بهاللحظه ومن جهه ثانيه طلال كان واقف ويتلفت يمين يسار يدور أحد متلثم
بعبايه وطرحه ....
عقد حواجبه وهو يدقق من بعيد ....
((نفس المواصفات ...
تقدم خطوه خطــــــــــــوه ...
وبصوته الخشن قال :~ هذا انتي ..؟؟
-(شهقت بروعه والتفتت عليه ............................
-(طلال وهو معقد حواجبه يحاول يميز عيونها ..
شـــــــــــوي الا وفتح عيونه عالآخــــــــــــــــر ثم قال :~
أميــــــــــــــــــــره ..!!!!
-(أميره بخووووووووووووف :~ دكتور طلال ...!!
((أميره اليوم جايه بالصعوبه عشان فيصل بتقوله كم كلمه وبتطلع بسرعه قبل لا أحد يحس عليها ..))
-(طلال تحولت ملامحه للملامح حقد وشمئزاز من كذبها عليه ...
من قهره سحبها من يدها بقوه للبرى بالحديقه بعيد عن الكل ...
دفها قدامه ثم طالعها بحقد :~ انتي شلون تجذبين علي ..!!!
شلــــــــــــــون ..؟؟ ... وبكل عين تقولين انج تجذبين علي بعد كل اللي صار ..!!
كل هالوقت قاعده تضحكين علي ..!! وأنا الغشيم اللي مصدق انك جواهر للدرجة رحت
وخطبت البنت وانتي ساكته ماقلتي أي شي ..!!
انتي ماتخافين ربك باللي سويتيه ..!!
لو يدري اخوج جوراح أكيد ماراح يهدج بحالج ...
بس أنا بكون ألرقى من تصرفاتج الطفوليه وماراح اقول أي شي ...
بس نفسي أعرف انتي شلون تسوين جذي فيني ..!! شلون ..؟؟
-(أميره مفتحه عيونها عالآخر .... هذا شقاعد يقول ..
بهاللحظه طلعو قروب فيصل وهم يضحكون ...
أميره مافات عليها ابتسامة فيصل اللي حافظتها زين ...
علطول عرفته عشان كذا لفت عن الدكتور طلال بتروح وهي موب فاهمه
وش قاعد يقول لها من اليوم ..
بس دكتور طلال مسكها بقوه وهو يقول:~ وين رايحه وانا للحين مانتهيت من حجيي
.. بس انتي قولي لي ان الموضوع كله جذبه .. وان اللي احاجيها بالمسن
جواهر موب انتي ...
((قروب فيصل كلهم التفتو يطالعونهم بعد ماسمعو آخر كلمات طلال ..
-(برهوم بصوت واطي :~ شباب هذا موب جنه الدكتور طلال ..؟؟
-(عبادي :~ بس شيابه هني !!!
-(فهد يدقق بأميره ويحس انها مألوفه له بحجمها الصغير ونحفها وعيونها ..
بس فيصل ماعرف أميره أبدا ...
-(أميره بخووووف تطالع طلال ثم تطالع فيصل ...
فهد حس بنظرات أميره كل شوي للفيصل ...
-(طلال تركها بقهر وهو يحس ان لسانه موب كفايه يعبر عن الحقد اللي بقلبه
والإحباط اللي يحس فيه ...
حبه انهد مره وحده ...
طالعها بحتقار ثم طلع من القصر كله ...
فهد تقدم من أميره :~ أميـــــره ..؟؟؟
-(أميره بخوووف لفت بتروح ... مرت من جمب فيصل ..
فيصل يطالعها وبالفعل عرفها لما قال فهد اسمها ...
((أميــــــــره بقلبها :~
ؤففففـ هذا فهد والدكتور طلال من وين طلعو لي ..!!! خربو علي كل شي ...
الظاهر ماعاد فيه أي فرصه احاجي فيها فيصل...
((فهد لحقها والكل يطالعهم من القروب :~ أميره ..أميـــره ...
((مطنشته وهي رايحه بتطلع ..
فيصل لف عنهم بيدخل للداخل مطنشهم ...
أميره التفتت على فيصل وكيف ماعنده احساس ...
رغم انه عرف انها اميره الا انه ماأهتم ...
حست بنار بقلبها ..
التفتت على فيصل وهي رايحه له ومطنشه فهد واقف يطالعها بجموود
ومقهور كيف تطنشه وتروح للشخص رافضها رفض تام ومايحبها ...
$$ بــــــــــس القلب موب على ماتمناه الشخص $$
-(أميره دخلت للداخل وهي تدور فيصل اللي اختفى من بين الظيوف ...
