مرن ثلاث شهور
حميد يفكر ف مريم
ومريم نست الموضوع
اليمعه
ف بيت ابو محمد
كانوا مسوين عزيمة عائليه
كان كل حد يتكلم ويا الثاني
ابو محمد بصوت عالي : الا شرايكم نطلع رحله
الكل لف منصدمين
ابو محمد : شو بلاكم كنكم شايفين ام الدويس؟
ضحكوا الي ف الميلس
ابو سالم : الا ابو محمد ما حيدك راعي رحلات شو ياك؟
محمد: هيه ابويه شو ياك؟
ابو محمد: والله مليت من قعدت البيت ابا اطلع والحين شهر ثامنيه بندخل والكل مأجز ،ليش ما نطلع؟
ابو سالم : والله شورن طيب، الا وين الوجهه؟
ابو محمد: والله يمدحون صلاله ، شرايكم؟
ابو سالم : زين والله خاطري اروح لها مره، وش رايك الثلاثا نغبش؟
ابو محمد: والله زين ماعندي شي ني
يلف راسه صوب العيال : شي عندكم مهم ؟
كلهم بصوت واحد: لا
ابو سالم ابتسم : زين عيل الثلاثاء
كملوا يسولفون
حميد يكتب ف قروب العايله : بنروح صلاله الثلاثاء
مهاري: احلف؟!
حميد: والله
مريم: دقيقه متى قالوا ، انا وين كنت؟
حميد: قبل دقيقتين 🤣
مريم :🤣🤣
مهاري : جوييي
مريم تدخل خاص لمهاري : اقولج ما طلعت ثيابي بعدني
مهاري : امبيه نسيتهن
مريم: شرايج نروح ناخذهن باجر
مهاري: اوك، وبناخذ سامان للصلاله
مريم: اوك
مهاري: بكلم حميد يشلنا
مريم : اوكيه
سكرت فونها مريم وراحت صوب المطبخ تيب السويت
حميد دخل و ماكانت مريم منتبه كانت مسويه شعرها ويفي والشيله طايحه ع كتفها
حميد :احمم احم
مريم لفت صوبه وما استوعبت كندورتها كانت مخصره ع جسمها وصدرها كان مزموم
وحميد ملبم فيها يطالعها
مريم استوعبت و رفعت الشيله وتغطت بسرعه : اييه عيونك لا يطيحن
حميد بعده مبلم : ها؟
مريم استحت وعصبت شوي : هووبك ف جبل لبنان
شلت صحن السويت وطلعت
دخلت وهي منحرجه حطت السويت وقعدت تحط وهي ترتجف
مهاري قعدت قربها : حوه شو ياج ترتجفين جي
مريم بتوتر: ماشي بس ماكليت شي
مهاري : اقول عطيني روحي كلي لج شي وتعالي
مريم : اوك
مريم كانت رايحه المطبخ وقفت يمكن هناك حميد بعده راحت تشوف من ورا الباب حد ف المطبخ ولا لا ماحصلت حد و ارتاحت كانوا مخلصين العشى والهنود يايبين العشى للمطبخ مريم لمحتهم خذت لها موزه وراحت تمشي بسرعه عشان مايشوفونها كانت تلتفت صوبهم عشان تشوف شافوها ولا لا فجأه
"طخخخخخخخخخ"
مريم تمسك راسها وشيلتها طاحت ومغمضه عيونها : عنبوه من راس حديد حشىى
ترفع عيونها : حمد ماتش
شهقت ورفعت شيلتها بسرعه
....: السموحه ما شفتج
مريم ماعرفت شو تقول من الفشله انقلب ويها احمر : ااا لا لا عادي ، كنت امشي بسرعه وماشفت قدامي
مريم دخلت بسرعه داخل وتدعي ع مهاري من الفشله
..... بهمس وعيونه على مريم لين دخلت : ياويل حالي من هالغرشوب
حمد: راشد وين رحت
راشد يروح صوب حمد: ها شو تبا
حمد: وين رحت ساعه ادورك
راشد : والله بيتكم عود ضعت فيه عنبوه متاهه
حمد: هههههههه ، والله انك سوالف
راشد: اعجبك (وغمز له)
حمد : اقول قدامي للمطبخ نشوف وش هببوا الهنود
راشد : اكس يوزمي ؟؟ ضيف ضيف تخلونه يشتغل وياكم
حمد بضحك: هيه بنخليك تبلع بدون ما تسوي شي
راشد بضحك : وانا راعي صيته
راحوا للمطبخ
لقوا الهنود يغرفون العشى ف الصياني
حمد يذوق العيش اذا فيه ملح ولا لا
حمد: والله حلو
يلقم راشد : ذوق
راشد ينعم صوته : قلبي مب لازم جي قدامهم استحييي
ويغطي ويهه اونه يستحي
حمد يحط فلفل ف لقمت راشد
حمد : دخيلج يلاا لقمه بس عمري
راشد : اوك حياتي
حمد يلقمه
راشد عقب نص دقيقه : الله ياخذك يالكلللبب حاططط فلفل قرونن !!!
