قصة # أبن عمي
.......
علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
،،،،،،
الكاتبة # هدى سامي
... . ..
عائشه .. جنه نايمين كعدت اريد
اجر النفس ماكدر بكر حاضني
ونايم بس اشو جسمه حيل
ثكيل ندهته
بكر بكر ماكو رد........
جسمه بارد مثل الثلج باوعت
بوجها ابيض وشفايفه زرك نخمط كلبي من الخوف دموعي نزلت كوه دفعته من فوكايه ......
ضليت انده افضفض ماكو رد
كمت اخمش بوجهي وعيط
بكر .......
بكر......
ركضت عل باب نسيت حته نفسي لابسه ثوب نوم جانت الدنيا الفجر يمكن ساعه سته ......
فتحت الباب ابجي وعيط
صكر جان طالع من غرفته من سمعني اجه يركض شبيج
------
_جريته وحجيت بجي.....
بكر مجاي يكعد
ركضنه ثنينه نفضفض بي دفعني بصيحه أستري نفسج بنت الكلب
باوعت عله نفسي بثوب النوم صلوخ وقصير ركضت للحمام
لبست دشداشه جانت بالحمام
طلعت صكر يلبس بكر ملابسه كمت اعيط واملخ برحي كلهم كعدو طلعونه
عمتي كامت تلطم ولمياء وسهام
عمي وصكر شالو بكر نزلو اخذو للمستشفى وراحووو ضلينه ندك ونلطم تقريبا ساعه ندك عليهم عل موبايل محد يرد علينه
بعد ساعتين خابرو كالو بكر ميت
الخبر جان صدمه النه كلنه
ميت بسكته قلبيه من سمعنه مرت عمي شكت الثوب......
اني واكفه مصدومه مامصدكه جان كلشي مابي
ما شكه من شي حته راسه ميوجعه ياريتني ماخليتك
تنام
شاقينه وضحكنه قبل منام
دموعي تنزل بغزره كلبي ممرود مرد.........
بنات عمي دكن ولطمن ندرن عليه كله منج يابومه من وراج دعيتي عليه انتي موتي هجمن عليه موتني كتل نتفن شعري
كوه طيبه خلصتني منهن طلعت لغرفتي اركض قفلت عله روحي
كعدت بالكاع دك ولطم ملخت نفسي بسببي اي من ورايه اني دعيت عليه احجي والطم ع وجهي بس والله ماجان عبالي راح
يموت اني موته ياريتني اني متت ياريت نكص لساني قبل مادعي عليك ........
اسمع صوت الناس كامت تجي وصوت العويل والطم والعياط يزيد بعدني ممصدكه بالكت اني
بحلم واكعد منه .........
،،،
بعد ساعه سمعت صوت سيارات باوعت من شباك جايبين التابوت عل سياره ياويلي يايمه لا لا لا عطت بكل قوتي ونزلت اركض
حاطين التابوت بالطرمه
أنت تقرأ
أبن عمي
Romanceهل تؤمنين بذلك؟ بل ادرك لكل انسان في الحياة ثمن فتاة عاشقة للخيل راكبة الفرس مفترشه الأذرع على متن فرسها مبتسمة الملمح خازنه حزنها في فؤادها المتيم مشاركه دمعها مع الأغر خالده في عرش الفتّان فسلاما على قلبها الذي وقع أسير ابن العم
