أسيرة جحيم انتقامه (بقلم نيرة عبدالله)

البارت الثامن عشر

يزيد بصدمة: إنتي بتقولي إي ي أمنية انا بحبك وانتي عارفة كده
أمنية بدموع: والحب من غير ثقة يبقي ملوش لازمة ي يزيد وانت للأسف معندكش ثقه فيا
يزيد بحزن: انا عارف إني غلطان بس إنتي عارفة إني بغير عليكي من الهوا
أمنية: والغيرة بتبقي بحدود ي حضرة الرائد مش زي ما إنت عملت وإتصرفت اما تبقي تتعلم إزاي تتحكم في غيرتك وعصبيتك وقتها ممكن أرجعلك عن إذنك

وسابته ومشت ويزيد كان بيبص للدبلة بحزن؛ أما إسراء فكانت بتبص له بحزن ممزوج بغضب وسابته ودخلت أوضتها

**تاني يوم؛ خالد ورقية كانوا قاعدين بيفطروا في الجنينة

خالد: داليا فين
رقية: قاعده في أوضتها مش راضية تفطر
خالد: غريبة دي ديما كانت بتستني يوم إجازتي عشان تفطر معايا
رقية: أكيد زعلانة بسبب سفر سليم
خالد: وهي زعلانة عليه ليه دي تحمد ربنا إنه ظهر علي حقيقته 
رقية: حقيقته إي ي خالد كل ده عشان إتعصب مره عليها
خالد: إنتي مكنتيش شافيه هو متعصب إزاي ده كان فاضله شوية ويضربها عشان كده إتصرفت التصرف ده انا مش هقبل إن حد يجي علي بنتي

رقية مسكت إيده وقالت بإبتسامة: طب ممكن تهدي وتبطل عصبية وبعدين مش هتقضي يوم أجازتك وانت متعصب ومتنساش في حفله بالليل ولازم تبقي مروق
خالد بإبتسامة: طب ما تيجي إنت وتروقني إنت ي جميل
رقية بضحك: وانا أروقك إزاي بقي
خالد بغمزة: تعالي وانا أقولك
رقية بكسوف: إتلم ي خالد كبرت على الكلام ده

خالد بضحك: بقي كده طب تعالي وانا أوريكي مين فينا اللي كبر ؛ وقرب منها وشالها
رقية: خالد نزلني مينفعش كده
خالد بغمزه: إنسي إنت دخلت المصيدة خلاص ي جميل

**كريم وصل الفيلا وإستغرب لما شاف عربية جمال وقال: غريبة إي اللي جاب جمال عندي؛ ودخل الفيلا وشاف مريم وجمال قاعدين بيضحكوا؛ كريم حس بضيق أول ما شافهم كده وإستغرب إنه حس الاحساس ده؛ بس شال الفكرة دي في دماغه ودخل جوا

كريم: أخيرا حنيت عليا وجيت تزرني
جمال: انت عارف إني دكتور مهم وعندي أشغال ووقتي مش ملكي ي بني
كريم بضحك: تبا لتواضعك ي شيخ؛ قولي جاي ليه
جمال: مش جاي عشانك اصلا انا جاي اطمن علي صحة مريم؛ إنما انت مش محتاج حد يطمن عليك اخبارك كلها عندنا أول بأول
كريم: الندالة في أبهي صورها
مريم بضحك: طالما جاي علشاني بقي يبقي لازم تتغدي معايا
جمال: أكيد طبعا هتغدي أومال هسيب محشي ورق العنب لمين
مريم: هقوم أشوفهم وصلوا لحد فين في الغدا

جمال قرب من كريم وقال: قولي اي الأخبار
كريم: أخبار إي بالضبط
جمال: أخبارك إنت ومريم
كريم: متقلقش الأخبار كلها تمام
جمال: أوعي تكون بتصيع عليا
كريم: هصيع عليك ليه يعني
جمال: عاوز تقنعي إن شيطانك إنصرف عنك خلاص
كريم بضحك: أيوه ي سيدي إنصرف
جمال: هعمل نفسي مصدقك؛ صحيح هتيجي الحفلة انهارده