حمد رافع كندورته بيشرد : تستاهل حد قالك تبلج قدامي؟!
وشرد حمد
الهنود يضحكون عليهم
راشد: يالكلللب تعالل
راشد يشرب ماي بارد بس م طاع يروح
فتح الثلاجه لقى يوقرت يوناني بالتوت مال مريم
خذ واحد وقعد ياكل
راشد : اسميييه برّد على قلبي ،معليه يا حمد مردوده انشاءالله
عند مهاري و مريم
مريم متوتره اكثر عن اول
بعد ساعه الكل تعشى
وردوا الميلس
عقب ين الحريم يتعشن
مريم تاكل وتفكر ف الي لاقتهم ف المطبخ حست بالفشله اكثر ما رامت تاكل وقامت من الاكل
مهاري : وش ياج قعدي كلي
مريم : شبعت والله بالعافيه
وراحت تغسل يدينها
وقعدت ف ميلس الحريم
قعدت تلعب ب فونها عشان تنسى السالفه
مهاري : انتي اليوم مب طبيعيه
مريم بخوف : بسم الله
مهاري تغمز وتدق كتفها : لا يكون تحبين من ورايه؟
مريم تتأفف: تحقيقات ابو كلب
مهاري: عيل شو فيج؟
مريم: بعدين بقولج
مهاري : شو بيصبرني لين بعدين
مريم قامت وراحت ل الصاله وشافت ولد صغير قاعد يبكي عمر ثلاث سنوات
مريم راحت صوبه تربع: حبيبي شو فيك جي تبكي
الولد يصيح ما تكلم
مريم شلته وحضنته : خلاص حبيبي خلاص
وهدأ الولد
مريم: شو اسمك
الولد يمسح دموعه : ناثل (ناصر)
مريم ماقدرت تتحمل لطافته : ياربيي محلاك ، ناصر حبيبي وين ماما؟
ناصر: محد ماما
مريم: عند منو ياي ؟
ناصر : رثودي
مريم قعدت تستوعب : رثودي ، اوووه رشودي منو ها؟
ناصر: اكويه
مريم: اخوك ؟
ناصر : هيه
مريم: انزين حبيبي وش رايك اعطيك حلاوه
ناصر بفرح: حلاو حلاو
مريم ضحكت وشلته رحنا بعطيك حلاوه
مريم كانت متردده تروح المطبخ عقب ما استوى لها
شافت ناصر فرحان ماحبت تكسر بخاطره وراحت
تمت تفتح الدروج بسرعه بسرعه عشان محد يشوفها: وينه وينه هااذوووه
خذت الحلاوه وعطته
مريم: تعرف شو اسمي ؟
ناصر: ثو؟
مريم: مريم
ناصر بفرح : مليم
مريم : عيييون مليم عيونها
باسته ف خدوده وطبع الروج عليهن
مريم شهقت نست انها حاطه روج
قعدت تمسح الروج ما طاع يخوز
مسكت شيلتها تبا تمسح الروج
خاز شوي بس بعده يبين
ناصر: انتي تحبيني؟
مريم : واايد احبك
ناصر باسها عخذها
مريم ماقدرت تتحمل لطافته شلته وقعدت تبوس فيه ما اهتمت لروج
لانها بتمسحه عقب
مريم : عادي اخذك عنددي
ناصر : هيه
مريم حظنته : ياربي محلاك
ناصر : رثودي
مريم : منو؟
ناصر: رثودي مناك
ويأشر للباب لفت مريم للباب م شافت حد
طلعت مريم وراحت حجرتها عشان تمسح الي بويه ناصر
راشد شاف مريم من اول ما عطت ناصر لين اشر عليه ناصر
ناصر : الله عندج دبدوب
مريم خذت الدبدوب وعطته
ناصر:عثاني ؟
مريم: هيه
ناصر : اي لاف يو
مريم : وانا بعد
ناصر مسك ويهه مريم باسها ع خدودها
مريم ماقدرت تتحمل لطافته خذته وحظنته
نزلوا تحت للميلس الحريم
دخلت مريم وبيدها ناصر
مهاري : منوه هاذا الكييوت؟
مريم : ناصر ما اعرفه حصلته ف الصاله يبكي
مهاري: ماعرفتي ولد منوه
