توأم ولكن أغراب في جامعة أمريكية

41

(فيصل التفت يطالع خواته ...
تولين برتباك التفتت على فيصل اللي يطالعها ...
كشرت بغرور :~ هيه انت شتطالع ..؟؟؟ لا يكون صدقت هالجذب ؟؟؟
تخيلو تكونون اخواني ((قالت آخر جمله بقرف .. وهي تطالع نارا من فوق لتحت ...
نارا حست بنظرات تولين عشان كذا التفت عليها ثم طلعت لسانه بقوووه بالمايل ...
ثم لفت راسها بهدوء ...
تولين لما شافت حركة نارا وكأنها تقلل من تولين ... كشرت بقرف ثم الفتت على ليان ..
وتطالعها من فوق لتحت ...
ليان حست بتولين تطالعها عشان كذا نزلت راسها أكثر ولو بيدها
دخلت تحت الأرض ولا انو احد يقعد يطالعها ...
نارا وتولين التفتو على فيصل وهم يطالعونه بشمئزاز ...
فيصل حس بنظراتهم .. رفع عيونه عليهم وهو رافع حواجبه وكأنه يقول نعم فيه
شي ؟؟؟؟
تولين ونارا يطالعونه بشمئزاز وهم عارفين انه أكبر مغزلجي ..
((فيصل علطول عرف نظرتهم وش يقصدون فيها ..
رفع حواجبه أكثر :~ في شي غلط ؟؟؟
نارا لفت وجهها للجهه الثانيه بحيث طاحت عينها على العم بندر اللي توه داخل من الشارع ..
اما تولين عطته نظرة غرور ثم التفتت على اللبنانيه وقالت:~
انتي ممكن تتحجين عدل وعن الجذب السخيف مالج ....
-(اللبنانيه :~ والحئيئه الأكبر انتو بنات بدر بن سعد بن محمد الـ.............
من السعوديه أما امكون روسيه ....
وهلأ امكون بدهاياكون تروحو معها ع روسيا
((التوأم سكتو يبون يستوعبون شسالفه ...
الورقه اللي تثبت انها زوجة ابوهم عطتهم اللبنانيه يشوفونها بنفسهم ..
تولين رفعت عيونها برتباااااااك وهي تحاول تكون واثقه :~
طيب هذا مايثبت انها امنا وهذا ابونا ؟؟؟ وين ورقة الولاده او أي شي يخص
الحقيقه اللي يثبت اننا عيالها ...
-(اللبنانيه توترررت أكثر ... التفتت على أم التوأم ثم قالت لها كل شي بالروسي ..
لما قالت لها الأم بعض الكلام ...
التفتت اللبنانيه ثم قالت :~ هيا عم بتئول انو بتعرف المستشفى ياللي ولدتكون
فيه ... راح تاخدكون ويمكن تلائون أوراْء بتخص ولادتكون ...
ليـ.....
-(قطع عليهم صوت خشن وراهم :~الاوراق معي ....
((الكل التفت على العم بندر ....
التوأم عقدو حاوجبهم موب عرافين منو هذا بعد ؟؟؟
فيصل وهو يدقق بملامح بندر ...
مايدري وين شافه ولا يتذكر انهم قد تقابلو قبل سنتين....
بس يحس ان ملامحه موب غريبه عليه ...
-(بندر بجديه وهو يطالع التوأم الأربعه .... طالع فيصل ثم قال :~
انت فيصــــــــــــــــــــــــــــــــــــل ...
((ثم التفت على نارا وقال :~ وانتــــــــــــــــــــي نارا ....
((لما التفت على ليان قال :~ وانتي توليـــــــــــــن أو ليان ..؟؟؟
-(تولين بلعت ريقها بتوتر :~ وانت منو .؟؟؟؟
-(ابتسم أكثر ثم قال :~ أنا عمكم بنـــــــــــدر اخو ابوكم بدر ....
انتو عيال بدر الـ..............
وانتو من السعوديه ....
