وهاديه
وجراح محتار كيف يبدي حواره
لف لها وناظرها وبلع ريقه:نورتي بيتك
لفت له ريحان ووقفت قدامه وهي تناظره بحده
واخذت نفس وهي تناظره:لو تجرأت وتكلمت وبررت عن اللي صار مارح تلقى مني استماع ابد
جراح تنهد ونزل راسه ورجع ناظرها:عارف اني غلطت وس..
قاطعته:لا تبرر ،عطيتك قلبي وثقتي وكل شي واخذتها بالارض ورميتها
جراح ناظرها بضيق ولا تكلم وريحان كملت
:ما توقعت منك اللي عطيتيني اياه ولا توقعت يجي هاليوم وانا كارهتك وكاره كل شي يخصك حتى ذكرياتك! مالها بقلبي مكان
تركته ومشت وهي تحاول تدخل اي غرفه
ومن فتحت الغرفه وناظرت الاثاث قفلتها وتكت على الباب
مسك راسه جراح ونزل شماغه ومشى للصاله
جلس على الكنبه وضغط على جبينه من تعب الطريق والتفكير
ناظر غرفته وهمس:جايه ايام طويله ياجراح
-
ساري
لف لسما؛قدمي لها عذر وتقبله ماعليك
سما:غريبه انت تتسغني عن الدوان
ساري اخذ نفس:والله مشوار للمدينه
سما:كويس نرتاح بكره اصلاً دوامك طويل
ساري سكت من رن جواله وعقد حواجبه
ناظر الساعه بتقرب لنص الليل والرقم من برا السعوديه
جلس باعتدال وهمس:فارس
سما جلست وناظرته باستغراب ورد ساري:فارس!
:السلام عليكم
ساري استغرب الصوت:هلا وعليكم السلام
:عذراً على الازعاج بهالوقت بس احنا من السفاره السعوديه بامريكا
ساري:طيب!
:وصلتنا قضية فارس اخوك ولا احد عنده علم من اهله وقلنا نكلمك تجي وتحل الموضوع وما تترك اخوك
ساري:اي شصاير؟
السفير:اخوك عليه قضيه بالمحكمه من قبل زوجته حكم بنفقه بمبلغ يقارب ٤٠ دولار
ساري مسك راسه وهمس:ما كان عندي خبر وعلم
السفير:والحين عندك خبر اخوك بحاجتك اتمنى تجي بأقرب فرصه
ساري تنهد وهز راسه؛ان شاء الله على خير
قفل وغمض عيونه وسما رفعت يدها على كتفه:وش صاير؟
ساري:فارس فارس ياسما
ناظرته سما بضيق وساري بتفكير ظل يناظر الفراغ
-
عبدالعزيز
واقف عند البيت ويناظر الحوش
ابتسم واخذ نفس طويل وناظر السما
السر اللي خباه وكان ممكن ينكشف اختفى
ولا احد قدر يكشف عنه شي حس بوراه احد
ولف وناظر فجر واقفه وبيدها كاسة المويه:سم يبَه
اخذ الكاسه من يدها ورجع يناظر الحوش
ناظرته فجر واخذت نفس وهي تناظر نظرة عيونه
لوين تتوجه لف لها عبدالعزيز وتركته ومشت
صد عنها ورجع ناظر الحوش الخوف اللي كان خايفه
اختفى ابتسم برضا وشرب من المويه ودخل داخل
قفل باب بيته ولاول مره يروح ينام وهو راضي عن كل شي
صح انه رافض زواج بناته وبعدهم عنه بس اذا كان لصحاله
راضي
-
يوم جديد
الهنوف
خرجت من الغرفه وهي تناظر البيت
ومكيف الصاله يشتغل
عقدت حواجبها ومشت وناظرت شماغ جراح
تقدمت وناظرته نايم على ظهره بالكنبه
تنهدت واخذت الريموت وقفلت التكييف
ومشت للمطبخ وهي تحاول ماتعصب وكل ماتجيها
فكرة ان جراح تزوج بهالطريقه ومن البنت اللي مابغتها
تتجنن وتصيبها العصبيه وكل ماتتذكر الفيديو وريحان !
تنرفزت وحطت الصحن على الرف وتنهدت
جلست على الكرسي بالصاله وهي تفكر
ولفت من دخل جراح وناظرها:سلام
ماردت عليه وصدت لقدام
اخذ نفس جراح وتقدم لها:بتقعدين زعلانه لمتى؟
الهنوف ناظرته وتكلمت بهدوء:اللي صار شوي؟
جراح صد والهنوف كملت:هذا اللي صار تسميه عرس والا فضيحه والا وش؟
جراح بلع ريقه:ادري اني غلطان وان اللي سويته ماينغفز عنه بش على الاقل انتي امي على الاقل انتي خليك جنبي
الهنوف:انا ربيتك احسن تربيه وبالنهايه اشوف هالنظره من اهل ابوك!
جراح جلس عند رجلها:زله والله زله وانتي تعرفيني
الهنوف:المشكله اني اعرفك وماني مصدقه للحين اللي سويته
جراح نزل راسه وسكت
والهنوف وقفت ووقف جراح قدامها
رفعت اصبعها وتكلمت بهمس مسموع:اذا هي عادي عندها تترقص لأي احد كيف رضيت تاخذها!
