مريم فجأة تشوف الريال منسدح ف الارض
مريم تشهق منصدمه
حمد بعصبيه يصارخ : لو انك ريال تعال
... الريال بغضب : والله لا اراويك ي حمد بتشوف
حمد بغضب يمسك كندورته: شوف ان ما كفيت عنا شرك والله ما تشوف خير اليوم
....: لو انك ريال ما سويت الي سويته بختيه
حمد يمسك بكندورته ويضرب خشم الريال
حمد: كسرت خشمك هالمره ، وان شفتك مره ثانيه قسم بالله لا اكسر خشومكم كلكم وتعرف من اقصد يابن هاشل
الريال راح يركض وخشمه يصب دم
مريم متروعه و فيها الصيحه
وناصر يبكي من الخوف ومريم حاضنتته
مريم بصدمه : من هذا!
حمد: مريم لاتسالين سالفة وايد قديمه
مريم بعصبيه : شو سويت بخت الريال!!!!!
حمد بصراخ والغضب والضيق مبين في ويهه : سكتي!!! ، مالي اي دخل في خته بس حطوها فيني من نذالتن فيهم!
مريم هدت شوي: بنحاسب وبتنكلم فالسياره
ناصر يصيح مريم عطته الحلاوه حاسبت وحمد سبقها السياره
مريم شلت الكيس وراحت السياره ركبت هي وناصر
حرك حمد سيارته وكان الهدوء سيد المكان
حمد : يوم كنت ف الثانوي ، كان عندي ربع صايعين وادريبهم بس انا مب مثلهم ....
راحوا يكشتون ف الشتاء كلموني وييتهم المكان يوم وصلت لقيت بنت عندهم وانا من الصدمه كنت اشوفهم وساكت سالتهم من ذي ؟ البنت؟ واحد منهم رد حبيبتي . وانا اقولهم كييف يايبن بنت عندكم هني! عنبوكم يالخايسن لهدرجه وصلتوا خافوا ربكم !
المشكله يوم شفت البنت مبين عليها بنت عرب ...
مريم : وبعدين وش استوى؟
المهم ودرتهم وروحت عنهم منصدم وقررت اقطع علاقتي فيهم ، عقبها بكم يوم يوني خوان البنت واستوت سالفه وطلعوا الخايسن قالوا عني انا تحرشت فيها ..
مريم : وهمه كيف عرفوا؟
حمد: عيال عمها شافوها راده الساعه ٣ وتبعوا السياره وعرفوه وقال الي مودنها اني ني قلت له يوديها ....
مريم : ووش استوى للبنت؟؟ والريال؟
حمد : الريال ضربوه لين ودوه العنايه والبنت ردوها البيت وخبروا ابوها ونقع فيها ذاك القب.
مريم شهقت : و ابويه يدري بالسالفه!
حمد : يدري ، ويدري اني مالي ذنب بأي شي ، عقبها استوت سالفه وابويه معروف بين القبايل ومحترمينه ، فا يوم عرفوا اني ولده سكتوا عني بس لين الحين حاقدين عليه.
مريم صاحت وناصر صاح عندها
حمد :شو فيج!
يتبع...
