أبن عمي

قصة ابن عمي البارت ٥

قصة # أبن عمي
.......
علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
،،،،،،
الكاتبة # هدى سامي
........

_عافني وراح حته ماعتذر فوكاها يخليني ابوسه بالكوه،رحت نمت

كعدت عله اذان الضهر صليت صبيت غده اني ومرت ابويه تغدينه بعدها جلفت المواعين ورتبت البيت درست اخوتي تقريبا ساعه خلصت عفتهم ينامون

رحت عل مطبخ خل اسوي كليجه
الهي نفسي ماريد انام ما نعسانه وضايجه جيف صكر زعلان مني

أصلا اني زعلانه منه ليش يضربني طلعت من الموت نوب يضربني

أشتغل وحجي ويه نفسي للعصر الكليجه ستوت حطيت قوري الجاي عله نار هادئه
بين ما اصلي عصر

كعد ابويه ومرته واخوتي

اخويه علي كال الله شنو هل ريحه الحلوه كتله

_سويتلكم كليجه يله صلو
وتعالو بالحديقه

رحنه توضينه وصلينه رجعنه لتمينه بالحديقه جبت الكليجه
والجاي صبيتلهم وزعتلهم

جان يجي صكر شايل مصطفى

_سلم راح كعد يم ابويه

جبتله جاي وكليجه حطيتهن كدامه كال

_ماريد شيليهن يحجي بعصبيه كتله
_جيب مصطوفي يمي دفع ايدي كال
_لاعوفي يمي

كمت من يمه دمعه بطارف عيني بس سيطرت عله نفسي

_اخويه احمد كال عاشت ايدج عله هل كليجه كتله

_بالعافيه يروحي كال

_أحنه متعودين لازم سوينه شي العصر.....

_اخويه حسن كال بس اذا زوجتي شلون......؟

تلاثتهم كالو منزوجج والله ابد منزوجج كتلهم

_ليش يابه مزوجوني لازم تريدوني اضل العمر كله هيج

باوعت عله صكر خزرني درت وجهي عنه ضل يمنه لبعد العشاء

بيت عمي أجوي كلهم حته لمياء تعللنه وهو مجاهلني بعدها راحو
لبيتهم واحنه كل واحد راح
لغرفته سبحت ورحت نمت

كعدت عله اذان الفجر صليت
وقريت قران لحد ماكشف النهار
كمت اخذت صطل حلبت
الهوايش رجعت عل سريع اباوع
عل باب حته من يجي صكر
اقفل عله روحي ماريد ابوسه

اجه دخل البيت ركضت الغرفتي قفلت الباب

اجه دكه كال افتحي.....

مافتح روح .....

افتحي احسلج ......

والله مافتح .....

بقه يكلي افتحي..... واني ساكته بعدين كام يتحلف ويهدد

_أني اعلمج من ارجع الكفج قابل
راح ضلين قافله عله روحج بسيطه عائشه اذا ماربيتج اني مو صكر .......