أبن عمي

قصة ابن عمي البارت ١

قصة # أبن عمي
اعزائي لاتنسون التصويت بالنجمة
+التعليق بين الفقرات شكد متكدرون
+‏متابعة حسابي وشكرا الكم 🌹🌟
,,قراءة ممتعه,,,

........
هلووو حبايبي رجعتلكم بقصه جديده تحجي عن أبن العم وزواج الغصب أحداث هويه بنتضاركم راح نغوص ونتعرف عل حياة الشخصيات وتفاصيلهم اتمنه تعجبكم القصه وتتفاعلون وتقدرون تعبي
،،،،
قراءة ممتعه
......

الكاتبة # هدى سامي

_في صباح يوم الساعه ٧
صباحا
كعدني منبه الموبايل،،،،،
بعدني نعسانه لان بعد صلاة
الفجر اخذت غفه

دك المنبه خل اكوم ،،،،،،
تعوذت الشيطان اكوم احلب الهوايش وحطلهن حشيش
رحت للمطبخ اخذت سطل واخذت اكل بايت وفضايل لداجاج

اول ماطلعت من الباب التمن عليه الدجاجات ،،،،

خطيه جوعانات يعرفني جايبتلهن اكل

شتغلت القاق والقيق ولجن اوكفن اخذتهن
بعيد عل بيت فرغتلهن الاكل
عل كارتونه لتمن

كتلهن يله أكلن بس لتتعاركن احجي وامشي عل هوايش الي منسمعن صوتي كامن يجعرن
هههههه

يعرفني ياما حجيت وياهن من يضيج خلكي ماالكه احد احجي ويا اروح احلبهن واحجيلهن هههههه

اجتجن اجيتجن كافي جعرن جبتلهن حشيش كامن ياكلن تلمستهن باايدي قبل لا احلبهن حته يهدن ميرفسني

كعدت احلب ،،،،،
عدنه هايشتين وعجل جبير عدنه حصان ومهره وابنهم حصان زغيروني هههه

احبه اموت عليه مسميته الكاسر
هنه مو مالاتنه مالات ابن عمي صكر خلاهن يمنه

لان بيت اهله ماعنده احد يعتني
بيهن مثلي واني تعودت عليهن

دائما ياخذني صكر نركب
الخيل وناخذ فره بالمزرعه مالتنه

أني اركب المهره برق ،،،،،
وهو يركب الحصان رعد،،،،،
هههه مره يسبقني،،،،،
مره اسبقه ،،،،

يتخبل من أسبقه
يكوم يشيل ويركع بروحه يكول اني علمتج وتسبقيني ههههه

اكله شعبالك لعد اني فارسه اصيله ومهرتي مو اي مهره

هاي المهره برق

كملت حلب سمعت صوت
صكر يصيحلي
عائشه،،،،،،،، عائشه ،،،،،،
وينج
هياااااني هنا،،،،،

أجه يمشي . بدلته الزيتوني نجمات عله جتافه يمشي بوقار وهيبه نزع نضاراته

_وينج صار ساعه ادور عليج

_هياني اوكف خل احط
حشيش لليخل واجيك

وكف ينتضرني

صكر : شعجب اليوم متاخره
بالكعده