$$ انتظــــــــــــرنا كثيــــــرا ...
$$وتعبنــــــــــــــــا جدا $$
اذا ماذا نقـــــــــــــــــــول عن حال ابطــــــــالنا الذين يعيشون $$
الآلام بأنفسهم ... وقد كرهو الإنتظار لكي يعرفون ماهو نسبهم ..$$
$$ ولكن أنا ككاتبـــــــــــه سأقول ....
كل كربه ولهــــــــــــــــــا فرج بيوم من الأيام $$
سواء على ابطال روايتنا او كل من يقرأ هذه الروايه ..$$
((تولين مرت من جمب قاعتها بكلاس طلال وهي على أمل تشوفه رغم كل اللي صار ..
الا ان قلبها مو راضي ينساه ...
بهاللحظه شافت طلال يمشي وهو يطالع كتابه ..
جوجو وقفت قدام طلال وهي تقول :~ ممكن احاجيك شوي بس ؟؟
-(طلال لف لها بهدوء :~ نعم شبغيتي ؟؟
-(بتوتر :~ آآآآ ... لك فتره ماييتنا بالبيت ..
واذا حاجيتك عالموبايل تكلمني ببرود ولا تجاوبني على أسألتي ..
-(تنهد :~ طيب وبعدين ؟؟
-بببـ ... بس ابي اقولك ابوي يبي يحاجيك اليوم بموضوع ..
-(عقد حواجبه :~ شيبي مني ..؟؟ لا يكون قلتي له عن السالفه ؟؟
-(بخوف :: لا لا ... مستحيل اقول له .. بببـ ... بس ماأدري شيبي بالضبط ..
هو اليوم قال لي قبل لا الروح للجامعه ..
تيينا على المغرب جذي ..
-(لف عيونه عنها وهو يقول :~ طيب يالله دخلي الكلاس بتبدى محاظرتي ..
((لفت جوجو والألم واظح على وجهها ..
جوجو توها بتدخل القاعه الا وشافت تولين واقفه تطالعهم ..
كشرت بوجه تولين ..
بس تولين نزلت راسها تتجاهل جوجو ...
لما دخلت جوجو ..
طلال توه بيدخل الا وشاف تولين واقفه تطالعه ...
وقف وهو مايقدر يبعد عيونه عنها ..
بلع ريقه اللي جف علطول ..
تولين رفعت عيونها عليه بحزن ..
للحظـــــــــــــات وهم يطالعون بعض ..
تولين تأملت انه يقول لها شي بس خاب أملها لما لف عيونه عالباب ثم دخل وسكر الباب
وراه ...
حست عيونها تغرق من الدموع ..
وهي تقول بقلبها :~
توليـــــــــــــــــــن .. شفيــــــــــــــــــــج ..
كل دقيقـــــــــــــه وثانيه تبجين على أتفه الأسبـــــــــــــــاب ..
ويـــــــــــــــن قوتج وشجاعتــــــــــــــــج ؟؟؟
معقولـــــــــــــــه تبخرت بسبب حبج للدكتـــــــــــور ؟؟
لا ياتوليــــــــــــــــن .. كرامتج لا تهدرينها حتى لو كان بسبب الحب ..
الحب بدون كرامــــــــــــــــه مايســــــــــوى شي ...
كفايه ذل .. كفــــــــــــــايه آلام ...
انســــــــــــــــي الدكتور طلال ... أكيـــــــــــد هو يكرهج .. انسيـــــــــه ..
ودفنيـــــــــــــــه بقلبـــــــــــج ...
((نزلت راسها ودموعها تنزل على خدها ...))
"""""""""""""""""""""""
$$ مــــــــــــــــــــــــــــــــرت الأيــــــــــــــام ...
واليوم هو آخـــــــــــــــــــر يوم باللإختبارات ...$$
((نارا تجي للإختبار وتختبر ثم تطلع علطول بدون مايشوفها أحد ..
تحاول تتخبى عن الأنظار ..
تحس انها مرتبكه جريمه للدرجة انها تستحي تطلع قدام العالم ..
مــــــــــــــــــــــوت ريان جرح بقلبها للآخر يوم بحياتها ..
حاسه ان ضميرها يعذبها يوم عن يوم ...
والطريقه الوحيده انها تتخبى عن العالم ...
تمشي وهي منزله راسها وبسرعه لين تطلع من الجامعه وبعدها تقعد بالقبو لحالها بالظلام ..
حتى نوف صارت تخاف منها ولا تحاول تقرب منها ..
رغم ان ابو نوف تظايق من وضع نارا اللي للحين تنام عندهم ...
وهم عارفين انها قتلت اخوها ... والإشاعات تقول انها برضو قتلت زميلها ..
نارا للحين حالتها هاديه وماتتطلم بأي كلمه ...
رغم انها تعاني من داخل وتنتظر اليوم اللي راح ينفذ صبرها وبينفجر كل اللي بداخلها
من عذاب ومعاناة للوحدها ...
