تدور لأحداث عن إنتقام و عداوة بين عائلتين أو عشيرتين بسبب خيانات زوجية و خطف و اغتيال و إغتصاب حدث في الماضي أدي إلي إشتعال النار فيما بينهم
و في يوم تتم سرقة أحد فتاة و طفلة اغا العشيرة و استعمالها كأداة للقتل و إجرام ضد عائلتها الحقيقة دون معرف...
🥂الحلقة 181🥂 #أجساد_بلا_روح #سفاحة_العشق أخطاء الماضي #كرونيكات_ليبخفات 🍾بقلم : imene imy 🍾 . ليار : حاب تتهنى مني هاني هاني قدامك اقتلني و هنيني اقتلني وروح واحد ماراح يعرف بيك اسمر : علاش ديري عكس وش نقول ليار : وش حبيت اسمر : لي حبيتو مراحش تفهميه ليار : مالا متهدرش قرب يمشي جيهتهااا و دور شوي راسو يشوف مع رجال لي مقتولين و لي مغروسة موس فعينوو اسمر : متوحشة روحك متعطش للدم نتي شخص يستمتع بالقتل كيما ادمان لمخدرات مدمنة علي دماء غيرك سعادتك كي دمري غيرك ليار : بدات حياتي بجريمة قتل جيت للحياة بقتل ناس انا الوحيدة لي نعرف كيفاه نقتل يا اسمر اسمر : ستمتعتي بزاف ليار : تخطط لقتلي اسمر : لي راح نديرو معاك أسوء من القتل سحبت روحهااا للور راحت جنب ميساااا رجع لعندهااا شدهااا من يدهاااا و اشر لرجالو يجيبو لي قوصت عليهم و لي غرست المووووس فعينيو حطوهم جنب رجليها فوق بعضهم اسمر : قتلتي ناس أبرياء يتلقاو فأوامر من سيادهم ياينفدو يايموتو قتلتي ناس خدامين علي ولادهم لي راح يبكي علي بوه لي راح تبكي علي راجلها مات ام لي راح تبكي علي وليدهاااا .... فثواني عارفة شحال من قلب حرقتيه !؟ ذبلت عينيها و طلعت راسهااا تشوف فيهم اسمر : بكيتي ناس معندهمش ذنب ضلمتي ناس نتي اكثر وحدة ضالمة أنانية تخممي فروحك و ناسية ناس لي دايرة بيك راح يجي نهار لي دوقي من نفس الكاس تجمعووو دمووووع فعينيهاااا دقات قلبها علاو غمضت عينيها تحاول تمنع دمووووعهاااا حكم يدهاااا شدهااا و قعد يزير عليهاااا اسمر : ذنوب لي علي رقبتك مكاش لي راح يسلكك منهم جبدتهاااا و خبطاتو عند صدروووو ببوكس رجع بخطوتين للور عاودت قربت و حطت يديهااا علي صدرووو كل حرف تقولو تجبد يدها شوي للور و تخبطوو لصدرو ليار : معندي حتي انا ذنب اسمر : ذنبك اكبر منك ليار : اسكت اسمر : قاتلة متسللة ليااااار : شووووووت مانسمع حتي حرف اسمر : ارواحهم علي رقبتك لياااااار : خلااااااص خلاااااااص علاش راك تووووجع فرووووحي علاااه هبطت عينيهاااا تشوووف مع يديهاااا لي يترجوووو مش قادرة تتحكم فحركتهم اسمر : يتمتي ولاد صغار وش ذنبهم حابة تخلي ناس يعيشو نفس لي عشتيه ليار : دافعت علي روحي كانو راح يقتلوني اسمر : نتي اكثر وحدة محمية مجرد مايتذكر اسمك يتراجعو للخلف مديريش سبايب حتي تعاملهم معاك كان راقي لكان جات غيرك كان شفنااا تصرف وحدووووخر تعاملوه معاهم شدلهااا يديهاااا قاعد يحس بالرجفة لي فيهم كبس عليهم اسمر : حتي انا و كونتي راح تقتليني تقتلي فراجلك عطااااتووو بالضهر و بعدت عليه بخطوتين بعدت علي رجال المقتولين اكثر حاجة حابتهااا هي تهرب تبعد يشوف فيهااا و يتبسم حط يدووو علي شعرووو رجعو للور عرف كيفاه يتلاعب بمشاعرهااا و يخلط احاسيسهااا عرف نقطة ضعفهااا و لي راح يضربهااا منهاااا عيط لواحد من رجالو بصوت عالي اسمر : و صلوهم لعايلتهم و كيف كل مرة غطووو علي القاتلة الحقيقي و خلو واحد يتحمل ذنب غيرو و يتعاقب علي أخطاء مرتكبهمش يهدر و يسمع فيهااا _______ توقعكم جام للحلقة و رايكم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