جراح عقد حواجبه والهنوف كملت:مهي من مواخذينا
جراح:امي لا تتكلمين عنها انتي ماتعرفينها هي اعطتني الثقه انا خونت فيها
الهنوف:وانت من عشان تترقص لك جراح؟
جراح سكت والهنوف هزت راسها بهدوء:خلني لحالي هالفتره اتقبل اللي صاير
جراح مارد عليها والهنوف مشت من جنبه وخرجت من المطبخ
تنهد جراح ومشى اخذ شماغه ومشى لغرفته
فتح الباب بهدوء وناظرها بسريره متلحفه ومو مبين منها شي
قفل الباب بهدوء ومشى للسرير وجلس وهو يناظرها
صد لقدام وهو يفكر بكلام امه ويتذكر اللي صار امس
اخذه التفكير بوقت طويل لين ماحس فيها تتحرك
فتحت عيونها وناظرته جالس عندها واعتدلت بجلستها
وهمست:نعم؟
جراح:يالله صباح خير
ريحان:من وقت طويل انت هنا؟
جراح مارد عليها وريحان ناظرته؛لا يكون صورتني وانا نايمه بعد
ناظر استهزائها وتافف:غرفتي اذا ناسيه
ريحان:اي ذاك زمان
وقف جراح وريحان ناظرته ماشي لدولابه:ماعندكم حمام غير ذا؟
جراح لف لها باستغراب:ليش؟
ريحان:ما استأمن ادخل حمامك يمكنك مهووس كاميرات
جراح رمى شماغه:ريحان اعقلي واتركي هبالك خلصنا
ريحان؛لو بنخلص ماخلصنا من الحين اقولك
جراح سكت وريحان وقفت وسحبت من يده منشفته؛وين الحمام الثاني؟
جراح ظل يناظرها وريحان تنتظره يتكلم
همس لها؛برا
مشت وطلعت من الغرفه وجراح تافف وجلس على الكرسي
وريحان طلعت وهي تدور حمام ودخلت الحمام
قفلت الباب وناظرت انعكاسها بالمرايه وتردد على ذاكرتها
ليلة امس من نظرة راشد لين توديع خواتها
لا سلمت امها عليها ولا ابوها وراشد ما دعى لها بالتوفيق
خرجت من بيت اهلها عروس ولا احد عطاها هالشعور
لا حست فيه ولا تمنت ينعاد ابد اخس ذكرى بتكون في حياتها
ذكرى زواجها وكيف تزوجت وانرمت عشان الستر
-
ساري
دخل المجلس وناظر عبدالعزيز جالس وينتظر فطوره
رفع راسه عبدالعزيز:ماشين؟
ساري:لا بغيتك
عبدالعزيز عقد حواجبه وساري جلس جنبه
دخلت فجر بصحن الفطور الكبير وهمس ساري
:فارس
جمدت محلها ووقفت تنتظره يتكلم
عبدالعزيز:علامه؟
ساري:فارس محبوس بامريكا وعليه قضيه بمبلغ كبير ولا يقدر يرجع السعوديه لين يسددها
عبدالعزيز عقد حواجبه:فلوس وش؟
ساري:طلاق الامريكيه،طالبه اكثر من ٤٠ الف دولار
عبدالعزيز رفع راسه وناظر فجر واقفه بالصحن وتناظرهم
لف ساري وناظر فجر ورجع ناظر عبدالعزيز:وانا ما اقدر اروح خالي دراستي ودراسة سما
فجر:انا اروح
عبدالعزيز تنهد:جات
فجر حطت الصحن وجلست قدام ابوها؛اروح معك يبَه ماني مخليته
عبدالعزيز؛مهبوله انتي وش تبين تروحين؟
فجر بخوف بلعت ريقها:اطمن عليه مستعده ابيع ذهبي بس يطلع ويرجع للسعوديه
عبدالعزيز:اروح انا وراشد
فجر؛وانا
عبدالعزيز:انثبري فجر واعقلي كُبي البلاهه
فجر سكتت ثواني:لا رحت بدوني والله لأطلع المدفون
عقد حواجبه ساري ولف لخاله وعبدالعزيز جمدت ملامحه
وهمس بارتباك:اي مدفون؟
فجر؛اللي خايف منه انت
عبدالعزيز لف لساري ورجع ناظرها:ادخلي الحين اجيك
فجر ناظرت ساري ووقفت ومشت للبيت
وقفت عند الباب وهي تهز رجولها وتفرك يدينها
رفعت يدها على سلسالها الذهب اللي برقبتها وغمضت عيونها
ناظرت ساري يخرج من المجلس مستغرب ويمشي لبيتهم
وطلع عبدالعزيز ومشى لها وحواجبه حاده
وقف قدام فجر:وش تخربطين انتي؟
فجر:ما خرابيط يبَه وانت ادرى وهالمره بوقف بوجهك لمصلحتي ولمصحلة فارس
عبدالعزيز:بتهدديني يعني؟
فجر:الكل راح منك والكل شاف حياته الا انا ظليت وسكت وتحملت حاولت اني ما اوقف بيوم بوجهك واعصيك بس قدام نصيبي وقدام فارس اسوي المستحيل
عبدالعزيز ناظرها وهمس:وش تعرفين عن المدفون؟
فجر؛اعرف ان اللي تحت هالتراب شي مخبى كبير ولو طلع بتكون مانك بخير
عبدالعزيز سكت ثواني:جهزي اغراضك
مشى وتركها وفجر من الفرحه والانتصار وصعوبة الموقف قدام ابوها
نزلت دموعها ومسحتها برجفة يدين ومشت لغرفتها
اخذت شنطتها وطلعت صندوق ذهبها وحطته بالشنطه
وهي تنتظر لحظة لقى وهي تنتظر لحظة وفاء
-
راشد
واقف بشباك الصاله ويناظر البيت قدامه
مقفول بابه ومرصّد بقفل
نزل عيونه بهدوء ولف من سمع صوت الصينيه
حطت قهوتها بالصاله واخذت فنجانها وصبت لها
ومشى راشد وجلس جنبها:مالي نصيب من القهوه؟
اماني:مالك نصيب بكل شي مو بس بالقهوه
راشد ابتسم بهدوء:حتى بقهوتك؟
اماني صبت له ومدته له واخذه من يدها وهي متجاهلته
راشد همس وهو يناظر فنجانه:لو دريت ان الزمن بيجبها ماعلمتك انها هي
اماني:لو ماعرفتها الحين بعرفها بعدين
راشد سكت ثواني وهمس بهدوء:راحت مالها رجعه هالمره
اماني:مايهمني
راشد:يهمك يهمك ومتأكد يهمك
اماني ناظرته وراشد رفع راسه لها:عندك شكوك؟
اماني هزت راسها بالنفي:لا
راشد ناظرها واماني بلعت ريقها وحطت فنجانها وقامت
تنهد راشد وتكى بظهره على وراه بهدوء
-
كوثر
لبست عبايتها وخرجت من البيت
طلعت ولا حصلت امها او اي احد
ركبت مع كريم وتكت بظهرها وهي تناظر الطريق
تذكرت شكل اماني وراشد وكيف شكله تغير
تنهدت ووقف وناظرت المكان ودفعت له ونزلت
مشى وهي ظلت واقفه تناظر المبنى
دخلت وناظرت الرجال مداومين ومشت سألت عن مكتبه
ودلوها ودقت الباب مرتين بهدوء وجاها صوته
:حياك
دخلت ورفع راسه لها وجمدت ملامحه من عرفها وهمس
:كوثر!