حتى الدموع ماتنزل من لما طلعت من المستشفى ...
تنسدح على الكنبه بدون أي حركه ...
واللي يشوفها يقول هذي ميته مو منسدحه وبس ...
((أما الغريب اللي يكلم ميشو كل يوم يدق عليها يوهددها لو ماتغير من اخلاقها ..
والباقي على نفس الحال ...))
((بالجـــــــــــــــــــــــامعه ...
اليـــــــــــــــــــــوم آخـــــــــــــــــر يوم بالجامعــــــــــــه للجميع أبطالنا ..
والفرحه تعم عالجميع ...
((فيصل أول ماوصل عند شلته قال بصوت عالي وهو يدور على نفسه :~
أحم أحم شرايكم باللوك الجديد ..
((الكل مسك ظحكته ...
فيصل كان لابس بنطلون سكيني من تحت ورافعه على ساقه ...لونه ليموني ...
وتيشيرت قطني ضيق لونه تفاحي ... وقبعه قماش مغطيه كل راسه وحتى أذانيه لونها
تفاحي ...وجزمه بوت لونه ابيض ...
يعني انواع الترقيع ...
وطالع شكله ملفت بألوانه الفاقعه ..
-(فيصل ابتسم بقوه وهو يقول :~ ادري كلكم بتسألوني من وين شاري
ملابسي ... بس لا تحاولون ..
-(أميره وراه ظحكت بصوت عالي :~هههههههههههههههأأأأآآآآآآآآآآآه ....
هيه انت ليش صاير إشاره على آخر يوم ..
-(فيصل كشر ولا رد عليها ...توه بيجلس بين قروبه بس أميره وقفت قدامه
وهي تقول :~ لا لا عاد صج من وين شريته ... ابي اشتري مثلها وأقوف
جدام الشارع بدل هالإشارات ...
-(بدون مايطالعها :~ طيب بشري ؤمج ... <~ مررره حاقد عليها من بعد
الإشاعه اللي طلعتها عليه ... أما أميره تحاول تراضيه ولو شوي وهي حاسه بذنب ..
((مسكته من غير شعور من ذراعه قدام فهد وهي تقول :~ فيصل خلاص عاد كل
هذا لأني قلت الحقيقه عن خواتك ؟؟ الفروض تكون فرحان موب معصب ..
((دف يدها بقوه وهو يقول :~ ومنو قال لج انهم اهلي او خواتي او أي شي ..
جم مره بقول لج لا عمرج تدخلين فيني ..
خلاص طلعي من حياتي يرحم ؤمج ... انتي ليش ماتفهمين ليش ؟؟
يعني الا تبين الواحد يطول صوته عليج ويهينج جدام الكل ؟؟
روحي عن ويهي ماعاد ابي اشوفج .. افهمي يابنت الناس افهمي لو دقيقه ...
((فهد توه بيوقف يدافع مع أميره .. بس أميره قالت :~
صدقني بيي اليوم اللي بتقول لي ياأميره أنا آسف لأني
قلت لج هالحجي ...
واذا على انك ماتبي تشوفني .. طيب حاظر ...
من اليوم ورايح أوعدك ماتشوف رقعة ويهي ... وحتى لو تقابلنا بالصدفه
راح أعمل حالي ولا كأني شفتك ..
ومو بس اعتذار واحد ... راح تعتذر لي ثلاث مرات ...
والحين يالله .. سلام ...
-(لف عنها وهو يقول :~ باي ..
((لما دخلت المبنى وهي تشتعل ناااار وحقد عليه ..
فيصل جلس معهم وهو ساكت وحاس بروحه متضايق مايدري ليش ..
فهد يطالعه بنص عين ومقهوووور .. بس فضل انه يسكت ولا يقول أي شي ..
أما الكل ماحبو يطولون الصمت اللي بينهم وقطعوه بدراسه وكل واحد
ماسك كتباه ويراجع بصوت واظح تغيير للجو المتوتر بينهم ...))
((بهاللحظه ليان مرت من عندهم ...
وقفت علطول لما لمحت فيصل ..
التفتت عليه وهي تطالعه وبداخلها لهفه كبيره ماتدري وش هي ..
فيصل وهو مكشر من بعد أميره ..
التفت على ليان اللي تطالعه ..
سكت شوي وهو يطالعها .. تذكر انها هي اللي يقولون عنها اخته ..
تلعثم شوي ثم نزل راسه وهو يحاول يتجاهل نظراتها ..
-(ليان ماتبي تبتعد عنه ... تحس انو فيه أمل يكون اخوها ..
بهاللحظه صقر وراها لما شاف مين تطالع ابتسم ثم قال بصوت عالي :ْ
فصوووووول .. حبيب قلبي انت .. تعال ابيك شوي ..
-(فيصل توتر ثم قال :~ ياخي انا مابيك ...
-(صقر ضحك وهو عارف ليش متوتر فيصل فقال :~
لا لا تخاف .. تعال وانت بيدين أمينه ..
