🥂الحلقة 112🥂
#أجساد_بلا_روح
#سفاحة_العشق
❤️🔥#قلوب_محترقة ❤️🔥
#كرونيكات_ليبخفات
🍾بقلم : imene imy 🍾
فجيهة ثانية هابطة من طونوبيل و ساك فيدهااا حطت يدها علي شعرها رجعاتووو للور هبطت lunettes علي عينيها زادت هبطت بنتها من هيجة ثانية واقفة تشوف معاها و مع البلاد و نسمات لخفاف لي يضربو مع وجهاا تستنشق فيهم راحت وقفت جنبهااا و حطت يدها علي كتافها
رانيم :كلش راح يكون مليح متخافيش مدامني هنا كلش راح يتصلح
شدت فيها و راحووو يمشووو و لأعين كل عليهم بخطوات كانو قدام لباب لكبير
رانيم :متقدريش تعرفي شحال توحشت هاد لبلاصة و هاد الدخلة و فنفس الوقت مانيش حابة نرجع قلبي وجعني بزاف هنا نذليت بزاف تحڤرت بزاف من عشقي من سذاجتي انا مديت قلبي لواحد ميستاهلوش و هو كسر هاد لقلب 20 سنة و مبراش عشرين سنة و متصلحتش لا علاقتنا لا حبي ليه حاجة الوحيدة لي جمعتنا هيا نتومااا مبنية علاقتنا علي لولاد برك
فالأخير كان زواج بالإجبار خلف هاد زواج بزاف أضرار الحاجة الوحيدة لي صلحت و صدقت هيا الأولاد و بس
مايا : من ليوم رجعتي كلمتك فوق كلمتهم نتي الأمر الناهي
رانيم ؛ رجعت قوية حاجة متقدر تكسرني قوتي زادت بيكم كلكم و أكثرها ب أدم و فهد ... فالعشائر لي هنا فقط لمرا لي تجيب ولاد هيا الهانم هيا الكل فالكل لتولي تحكم بحكامها كلمتها متتكررش لأنها جايبة رجال يتسقوي بيهم عكس لي تجيب لبنات يدفنوها و هي حية
مايا : مستحيل نعيشو المصير هادا
رانيم : انا عشتووو عشت كي الهانم فوسط العايلة سلطانة و قدام قاسم وحدنا في بيتنا كي المذلولة تعرفي علاش
مايا : سلمتيلوً قلبك
رانيم : عشقتووو أنفاسي كونت نستمدها منووو وقت تزوجتووو كونت صغيرة وقت حكمو علينا بالزواج باش يجمعو بين العشائر و يصيرو عايلة وحدة كان هو صغير و انا صغيرة وليت ام فعمر العشرين جبتلو ولد أدم بعدها فهد و بعدها نتوما لبنات .... انا عشقتووو من أول نظرة من يوم شفتووو من يوم جمعونا باش نتفاهمو علي العرس من يوم حطو الحنة علي يدي و كتبو أسمووو فوسطهاا كان أوسم واحد بين خاوتو بين صحابووو كان أقوي واحد محارب و عندو ذكاء خارق صح حماني عيشني حاجة مخصتني معاه لي مقدرش يمدهالي ويوفرهالي عشقو نضراتو لمساتو ليا باردين بلا احساس بلا شعور ...
مايا : قتل إحساس لي فيك
رانيم : حرقني ... فالأخير يبقي باباك و لأغا لكبير و كلمتو متتكررش
مايا : حكايتك وجعتلي قلبي رجال زي بعضهم يخلو الوحدة تتعلق فيهم و يجبدو رواحهم ليوم لول يخلوهااا تحلق فالسما ثاني يوم يرجعوووو لتحت يدفنوها
رانيم : لي قلتو دوك منحب نسمع حتي واحد عرفووو
(حكمتلها يدهااا و طلعتهممً )
رانيم : شفتي يديك هادو ...( هزتلها براسها ) ادا قلبك عشق و حب وقتها راح يتربطو يتعقدووو مستحيل يتفككو و يعاودو يتحررو علي هادي بعدي علي فارس
مايا : ماما
رانيم : علابالي بكلش مراحش نسمحلك تعيشي مصيري و تجوزي وش جوزت
مايا : منقدرش نبعد عليه
رانيم : راح تبعدي ادا سمع الأغا وقتها راح يقتلوو و يقتلك و انا معنديش كلمة علي كلمة لأغا حرري نفسك بنفسك
فلتتلها يديها و دخلت بخطوات ثابتين تمشي و ترمش و تشوف فكل ركن فالقصر عينيها يحومو علي كل شبر فيه
أنت تقرأ
أجساد بلا روح 2 (18+) كرونيك جزائرية
Aksiyonتدور لأحداث عن إنتقام و عداوة بين عائلتين أو عشيرتين بسبب خيانات زوجية و خطف و اغتيال و إغتصاب حدث في الماضي أدي إلي إشتعال النار فيما بينهم و في يوم تتم سرقة أحد فتاة و طفلة اغا العشيرة و استعمالها كأداة للقتل و إجرام ضد عائلتها الحقيقة دون معرف...