قفلت الباب ووقفت تناظره ورفعت كتفها بضعف وهي تناظره
تنهد عماد ووقف ومشى لها ووقف قدامها واخذ نفس
:بغيتي شي؟
كوثر هزت راسها وهي تناظره وعماد بهدوء:امريني
كوثر سكتت ثواني ورفعت يدينها وضمته بهدوء وبطئ
غمض عيونه عماد وهمس:سويت لك كل شي وش تبين اكثر؟
كوثر:اسفه
عماد سكت وكوثر كملت وهي حاظنته:تجي نكمل اللي وصلنا له؟
بعد عنها عماد وناظرها وكوثر مسكت يدينه واخذت نفس
:مالي الا انت وما بلقى احد يبيني الا انت
عماد اخذ نفس ونزل عيونه وناظر يدينهم
وكوثر شدت على يده وناظرها وابتسمت له بهدوء
عماد اخذ نفس وبلل شفايفه وهمس:لاني مشتاق لك والله
كوثر ابتسمت:فاضي نتمشى شويه؟
ابتسمت له بضيق وعماد ابتسم بهدوء:باخذ مفتاحي
تركت يدينه واخذ مفتاحه عماد وناظرته بضيق
الانسان اللي عطاها عيونه وقلبها ابى يحبه زي حبه لراشد
مسك يدها وطلع من مكتبه ومشى لسيارته
فتح بابها من عوايده وركبت وركب جنبها وحرك
-
البتول:وش تبي تاخذ البنت؟
عبدالعزيز:خليها تروح مع اخوها ومعي
البتول:وانا من يقعد عندي؟
عبدالعزيز:انتي اقعدي بالبيت لجين قريبه منك وصيتها تجيك
البتول ناظرت فجر تطلع بشنطتها وتناظرهم يناظرونها
مشت من بينهم وراشد ناظرها ولف للاماني اللي لزّمت تروح معه
عبدالعزيز ركب السياره والبتول واقفه تناظرهم
واماني مبتسمه وراكبه ورا وفجر جنبها
حرك راشد ومتوجهين للمطار
لف لابوه وتكلم بهدوء:ساري ما بيجي؟
عبدالعزيز:لا سرى امس المدينه عنده دوام
راشد سكت ولف يناظر طريقه وفجر تناظر الطريق وهاديه
وبعد وقت وصلوا مطار المدينه ونزلت فجر
وهي تناظر المبنى الكبير والناس والعالم والاصوات
والاجانب وتمشي بعبايتها ومتوتره من المكان
جلست بمكان وراشد يناظر حوله ولاول مره يدخل المطار
واماني مبتسمه وتناظر المطار قطع تفكيرها
عبدالعزيز:روح شوف اغراضنا ورتب كل شي
راشد ناظره متوهق وحك دقنه وهز راسه ومشى
اماني:بجي معاك
لف وناظرها ومشت معاه ومشى وهو يناظر حوالينه
وقف عند ضابط امن وتكلم بهدوء:وين اقص التذاكر؟
اماني:هنا
لف لها راشد وتكلم الضابط ودله على الطريق ومشى
لف لاماني:لا تتكلمين مع اي احد تسمعين!
اماني:وانت اسألني قبل تسأل احد تراني اعرف
راشد ناظرها وتكلم بهدوء:اي حتى انا اعرف
ابتسمت وهي تدري فيه ومشت معاه وخلص كل شي
ورجع لعبدالعزيز اللي هادي وفجر جنبه هاديه وكأنه
دار بينهم حوار بس ما يدري وش هو
شال الشنطه بيده ومشوا مع نداء رحلتهم وفجر
ماسكه قلبها وتناظر المطار هالمكان اللي كانت تدعي عليه
بكل مره فارس يسافر تكرهه اكثر ولا تتمنى تشوفه
-
ريحان
طلعت من الغرفه تدور لاحد يسليها
وما حصلت لا جراح ولا كوثر
سمعت بالصاله صوت التليفزيون ومشت
دخلت وناظرتها الهنوف وصدت وهي عاقده حواجبها
وتناظر التليفزيون ولا تكلمت
مشت ريحان وبلعت ريقها وجلست جنبها
اخذت نفس ولفت للهنوف وتكلمت بهدوء:وين مطبخك ياعمه؟
لفت لها الهنوف وهمست:ماودك تبدين كلامك باعتذار؟ والا المشهد اللي حضرته عادي عندك؟
ريحان بلعت ريقها بربكه ونزلت راسها
الهنوف:مابغيت اختار لولدي الا اللي يبيها واستغربت يوم انه اختارك بس طلعتي مجننتيه يحلم فيك ويهوجس بك
ريحان همست:ماهو قصدي ارقص لأي احد ولاهي تربيتي
الهنوف:لا تتكلمين عن التربيه اتركينا حبايب
ريحان سكتت ثواني والهنوف لفت لها:ابد ما كنت ابي ولدي وحيدي يتزوج بهالطريقه
مسكت غصتها ريحان ورجف فكها والهنوف صدت عنها
على دخوله ناظر شكلها وشكل امه وهمس:شصاير؟
لفت ريحان وناظرته وجراح ناظرهم باستغراب
وقفت ومشت وطلعت من جنبه وجراح لف لامه وتنهد
:شقلتي؟
الهنوف:ولاشي،بس هي منحرجه من نفسها
جراح غمض عيونه بهدوء ومشى لحقها
دخل ولفت له:لا تتكلم بحرف
جراح:ريحان بنقعد كذا لمتى؟
ريحان ناظرته بحده:جراح اطلع ماني طايقه وجهك والله
جراح:ترا اللي صار مو مني بعد
