بين سطور القدر (عائله الشريف )

١٢

و قبل ما حد يقول حاجه الجد كمل و قال : انا قررت كده بس علشان تعرف تعيش هنا وهي مرتاحه وكمان و نكون احنا عيلتها بجد

ادم بحده : ازاي يعني هتجبرها تتجوز !

الجد : ي ابني انا مش هاجبر حد علي حاجه دا لمصلحتكو

ادم سابهم و خرج و خرجت وراه ليليان

ليليان: انا اسفه .... انا الغلطانه

ادم : انتي ملكيش ذنب

ليليان بحزن : انا فاهمه كويس ي ادم جدي عمل كده علشان اعيش براحتي معاكم و لو انا مكنتش موجود مكنتش هاتطر تعمل كده .. كل ده بسببي انا

ادم : مش بسببك ي ليليان قولتلك

ليليان بحزن : هو صحيح انا عشت معاكم ف البيت ده احسن ايام قضيتها ف حياتي اكتر من بيتنا كمان بس انا مينفعش اكون سبب تعاستك ، انا ممكن اقعد ف سكن الجامعه .. او ممكن اقعد لوحدي ف شقه أو..

ادم : ليليان انتي مش هتمشي من هنا
ولازم تتعودي تواجهي مشاكلك مش هينفع تهربي من كل مشكله تقابلك كده ، و كمان انا مبحبش اكسر كلام جدي ، و انتي فكري محدش هيقرر غيرك

ليليان : يعني انت موافق

ادم : انا مستحيل أرفض كلام جدي ، فكري و قرري و متخليش حد يضغط عليكي

ليليان: ادم انا موافقه

ادم : فكرتي الأول

ليليان : ايوه ي ادم

_______________________________

عند الجد

الجد : ها قررتوا ايه

ادم : احنا موافقين

الجد : خدوا وقتك و فكروا

ليليان : انا موافقه ي جدي

الجد : ربنا يسعدكم

الكل فرح بالخبر ده و باركوا لهم ، راحت ليليان تقف مع ليلي و نهال

نهال : مبروك ي بنتي

ليليان بهدوء: الله يبارك فيكي ي طنط

نهال: لا طنط ايه بقا قوليلي ي ماما زي ادم و ليلي

ليليان بإحساس غريب لأول مره تقول لحد ي ماما

ليليان : حاضر ي م ... ي ماما

نهال : ايوه كده

ليلي : تعالي ي ليليان معايا عاوزاكي

ليليان راحت معاها منغير كلام

___________________________

ليلي : ليليان انتي موافقه

ليليان : ايوه ي ليلي

ليلي : مبسوطه

ليليان : مش عارفه بس انا حاسه احساس غريب انتي فاهمه احساس العيله الاب ولاخوات انا مش عاوزه اسيبكم ي ليلي