عايلة ابو محمد
ابو محمد (زايد)60: ريال شاري راحت البال بارد لابعد درجه ،حنون بس ما يبين لعياله ، يحب يكشخ ويترتب ،يحب سيايره لأبعد درجه ينظفهن كل يوم بنفسه ويهتم فيهن وايد .
ام محمد (حمده)56:معروفه انها حاره ماتحب حد من عيالها يكون مب متربي على السنع والعادات والتقاليد ودايم تشلهم المزرعه عشان تعلمهم على التمور ، شاعره تحب تقول شعر وتحفظه عندها كتب اشعار الشيخ زايد و عوشه و احمد الكندي وكتب اخرى.
محمد 30: طيب وايد وحنون على اهله لاكن عصبي مايحب الغلط او احد يرادد كلامه ،يشتغل ف البنك و معرس من بنت عمه سلامه وايد طيبه عنده ولد وبنت
(زايد عمره 10 و ميره عمرها 7 )
معروف محمد انه شاعر امه علمته ع الشعر من هو صغير وحب ينقل محبة الشعر ف ولده زايد.
حمد 23: خوي ابوه يحب السياير ،مزيون ودوم كاشخ وريحته مسك وعود ،جامعي بعده ماخلص ، اجتماعي وايد ودوم يشل اهله يحوطهم ويرتب لهم جداول دوم يحوط عند ربعه من كوفي لكوفي .
مريم 17 : اخر العنقود والدلال كله عندها ،جميله دوم عند امها وتحبها وايد ،تحب الشعر( امها ربتها ع الشعر اكثر عن محمد لانها دوم عندها) ، اجتماعيه نفس حمد تحب تقعد عند العيايز وتسولف عليهن ،تحب الاشياء القديمه والتراث ووطنيه لابعد درجه.
عايلة ابو سالم اخو ابو محمد
ابو سالم (سعيد) 57: بشوش ووايد طيب دوم يضحكنا بسوالفه،وايد غير عن اخوه ، عنده فلوس وخير نفس اخوانه .
ام سالم (مزنه )ماتت ف حادث عقب ما يابت حميد ، كانت جميله وايد ويقولون من كثر جمالها يكتبون شعر عليها ووايد خطبوها لاكن م وافقه الا على سعيد لانها كانت معجبه فيه .
سالم 31 : عنده شركه وهو مديرها راعي سفريات كل اسبوع مسافر ،ذكي وطيب لاكن صارم ف الشغل، مع انه وايد مشغول لاكن م يقصر عن ابوه وعمومته كل ويكند عندهم وكل سنه يسفرهم .
مهره 25: حبيبة ابوها لو تطلب عيونه يعطيها ، عاقله تقرا كتب وايد متخرجه من الجامعه ،جميله نفس امها ما تطلع وايد بس تروح لمريم كل مره تمل فيها ولا تعزم ربايعها عندها .
حميد 20: هوواي ويكتب شعر ، كل لمة لازم المسجل يشتغل و اييولون ، ماخذ جمال امه دوم فيديواته ينتشرن ف الانستا ويصممون عليه، جامعي دوم يحوط عند حمد .
