بين سطور القدر (عائله الشريف )

١٥

ليليان : ادم متسبنيش

ادم : اهدي ي ليليان انا معاكي ، واداها المايه

ليليان بعياط : انت مش زيهم انت مش هتسبني و لا هتضربني ي ادم صح

ادم خدها ف حضنه و قال متخفيش انا معاكي، و قعد يقرأ قرآن لها و يهديها لغايت ما نامت

ادم ف نفسه: دي وراها حكايه كبيره ولازم اعرفها
ونام بعدها و هو بيفكر ف ليليان

فاقت ليليان الصبح لقت نفسها ف حضن ادم قعدت تتامله شويه و بعدين

ادم : انتي كويسه دلوقتي ي ليليان

ليليان بصوت مبحوح : اانا الحمد لله كويسه

ادم : متأكده

ليليان بعياط: انا صحيتك بليل صح ي ادم

ادم : اهدي واحكيلي ي ليليان

ليليان و هي تزيد ف العياط : انا بقيت حاسه ان انا عاله عليكم ي ادم انت مش مضطر تتحملني

ادم : ليليان انا هافضل جمبك و مش هسيبك ابدا اهدي بقا و احكيلي من الاول خالص من اول ما جيتي الدنيا

ليليان : ماما فاطمه اتجوزت و قعده فتره مش بتخلف
و بعدين ف يوم من الايام عرفت انها حامل ف التالت
بس كان جوزها سافر ف اتصلت بيه علشان تقوله كده
لقتو متعصب قالتلو انها حامل ف التالت و قالت له انه
يقعد فتره أطول علشان يجمع مصاريف للطفل ال جاي
و بعد فتره ولدت ماما ، ولدتني انا  و بعدها جه بابا ناصر بس هو كان مدايق ان انا بنت بس ماما كانت مبسوطه قوي ، و مرت سنتين و بعدها جه بابا من السفر تاني بس المره دي قال لماما انه اتجوز عليها و خلف ولد و برر وقال علشان يشيل اسمه و كده
ماما فاطمه مستحملتش و تعبت و ماتت .
كملت ليليان بعياط و قالت : لما ماتت جاب مراته و ابنه و جه اخدني علشان يربيني مع ابنه ، كان بيعاملني ببرود بس مكنش بيضربني او يزعق و كان بيحب عامر اكتر ، طبعا علشان الست يسريه ترتاح بعد ما عدي وقت علي ماما فاطمه  رحنا نعيش ف بيتها علشان يوفر فلوس الإيجار طبعا و بداء يسافر تاني وانا كنت بقعد مع يسريه و ابنها طبعا مقولكش ضرب بقا واهانه و شغاله خدامه ف البيت و متخلصش هنا لا طبعا ابن يسريه هانم لازم يكمل كان كل ما يحس انه عاوز يعمل حاجه يجي يضربني   ف مره كنت
______________________

فلاش باك .

كانت ليليان ف المطبخ بتغسل المواعين

عماد: بتعملي ايه ي زفته انتي

ليليان : اانا بغسل المواعين

عماد : و قع طبق كسره لها

ليليان : انت عملت ايه ي غبي

يسريه : انتي ي بت ايه ال اكسر ده

ليليان : ااانا انا

يسريه : انتي علقتي

عماد: انتي شايفه ايه ي ماما كسرت الطبق و لازم تتربي

يسريه : والله ي ابني معاك حق غلبت معاها

عماد خلع الحزام و نزل بيه علي جسم ليليان

ليليان: اااااه حرام عليك انا معملتش حاجه

عماد : اخرصي

و بعد ما خلص راح شاددها من شعرها و دخلها الاوضه و قفل عليها

باك .
_____________________

و كملت ليليان وقالت : و قبل ما جدو رأفت يجي دخل عليا الاوضه علشان ياخد المرتب
__________________

فلاش باك ٢

عماد :هاتي المرتب ي بت انتي

ليليان : والله انا بتدرب لسه المرتب بروح بيه مواصلات يدوبك

عماد : بطلي كدب بقا
وراح خانق ليليان من رقبتها و هي بتقاوم و تصرخ
و تنادي علي يسريه تلحقها

و بعدين بتفقد الوعي

يسريه : ي لهوي هي ماتت ولا ايه

عماد بخوف : نهارسود لتكون ماتت

يسريه : نوديها المستشفي

عماد : هنخش ف سين و جيم و احنا مش ناقصين

يسريه : انده دكتور رجب من تحت بسرعه و هندي له قرشين يسكت بيهم

عماد : حاضر

بعد ما دكتور رجب كشف عليها قال : دي اتخنقت ي مدام يسريه

يسريه : جبت التايها نعمل ايه علشان تفوق

رجب : متعمليش  هي هتفوق لوحدها بس سبيها

يسريه : شكرا ي اخويا مع السلامه و صلو ع الباب ي عماد

باك 

ليليان : بعدها جه جدو رفعت عندنا و اخدني
و معرفش عنهم حاجه

ادم بغضب : امال ابوكي ده كان فين

ليليان بسخريه : اب ايه بس

ادم بحنان : ليليان انا مش هسيبك ابدا وعد مني

ليليان بدموع : متأكد هتفضل معايا بعد ده كله

حضنها ادم و قال : لآخر نفس فيا

ليليان : شكرا ي ادم

ادم : ايه ي بنتي شكرا شكرا انا جوزك

قاطع كلامهم صوت الباب بيخبط

ادم : ادخلي انتي الحمام و انا هقولهم انك بتغيري

ليليان بتمسح الدموع: حاضر

و راحت الحمام و قام ادم يشوف مين

_____________________