والأوراق اللي تثبت انكم عيال بدر وهذي أمكم ...
((طلع كم ورقه ثم عطاهم يشوفونها ....
الأوراق تتداول بينهم بصدمه ....
ليان حست بصداااع وغثيان من الخوف اللي بقلبها ...
شي تنتظره يمكن أكثر وحده من بين اخوانها الحين يصير قدامها ...
فيصل كان جمب ليان ...
حس انها بتطيح ...
بتردد كبييييييييييييييييير بعد ماتأكد انها اخته ...
مد يده ومسكها مع كتفها عشان ماتطيح ....
فيصل حس بقلبه بيطلع من مكانه من التوتررررررر ....
-(تولين خنقتها العبره وماقدرت ترفع راسها ...
كل واحد متوتر أكثر من الثاني ...
ماعدا شخص واحد ...
اللي هي نارا ...
رفعت راسها ببرود ثم رمت الأوراق وهي تقول :~
وانتو توكم تطلعون لنا ؟؟؟ بعد شنو .؟؟؟؟ صج حثالـــــــه ...
-(بندر وهو يطالعها بشمئزاز ثم قال :~ آخر شي توقعته بنت اخوي تصير من هالنوعيه ؟؟
-(نارا بتحدي :~ لا تقول بنت اخوك ... مايشرفني اكون منك لا انت
ولا اخوك هذا اللي ماندري وينه ...
ولا خايف ...؟؟
-(بندر تحولت ملامحه للغضب بس حاول يضبط اعصابه بما انها ماتربت وواظح من
شكلها :~ ابوك مات .... من قبل لا تنولدون ...
-(تولين رفعت راسها وعيونها غرقانه دمووووع بلعت ريقها وهي تطالعه ..
التفتت على أمهم اللي واقفه بحزن كبيييير....
-(بندر :~ والحين بعد ماتأكدتو اني عمكم ... لازم آخذكم للسعوديه
عشان تقابلون جدكم ...
-(فيصل رفع راسه بكره وحقققققد بما انه عارف القصه زين :~
أي جد اللي تتحجى عنه ؟؟؟
الأبو اللي يتبرى من ولده عشانه تزوج روسيه ؟؟؟؟
تبرى منه بس عشان سمعته وثروته عند المجتمع ...؟؟؟
-(بندر ساكت بدون أي كلمه وهو مقدر ردة فعلهم ...
-(تولين التفتت عليه ثم قالت ودموعها صارت تنزل بدون ماتحس :~
ليش تركتونا ..؟؟؟ شذنبنا ..؟؟
-(نارا التفتت على ليان وهي تتذكر آخر موقف لما حاولت تهرب هالبنت من
زواجها ....
-(اللبنانيه وراهم :~ انتا شو عم بتئول ...؟؟؟ إمهون هيا أولى فيون ...
((أم التوأم لما فهمت السالفه من اللبنانيه بسرعه راحت للبندر
وهي تبكي وتترجاه بلغه روسيه مافهومها أحد غير اللبنانيه ....
بس كان شكلها جدا يرثى حاله وهي تتوسل له ...
مسكت يده تترجاه انه يترك عيالها لها بس بندر مافهم شي وحس بتوتر
لما مسكته ..
سحب يده منها بتوتر مايدري شفيها ..؟؟
-(اللبنانيه حست انها بتبكي على وضع أم التوأم ثم قالت :~
عم تترجاك تتروك أولادآ إلى .
((ليان ماعاد تحملت الموقف حطت يدها على فمها وهي تحاول تبعد الغثيان
بس الظاهر مافي فايده ..
توها ملتفته على ورى بتروح تستفرغ بعيد بس مالحقت لما استفرغت عندهم...
بلحظه اللي استفرغت فيها نزلت دموعها وصارت تبكي بصوت واظح ...
تولين وهي تطالع ليان نزلت دموعها أكثر من قبل وعقلها مشوش ...
أما فيصل اللي واقف يطالع ليان بحزن كبييير كيف صارت حالتهم كذا ...
