أجساد بلا روح 2 (18+) كرونيك جزائرية

الفصل الرابع :أخطاء الماضي

🥂الحلقة 148🥂
#أجساد_بلا_روح
#سفاحة_العشق
أخطاء الماضي
#كرونيكات_ليبخفات
🍾بقلم : imene imy 🍾

ليار : كان علابالك ببرهان و علاقتووو باسمر
هزلهاااا براسووو
ليار :علاه مخبرتنيش
تحسين : اوامر لي عندي هيا نخليك تحوسي و تبحثي علي حقيقتهم  وحدك بلا حتي مساعدة بصح قدرت نعاون و ندخل شوية فحكاية برهان و اسمر قليل من ناس لي علابالهم يكونو خاوة فقط اقرب المقربين ووين تحبي نوصلك
ليار : عنوان لي عطيتهولك صباح
غير وصل فتحلها لباب هبطت دخلت لقاتوووو قاعد و موجد اغراض و اسلحة و اشياء يساعدو باه يعذبوووو
غير شافها ناض يسفق خطوتين كان واقف مقابلها
جواد : عرفتك راح تحوسي عليا سهلتهالك بوجودي هنا
ليار : منجحتش فمهمتك و  مقتلتوش درت غلطة وحدة
جواد : اغلاطي ميجوش قد اخطاءك
ليار : عرضت حياتي للخطر حبيت تقتلو و انا اكثر وحدة قادرين يشكو فيها
قرب لعندهااا يمشي و شاد فيدو سنسلا تاع لحديد
جواد : وجهك لونو شاحب
ليار : متدخلش فيا
جواد: كونت عارفك بلي راح تجي بصح علاه معلابليش
ليار : راح يقتلووك و انا اول وحدة راح نخليهم يتعداو عليك و يقربووو منك لانك حبيت تقتل
جواد : حبيت نقتل خوك
تنفست و كملت تهدر  ليار : راح نسلط عليك الضو و مراحش نمنعهم عليك
لاح سنسلة لي كانت فيدوووو و حط يديها علي خصرهاااا جبدهااا لعندووو
جواد : حتي نتي عندك يد بالموضوع
ليار : متقدر تثبت والو
جواد : نتي كونتي تعسي فتحركاتو عاونتينا بزاف و فالأخير سلكتي بنت عمتك و خليتي خوك الحقيقي يواجه الموت
هبطتلووو يديه و عطاتو بالضهر
ليار : راك تهدد فيا
جواد : مش تهديد حابة تعطيني فرصة نصحح غلطتي
ليار : نتا عارفني منتسامحش بالسهولة هادي ونتا غلطت معايا
جواد :فرصة اخيرا ندمت لي خليتك و بعدتك من عندي
ليار : ندامة معندها مدير
جواد : علاش جيتي مالا هنا روحي متخليش قلبي يتعلق بيك كثر من هاك
ليار : جيت باش نقولك توجد روحك فهد راح يرجع و يرجع حقووو منك
خرجت و خلاتوووو يشوف مع مشيتهااا
طلعت فالطونوبيل لبست نواضرهااا
تحسين : عرفتي شي حاجة
ليار : متسقسينيش خدمتك تخدمني و تحميني من ليوم منزيد نوثق فحتي واحد من غير نفسي لا ادم لا برهان لا حتي واحد من غير مصعب لي مراحش يخيب ضني فيه
فتح لباب و شدهااا من يدهااا هبطهااا
خرج تحسين يجري جابد سلاحوو يستني فالإشارة مننها
ليار : خلينا وحدنا
جواد : نص راجل حاطاتووو عندك ( وعوح شفافو )
ليار : قوتلك مرانيش حابة نشوفك جيت نبهك
جواد : حتي نتي حياتك فخطر معايا خلينا نروحو في زوج من هناا
ليار : انا منهربش انا نتا متعود علي الهربة متعود تتخلي متعود تبيع انا عند كلمتي باسكوو انا ليار و احسن ماتقعد تترجي فيا علي الفرصة روح راجع نفسك
جواد : تعودتي علي لي يذلوك وين راهي ليار لي نعرفهااا وينهااا
ليار : مزالني انا انا
جواد : قبلتي ذل علي روحك عندهم حتي للدوك مشفتكش تحركتي ... حاجة الوحيدة لي درتيها هيا نهار جرحتيني و قتلتي لينا
ليار : مزال ملحقش دورهم كامل راح ندوقهم من نفس الكاس نفس عذابك
حط يديه علي كتفهااااا و زير شوي عليها
جواد : وليتي وحدة ضعيفة وليتي كيما ميسا