أبن عمي

قصة ابن عمي البارت ١٩

قصة # أبن عمي
.......
علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
،،،،،،
الكاتبة # هدى سامي
........

فراس .. أحجي وياج منو انتي

عائشه اجتي خالتي ........كالتله

_هاي عائشه بنت خالتك نسيت
اكلك جتي تبقه يمنه كم يوم

باوع عليه من فوك الجوه

رتبكت من نضراته حطيت الصينيه رحت حطيت الشال عله راسي وجيت .... كال

فراس .. شلونج

عائشه .. الحمد لله انته شلونك

فراس ... الحمد لله بخير يله تعالن نتعشه

كعدنه ناكل بس ستحيت منه بس انقش ......كال

فراس .. شوكت كبرتي وصرتي مره ذاك اليوم عفناج طفله........؟

ردت خالتي ........كالت
_السنين تركض رفع راسه .....كال

فراس .. منو مسوي بيج هيج....

ماجاوبته خجلانه ردت خالتي
.......كالتله
_رجلها هز راسه......... كال

فراس .. مو رجال الي يمد ايده عله مرأه
مو رجال

ضجت من كلامه ماعرف ليش كملنه عشه جبتلهم جاي شربنه

ترخص وصعد لغرفته .......

أني وخالتي رحنه لغرفتها نومتني بصفها عل جربايه مكيفه بيه كل شويه تبوسني ،،،،،،،،،،

كعدت عله اذان الفجر لكيت خالتي صلي رحت توضيت اجيت

خالتي نطتني جادر مال صلى
كلش حلو قماش مشجر صليت سالتها عله قرأن نطتني أخذته ورحت بالاستقبال اقرأ لحد ماكشف الجو ،،،،،،

نزل فراس يصيح يمه...... شافني

طبكت القران كمت ....كتله

عائشه .. خالتي نايمه محتاج شي
صافن عليه......... كال

فراس .. هااا اي اي اريد ريوك حته اروح

عائشه .. ههسه اني اسويلك

رحنه للمطبخ سويتله ريوك عل
سريع حطيته ......كال

فراس .. تعاي اكلي

عائشه .. ماريد ماشتهي

رجعت للغرف سديت الباب ونمت كعدت بعد فتره

باوعت عل ساعه عشره رحت ساعدت خالتي
بالغده أجه فراس تغدينه رجع راح لشغله

مر سبوع كل يوم أني اسوي ريوك لفراس.......... يكلي

_شعجب تكعدين من وكت

عائشه .. متعوده مانام بعد صلاة الفجر

فراس .. بس تدرين كعدت الفجر شكد بيها بركه

عائشه .. اكيد ماكو احلى من النشاط