الفصل الرابع: أخطاء الماضي
الفصل الرابع: أخطاء الماضي
🥂الحلقة 192🥂
#أجساد_بلا_روح
#سفاحة_العشق
أخطاء الماضي
#كرونيكات_ليبخفات
🍾بقلم : imene imy 🍾
بدات تقرب لعندها ليار بخطوات ثابتين و هيا ترجع للور
حتي بقات خطوة وحدة تفصل بيناتهم
ليار : حذرتك شحال من خطرااا مسمعتيش
مروة : خلاص حانروح من هنا و منزيدش نرجع
سلمي : متروحيش من هنا حتي نتحاسبووو
قربت لعندهااااا شدتهاااا من كتافهاااا تخبط فيهاااا سلمي : وش حبيتي مني وش تحوس قولي اه وش حبيتي من عندي و عند برهان
جبدت ليار روحها من وسطهم تشوف فيهم متشادين مشعر كل وحدة تجبد فثانية
تنهدت وقربت ليهم حطت يدهااا ثنيناتهم تفك فيهم من بعض و هي تسحب فيهم من بعض حطت يدها علي كتفهااااا
مروة : مدرت والو انا حبيت اسمر برك سلمي انا مدرتلك والو كلش دارتوووو
قبل ماتكمل كلامها طبعتهااااا من فوق للتحت بقات شادة سلمي بيديهاا غمضت عينيها و تنفست صوت طيحتهاااا من فوق سمعوها صوت عضامها طرطق طلقت سلمي و هبطت تجري تبسمت تخلصت منهااا قدرت تتخلص منهااا
بقات سلمي تشوف و حاطة يدهااا علي فمها رماتها من فوق قتلوهاا راحت طل عليهاااا حطت يدهااا علي قلبهااااو بدات تتنفس و تبكي هبطت علي راكايبهااااا
سلمي : ماتت ماتت ماتت
هبطت تجري تسابق فريح لحقت ليهاااا تشوف فيهاااا من بعيد مداورين بيها رجالهم
سلمي : بعدوووو بعدووو
فتحولهااا طريق دم نازل مع راسهاااا عينيها مفتوحين فمها مفتوح جسمها منعدم الحركة
راسهاااا مخبوط علي حجرة
شافت اسمر و الجماعة جاين يجارو ناضت بعدت عليهاااا
و راحت لقاسم
سلمي : انا مدرت والو انا مدرت والووو ماتت ماتتت
هبط يجري اسمر لعندهاااا
اسمر : مروة مروة
سلمي : ماتت طاحت من فوق طاحت وحدها
شاف ليار من بعيد خارجة لعندهم تمشي و رافعها راسها و كتافها عينيها يضحكو
بعد علي مروة و راح ليهاااا شدهااا من يديهااا
اسمر : درتيلهااا حاجة نتي قتيلتيهاااا
طبعتلووو يدووو
ليار : ماشي لي تصرا تحصلها فياااا و زيد حذرتها و حذرتك بزاف باش تبعدو علي بعض بصح شوف راسها ليابس وين وصلهااا شووووف شوووف بعينيك شداتووو. و دوراتوووو لعندهاااا هاهي ميتا قدامك جثتها وسط دارك هبطت عينها تشوف مع قبظة يدووو لي تزيرت و عينيه لي راح يتفلقوووو
اسمر : اخر مرة نسقسيك نتي قتلتيهاااا
ليار : دايمن انا لي تشكوووو فيهاااا
شدهاااا من شعرهاااا اسمر :مكاش من غيرك مكاش لي يكرها من غيرك شحال من خطرا قدام عيني حبيتي تقتليها
غير هبط برهان و شاف الحالة مخلطة و فهم لي صرا راح جبدهاااا من عندووو
برهان : ليار كانت معايا مصباح و هيا معايا
وقفهااا موراه
برهان : ماشي لي يصرا تحصل فيهااا و حتي ادا كان عندهااا مشكل معاها ماش معناتو هيا لي قتلتهااا
قاسم : خلاااص ارفدووو جثتهااا من هنا و ادا دخلت لابوليس فالحكاية خلو واحد من رجال يرفد التهمة
راح لسلمي شدهااا
قاسم : خلاص انساي هادي هيا دنيا ناس يموتو و ناس يعيوشو كل واحد و كيفاه كتبلو ربي يموت
دخل واحد من رجال يجري لعندوووو عطالو وحد صندوق فالأسود شدو من عندوو
قاسم : وشنو هاد
. جابو واحد قال لسي قاسم
قاسم : معرفتش من شكون
هزلو براسو
قاسم :خلاص تقدر تروح
فتح لباطة جبد نص قلب مكسووووو و نص ثاني خلاه فالباطة قلب من ذهب
رجعووو و عاود حط يدوووو جبد تصويرة لي لتم قلبهااا باش يشوفهااااا
تصويرتووو مع انهار فالبار تصويرة تاع نهار المشؤوم رجعهاااا للباطة و طلع يجري للبيرو تاعو غلق علي روحو و جبد يشوف فتصويرتووو و هيا معاه لتم تعاون فيه و نهار حاولت تنتحر جبد ورقة لتم بدا يقرا فيها بعينيه ( الحاجة لي مخبيها راح تبان و أخطاء لي درتهم فحق غيرك راح تتحاسب عليهم أقرب ناس منك راح يخلصووو وش درت فالماضي تاعك ) (انهار مخانتش مصعب ) (خدعت صاحبك ) ( سرقت حيات غيرك ) رجعهااا فالباطة و غلق رفدهااا و يديه يرجفووو عاود طاحلووو كلش فلارض نزل يرفد فيهم غلق عليهم و حطهم فالخزانة لي لتم و غلق عليهم
كسر الباب حديد عليه و دخل يجري لعندو
صابو يفتح فزرار شوميز و حاط يدوووو علي رقبتووو يتنفس
حديد : وش كاين
قاسم : جيبلي دواية
رفد حبحوب (كاشايات ) من المكتب و عطاهملو مع كاس ما شربهم علي ضربة و قعد يتنفس
مصعب : راح يتفضح كلش ياحديد راح يتفضح مبقاتش اسرار مخبية
حديد : اتنفس بلعقل و اهدر بشوية وش صندوق اسود لي لحقك
قاسم : ادا شاف كاش واحد وش فيه راح يتفضح سر تاعي سري انا و انهار
حديد : شكون بعثوووو
قاسم : مش عارف واحد علابالو بسري
حديد : وش قالك
قاسم : الحاجة لي مخبيها راح تبان و أخطاء لي درتهم فحق غيرك راح تتحاسب عليهم
حديد : بلاك حبووو يتلاعبووو بيك برك بلاك مصعب قاعد يدير هكا
أنت تقرأ
أجساد بلا روح 2 (18+) كرونيك جزائرية
Actionتدور لأحداث عن إنتقام و عداوة بين عائلتين أو عشيرتين بسبب خيانات زوجية و خطف و اغتيال و إغتصاب حدث في الماضي أدي إلي إشتعال النار فيما بينهم و في يوم تتم سرقة أحد فتاة و طفلة اغا العشيرة و استعمالها كأداة للقتل و إجرام ضد عائلتها الحقيقة دون معرف...
