épisode 211
#رصاصة_من_ذهب
#بين_العذاب_والرغبة
🔥by : imene imy🔥
ميار : نتي لي بقيتي تخرجي و دوري وين ندور لكان مخرجتيش في طريقنا مكانش راح يعرف حتي حتي خرجتي و ركبتي شك في اسمر الخطرا هادي
نوراي : مراحش نبقي محبوسة طول حياتي هنا و اهبطي شوفي يماك و باباك لتحت
ميار : ادا خرجتي نتي و راما كيفاه راح تكون معامن راح تكون
نوراي : معايا متخميش فيها
ميار : بصح انا مقتلكش راح نبقي هنا و نتي تخرجي
نوراي : متستفزينيش بكلامك
ميار : علاه راح تقتليني انا تان
قربت تمشي عندهاااا و حطت يدها علي كتفها
نوراي : شوفي صبري انا بالخف ينفد خلينا ملاح مع بعض و ديري لي نقول عليه خليك مليحة و خليني نشوفك انسانة لي حابة تعاوني ماشي لي حابة تسرق حياتي مني خلينا فصف واحد ماشي ضد بعض ياشبيهتي
ميار : منقدر ندير والو بلا مصعب خربتي كلش حبسي المخدرات حبسي رجفة يدك حبسي الغضب لي فيك حبسي انتقامك تعلمي تحبي و قلبك يكون مليح قتلتي اكين و عذبتي جواد ضربتي سلمي خرجتي مايا من دارهم
نوراي : ونتي رميتي مروة من فوق
ميار : نتي كونتي حابة تقتليها من لول ضربتيها علي راسهااا كل مرة تضربيها قدامو كسرتي كاس علي راسها بصح عاقبك اسمر فجالتها مستحيل يحبك
نوراي : بصح مقتلتهاش انا احسن وش درتي فحياتك كي قتلتيها هنيتيني منها بسرعة كبيرة
ميار : متزيديش تتسللي تواجدنا حنا زوج فنفس قصر اغا قاسم راح يوصلنا للموت
نوراي : شكون قالك راح نكونو حنا ثنين فنفس القصر من ليوم غير انا حانكون لتم ونتي هنا شفتي حتي مركز تاعي راح يكون ليك راح نمدهولك نعوضك بيه علي كل حاجة كاينة حاجة و حدوخرة جواد انسايه و اسمر امحيه من بالك معرفتيش حتي كيفاه تحكمي وتضبطي روحك و قلبك رخستي روحك بزاف
ميار : جواد عرف كلش
نوراي : نورمال
ميار : هكا بكل بساطة و سهولة هادي مخفتيش علي روحك
نوراي : مكاش كيفاه نخاف قاسم يحبني ادم يحبني برهان يحبني جواد يحبني مصعب يحبني كامل يحبوني بالشر و سم لي فيا يحبوني كيما راني
يمشي و يسمع في كلامهم من بعيد عاض علي شفتووو يديه داخل جيبووو كمل يمشي و يتبسم علي هدرتهم و نقاشهم قاطع كلامهم بهدرتووو بقاو يشوفو فيه نوراي تتبسم و ميار عينيها مدمعين
جواد : معرفتش شكون فيكم لي حبيتها انا
نوراي : متعرفش خير
جواد : لازم نعرف شكون حبيت و شكون لي حبتني فيكم
نوراي : مراكش عارف حتي شكون فينا لي كانت معاك
كمل يمشي عندهم حتي وصل عندها وقف مقابلهاا حط الإبهم تاعو علي شفافها يجوز فيهم عليهااا
ميار : شكون جابك هنا تبعتنا !؟
دخل من بعيد يهدر
مصعب : انا جبتوو
نوراي : بداو خطط دياولك يفشلو دخلت جواد فالوسط حكيتلو علي سرك لكبير
مصعب : الوقت لحق لي لازم حوايج بزاف يتوضحو
نوراي : دايمن قاسم لي يهزمك و اسمر تغلب عليك يا سي جواد
جواد : مغلطش كي قالو مفيكش الخير و فمك مش ليك
مصعب : ليار
نوراي : نوراي نوراي و هاديك ميار.... ليار اسم هادا خلاص مدام قلت لحق الوقت لي لازم بزاف حوايج يتوضحو فيهم ميار تقدري تهبطي عند والديك لتحت تشوفيهم و انا نشوف حياتي
مصعب : ممنوع تخرجي
نوراي : مصعب اغا واقيل خلطت بيني و بين ميار هيا تنفذ اومرك انا ندير وش في بالي
مصعب : وش حابة ديري
نوراي : نخرج نكمل لي خلاتو ميار فالنص معزتك عندي مش معناتو تخليني مدفونة وسط هاد الفيلا و المال و الجاه و عايشة فغبينة و متخبية
مصعب : مكنتيش متخبية
نوراي : مخرجتش بصح الوقت لي لازم نشوف و نتعرف فيه علي السالمي
مصعب : نوراي
نوراي : اغا
مصعب : مش وحدة قدك تلعبها عليا تي عارف كامل تحركاتك نتي و ميار عارف وش دايرة عارفك لي كونتي تخرجي وعصيتي كلامي جبرتي ميار باش متنفذش اوامري مشاكل كامل نتي لي درتيهم و هيا قاعدة تتفرج
نوراي : حتي لي حباتك كثر هيا انا اول مشكلة بيني و بين قاسم جريت لعندك وقت كونت مع العاهرة لي حاوزتها من وسط دارك ادا متفكر
مصعب : و لي صرا قبل مراحش يتكرر راني واقف انا و جواد علي تحركاتك نتي تبقاي هنا و ميار تخرج هاد الخطرا مراحش تشوفيهم كامل
أنت تقرأ
أجساد بلا روح 2 (18+) كرونيك جزائرية
Azioneتدور لأحداث عن إنتقام و عداوة بين عائلتين أو عشيرتين بسبب خيانات زوجية و خطف و اغتيال و إغتصاب حدث في الماضي أدي إلي إشتعال النار فيما بينهم و في يوم تتم سرقة أحد فتاة و طفلة اغا العشيرة و استعمالها كأداة للقتل و إجرام ضد عائلتها الحقيقة دون معرف...
