°DarkSide° || JJK [Completed]

Chap.13

Author's pov-

කෑම කාලා කාමරේට ආවත් හරි මින්හු බබාටනම් හරිහරි වැඩ ගොඩක් තිබ්බා. එයාට ටේහ්‍යුන් ගෙනත් දීපු සෙල්ලම් බඩුවලින් බාගයක්වත් තාම හරියට පාවිච්චි කරන්න ලැබුනෙ නෑ. ඒත් කොල්ලට තවතව අලුත් දේවල් ගොඩාක් මතක් උනා. පුදුමෙකට වගේ කොල්ලට අලුතෙන් ඕනි කරපු දේවල් වල උඩින්ම තිබුනෙ කොණ්ඩ බූලක්. පුංචි එකාට ජන්කුක්ගෙ කොණ්ඩෙ දැක්ක වෙලාවෙ ඉදලම ඕනි උනේ ජන්කුක්ගෙ වගෙ චූටි කොණ්ඩ කුරුල්ලෙක් එයාගෙ ඔලුවෙත් දාන්න. ඔම්මගෙයි, අක්කගෙ වගේ නෙවෙයි ජන්කුක්ගෙ කොණ්ඩෙ. දිග නැති උනාට මින්හු බබාගෙ හිතට අල්ලලාම ගියේ ඒක. දිගට ඕනි නෑ. එයාට ඕනි චූටි කොණ්ඩකුරුල්ලෙක් ඔලුව උඩින් තියාගන්න. එතකොට කොල්ලටත් පුලුවන් ජන්කුක් වගේම සැරින් සැරෙ ඔලුව ගස්සලා කොණ්ඩෙ පස්සට කරන්න.

සෙල්ලම් බඩු අතර අතරමං වෙලා ඉන්න පුංචි එකාට සෝහා ඇතිවෙනකම් එරෙව්වා. කෙල්ල හිටියෙ පොතක් පෙරලගෙන උනත් එයාගෙ අවධානෙ සම්පූර්ණයෙන්ම තිබුනෙ මල්ලි ලග.

ටිකකින් පුංචි කොල්ලා එයාගෙම අතේ කලු පාට පර්මනට් මාකර් එකකින් රටා අදින හැටි දකිද්දි සෝහට තවත් තරහා ගියා. එයා ජන්කුක් වගෙ වෙන්න හදනවා. පුංචි එකාට මහ ලොකුවට ඇදගන්න බැරි උනාට මොකද එයා අත පුරාම ඇද උන ඉරි වලින් එක එක විකාර ඇන්දා.

එක එක සයිස් බෝල ගොඩක්...
ලොකුම ලොකු මලක්... නැ නැ මල් වැලක්ම.
ලොකු බෝලෙකට ඉරි දෙකක් ඇදලා ලස්සන මයික් එකකුත්.

කොල්ලා එයාගෙ වම් අත සම්පූර්ණයෙන්ම චිත්‍ර පොතක් කලා. ඇදලා ඇදලා සෑහීමකට පත් වෙන්න පුලුවන් තරම් අත විනාශ උනාට පස්සෙයි කොල්ලා ඊළග පියවරට ගියේ.

"ඔම්මා.. මගෙ ඔලුවෙ මලක් දාන්නකො"

තමන්ගෙ වටේ පිරිලා තියන සෙල්ලම් බඩු ටිකක් එහෙමෙහෙ කරලා ඉඩ හදාගත්ත මින්හු බබා ජනේලෙ ගාවට වෙලා නිකරුනෙ එලිය බලන් ඉන්න මින්‍යොල් ලගට ගියා. කොල්ලට හරි හදිස්සි ජන්කුක් වගෙ වෙන්න.

"මොනාද මැණි-දෙය්යනේ මේ මොකද මේ!?"

කවදාවත් නැතුව කොල්ලා පොතේ වෙනුවට අතේ චිත්‍ර ඇදලා තියන හැටි දැක්කම මින්‍යොල්ගෙ ඇස් උඩ ගියා. කොල්ලගෙ අත හරියට තීන්ත බකට් එකක ඔබලා වගෙ.