بين سطور القدر (عائله الشريف )

البدايه١

واقفه قدام القصر مبهوره بجماله بتقول ف نفسها هو في جمال كده . قطع تفكيرها بواب القصر جاي عليها
عم محمود : ايه ي بنتي محتاجه حاجه ؟
ليليان: اا انا جايه الاستاذ رفعت الشريف هو موجود
عم محمود : اه ي بنتي اقوله مين
ليليان : ليليان ناصر
عم محمود شاور للحراس يفتحوا البوابه ودخلت ليليان الحديقه بتاعت القصر بصت حوليها ف زهول من جمال القصر وان شكله ميقلش جمال عن بره
قاطع شروره عم محمود و هو بيقول : اتفضلي هو فإنتظارك جوه
ليليان متوتره وبنحاول تمسك نفسها و تبان اقوي شويه . ودخلت القصر لقت العيله كلها ف انتظارها
كانت عيله كبيره اوي متكونه من الجد رفعت الشريف
و أولاده عاصم و خالد و عز وادهم
و جمبهم أزواجهم نهال و فريده و دينا
و قدمهم أولادهم
قاطع تأملها ده صوت الجد رفعت و هو بيقول تعالي ي بنتي ادخلي انتي اكيد عرفاني انا ال جيت لكم البيت من يومين .
هزت ليليان راسها بهدوء بمعني ايوه
كمل الجد رفعت وقال قبل أي حاج انا هعرفك عليهم الأول .
بدا الجد يعرفهم وقال: ده عاصم ابني الكبير .( كان راجل خمسيني حاد الملامح و باين عليه الشده بس هو حنين مع عيلته) . وكمل وقال مراته نهال.( ست طيبه و فرفوشه ف الأربعينات)
بعدين ده ابنهم ادم الكبير .( حاد و بارد بس بيحب عيلته و بيحب يضايق و يهزر معاهم ، دكتور استلم مستشفي ابوه عمره ٢٦ سنه )
مازن الوسطاني ( فرفوش و مرح محامي ٢٥ سنه)
ليلي الصغيره جميله خجوله فنون جميله ٢٣ سنه )

خالد الابن التاني ل رفعت الشريف ( راجل خمسيني هادي ف عينه نظره حزن )
مراته فريده هانم ( ست ارستقراطيه بتحب نفسها و بتهتم بيها اوي بس طيبه من جوه )
ابنهم مراد الكبير . ( مهندس ٢٥ سنه قريب مازن )
ملك اخته جميله بس صعبه التعامل صاحبه ليلي محاميه ٢٣ سنه )

عز الدين( الأخ التالت قريب من سن اخواته هادي و حنين) مراته دينا (ست طيبه و جميله ف الأربعينات)
يحي الابن الكبير دمه خفيف و مرح محاسب ٢٦ سنه)
داليا (اخته جميله بس عصبيه شويه و مرحه بردو محاسبه ٢٤ سنه قريبه من ليلي و ملك )

أدهم (اخر العنقود مرح بس جد فنفس الوقت قريب اوي من أدم عنده ٣٠ سنه مش متجوز دكتور أسنان )

اول ما خلص الجد رفعت كلامه قال ل ليليان اجهزي علشان انتي هتعيش هنا و دي هتبقي عيلتك

الصدمه بانت علي ليليان و معرفتش تتكلم
والحال مكنش احسن بالنسبه للعيله ال اتصدمو كلهم