ريحان رفعت حواجبها:انا الغلطانه صح؟
جراح:لا انا واياك
ريحان هزت راسها بحده وجراح تقدم لها
:خلينا نتكلم ماينفع كذا
ريحان؛روح شوف امك وش تقول والناس واخوي راشد اللي حتى ماطالع بوجهي بزواجي الله لا يعيده من يوم
جراح اخذ نفس بهدوء وهو يناظرها:طيب
مشى وتركها وهو معصب ماوده يزيد كلام اكثر
-
فارس
رفع راسه بالسفاره اول ماجاه اتصال
ووقف من شاف راشد وعبدالعزيز ووراهم فجر
انصدم من شافها بعبايتها وسط الاجانب تمشي وتدوره
وتقدم له راشد وسلم عليه:كيف حالك؟
هز راسه ولف لفجر وناظر عبدالعزيز باستغراب
عبدالعزيز:هذي الكافره اللي جبتها لنا؟
فارس تنهد ونزل راسه وفجر همست:مو وقته الحين
ناظرت فارس وتكلمت بهدوء:بتتسدد الفلوس ماعليك بترجع معانا فارس
عبدالعزيز صد بعصبيه وراشد هز كتفه:ماعليك محلوله
ابتسم فارس وناظر فجر وابتسمت له بحب
رغم الظروف الا انه من شافها ابتسمت له الدنيا
مشى عبدالعزيز برا وراشد صد ثواني
ومد كفه فارس ومسك يدها وناظرها:حمدلله انه ماهو حلم
فجر ابتسمت وناظرت بضيق
فارس:هالمكان اللي تمنيتك تكونين معاي فيه
فجر ابتسمت وصدت لعبدالعزيز اللي دخل
:تعال خل نحل الموضوع
مشى فارس وفجر جنبه حس بالأمان وانه مو لحاله
وقف عبدالعزيز وتكلم بالسفاره وهو تعبان
:يعني وش ذا الدولار؟
السفير؛الدولار الامريكي يعادل ١٣ وشي ياعمي
عبدالعزيز ناظر فارس بحده ورجع له:وشلون نسدد؟
السفير:قدموا طلب للمحكمه
عبدالعزيز هز راسه ولف لهم:وشلون ندفع الحين
فجر؛جبت ذهبي معي يسد القليل
عبدالعزيز ناظرها بصدمه وفارس لف لها بصدمه
عبدالعزيز؛انتي مهبوله تجيبين ذهبك معك؟
فجر:شفنا احتجناه وانا ماني عايزته
راشد ناظر فجر وصد لجواله اللي دق
عبدالعزيز تنهد وفارس تكلم؛لا تبيبعن ذهبك عشانها
فجر؛ماهو على شان احد غيرك
مسك راسه فارس بصدمه وعبدالعزيز صد لراشد :تعال
قفل راشد وناظره؛هلا
عبدالعزيز؛انا تعبان دور لنا فندق ماني متعود الا على ديرتنا
راشد هز راسه ومشى ومشت فجر وفارس جنبها معاهم
حجز راشد وطلع عبدالعزيز غرفته ولف راشد لفجر:هاك مفتاحك
اخذت الكرت فجر وراشد كمل:لا بغيتي شي انا واماني قدامك
هزت راسها وتركها ومشى ولفت لفارس اللي يناظرها
فارس:بحس بتأنيب الضمير لو دفعتي بذهبك
فجر؛ماعليه خاتمي معك وهذا المهم
ابتسم فارس وهمس:تجين نتمشى شويه؟
فجر ابتسمت له وهزت راسها ومشى فارس برا الفندق
-
ساري
قفل من راشد ولف لسما
:راحوا له
سما هزت راسها؛كويس
ساري:فجر مع خالي
سما انصدمت:احلف؟
ساري ابتسم؛اللي خلق هالحب جبّار
سما ابتسمت:ياعمري عليها
ساري:يقول راشد ماخذه ذهبها معها
سما تنهدت وكمل ساري:ليته ياخذها هالمره
سما:تتوقع ٥٥ مره بتجيب نتيجه ؟
ساري هز راسه؛ظني هالمره بتصيب
سما ابتسمت:ياليت
ساري:طيب عندي محاضره العصر انا
سما؛توديني لريحان؟
ساري:تزعجينهم عرسان؟
سما:بتطمن عليها مابي اخليها لحالها
ساري تنهد بتفكير:بكلم جراح وارد عليك
هزت راسها سما وساري تركها ومشى يجهز
-
ريحان
منسدحه بالغرفه ولا شافت احد من بداية اليوم
جلست وهي طفشانه ماتوقعت ابد تكون حياة المدينه
ممله ،افتقدت الديره والزرع وطلعاتها بالحوش
عند سما
ناظرت جراح يطلع من البيت ويمشي لسيارة ساري
نزل ساري وسلم عليه وجراح ابتسم:شلونك يادكتور؟
ساري:حمدلله وانت كيفك ياعريس ؟
جراح هز راسه ومشت سما من بينهم ودخلت البيت
ناظرت الهنوف تستقبلها:هلا
سلمت عليها بتوتر؛كيفك ياعمه؟
الهنوف:تمام ماشي الحال
حستها متضايقه وسحبت نفسها؛بمر ريحان
الهنوف ماردت ومشت سما ودقت الباب
وتاففت ريحان وتلحفت وهي تناظر الفراغ
دخلت سما وناظرتها منسدحه وحز بخاطرها
قفلت الباب وابتسمت:شلون العروس؟
رفعت راسها بصدمه ريحان وفزت من سريرها
وركضت لها وحظنتها ضحكت سما
:بشويش
ريحان تنهدت؛كويس جيتي كنت بموت لحالي
بعدت عنها سما وهمست:وين جراح عنك؟ كان مايخليك دقيقه!