فيصل وهو يتمشى بين الظيوف ويتفرج عليهم ...
بالصدفه تقابل مع راكان ويزيد ...
بس ماعرفو بعض أبدا بما انهم متنكرين ...
-(فيصل :~ اسكيوزمي ...
-(راكان بعد شوي بس سمع صوت أميره تنادي فيصل :~
فيصــــــــــــــــــل ..
((راكان التفت على فيصل اللي شافه كيف تأفف من أميره ..
-(أميره لما وصلته بسرعه قالت :~احاجيك ...
-(فيصل :~...................
-(أميره :~ بس ييت عشان أوظح لك شغله انت موب منتبه لها ...
-........................
((راكان قبالهم علطول بس مايعرفونه .. وهو يسمع كل كلمه بينهم ))
-(أميره :~ صحيح أنا مابيدي شي من بعد ماأخترت بنفسك جينفر ...
أو بالأصح رفضك الواظح لي... بس بغيت اقولك شغله وحده ...
-(فيصل يطالعها بكبرياء ولا رد عليها ))
-(أميره بتردد كبيـــــــــــــــــــــر :~ أفسخ خطوبتك من جينفر ...
وعطنا فرصه أنا وأنـــــــــــــــــــــــــــــت ...
((راكان نزل راسه ثم تنهد ..))
-(فيصل ضحك ضحكه صغيره وساخــــــــــــره :~
من صجج ..؟؟
-(أميره نزلت راسها :~ انت للحين ماتعرفني عدل ..
يمكن مع الأيام يتوظح كل شي بصوره واظحه ...
-(فيصل دخل يدينه بجيوبه ثم قال وهو يطالعها بنظرات تربكـ :~
سمعيني عدل ....... اذا وافقت على حبج وقلت لج بعد أنا أحبج ...
صدقيني نهاية حبنا بالشارع ...
((راكان وأميره رفعو عيونهم عليه يطالعونه باستغراب ..))
-(فيصل :~ ليش مستغربه .... كل حجيي لج سمعيه عدل لأني ماراح أعيده المره
اليايه .... أنا وأنتي مانصلح حق بعض ...
وإذا تتذكرين الشعر اللي قلته لج بحفل ميلاد جينفر ...
كان قصدي اني من عالم غير عالم الكل ...
أنا عالمي من نسب مجهول ...
الكل يقول لو يظهر نسبك أكيد ماراح يكون عربي ..!!!
تقبلين بشخص مثلي ..!!!
-(بسرعه وبلهفه :~ أي اقبل ... ومايهمني أحد ... مـ....
-(قاطعها :~ اذا انتي تقبلين اهلج ماراح يقبلون فيني أبدا ...
أنــــــــــــــــــا ياأميره ... لا أخلاق ... ولا نسب معروف ...
ولا مال ولا عايله ... ولا أي شي يخليج تحبين واحد مثلي وتتحملين اللي بييج
بسببي ...
أنــــــــــا وأنتي مانصلح حق بعض ابدا ... فكري بعقلانيه شوي وأعرفي الغلط اللي
قاعده تساوينه حق واحد مرفوض من المجتمع ...
أهلج ماراح يقبلون فيني ... عشان جذي انسيني ...
لأني مابي أعلقج عالفاضي وبنهايه واظحه وظوح الشمس ...
عشانجذي أفضل حل أنج لا تحاجيني ولا أحاجيج وبكذا راح تنسين
كل شي يتعلق فيني ...
أميـــــــــــــــــــــــــــــــــــــره انتي تستاهلين شخص أفضل مني ...
أنا ماأستاهلـج أبدا .... انا ماأستاهلـ...
-(قاطعته وهي تهز راسها بالنفي ودموعها غارقه عيونها :~ لا لا تقول جذي ..
أنا بتحمل كل شي ... مايهمني أحد غيرك ...
فيصل عطنا فرصه وأنا متأكده انـ....
-(فيصل :~ أميره لا تتعبين روحج .... ومن اليوم ورايح رجاء رجاااء
لا تتدخلين بأي شي يعنيني ... وعامليني كشخص غريب عنج ...
لا تظيعين وقتج معي .. ولا تدورين من وراي حب ...
والشخص الوحيد اللي يناسبني هي جينفر ...
انا واحد خاطب وزواجي بالإجازه ...
عشان جذي انسيني احسن لج ولي ...
يالله سلام ...
