أبن عمي

قصة ابن عمي البارت ٩

قصة # أبن عمي
.......
علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
،،،،،،
الكاتبة # هدى سامي
........

عائشه : - اخذوني بيوم نشتري
الجهاز والنيشان والذهب اني وبكر ومرت عمي وطيبه اخت بكر

شيختارن اكول اي جنت أمشي جسد بلا روح.......

جان ساكت عله اعصابه لان مو مثل المخطوبين وجهي حزين وتصرف من غير نفس

ماباوع بوجه ولا احجي ويا....

لزم ايدي جريتها ......
كوه جان ساكت بس عيونه براسه من العصبيه .......قسنه الحلقات شترينه الذهب .....رحنه اجرنه بدلات اباوع عله بدلت العرس

مو هيج جانت أحلامي

ولاهيج جنت مخطكه ازوج

ولا عندي فرحت عروسه

جريت نفس حزين باوعت بكر
يباوع عليه بنضره كلها حزن

رحنه لصالون حجزنه موعد

باقي للعرس سبوع ،،،،،،،،

خلال هذا الشهر الشيخ جسار مابطل كل يوم داز ناس يتوسلون حار شسوه زود المهر دز شيوخ
واسطات

حاول بكل طريقه ماكو فايده حته ابويه وعمامي بزعو كامو يا هو يجي يطردو .......

يوم الحنه اخذوني لصالون كتلها
اريد شي بسيط ماريد مبالغ بي

سوتلي تسريحه نازكه بدلتي جانت لونها مارني من غير ردان وبيها دلعه من الصدر حيل حلوه طلعت،،،،،،،،

اجه بكر ياخذنه دخل حته ناخذ صور .........
شافني بتسم اجه كبل حضني
كال طالعه تخبلين مبروك عليه

_ماجاوبته بس دفعته وكفنه
صورنه كملنه اخذوني ورجعنه
للبيت كعدوني بالاستقبال مال
اهلي الديجي مشتغل والهلاهل والركص .........

جنت مثل الي بدوامه بس اباوع ماحجي لبسنه الحلقات قطعنه الكيك .........

اتلفت ادور عله صكر جان يدخل وجه حزين وعيونه حمر ،،،،،،

اجه بارك لبكر ....حضنه طبطب عله ضهره

اجه عليه وكفت اخذني بحضنه
راسي عله صدره حسيته جان
يرجف ونبضه حيل سريع باسني من راسي وراح ........

للمغرب فضت الحفله باليل اجني بنات عمي ساعدني لمن ملابسي
وغراضي اخذناهن ورحنه لبيت
عمي لغرفتي ،،،،،،،،،

اول مره ادخلها جانت بالطابق الثاني تجنن الاخشاب الوان....... الفرشه....... والستاير .......والتخم يجنن .....وبلازمه بالحايط........ وسبلت وداخل الغرفه اكو حمام حيل مرتبه وحلوه

كال ........حلوه عجبتج هذا ذوقي

_التفتت لكيته بكر ماجاوبته رحت صفطت ملابسي أني وخواته بالكنتور وعطوراتي ومكياجي عل ميز