ريحان تاففت وجلست وجلست جنبها سما
وناظرتها سما بضيق:شفيك؟
ريحان:مصدومه سما تمر علي السالفه وانقهر منه
سما تنهدت وكملت ريحان:كنت شايفته اكثر من رجل كنت احسه اخوي وابوي وواثقه فيه
سما:نصحتك ريحان والرجال كلهم مو على قد الثقه
ريحان تنهدت وناظرت الارض:لا كلمتي ولا كلمته من فتره
سما؛وبتجلسون على هالحال؟
ريحان رفعت كتوفها وناظرتها:ماني متقبله منه شي
سما تنهدت وانسدحت على ظهرها:هذي هي الحياه هذا اللي بغيتيه
ريحان ناظرتها بضيق ولفت لقدام ساكته
سما:ماودك تكملين جامعه؟
ريحان ناظرتها باستغراب:مدري مر وقت على الترم ماظنتي يمديني
سما:تصالحي مع جراح وخليه يقدم لك الترم الجاي
ريحان:ادري فيك تبيني معاك
سما ضحكت؛لو تشوفين الجامعه ياريحان شي خورافي
ريحان ابتسمت بهدوء ولفت لها:قابلتي عمتي؟
سما:اي
ريحان تنهدت:ما اتجرأ اطالع فيه حتى جراح يوم يطلع الليل اروح اكل لي لقمتين
سما جلست وناظرتها:لين متى؟
ريحان:لين يفرجها ربي وانسى اللي صار
سما:هو اللي صار مو شوي بس فكري انك تحبينه
ريحان سكتت ولا ردت وسما تناظرها
-
جراح
ركب سيارته وشغلها وانتظر يناظر البيت
تنهد وهو يفكر مرت ايام ولا قابلها وتكلم معها
ارهقه التفكير وحرك رايح للاستراحه
وقف عند الاستراحه وجاه اتصال
اخذه ورد:يالله حيي النسيب
عماد ابتسم:الله يحييك شلونك؟
جراح؛نسأل عن احوالك!
عماد:كل خير
جراح:امرني
عماد:تكلمت مع كوثر وتعدلت الامور بيننا والموعد على حاله
جراح ابتسم برضا:كويس حمدلله مبروكين
عماد:حبيت اخبرك وتعلم عمتي
جراح؛ان شاء الله اكيد
عماد:يالله نشوفك على خير
جراح ابتسم وقفل جواله ودخل الاستراحه
-
فارس
جالس وماسك قهوه بيده ويناظرها؛شفيك تناظرين كذا؟
فجر؛عايش بين هالشقراوات المفاصيخ !
ابتسم فارس وناظرهم حوالينه:مايهموني بعيوني وحده
ابتسمت فجر وصدت لقدام
وفارس ناظرها:هالمره بنتزوج؟
فجر هزت كتوفها:ظني اي
فارس:وليش واثقه؟
فجر؛هالمره ابوي ما بيقول شي ومتأكده
عقد حواجبه فارس:ليش؟
فجر ناظرته؛ابوي مخبي شي بالحوش وانا متأكده
فارس لف لها بجسمه:شدراك؟
فجر:زوّج جراح لريحان عشان ماينباع البيت
فارس:جراح تزوج؟
فجر ضحكت:محد قالك؟
فارس هز راسه بالنفي
فجر:ومدري وش مخبي بس هددته عشان ياخذني معك
فارس :معقوله؟ وش بيكون !
فجر؛خبري خبرك
فارس ابتسم؛زين لقينا مخرج لاني تعبت خمس وخمسين مره بتصك
فجر ابتسمت؛استاهل
فارس ابتسم لها؛اكيد
-
جراح
فتح الباب وانصدمت من شافها صاحيه
ناظرته ريحان وصدمته على وجهه
قفل الباب وضحك؛من وين طالعه الشمس ؟
ريحان؛بتكلم معاك كنت انتظرك
جراح اخذ نفس براحه وتقدم لها:كويس انك فكرتي تتكلمين لان وضعنا ما يعجب العدو
ريحان عقدت حواجبها؛اي وضع؟ ابي السوق
جراح بردة فعل سريعه:هاه!
ريحان؛ابي السوق ناقصني اشياء
جراح:وانتظرتيني عشان كذا؟
ريحان هزت راسها وجراح ضحك بصدمه
وهز راسه ورجع ناظره:منتي ملاحظه ان بيننا مشكله ولازم تنحل
ريحان:عاجبني الوضع كذا ماردي ارجع انخذع من جديد
جراح:ريحان اعقلي صدق وكبري عقلك خلصنا
ريحان:ماينغفر والله ماينغفر عن زلتك
جراح تقدم لها بهدوء:كنت مغرم
هدأت ملامح ريحان وجراح كمل بهدوء:كنت مغرم واحبك ما كان ودي تغيبين عني ثانيه لدرجة اني فكرت اصورك
ريحان نزلت راسها بتوتر
وجراح كمل:كنت انام على فيديوهاتك واقوم عليها من حبي لك
ريحان اخذت نفس ورفعت راسها له:كانوا يعاتبوني ويقولون عني مخفه انت شفت وش كان بيسوي ابوي! كان بيذبحني حط البارود على راسي
جراح:وانتي شفتيني وقفت قدامه وسويت المستحيل عشان لا يصير فيك شي
سكتت ريحان ونزلت راسها وجراح كمل:اذا انتي بنظر اهلك غلطانه فأنا بنظر اهلي بعد غلطان
ريحان:بس انت ماعليك لوم انا اللي كنت اترقص لك
شاف ردة فعلها حزينه وتنهد:طيب متى تبين السوق؟
ريحان ناظرته بهدوء وصدت عنه وقامت مشت للحمام
تنهد جراح ومسك راسه بقوه
-
فجر
واقفه جنب راشد بالمحكمه لحالهم
تاركين عبدالعزيز تعبان من السفر بالفندق
دخل القاضي ولف فارس لفجر يناظرها
وابتسمت له تريحه وصد لقدام
دخلت عايلة سابين وناظرت فجر اللي تناظرها بحده
فتح الملف القاضي وبدأ يقرا القضيه
وتسدد المبلغ كامل واعلن العفو لفارس
وقدرته للرجوع للسعوديه
ابتسمت فجر براحه ووقف فارس بعد خروج القاضي
وناظر سابين تناظره ومشى لفجر وراشد
ابتسم راشد وحظنه:زين حمدلله
فارس ناظر راشد:مشكور راشد
راشد:ماسويت شي هذا ذهب فجر اللي كفى
فارس ابتسم وفجر ناظرتهم:احنا اهل مافيها تكاليف
فارس همس وابتسم:ياليتنا نصير اهل
ابتسم راشد وناظر فجر اللي مبتسمه
-
عبدالعزيز
تعبان من السفر ولامتعود على نومة الفنادق
دق على راشد وجاه راشد وفتح له
ناظر وجهه راشد:تعبان يبَه؟
عبدالعزيز هز راسه :اسمع احجز لي رجعه
راشد:خلنا نحجز سوا ونرجع
عبدالعزيز:مافيني ارقد هنا اكثر
راشد تنهد:طيب لا تتعب نفسك بروح واشوف
خرج راشد وتافف ومشى لغرفته
فتح الباب ولفت له اماني:شفيه؟
راشد:تعبان يبي يرجع
انصدمت اماني ووقفت:لا تكفى راشد
راشد:وشو لا ابوي تعبان وبنروح
اماني:راشد خلنا نقعد اكثر تكفى
راشد:من يدفع لنا تذاكر لوحدنا!