نارا توها بتتحرك تروح لليان الا وسبقتها أمهم لها وهي تقول كلمات غير مفهومه
بس واظح الخوف بعيونها على بنتها ...
فيصل ضغط على كفه بكررررررره وهو يشوف كيف امه حاطه يدها على اخته
اللي توه يعرفها ..
ماقدر يتحمل خاصتا انه عارف كيف هربت منهم بالمستشفى ..
ليان وهي تبكي حست بيدين على كتوفها حنونه ...
التفتت ببرائه وهي تبكي وتطالع أمها وكيف تبي تظمها بقوه ..
بس فيصل ماعطاهم فرصه لأنه سحب أمه بقوه ودفها بعيد عن
ليان وهو يقول بصوت كله حقد وكره :~ توج تعطفين علينا؟؟
-(اللبنانيه بسرعه قالت :~ فيصل اهدى هاي إمك ...
-(فيصل التفت عليها وصار صوته أعلى بحيث اللي حواليهم التفتو عليهم :~
لا تقوليـــــــــــــــــــــــن امي ..... هاي موب امي ...؟؟
-(ليان بسرعه بعد مامسحت فمها وهي مرعوبه من فيصل ...
بسرعه راحت للأمها ولأول مره ترفع صوتها بدفاع وهي تبكي ووجهها أحمرر:~
اذا انت ماتبيها انا ابي الروح وياها .... لو حتى للروسيا ...
((الكل فتح عيونه عالآآآآخر ماعدا امها اللي مافهمت شي ...
نارا لما شافت ليان بصف أمها راحت جمب ليان ثم قالت :~
وانا بعد بروح وياها للروسيا ....
((تولين قلبها صار يدق بقوه وهي تفكر بأمها اللي ربتها ...
ماتقدر تتركها مستحيل ...
بندر وفيصل التفتو على تولين وهم خايفين لا يكون بعد هذي تبي تروح
معهم ...
تولين التفت عليهم بعيون باكيه ....
هزت راسها ببطئ نفي وهي تقول :~ انا عندي أمي
اللي ربتني .. ماأقدر اتركها ...
-(بندر بسرعه قال بخوف للفيصل :~ وانت .؟؟؟
-(فيصل التفت عليه ثم قال :~حياتي بدونكم افضل ...
((ثم لف بيروح ... بس بندر مسكه مع يده بقوه وهو يقول بجديه :~
جديك تعبان يبي يشوفك انت وخواتك ...
-(فيصل سحب يده ثم قال بضبط اعصاب تلفانه من أمس :~
مايشرفني يكون يدي ...
((سحب يده ثم راح للمبنى ....
تولين بسرعه دموعها صارت تنزل بخوووف...
لفت على الشارع ثم طلعت للمواقف السيارات ..
جلست بينهم ونزلت راسها بين يدنها وهي تبكي وتبكي ...
وتبكــــــــــــــــي .... مشوشه ماتفكر غير بالمفاجأه الكبيره اللي طلعت لهم ..
سعوديــــــــــه .. امها روسيه ...
جدها تبرى من ابوها ...
امها تبي تاخذهم للروسيا وعمها يبي ياخذهم للسعوديه ..
بجد ماتعرف شلون تفكر ...
مخها مشوووووش ..
وزياده على كذا ماتقدر تترك امها اللي ربتها وتعبت عشانها ...
((من جهة نارا التفت على ليان ثم قالت بتردد :~ انتي بخير ؟؟؟
-(ليان التفت على أمها وهي تبكي ...
بسرعه أمها ضمتها بقووووووه ....
نارا وهي تطالعهم حست برتبااااك وتوترررر ...
لما رفعت امها عيونها عليها ...
وكأنها تقول تبي تضمها ...
نارا بلعت ريقها بتوترررر ...
رفعت عيونها لين ما شافت يزيد واقف يطالعها ...
لما شافته حست ودها تبكي ...
تحس هذولي اللي توها تتعرف عليهم غريبين عليها ...
