بين سطور القدر (عائله الشريف )

٢١

تاني يوم

عند الجد ف المكتب ، كان أدهم و قمر واقفين عنده 

أدهم: نعم ي بابا حضرتك طلبتني

الجد : انت قولتلي انك هتفهمني بعد ما تنفذ اتفضل بقا فهمني ايه ال حصل ده

قمر نزلت راسها ف الارض و حست ان هي السبب

أدهم رفع راسها و مسك اديها و قال
: بابا انا عملت كده علشان...... و حكي له كل حاجه

الجد : مش كنت تقولي ي ادهم ، و بعدين قرب من قمر و طبطب علي راسها و قال: انا مش مصدق ان ابني اخيرا اتجوز قبل ما اموت

أدهم: بعد الشر عنك ي بابا

الجد حضنهم و قال : ربنا يحفظكم لبعض ي ولاد

أدهم و قمر : و يحفظك لنا

ابتسم لهم الجد و خرجوا

___________________________________

بره الشباب كانوا متجمعين

أدهم: احمم انتباه ي شباب عيله الشريف انا قررت اتفضل عليكم و اعزمكم بره  ، ها ايه رايكوا

يحي: طالما ع حسابك انا فيها

ادم : بخيل كلب

يحي : يخلهوملك 😂

ليلي : انا كمان جايه اكيد

مراد: اكيد انا جاي انا كمان

ملك : اممم انا كمان اكيد

أدهم: حلو اهو نخرج و اعرفكم ع قمر بما ان كل حاجه جت بسرعه

داليا : ياااه متأخر اوي دا احنا بقينا صحاب

ليلي و ملك : معاها حق

أدهم: طيب يلا اجهزوا

ملك : انا جاهزه

يحي بغيره : و حضرتك هتخرجي كده

ملك: و ماله يعني ما حلو  اهو

يحي :  لا طبعا دا ضيق اوي انت مش شايفه

ملك : بطل بقا

مراد بحده: هو معاه حق البسي حاجه تانيه ي ملك

طلعت ملك بعصبيه و طلع وراها البنات

____________________________________

عند ملك

ليلى : اهدي ي ملك هو عاوز مصلحتك

داليا : ايوه ي ملك اخوكي عاوز يحافظ عليكي

قمر : انتي متعرفيش الزمن ال احنا في بقا عامل ازاي

ليليان بهدوء قربت منها و مسكتها من كتفها و قالت : ملك انتي لازم تلبسي ال يرضي ربنا مش ال يرضي حد
علشان ربنا أمرنا بكده و أمرنا بالحجاب و الستر زي أمهات المؤمنين و علشان نعف نفسنا من النفوس المريضه ، ربنا هو ال بيختار لأحسن لينا مش علشان الموضه و الفاشن نخسر دنيتنا و اخرتنا و ربنا قال ف القرآن الكريم : بسم الله الرحمن الرحيم 

يَٰٓأَيُّهَا ٱلنَّبِىُّ قُل لِّأَزْوَٰجِكَ وَبَنَاتِكَ وَنِسَآءِ ٱلْمُؤْمِنِينَ يُدْنِينَ عَلَيْهِنَّ مِن جَلَٰبِيبِهِنَّ ۚ ذَٰلِكَ أَدْنَىٰٓ أَن يُعْرَفْنَ فَلَا يُؤْذَيْنَ ۗ وَكَانَ ٱللَّهُ غَفُورًا رَّحِيمًا

ربنا كان خايف علينا ووصا الرسول يبلغنا لانه بيحبنا
مش علشان يجبرنا ، ربنا اما يقول حاجه مينفعش نعترض علي كلامه لانه عارف مصلحتنا فين .

ملك بدموع : و هو ربنا هيغفر ليا كل ال انا عملته قبل كده

ليليان : ربنا غفور رحيم ي ملك بس العبد يتوب ليه و يذكره

ملك : انا هلبس الحجاب ي ليليان

ليليان : فكري كويس علشان ده مش لعبه زي ما بنشوف ع السوشيل ميديا لما تحب تلبسه و لما تحب تقلعه .

ملك : انا بكامل ارادتي دلوقتي و انا متأكده من قراري

ليليان بضحك  : خلاص انتي هتلبسي من عندي انهارده ، عدي الجمايل بقا

قمر : و نبقا ننزل المول شويه ي بنات نجيب هدوم
انا فعلا محتاجه

ليلي : انا معاكوا انا كمان عاوزه اغير استايلي و اجيب لبس أوسع

داليا : انا اكيد معاكوا ي جماعه

ليليان: هتيجي عليا يلا بينا
_________________________________

و راح البنات عند ليليان علشان يختاروا لملك لبس

ليليان : ايه رايك ف الفستان ده ، جديد ملبستهوش قبل كده

ملك : حلو جدا ي لي لي

ليليان : هديه مني بمناسبه الخطوه الجديده دي

ملك بتحضنها : انتي احسن صاحبه و اخت ف العالم

داليا : ي عيني ي عيني

ليلي : خياااانه بنت عمي و مرات اخويا مره واحده

قمر : ربنا يهديكوا ي جماعه انتوا حاله ميؤس منها

ليليان : انتي لسه شفتي جنان

داليا : ده ميسويش حاجه

و ضحكوا كلهم و دخلت ملك لبست و خرجت لهم

ملك : ايه رايكم ي جماعه

ليليان : اميره

داليا : حلو جدا

قمر : بجد تحفه

ليلي : ايه ي بت الحلاوه دي ، الحجاب بجد خلاكي قمر

ملك بضحك : اخجلتوني ي جماعه

ليلي : لا وانت وش كسوف ي بت

نزلوا تحت و الكل أتعجب من شكل ملك و قالوا .....

   _________________________________

لو عجبكم البارت متنسوش تكتبوا ليا تعليق حلو زيكم و انتو متوقعين ايه ال يحصل ... 🥰😊