اماني تافف وهمست:راشد تكفى مابي ارجع
ناظرها راشد بضيق وغمض عيونه ثواني:وش اسوي؟
اماني جلست وناظرته:لو كنت متوظف ما كان احتجت ابوك يحجز لك
راشد:رجعنا لنفس الموال راعي غنم وراعي غنم خلصنا
اماني:راشد شوف نفسك شوف جوالك وشكلك ولا كأنك ساكن بنفس عصرنا
راشد سكت واماني كملت:وانا واثقه ان زوجها ما يشبهك ابد
ناظرها راشد بهدوء واماني تنهدت على حالهم ووقفت تاركته لحاله
-
جراح
صحى من صقعة الدولاب ولف ناظرها
تافف من شافها تتطبق ملابسها:يالله صباح خير
ريحان:اي صباح شوف الساعه
جراح اخذ جواله وناظر الساعه ١:١٤م
انسدح على ظهره:صحيني المغرب
ناظرته ريحان بضيق وهمست؛مابتوديني؟
فتح عيونه بنعاس وهمس:العصر صحيني
تنهدت ريحان وجراح فتح عيونه بتفكير ولف لها
ناظرها وتكلم بهدوء:قومي البسي
ريحان:الحين؟
جراح:نتغدى ونروح السوق
ابتسمت ريحان بهدوء وهزت راسها ومشت تلبس
-
كوثر
صحت على رنة جوالها واخذته وردت بنعاس:هلا
ابتسم بحب كبير:نايمه العروس؟
فتحت عيونها كوثر وتثاوبت:اي
عماد:اجل يالله قومي بمرك وانا طالع من دوامي
عقدت حواجبها كوثر:داومت الجمعه؟
عماد:كل يوم يداوم زوجك ياحبي
ضحكت كوثر:اي واضح اني بعيش لوحدي
عماد ابتسم:عندي اجازه شهرين
كوثر ابتسمت:طيب بقوم البش
عماد:لا تفطرين جايب معاي دونات
كوثر ابتسمت وقامت:طيب
قامت من سريرها ولبست عبايتها
خرجت من الغرفه ومشت للصاله وباست راس الهنوف
الهنوف:على وين؟
كوثر جلست؛عماد بيمرني
الهنوف:متى بتجلسين معي نجهز للزواج؟
كوثر هزت كتوفها؛جهزي انتي كل شي عادي
الهنوف:لازم تكونين موجوده
كوثر ناظرتها:وين العرسان؟
الهنوف رفعت كتوفها وصدت للتلفزيون
دخل جراح وريحان وراه لابسه عبايتها:سلام عليكم
ناظرتهم كوثر والهنوف ردت السلام
جراح:امي بنطلع نتغدى تجين؟
الهنوف:شبي اجي
جراح:تتمشين
الهنوف:لا روحوا انتوا
جراح ناظر كوثر:انتي رايحه؟
كوثر هزت راسها:عماد جايني
جراح هز راسه وناظر امه:توصين شي امي؟
الهنوف هزت راسها بالنفي وخرجوا
كوثر ناظرت جوالها ولفت للهنوف:مع السلامه امي
الهنوف:مع السلامه
مشت كوثر وطلعت وناظرت جراح واقف مع عماد
ركبت السياره وريحان في السياره تناظر عماد
همست بقهر:وعليه عليك ياراشد
مشى جراح وهو مبتسم وركب وحرك السياره
اخذت نفس ريحان وجراح ابتسم
-
راشد
ناظرته اماني بحده وهي تتطبق ملابسها
همس لها بضيق:اسف
ناظرته اماني وناظرت نظراته الحزينه
راشد:ادري اني متعبك واني مقصر واني ما استاهلك ابد بس هذا حالي لو بيدي والله اسوي لك كل شي تبينه
اماني:اقنعني ان لو زوجتك كوثر ما بتسوي اللي تبي؟
راشد تنهد وصد براسه:خلاص تكفين كل شوي هالسيره حتى اللي يبي ينسى ما ينسى
اماني مشت وجلست جنبه وناظرته:ابيك تكون احسن من الكل ابي اشوفك احلى من الكل راشد اهتم بهندامك وكلامك
راشد ناظرها بهدوء واماني ابتسمت:انت حلو بعيوني وابيك حلو بعيون الناس
ابتسم لها راشد واماني رفعت يدها على خده:ودقنك لا يطول
هز راسه راشد واخذ نفس وتكى براسه بحظنها
وغمضت عيونها بحب اماني وحظنت راسه بصدرها وهي مبتسمه
-
جراح
في السوق يمشي وراها ويناظرها مبتسم من حركاتها
وقفت عند محل ساعات وناظرت الساعه من القزاز
همست وهي تناظر لمعتها؛حلووه
تقدم لها جراح وضحك:١٦ الف
لفت له بصدمه :ليه؟
جراح:وش ليه كدا الساعات اقل شي ٦٠٠
بققت عيونها ريحان وحطت يدها على خدها وهي تناظر المحل
همست بقهر:والله لو انها ساعة يوم القيامه
ضحك جراح بصوت عالي ومشت قبله بالمحل
دخلت وهي تنقي لها ملابس ولف جراح ناظر البنات مع امهم
وعرفهم ياما وصلهم اسواق ومطاعم مع خالته
ابتسمت له خالته وتقدمت:شلونك جراح؟
ابتسم وسلم عليها ولفت ريحان من بعيد باستغراب
وطلت على البنات وتقدمت لجراح
ام رنا عقدت حواجبها وناظرت ريحان جنبه:من ذي؟
جراح بلع ريقه وناظر ريحان ورجع ناظرهم:ريحان
رنا تقدمت ورا امها وهي تناظر ريحان
وخالته عقدت حواجبها:نقلتوا المدينه؟
ريحان ناظرت جراح وسكوته وناظرتها:لا انا سكنت مع عمتي الهنوف
ام رنا:ليش بتكملين دراسه؟
ريحان:لا ابد بيت زوجي
لفت خالته بصدمه عليه وجراح يناظرها همس:كل شي صار بسرعه
ام رنا:شدعوه عليها الهنوف تدق تتعذر
جراح ناظر ريحان ورجع ناظرها؛علي انا اللوم والا امي ما كان بيدها شي
ام رنا:ماعليه مبروكين كلامي مع الهنوف
مشت وتركتهم وريحان ناظرتها وهمست:شدعوه عليها هي كل ذا عشان ماعزمتها
جراح:خالتي قريبه من امي وعيب تشوفنا بالسوق ولا عندها خبر
ريحان ناظرته وهمست؛هذي ام رنا؟
جراح ناظرها ولارد وريحان هزت راسها وطلعت من المحل
-
الطياره
يطل من بين الكراسي ويناظرها تجلس جنب ابوها ورا
يبتسم بين اللحظه واللحظه ويلف قدامه
كرر المره وناظر راشد يطل من وراهم يضحك
واماني جنبه تناظره ضحك فارس ورجع راسه على ورا
لف راشد لاماني وضحك:مهبول
اماني ابتسمت:راشد
لف وناظرها واماني بهدوء:لو بعد هالوقت اللي عرفتني فيه وانعاد الزمن ترجع توافق !