مريم:يقول ياي عند واحد اسمه رشودي
مهاري : رشودي ؟
دخل حمد يقول لام محمد : السلام عليكم
الحريم :وعليكم السلام
سلم عالحريم الكبار
راح صوب امه :امايه راشد بن سلطان يبا يسلم عليج
ام محمد : خله يدخل
حمد : انشاءالله
راشد دخل : السلام عليكم
الحريم وعليكم السلام
مريم انصدمت يوم شافته
شافه ناصر وراح صوبه يربع
شله راشد وراح صوب ام محمد
ام محمد بفرح: يا مرحبا يا مرحبا بولد الغاليه مرحبا ملاايين ولا يسدن
راشد ياي صوبها : مرحّب لاهان خالتي
وباس راسها وشلت ناصر منه
مريم تهمس لمهاري: كني سمعته يقول خالتي؟
مهاري تهمس لمريم :هيه حتى انا سمعت
ام محمد : مريم
مريم بتوتر: نعم امايه
راشد لف صوبها وانصدم
ام محمد : تعالي سلمي ع ولد خالتج
وزادت صدمته يوم عرف ذي خت حمد
مريم راحت صوبهم وهي تتمنى الارض تنشق وتاكلها
ام محمد : راشد هاذي مريم بنتي ما ظن قد شفتها قريب
مريم ترصد امها وفوق راسها مليون استفهام
ام محمد: مريم هاذا ولد خالتج من الرضاعه
راشد خلى الوضع طبيعي وابتسم : يا مرحبا
مريم بتوتر ابتسمت :مرحب لاهان
لف صوب ام محمد : اخر العنقود صح؟
ام محمد : هيه اخر العنقود
راشد يرصد ع ناصر :عيل اكيد ماخذه الغلاه كلها نفس عرب
ام محمد: هييه والله انها خذت كل الغلاه
مريم تبتسم: يعلني فداج يا امي
ناصر يأشر ع مريم : مليم
مريم ابتسمت له
ام محمد : علومها موزه عسى بخير
راشد : يسرج حالها بخير ونعمه
ام محمد: متى بترد من المانيا
راشد : انشاءالله هالاسبوع
ام محمد: بتنور الدار والله
راشد : بنوركم
ام محمد بمزاح : اشوفك استويت غرشوب يا راشد
راشد ضحك : الحلاه من عقبكم يا خالوه
مريم رصدت راشد وشافها وصدت عنه
راشد: عيل بترخص
ام محمد:مرخوص با ولدي ، باجر مر علينا .
راشد : انشاءالله بمر
ام محمد: الله يحفظك
راح راشد وشل ناصر عنده
ردت مريم صوب مهاري وقلبها يدق طبول
مهره تقلده وتهمس لمريم: اكيد ماخذ الغلاه كلها
مريم قرصت مهاري : لا تتمصخرين عليه
مهاري ضحكت تحب تحارش مريم
مهاري تهمس : من متى طلع هالغرشوب يقرب لكم؟
مريم:لا تسأليني اروحي انصدمت يوم قالت ولد خالتي اول مره اشوفه ، بسال امي بعدين .
مهاري: خبريني لا تنسين
مريم هزت راسها ب اوكيه
(راشد ولد خالة مريم بالرضاعه كان يلعب عند مريم يوم صغيره بس مريم ما تذكر ، يسكنون ف بوظبي عندهم بيت ف العين عايلتهم معروفين ابوه يشتغل عند الشيوخ راشد دوم يسافر المانيا عشان امه مريضه ، واحد من غراشيب بوظبي راعي بوش سبّق دوم ياخذن الاول ف الظفره ، عيونه وساع ورموشه طوال وفيه لحيه مرتبنها و طويل ومعضل مسوي الابتسامه ضحكه منه اطيح الطير من السما)
خلصت العزيمه وكل واحد راح بيته
نروح لراشد
ناصر يبكي : مليم مليم
راشد: حبيبي ناصر مريم محد
قعد ساعه يحاول يسكته ويرقده بس ما سكت
يتبع...