والوحيد اللي تحسه اقرب لها من الباقين هو يزيد ...
يزيد يطالعها من بعيد بعيون حنونه ....
نارا ماقدرت تتحمل نظراته ...
نزلت حواجبها بطريقه وكأنها حزينه وتبي تثير عاطفته لها ....
وفعلا يزيد حس بقلبه ينغزه لما طالعته بهالنظره اللي وراها الف غموض
وغموووض ...
أشر لها بعيونه للمبنى وكأنه يقول قابليني جوآ ...
لف ودخل بالمبنى ...
نارا بسرعه راحت للمبنى بدون ماتطالع أي احد ...
بندر حس انه متوهق شلون يجمع عيال
اخوه ...
((فيصل أخد من بين جلسة قروبه كتابه ثم لف بيروح ..
-(فهد :~ فصول على وين ..؟؟
((فيصل مايسمع أي أحد وبس يمشي وهو حاس بمشاعر جواته
مافهمها ...
بالصدفه شاف أميره جالسه لحالها وفاتحه كتابها ....
تذكر الموقف اللي أمس ...
بسرعه بعد عنها وراح للشارع قبل لا تشوفه ...
أميره بالصدفه رفعت يعونها وشافته من بعيد بس ماتحركت
من بعد الموقف اللي امس مالها وجه تقابله ...
((نارا لما دخلت المبنى التفت يمين يسار مالقته ...
ماحست الا بيد تمسكها من يدها وتسحبها للكفتريا ....
نارا التفت على يزيد اللي ماسك يدها وهو متجه للكفتريا ...
((لما جلسو قدام بعض ...
-(يزيد حاس بتوترررررر ... توه بيتكلم ويقول
كل اللي عنده الا نارا سبقته لما قالت وهي منزله راسها
بضييييقه وكأنها كاتمتها قدام الأغراب اللي هم اهلها ..
بس ماقدرت تخفيها من يزيد :~
يزيد عرفت كل شي عني ...
أمي أبوي .. عمي يدي ..خواتي وأخوي اللي هم توأمي ...
شي مايدخل بالراس ....
ماأدري منو أصدق منو أجذب ... ولا شنو اساوي ...
حاسه اني مخنوقه الحين ...
احسهم غريبين عني ماعدا وحده اسمها ليان ...
ماأدري ليش هالبنت دخلت قلبي من قبل لا اعرف انها اختي ...
من زمان وانا احس انها داخله قلبي ...
بعفويتها وبرائتها ..
عكسي تماما ...
ماأستاهل أكون اخت وحده مثلها ...
قل لي شنو اساوي ..؟؟
راسي مشوش .... مخنوقه للدرجه جنونيه ...
-(يزيد وهو يطاااااااالعها يحس بحب كبير لها ....
ابتسم بحنان يبي يطمنها :~
يمكن اذا بكيتي ترتاحين ...؟؟
-(بيأس وحزززن :~ ياليت أقدر ...
-(يزيد :~ حاولي ...لا تستحين قدامي او من أي احد ....
انتي يانارا طيبه وبقوه ... بس انتي تحاولين تخفينها بأي طريقه ...
نارا ......
-(بسرعه قاطعته :~ لا تقول أي شي ..... يزيد انا ماأحس انهم اهلي ...
بس فيه شخص واحد احسه أهلي وأمي وأبوي وكل شي بقلبي ....
((يزيد بلع ريقه بتوتر ...
خاصتا لما قالت :~
يزيد انت تكفيني .... انت كل أهلي ... انت للحين تحبني والدليل
انك ماتركتني .... خاصتا اني عرفت نسبي وكل شي ...
واذا شكلي موب عايبنك انا مستعده اغيره ...
تبي نتزوج ؟؟؟ ؤكي انا موافقه ...
تبـ.....
-(قاطعها بضيق وبجديه :~ نارا .... اسمعيني بالأول قبل لا تتعجلين ..
مو قبل لا تعرفين كل شي عني ...
-مايهمني ..
-بس انا يهمني ...
-مابي اسمع ...