((بعدها لف واختفى من قدامها ...
أميره نزلت دموعها علطول من أول ماراح ...
جلست على الأرض وهي تبكي بصوت واظح ...
غطت وجهها بين يدينها وهي تبكي على حظها الشين ..
-(راكان يطالعها بعد ماسمع كل شي صار ...
توه بيتقدم لها الا وحس بتردد كبير ...
لف عنها ثم راح بعيـــــــــــــــــــد عن همومها لوحدها ...
فهد كان يدورها بين الظيوف ...
وأخير شافها جالسه عالأرض وهي تبكي ...
ضغط على كفه بقهرررررررررررررررررر من فيصل ...
مو بيده يسوي أي شي ... غير انه ينتظرها تحبه وتنسى فيصل...
((من جهه ثانيــــــــــــــــــــــه ...
ميشو جالسه على الكراسي بضيقه وكآبه ...
جوالها يدق ويدق بس حاطته عالسايلنت ...
وتطالع الظيوف بهدوء والحزن مغيم على قلبها اللي أول مره يحب بس ياليته ماحب ..
شافت راكان يسولف مع شخص أجنبي .... لاحظت حرمه مدت
كاس لراكان وهي مبتسمه ... وراكان أخذه وعلطول شرب الكاس ببتسامه )) ...
نزلت راسها بيأس ...
شافت الجوال يطلع نور كل شوي ...
بملل رفعته وبكل استسلام قالت :~
نعم ...
-(بابتسامه :~ للهدرجه الدنيا متسكره بويهج عشان راكان ..!!
-.........................
-أدري انج تحبينه .. بس تذكري اني أنا زوجج بالمستقبل وموب راكان
اللي لا يمكن يحبج ...
-........................
-أنا أعرف كل شي عنج ... ومهما حاولتي تتخلصين مني صدقيني ماراح
تقدرين ابدا ...
أعرف أمس باليل شساويتي ... وكيف أبوج وأمج
مسافرين وانتي لحالج بالبيت ...
وماعندج غير حدامتكم تتهاوشين وياها كل يوم ....
أمممممممممممـ تبين بعد اقولج عن كل شي يخصج ..؟؟
-.......................
-ههههههههـ .... الحب عامي قلبج ..بس ماراح يطول هالحب الا وانتي زوجتي..
عاد تدرين ... انتي المحظوظه اللي راح تتزوجيني ...
لأني راح اخليج انتي الآمره والناهيه بكل شي في قصرج ...
راح تكونين اسعد انسانه بهالدنيا ... طبعا بعد ماتززوجيني ...
ههههـ ... تركي اللي بيدج ورفعي راسج ...
((بهاللحظه ميشو تركت سحاب الشنطه ثم رفعت راسها وكأنها
استسلمت للأي شي بهالدنيا ...
والسبب يرجع للراكان ..
((صوت موسيقى خفيف ... على أغنيــــــــــــة أجنبيه
((ديدو ...see the sun))
الأغنيه هاديه ولحنها محزن شوي ...
بهاللحظه ميشو ماقدرت تتحمل هالضيقه اللي بقلبها ...
ودها تبكي .. ودها تصرخ ..
بس تبي تطلع اللي بداخلها ومو عارفه كيف ..
لا دموع راضيه تطلع وهي اللي ماتبكي ابدا ومو متعوده على الدموع ابدا من
كانت صغيره ...
وحزنها أكبر من انها تصرخ بأعلى صوتها ..
بهالحاله مابيدها غير تستلم للواقع الأليـــــــم ...
وبحاله وحده قالت وبكل استسلام :~
باي ...
((ثم سكرت الخط بوجهه ... رفعت راسها بتقوم وبترجع للبيت ..
بس تفاجئت لما لقت راكان واقف قبالها ويطالعها ...
بلعت ريقها بتفاحئ منه ..
رفع حاجب ثم قال :~ للحين تبين تحاكيني ...؟؟؟
-(وقفت وهي تطالعها بنظرات غريبه وغامضه ماقدر يفسرها راكان :~
لا ...
((لفت وشالت شنطتها بتطلع ...
مسكها بيدها بقوه بس بهاللحظه نزل راسه بسرعه وهو يحاول يثبت وقفته
زين ... تركها علطول وضغط على راسه بقوه متألم ...
ميشو التفتت عليه علطول ...
لما شافته كيف مكشر بألم من راسه ...
بسرعه مسكت كتفه وهي تقول بخوف :~ انت بخير ..!!!
