أسيرة جحيم انتقامه (بقلم نيرة عبدالله)

البارت السادس عشر

مريم بصدمة: بتقول إي
كريم بحزن: هي دي الحقيقة ي مريم بعد ما إتنارلت له عن شحنة الس"لاح اللي كان خاطف أخويا عشانها قت"له قدامي وياريته إكتفي بكده ده سيب فرامل العربية اللي خطيبتي وأختي كانوا فيها وسمعني صوت صراخهم وهو بيطلبوا مني أساعدهم بس للاسف مقدرتش ألحقهم ولا قدرت أنقذ أخويا لاني أبوكي كان رابطني كويس وحاولت كتير أفلت منه بس للاسف معرفتش

وياريت أبوكي إكتفي بكده؛أبوكي حب يخلص مني أنا كمان فبعد ما قتل أخويا ضربني رصاصتين في صدري وبسببها دخلت في غيبوبة لمده 6 شهور؛ تعرفي أصعب حاجة حصلتي بعد ما فوقت لما شوفت داليا أختي إتشلت وقتها حلفت إني لازما أدمر عدنان؛ بس للأسف هو كان من المثلث الدهبي وممنوع حد يقت"له؛ عشان كده قررت إني أدمره من غير ما يعرف بس حظه إنه مات؛

وقتها حسيت إني اللي حصل حق أخويا وأختي وخطيبتي ضاع وكنت عامل زي الاسد الهايج اللي بيدور علي أي حد يطفي فيه ناره ؛ لحد ما إيهاب قالي إنه عدنان عنده بنت بس بعيد عنه فقولت طالما بعدك عنه يبقي إنتي مهمه عنده وقررت إنه أحرق قلبه عليكي في تربته؛ وباقي اللي حصل إنتي عرفاه

مريم كانت بتسمعه ودموعها نازلة فهي مش مصدقة إن أبوها بالقذارة دي ومسحت دموعها وقالت بهدوء: إي اللي خلاك تحكيلي؛ كريم: عشان ظلمتك ي مريم انا إنتقمت منك عشان كنت فاكر إن عدنان بعدك عنه عشان يحميكي وخايف علي حياتك بس إكتشفت إنه ظلمك زي ما ظلمني ويمكن أكتر؛

مريم: لو كنت عرفت الحقيقة قبل ما تتجوزني كنت إتجوزتي؛ كريم بهدوء: يمكن كنت إتجوزتك بس مكنتش عملت فيكي كل ده؛ أنا مش وحش ي مريم انا الظروف اللي خلتني كده؛ مريم: متعلقش أخطائك على شماعة الظروف؛ كريم: لو كنتي مكاني وحصلك اللي حصلي كنتي هتعملي إي؛ مريم مردتش وديرت وشها؛ كريم إبتسم وقالها: خلي بالك من نفسك وسابها ومشي

**سليم كان نازل رايح شغله وسمع صوت داليا وهي بتقول: هتسافر إمتي؛ سليم بسخرية: همك أوي تعرفي
داليا: مش لازم أطمن علي ابن عمي؛سليم بصلها بحزن حاول يخفيه وقالها بجمود: حاجة متخصكيش هتعرفي لما أجي أسافر وسابها ومشي؛ وداليا بصت لاثره بحزن وقالت بدموع: إنت السبب في كل ده

**كريم وصل مكتبه وبدأ يشتغل وبعد شويه دخل غيث وقاله: أخيرا جيت عامل إي؛ كريم بضحك: الحمد لله وسلم عليه وقاله: قولي إنت عامل إي وأخبار البيت إي
غيث بهدوء: حصل حاجات كتير أوي؛ كريم: إي اللي حصل
غيث: هحكيلك وحكي له اللي حصل؛ كريم: إزاي متكلمنيش وتحكيلي؛

غيث: علي أساس إنك كنت بترد وبعدين إنت كنت مشغول مع مريم؛ كريم إنتهد وقال: حكايه داليا وسليم فيها حاجة غلط؛ انا عارف داليا كويس وعارف إنها مستحيل تتخلي عنه الا لما يكون فيه سبب أما سليم فهو غبي عشان قالتله مش عوزاك يمشي ويسافر
كأنه ما صدق تقوله كده