أبن عمي

قصة ابن عمي البارت ١٠

قصة # أبن عمي
.......
علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
،،،،،،
الكاتبة # هدى سامي
........

_عائشه بالزفه راجعين للبيت لازم نفوت من كدام مزرعة شيخ جسار لان هيه عل طريق بيوتنه

قبل منوصل لمزرعته طلع جسار واكف بالباب شايل سلاح .....

للحضه خفت كلت خاف راح يكتلنه...... الصراحه كلنه خفنه مو بس اني...........

حجه بكر بعصبيه هذا شيريد يسوي ...........؟

صكر : ميسوي لتخاف جاي
يبرز عضلاته يسوي ستعراض

لزم السلاح جسار سلاح يخوف ماعرف شنو نوعه بس يشبه مال الامريكان لاف شريطين طلق عله ايده رفع السلاح وكام يرمي حرك
الجو حرك ........

ختلت بحض بكر من الخوف لحد ماوصلنه بيتنه،،،،،،،

بكر كام يدعي الله ينطيك ياجسار هههههه حصلت حضن من وراك

نزلنه يم بيتنه الدنيا مكلوبه كدام بيتنه وبيت عمي جايبين مطرب ومسوين مسرح كدام البيت وكراسي الدنيا مكلوبه

دخلوني بيت أبويه كعدوني بالستقبال الديجي مشتغل والهلاهل الكل يركص

اني بدوامه اتمنه اركض عله غرفتي اقفل عله روحي .......

ضليت كاعده واتلفت الناس كلها فرحانه بس أني اتمنى اموت بهاي الحضه،،،،،،،

-----

بكر طاير من الفرح السعاده طالعه من عيونه كعد بصفي شويه وكام راح يم الزلم...........

صبو عشه بيت عمي ذابحين تلث عجوله وجايبين طباخين كله سفري أماعين وخلواشيك بلاستك
مسلفن كل واحد ماعون وقوطيت ببسي .........،،،،،،

بعد العشه أجوي حته يزفونه

كمت ارجف ودموعي تجري حضني ابويه........كال

_لتبجين بعد ابوج بكر خوش بكر راح يدير باله عليج

يحجي ويباوع لبكر ..........

بكر : عمي لتخاف عليها راح
ادللها والله راح احسبها بنتي
مو زوجتي .........،،،

ابويه طبطب عله جتفه كاله ماعندي شك ونعم منك

التمو كلهم عمامي ولدهم حته يزفونه ..........

اجه صكر حضني وباسني براسي

باوعت بعيونه مثل الي أطلب النجده ........،،،،،

باوع بعيوني بنضره بحياتي ماانساها نضره مكسوره حزينه عبالك هو الي يطلب مني شي بس مافهمته شنووو .......لزمني من
ايد وبكر من ايد زفونه من بيت اهلي لبيت عمي .........

جسمي يختض ودموعي تطاير ايدي ترجف باايد صكر علت
الهلاهل وصلنه لبيت عمي
طلعونه غرفتنه ........