راشد هز راسه:انا ماعرفتك من قبل ولا وافقت عشانك انتي لاني ماكنت اعرفك
اماني هزت راسها:يعني بعيد عن اللي صار ترجع تختارني؟
راشد تكى براسه وناظرها؛انتي تختاريني؟
ابتسمت اماني وابتسم راشد من ابتسامتها ولاردت عليه
-
فيحان
انتظر عن البيت وهو يناظر ساعته وناظر سيارة جراح
نزل وناظره جراح ولف لريحان:ادخلي
مد لها المفتاح ونزلت ريحان باغراضها
ونزل جراح وقفل سيارته؛ارحب
فيحان صافحه:كيف الحال!
جراح؛بخير اقلط حياك
فيحان:لا والله مستعجل جيت سألت وقالت الوالده انك برا
جراح:اي والله امرني
فيحان:بغيت من وقتك كثير اذا تسمح
جراح عرف الموضوع وهز راسه:طيب ابشر متى اجيك؟
فيحان:بيتي يرحب فيك تعال وتلقاني ان شاء الله
جراح هز راسه وابتسم:على خير حياك
فيحان:لا والله مستعجل يالله سلام
مشى لسيارته فيحان وجراح دخل البيت
مشى لامه وناظرته الهنوف:مكثرين
جراح اخذ نفس وجلس وتكلم بهدوء:ناقصها كثير
الهنوف ماتكلمت وجراح بلع ريقه وهمس:شفت خالتي
الهنوف عقدت حواجبها وناظرته؛خالتك! وين؟
جراح:بالسوق مع بناتها
الهنوف غمضت عيونها وتنهدت؛لا حول ولا قوة الا بالله اثاريها ماترد علي عشان كذا
جراح؛امي انا اقول شوفي يوم واعزمي كل اللي يعزونك وخلصينا
الهنوف:متى اعزم واختك بتتزوج قريب؟ مايمديني اجهز لاستقبال زوجتك والا لكوثر اختك!
جراح:شوي شوي مايحتاج كلافه عزيمه صغيره لو نهاية هالاسبوع بالبيت
الهنوف:اي بيت جراح وين يكفيهم بيتنا يبي لنا استراحه
جراح عقد حواجبه؛امي بتعزمين انتي الجماعه كلهم!
الهنوف:ماتدري عن شي انت يبي لك رجال وحريم اصلاً
جراح؛لو دريت سويت زواج وخلصنا
الهنوف:روح روح خلني اشوف وش اسوي بخالتك
جراح هز راسه ومشى وفتح باب غرفته ووقف محله
من ناظرها واقفه بفستان تستعرض شكلها قدام المرايه
البسمه تغمر وجهها وشعرها متناثر على وجهها باهمال
ماسكه بيدينها الفستان وتناظر شكلها برضا
ابتسمت وناظرته بفرحه تغمرها:قلت بيطلع حلو
ابتسم ابتسامه هاديه وهو يقفل الباب:كل شي يحلى عليك
ريحان ناظرت الاكياس بالارض وجلست وهي تطلع كل شي
وجراح جلس وهو يناظرها تطلع الملابس
ريحان همست وهي تناظر الملابس:فرحتي بالملابس اكثر فرحه فرحتها من يوم تزوجت
جراح ابتسم:مشكوره
ريحان ناظرتها ورفعت كتفها ولفت له بجسمها
:بزواج اختك بيتكلمون علي الناس لين يقطعوني هذا اذا ما انتشرت سالفة زواجنا
جراح بهدوء:سالفة زواجنا!
ريحان:احد يتزوج كذا؟
جراح:صح عليك احنا مختلفين اجل في احد يحبك هالقد؟
ريحان سكتت وهي تناظره وصدت للملابس
مشى لها وجلس بتعب جنبها على الارض
وناظر الملابس ورجع ناظرها:متى خلاص والله اني تعبت
ريحان وهي تطبق الملابس بيدينها:ما اشوف فيك تعب كل يوم ماتجي الا انصاص الليالي
جراح:اي لو تشوفيني مالي اصحاب اروح استراحه مع اللي معي بالدوام ولاني مندمج معهم ابد
ريحان:وش غاصبك؟
جراح:انتي ، مابي نتهاوش ولو جلست ادري بيصير بيننا قيل وقال
ريحان نزلت عيونها بهدوء وسكتت
جراح:كل شي يتعدل اهلك وامي بس ابدأيي فيني وعدلي الحب اللي وقف بيننا ووقف لحظة الريحان اللي انزرع وسط هالوجه وقف لحظة مابانت بملامحك الحب
ريحان وهي تناظره بضعف بلعت ريقها وبان عليها
ابتسم جراح ومد يده لها ومسك يدها وريحان ناظرت يدها
ريحان همست:بكمل جامعه
عقد حواجبه وتكلم بهدوء:كل ما تشوفيني مسترسل معك تطلبين شي!
