🥂الحلقة 176🥂
🍾بقلم : imene imy 🍾
لحمك وشبيه مضروب صدري
رقبتك
مصعب : شوووووت هادي هيا حياتي انا من يوم لي زدت مزال متعودتيش عليااا
ليار : بصح هكا راك تخليني نخاف عليك
مصعب : يعجبني خوفك عليا بصح مكاين والو ونتي من واش هاربة
ليار : تعبانة و حابة نرقد برك منوضش
دور وجهووو علي سرير يشوف فيه
ليار : هبطت
حط يدووو علي عينووو يفرك فيهم
مصعب : هيه قتلهااا كي نوض منشوفكش
هبطت تجري لتحت لقاتهاااا قاعدة شادة كاس قهوة
ليار : هدرة بيني و بينك بقات فالنص شحال حبيتي نعطيك دراهم باش تروحي و تنساي ليلتك هادي
. هادي خدمة ماشي تاعك
ليار : انا نتصرف فحيات مصعب كيما يحب
نحات الإسوارة من يدهااا و عطاتهالها "هادي تعيشك حياتك كامل " زادت السنسلة لي علي رقبتهاااا حطتهااا بين يديهاااا
ليار : هادو يكفووو تقدري تروحي و منزيدش نشوفك مع مصعب تسمعي فيااا ؟
. علاه شكون نتي باش تتصرفي فبلاصتو
ليار : بنتووو الوحيدة و دوك روحي قبل مايهبط لعندك شدتها من يدهااا و خرجتهاااا و روشتلها بيدهااا غلقت الباب و دخلت تسمع فصوت خطواتووو نازل
ليار : من غيري فحياتك واحد مراح يكوووون
جابتلووو كاس قهوة قعد وشد الكاس من يدهااا يترشف منهااا
مصعب : اييييه
ليار : ايه
مصعب : عندك مشكلة ! حاجة ديرونجاتك اسمر قلقك ؟
ليار : نن وليت نقدر نحلهم وحدي مشاكل
مصعب : وكتاه كبرتي لهاد الدرجة فتح يدووو ليهاااا
تلاحت لعندووو. محضناتو
ليار : مصعب
مصعب : مممم
ليار : وش لي مقلقك خلاك تكسر و تخرب كلش
مصعب : خدمة
ليار : نعرفك نعرف وقت يجن جنونك من الخدمة ووقت تتأزم حالتك و ترجع لماضيك
مصعب : الماصي قعد فالماضي نسيتووو من لحضتهاااا
حطت يدهااا علي قلبوو
ليار : هادا منساش ادا عقلك نسا متأكد مش حاب تحكيلي قصتك ؟ علاه الماضي مسببلك أوجاع
مصعب : مش حاب نجبد علي هاد الموضوع لا دوك لاقبل لا بعد قتلك اكثر من الف خطرااا مش حابك تسمعيني ولا تعرفي لي صرالي ... وقت تحبي تعرفي شكون يماك و علاش ربيتك انا ووش نكون انا و قتها نقدر نحكيلك عليا
ليار : مش حابة نعرف قاعدة نهرب من الحقيقة
مصعب : علاه
ليار : اني نهرب من الحقيقة احسن من اني نعيش مكسورة طول حياتي الكذبة احيانا تعيشك فرحان لمدة قصيرة احسن من الحقيقة المرة تخليك متحصر طول حياتك
مصعب : و انا هادا راي علي هادي مش حاب نجبدلك علي حياتي
ليار : علابالي جزء مخفي من حياتي لي منعرفوش أسوء من اني عرفت قاسم لي جابني و نتا ماشي اب الحقيقي تاعي
وفع حاجبو و عاود نزلهم بمعني هادي هيا الدنيا
مصعب : بصح نتي بنتي انا
ليار: عارفة انا الوحيدة تاعك
جبدت روحهااا من حضنووو ليار : يصرا وش يصرااا اوعدني مراحش يجي نهار لي تخليني فيه
مصعب : كيفاش عطاك قلبك تقولي هادي الهدرة
ليار : نوض نوض البس حوايجك وصلني عند ميسااا نشوفهااا منروحش لتم وحدي
وقف تبسم معاها راحت شدت صاكهااا و رفدت تيليفون بين يديهااا هو طلع لبيتوووو يبدل حوايجوو
_______
قاعدين كامل مجتمعين علي طاولة فالمستودع يستناو ف قاسم و حديد يجو كل واحد عند بلاصتو كاس ويسكي
رفد يدووو يشوووف مع الساعة زاد شاف فأدم
اسمر : لا برهان لا فهد لا حديد لا قاسم
ادم : دوك شوية و يجوو
اسمر : وين راهي كلمتهم ااه كي عادو ميجوش فالوقت كيما هاك وين راهي رجولتهم
ادم : دوك يلحقووو تهدن
دخل حديد يمشي وحدووو
قعد علي راس طاولة شاف فيه اسمر
اسمر :البقية وين راهم
حديد : قاسم عندو شغل وحدوخر و برهان خرج مرجعش نبداو الإجتماع بلا بيهم الخدمة متستناش
اسمر : سلعة حاتدخل هاد اليومين
ادم : انا راح نجيب السلعة جديد
اسمر : خليها عليا
ادم : لالا عليا نتا عندك مشاكل حلهم
دار خزر فيه اسمر : وشمن مشاكل
ادم : تاع مرتك
حديد : خلاص سكتوناااا الخدمة راح ديروهااا في زوووج
كل واحد وحدو متقدروش تتقاسمووو المهامات مع بعض لي عندي قلتو منكرروش مرتين متخلوش جمال و فريد يعرفوو بالسفقة جديد اخر سفقة عرفو بيهاااا شفتو وش دارو فيها
اسمر : مزال مكملتش السفقة هاديك و حالف بلي ميستفادو منها والو وثيقة بيناتنا متعني حتي حاجة راح نرجع كلش و نخليهم يتخبطووو
ادم : حتي انا عندي شحال من حاجة في بالي نديرهااا
______
هبطو من طونوبيل شدت فيدوووو دخلو كيف كيف ماسكين يدين بعض
_______
جام و رايكن و توقعكم ❤️❤️
أنت تقرأ
أجساد بلا روح 2 (18+) كرونيك جزائرية
Actionتدور لأحداث عن إنتقام و عداوة بين عائلتين أو عشيرتين بسبب خيانات زوجية و خطف و اغتيال و إغتصاب حدث في الماضي أدي إلي إشتعال النار فيما بينهم و في يوم تتم سرقة أحد فتاة و طفلة اغا العشيرة و استعمالها كأداة للقتل و إجرام ضد عائلتها الحقيقة دون معرف...
