Inayos ko ang gray cargo pants na suot ko. White oversized shirt na may print naman yung top ko. Wash Day kami ngayon. Kinuha ko ang black sweater na nasa kama, dadalhin ko ito dahil malamig sa room. Tinignan ko sa salamin kung bagay ito sa outfit ko ngayon. Bahagya akong ngumiti dahil satisfied na sa damit.
Sinuot ko lang ang aking ID at kinuha ang backpack tsaka lumabas sa kwarto, nadatnan ko pang nagluluto si mama pero hindi ako nag-abalang mag-paalam, dire-diretso ang lakad ko palabas ng bahay. Narinig ko pang tinawag n'ya ako.
"Okay so on our first day, magkakaroon tayo ng open house, kayo ang iaassign ko para mag-tour sa outsiders." Si ma'am Gina, coordinator ng student council.
Narito kami ngayon sa guidance office para pag-usapan ang mga mangyayari sa foundation week.
Sinulat ko sa notebook ko ang sinabi ni ma'am.
"Also, Aisl kausapin mo ang presidents ng ABM. Tanungin mo kung nagpe-prepare na ang lahat para food selling ninyo. Day 1 to 6 kayo, walang pahinga yon kaya mag ready na." Paalala n'ya. Practical exam namin sa isang major ang pagbebenta.
"Nag-meeting na po kami last week ma'am, approved na daw po ng teachers yung products nila then yung stalls nalang po ang inaayos nila ngayon." Sagot ko habang nagsusulat.
"Very good. Hingan mo sila ng update, okay?"
"Sige po."
"Colleen, any updates sa arts club? Inaayos na raw ba ang mini museo?"
"Pinapatanong po nila kung saan daw ilalagay ang mini museo? Sa school ground daw po ba or hallway ng junior high building?"
Tinignan ko si Jessica, natutulog na naman. Pasimple ko s'yang siniko.
"Sa Juniors kamo kasi ilalaan natin ang school ground para sa Battle of the bands." Sagot ni ma'am.
Mahigit isang oras ang meeting, nag-inat ako sa aking upuan, nagpakawala pa ako ng buntong hininga. Pagkatapos nito sa gym naman ako pupunta para sa practice, hay. Inaaayos ko ang mga gamit ko nang,
"Rikka, Jessica, Aisl may ipapagawa ako sa inyo."
Agad kaming tumayo at lumapit kay ma'am. "Makikisuyo sana ako sa inyo, magpa survey kayo sa juniors at seniors tungkol dito." Inabot n'ya sa'min ang dalawang makakapal na stacks ng papers. Ie-excuse ko nalang kayo sa teachers n'yo."
"Okay po ma'am" ani ni Jessica tsaka tinanggap ang isang stack ng papers. Kinuha ko naman ang isa pang stack kay ma'am.
Nang makalabas ng office, tinulungan kami ni Rikka mag-buhat dahil may kabigatan ang mga papel.
Binasa ko ang content, tungkol ito sa mga posibleng bandang imbitahan ng eskwelahan.