ريحان سحبت يدها بهدوء:اللحظه مره مابي افوت حلم من احلامي
جراح سكت وطال سكوته وناظرته ريحان بتوتر
ناظرت نظراته وبللت شفايفها؛وش فيك؟
جراح؛ما كان حلمك ترقصين!
ريحان ضحكت بهدوء:ذاك اول معدني محركه شي بجسمي اعتزلت المهزله اللي كنت فيها
جراح؛ما كانت مهزله كانت حاجه فوق الجمال
-
فارس
وطت رجله على ارض السعوديه وحس بالانتماء
بعيد عن الغربه وقبضة القلب اللي كانت تجيه خارجها
ابتسم ابتسامه هاديه لفجر اللي تناظره ورجع ناظر
ساري اللي يمشي بخطوات سريعه وعينه بعين اخوه
ميل راسه فارس بنظرة عتاب وساري ركض لحظنه
ضمه وفارس تنهد وحظنه وساري همس بضيق
:مجبور يا اخوي سامحني تكفى
فارس ناظره وهز راسه؛معذور اهم شي اني شفتك
ساري:امي تنتظرك ومن يوم درت انك جاي انهبلت
فارس ابتسم:امش اجل
لف ساري لعبدالعزيز:حياك ياخال
عبدالعزيز بتعب:لا لا ودوني بيتي
راشد هز راسه لساري:ماعليه مره ثانيه
ساري:يالله بالسلامه ان شاء الله
مشى ساري وفارس حاط يده على كتفه ويمشي معه
وقف فارس للحظه والتفت وراه وناظرها تناظره
ابتسم براحه ورجع طلع برا المطار
-
بعد مرور يومين
فجر
دخلت بالغدا المجلس واخذ نفس عبدالعزيز
البتول:انت تعبت هناك وانا تعبت هنا
عبدالعزيز:ياشيخه توبه افارق الديره
فجر لبست نعالها بترجع وناظرت السياره
تدخل الحوش رفعت شيلتها على وجهها
وهي عاقده حواجبها وقف عند البيت وفجر تناظر
ونزل منها فارس وابتسمت بحب
ومن ناظرها ابتسم وتقدم لهم
ناظرها وبهدوء:شلونك؟
فجر ابتسمت:اسأل عن احوالك
فارس ابتسم وقاطعه وقوف البتول:حياك فارس
مشى ودخل:سلام عليكم
عبدالعزيز نزل راسه ولارد
سلم على راسه فارس:جايك اكمل الخمسين ياخالي
البتول ناظرت عبدالغزيز وفارس جلس
اخذ نفس:محد بقى الا انا ما اخذت اللي ابيها وانا الوحيد اللي ما اخذتها غصب عنك او هددتك بصورها
البتول صدت بهدوء وعبدالعزيز ناظره
فارس:انا الوحيد اللي خطبتها منك مره ومرتين وست وخمسين مره
سكت فارس ينتظر منه كلمه بس ماتكلم عبدالعزيز
فارس:خالي
عبدالعزيز:كم مره بتقعد تطلبها مني؟
فارس:لين اموت وكان فيني شده بطلبها منك،بصك المليون مره بس توافق
عبدالعزيز:مابي اصير ظالم وماني عادل
فارس ابتسم وعبدالعزيز ناظر البتول ورجع ناظره
وهز راسه:هالمره جاك ماطلبت
نزلت دموعها وهي واقفه عند باب المجلس عاضه طرحتها
وتحاول تمسك فرحتها ودموعها تنهمر بغزاره من الفرحه
ابتسم فارس ولا شالته رجوله يقوم يسلم على عبدالعزيز
نزل راسه وغمض عيونه بامتنان لهاللحظه
ياما تمناها وانتظرها كثير وحلم فيها
-
جراح
واقف عند البيت وينتظرهم يفتحون
فتحت له عامله ودخل بارتباك وجلس بنص البيت
سمع صوت وراه ووقف وناظره واحد من عيال فيحان
:هلا بجراح
جراح ابتسم وسلم عليه:شلونك؟
جلس قدامه:حمدلله الوالد شوي ونازل لك
جراح هز راسه ودقايق نزل فيحان وابتسم
:هلا بجراح يالله حيه
جراح وقف وسلم عليه وفيحان ابتسم له:جيتك تعني لي والله
جراح جلس وفيحان جلس قدامه جنب ولده
جراح ابتسم:امرني
فيحان ناظر ولده ورجع ناظر جراح:بغيت البيت
سكت جراح وناظرهم وفيحان كمل:البيت عجبني وعاجب عيالي والسعر اللي تبيه بتاخذه ولاول مره ما ادخل بسوم
جراح ظل يناظرهم وهو ساكت ويفكر
-
راشد
ابتسم ودخل البيت وقفل الباب
رفعت راسها اماني:شفيك؟
راشد مارد عليها وجلس وضحك بهدوء
واماني تراقبه باستغراب
راشد ناظرها:فارس ماعاد فيه عقل
اماني عقدت حواجبها:ليه؟
راشد؛عشانه بياخذ فجر
اماني ابتسمت؛ماشاء الله اخيراً
راشد ناظر الفراغ وهمس:معقوله كذا يصير بالواحد اذا اخذ اللي يبيها!
اماني ناظرته وصدت لقدام:واكثر
راشد لف لها يناظرها واماني هاديه تناظر الفراغ
همس:تجين معي؟
اماني لفت له وعقدت حواجبها:وين؟
راشد:المدينه
اماني سكتت بهدوء وناظرت راشد:بتاخذني معك تشوفها؟
راشد عقد حواجبه:اشوف من؟ قلت لك نغير جو ماقلتها عشان اشوف احد
اماني ناظرت ملامحه ورفعت كتوفها؛بكيفك
راشد:اذا ماتبين بطلنا احسن بعد
وقف بيطلع ووقفت اماني:الا ابي واكيد ابي اي مكان غير هنا ابيه
راشد ناظرها وطلع وقفل الباب نزل من الدرج
ومشى بيروح للمجلس وناظر دواس اللي يركض بسرعه له
ابتسم وانحنى له يمسح عليه ودواس يلهث
سكت وناظر البيت وراه مقفله ابوابه وهمس:ماهي ابواب البيوت اللي مقفوله بوجهي وابواب حبها بعد
لف وناظر دواس وابتسم:يالله تساهيل
قام وترك دراس ومشى للمجلس