راشد: الوه
وناصر يبكي
حمد : الوه ، شسالفه ليش يبكي
راشد توهق : والله ياخوي ماعرف شقولك
حمد : قول قول
راشد: يبا مريم
حمد بستغراب: مريم من؟
راشد: اختك بعد منو
ناصر ييكي ويردد مليم
حمد : دقيقه وبرد لك
سكر عن راشد
يرد يدق مره ثانيه
حمد: الو
مريم : هلا والله
حمد : اهلين ، رقدتي ولا بعدج؟
مريم: توني دخلت غرفتي ببدل وبرقد، تبا شي؟
حمد : ناصر يبكي
مريم بعدم فهم: ها؟ منو؟
حمد: ناصر اخو راشد
مريم: ليش يبكي؟
حمد: يباج
مريم سكتت
حمد : اذا مب راقده بييبه صوبج
مريم تفكر
مريم : اوك ييبه
حمد:اوك
سكر
رد يدق ل راشد
حمد :الو
راشد :هلا؟
وصوت ناصر يبكي قربه
حمد: بعده يبكي؟
راشد بيأس: يا ريال قسم بالله تعبني ،ما رمت اسكته
حمد : بيي اشله صوب مريم
راشد بتفاجأ: لا لا شوه تشله؟!
حمد: ياريال عادي
راشد: لا والله بيتعبها برايه بيتعب وبيرقد
حمد : لا والله عادي عند مريم وسالتها قالت عادي
راشد : ياذكي وانت وين؟
حمد يستوعب انه قابض خط بوظبي: شت نسيت
راشد يضحك: قسم بالله انك مفهيي
حمد : انزين انته وده
راشد : لا والله؟ اتخيل اروح بيتكم نصايف الليل منقود
حمد: افا ! انزين انت من هالبيت شو فيها؟
راشد سكت ماعرف شو يقول
حمد: روح وده بخلي مريوم تطلع لك
راشد : ل
سكر حمد ف وييه
راشد : ماشي تفاهم ؟ سيده الحمرا؟
راشد راح لبس كندوره وغتره
راشد راح صوب ناصر : ناصر تبا مريم؟
ناصر يهز راسه وهو يبكي
راشد: يلا رحنا
مسك ناصر يد راشد بفرح وراحوا السياره
مريم لابسه بجامه واسعه وفاجه شعرها الويفي وقاعده فالصاله تتريا حمد
وصل راشد البيت
حمد يدق لمريم بس مريم ما ردت عبالها انه برا وطلعت
توها فتحت الباب تشوف قدامها راشد وراشد ماد يده يبا يدق الباب كلهم تجمدوا مكانهم من الصدمه راشد يطالعها وهي تطالعه مب مستوعبه
ناصر بفرح : مليمم
مريم استوعبت واندست ورا الباب وقلبها يدق من الصدمه
مريم بعدم تركيز: انت ليش هني؟!
راشد بتوتر ماعرف شو يقول : ااا شسمه ، صح اخوج قالي اييب ناصر
مريم: مب عساس هو بييبه؟
راشد: هيه بس الغبي نسى انه قابض خط بوظبي، ما خبرج؟
مريم : لا ما ...
استوعبت مريم انه دق لها وماردت
مريم بفشله: استغفر الله دق لي بس ما رديت عبالي هو برا مب انت
راشد يمد شنطة ناصر : ذيلا حليب واغراض اذا ما رقد
مريم من ورا الباب مسكت الشنطه بس لمسة يده وبطلت الشنطه من الخوف وطاحت فالارض
مريم شلتها بسرعه: ااا باخذ ناصر ، شي تامرعليه؟
راشد : لا سلامتج
مريم سكت الباب بسرعه
راشد دق الباب مره
مريم فتحت الباب شوي عشان تسمع صوته : شو ؟
راشد يمد تلفون : هاذا خليه عندج اذا استوى شي لناصر دقي لي عليه موجود رقمي داخل.
مريم تاخذ الفون : اوك ، تصبح على خير
راشد : وانتي من اهله
سكرت مريم الباب وراشد رد البيت
—
عند مريم وناصر
ناصر : مليم ابا حلاوه
مريم: ماشي الحين حلاوه باجر بعطيك اوكيه؟
ناصر: اوكي
مريم: الحين بنروح نرقد وبنقوم الصبح بسوي لك اكل وبنلعب اوكيه؟
ناصر بفرح : اوكيه
مريم شلته تبوسه : ياربي محلاكك
تأشر ع خدها : عطني بوسه هني
باسها ناصر
مريم تاشر ع خدها الثاني:وهني
باسها ناصر وحضنها
مريم ماعندها حد اصغر منها فالبيت عشان جي تفرح بليهال يوم تشوفهم
شلت ناصر غرفتها وبدلت له لبس نوم وبامبرز وسوت له رضاعه وحطته فوق سريرها وناموا
——-
عند راشد
طلع من بيت مريم وهو مب وعيه يفكر فيها وسرحان
يرن الفون ويرد
راشد : هلا
حمد : ها وديته؟
راشد : ايوه
حمد: زين عيل بخليك روح رقد
راشد : يالله عيل
سكر الخط
شغل اغنية طلال مداح
اليوم يمكن تقولي يا نفسي أنك سعيدة
تشهد على صدق قولي دقات قلبي الجديدة