((بهاللحظه ليان بتروح لما حست ان فيصل يتجاهلها ومايبيها ..
بس صقر مسكها مع يدها وهو يحاول يطمنها ببتسامه ..
نزلت راسها للدرجة انها نست موضوع يد صقر وهو ماسك يدها ..
المهم عندها الحين اخوها .. هل هو اخوها جد ولا بيكون كله غلط بغلط ..
وبذيك الساعه جد راح تتحطم ..
-(فيصل متوتر ثم وقف وهو يحاول مايطالع ليان ..
فيصل توه بيوصلهم الا وصدمت فيه نارا بدون قصد وهي منزله راسها ..
فيصل التفت عليها بقهر وهو وده يعطيها كف بسبب ظربتها القويه ..
-(فيصل بنرفزه :~ ماتشوفين طريجج انتي ؟؟
((بس استغربو لما كملت طريقها وهم مايشوفون وجهها مع السواد اللي يغطيها من فوقها
الي اسفلها ..
-(صقر ابتسم :~ شفيك ياريال مختبص جذي ؟؟
-(فيصل يحاول يثبت نظراته على صقر ولا يلتفت على ليان ..
بس ليان تطالعه بلهفه كبيــــــــــره وهي تحس بقلبها يدق بقووووه وبيطلع من مكانه ..
-(فيصل :~ ياخي محد قال لك انك قلق ؟؟ شتبي ؟؟
-(صقر غمز له :~ علينا هالحركااااااااااااااات ياولد .. بعدين ماودك تسلم على زوجتي
اللي هي اختـ....
-(قاطعه بسرعه :~ صج ماعندك سالفه ...
((لف بيروح بس ليان سبقت صقر بالكلام :~
لا تروح ...
((طلعت هالكلمات من غير شعور ... حتى انها نزلت راسها بعتاب على روحها ..
فيصل نزل راسه وهو مايدري يلتفت لها ولا لا ..
-(صقر مسك كتف فيصل وهو يقول :~ ياخي استح على ويهك حبيبتي وحياتي تقولك وقف
تقوم وتعطيها ظهرك .. لا ترى حتى لو كنت اخوها ماأسمح لك ..
((فيصل التفت على ليان وهو يطالعها ..
اما ليان منزله راسها ..
-(صقر بضحك :~ بعدين شنو هاللبس اللي لابسه ... الظاهر فيوزاتك ظربت
من بعد هالإختبارات ههههههـ ..
-(فيصل حس انه متفشششششل مو عشان صقر ..
لا عشان ليان .... حس بوجهه قلب أحمر وهو بهاللبس قدام ليان ..
لعن نفسه لما شرى هاللبس وناويها استهبال كعادته على آخر يوم ..
فيصل ماعاد يدري وش يسوي لما رفعت ليان عيونها عليه تطالعه ..
فيصل اختبص بس ماحس بروحه الا بيده اللي سحبت قبعته بفشيله رغم ان القبعه
لايقه عليه وطالع شكلها حلو بس مايدري ليش متفشل قدام ليان ..
-(ليان ابتسم ومن غير شعور قالت :~ بالعكس حلوه ليش فسختها ؟؟
((فيصل رفع عيونه عليها وهو متوترررر ووجهه طاح أكثر لما قالت كيذا ...
صقر ابتسم وهو يقول :~ الله الله عالعصافير الحلوين .. لا لا جذي ترى اغار يافيصل ..
اذا انا زوجها ماتقول جذي ...وانت تقول لها ؟.... لا لا مايصلح جذي ..
خلاص تراني اجذب عليكم موب اخوان انتم .. يالله كل واحد بطريقه ..
فيصل مع السلامه تراها موب اختك لا تصدق ..
-(ليان ضحكت ونزلت راسها ..
صقر التفت عليها بصدمـــــــــــــــــــــه .... يحاول يستوعب اول مره تضحك
قدامه وعلى كلمات قالها ...
مسك شعره وهو يقول بستهبال على انه موب مستوعب :~ لا لا لا مستحيييل ماأصدق ..
ليون تضحك وياي ... فصول وينك من زمان ياريال ... والله لو اني داري ان ليون بتتغير
لما تتعرف عليك جان من زمان قلت لها انك اخوها ...
لا صج موب مستوعب ..
-(فيصل استغرب ليش يقول هالكلام وهم متزوجين .. بس ماعبر للموضوع اهميه
ثم قال :~ يالله انا رايح .. عن أذنكــــــــــــــم ...
-(ليان تحس روحها ماتبي تبتعد عنه ..
صقر التفت عليها وهو يقول بصوت واطي لها :~ تبيني امسكه ولا اخليه
يروح عنج ولا دقيقه ... حتى لو تبيني امسكه عن الإختبار انا مستعد ..
-(ليان نزلت راسها وهي مبتسمه .. هزت راسها بنفي وكأنها تقول
خله براحته ....
ابتسم صقر وهو حاس بروحه يتجدد الأمل ..))
""""""""""""""""""""""""