-(راكان بلع ريقه بألم وهو يحاول يتحمل الألم بتكابر ...
رفع راسه رغم الألم الكبير ثم قال بابتسامه :~ لا بس حسيت بدوار خفيف ..
-(ميشو بسك :~ متأكد ..!!
-عن أذنك ...
((لف بيروح بس ميشو ماعطته فرصه وقالت :~ ممكن نطلع مع بعض ...
((التفت عليها :~ لا ..
-(ميشو ابتسمت :~ هه عبالك بتردها لي من تو ..!!!
-(راكان توه بيتكلم الا وسمعو صوت وراهم ...
-مشاعـــــــــل ...
-(التفتو راكان وميشو ..
-(ميشو بتعجب :~ منو ..؟؟
-(ليان بابتسامه :~ ههههـ ماعرفتيني ...
-(ميشو فتحت فمها بدهشه وضحكه :~ لا تقولين ليون ..!!
-(بضحكه طفوليه :~ ههههههـ .... لا ليان ...
((ميشو توها بتسلم على ليان الا وتدخل صقر وهو موب عارف ميشو
لأنها متنكره ...
-(صقر معقد حواجبه :~ ليان منو هاي ..؟؟
-(ليان كشرت ونفس الشي ميشو كشرت ...
راكان لف بيروح ... ميشو حست ان راكان بيروح بس تجاهلته
ثم التفتت على ليان وهي تقول :~ ليون الا ماقلتيلي شخبارج مع السجن اللي انتي فيه
مع سفاح ...
-(ليان بخوف نزلت راسها .... صقر علطول عرف انها ميشو ...
الحقد رجع من أول وجديد وهو يكره ميشو كره غير طبيعي وللدرجه جنونيه ..
كشر بوجهها :~ وانتي تلاحقين زوجتي بكل مجان ..!!!
-(تكتفت بملل :~ ؤففففـ زوجتي وزوجتي ... واللي يسمعك يقول انت الوحيد
بالعالم عندك زوجه ... ياأخل خلاص عرفنا انك ماخذ ليون حبية قلللللللبي
<~ قالتها بقصد تبي تقهره ....
ماخذها بالغصب ...الله يكافيها شر العذاااااااال اللي مدري شلون متحملتهم للحين..
((صقر سحب ليان ورجعها وراه وهو يقول لها :~ روحي وترييني برا بالحديقه ...
-(ميشو علطول راحت جمب ليان ومسكت يدها ثم طلعو لبرا وهي مطنشه صقر ..
ليان صحيح ماتبي صقر بس خااايفه منه .. وخايفه على ميشو منه ..
تعرفه متهور يمكن يسوي أي شي لها ...
((صقر رفع راسه وكأنه يقول ... اللهم طولك ياروح..))
لف عليهم وهو رايح لهم ...
سحب يد ليان من يد ميشو وطلعو من القصر كله ...
ليان حست بألم في يدها بسببه بس ماعندها الجرأه تقول له انها تتألم من يده
اللي ضاغطه بقوووووووه عليها ...
((لما وصلو للشقه دفها بقوه للداخل وهو معصصصصـــــــــــــب منها بسبب ميشو ...
ليان كانت بتطيح على الأرض ...
-(صقر يطالعها وهومشمئز من ميشو ويكره قربها من ليان ...
:~ انتي تقابلينها من وراي صح ..!!!؟؟؟
-(بلعت ريقها بخووووف وهزت راسها بنفي ....
-(بصوت عالي وكله غضب :~ جذابــــــــــــــــــــــه ...
بعدين شنو اللي يخليج تطلبين مني مانكون بغرفه وحده ..!! هاااااه ...
-(غرقت عيونها من الخوف اللي بداخل جسمها من أعلاه الى أسفله ...
صقر عض شفته بقهرررررر لخوف ليان منه...
صقر ضرب بالباب بقوه بس الباب من قوة الظربه ماتسكر ورجع انفتح ...
صقر سحب ليان بقوه من يدها وهو يقول :~ اذا ماتيين بالطيب
انا أييبج بالغصب ...
((لما دخل بالغرفه دفها بقوه على الفراش ....
تقدم منها بسرعه ...
بهاللحظـــــــــــــــــــــــــه ليـــــــــــــان صارت تصارخ :~
لا تقـــــــــــــــــــرب مني ..... لاآآآآآآآآآآآآآآآآآآآآآآآآآآآآ ....
لا تقرب ..لا..(( قطع على صوتها شهقات دموعها بضعف ))
