أبن عمي

قصة ابن عمي البارت ١٨

قصة # أبن عمي
.......
علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
،،،،،،
الكاتبة # هدى سامي
..........

_عائشه سمعنه صيحه
عائشهههه

باوعنه هذا صكر حسيت كلبي راح يوكف من الخوف راسا وكفنه

_جسار .. لتفهمنه غلط اهده لتتسرع

ميسمع مخنزر اجه يركض وضرب جسار

رفع راسه جسار رجعله الضربه .......

جسار .. لتكبر الموضوع صدفه شفتها
......

صكر .. متواعدين تخونيني عائشه .....؟

أجه عليه مانطاني فرصه احجي راسا ضربني واخذني شحط

صاح جسار لتخلي لتخلي الغضب يعميك صكررر ماعندي شي وياها صدفه شفتها

مارد عليه اخذني كفخات وغلط ومسبه دخلني بيت عمي شمرني بنصهم يكلي ياخاينه

الكل متعجب من حالتنه ......كالو
_شبيكم .........كالهم

صكر .. لزمتها متواعده ويه جسار الخاينه

يحجي ويضرب بيه دفرات فضحني كدامهم شفت الشماته بعيون مرت عمي وبنات عمي ولمياء الضحكه شاكه حلكها اكيد هيه دزته ورايه لان شافتني من اخذت برق

اخذني سحل لغرفتي من شعري
او بقايا شعري نتفه دفعني بالغرفه وكام يضرب بيه

مانطاني فرصه حته افهمه او ادافع عن نفسي

حقدت عليه كرهته فضحني وشمتهن بيه من عصبيتي دفعته .......كتله

عائشه .. اي متواعده ... أي خنتك ماريدك بس انته ماعندك كرامه
يااخي ماحبك احب جسار

اني كلت هيج لو نجن

جيت عليه موتني كتل راشديات بوكسات ودفرات بطني

خله دمي يجري من كل مكان بجسمي

اخر شي كام لطخ راسي بالحايط حسيت راسي تفلش اعصابي رتخت ورحت
بضلام

كعدت بعد فتره ماعرف شكد عيوني مابيه افتحهن او ماريد افتحهن واشوف احد اشم ريحت ديتول اكيد اني بالمستشفى

جسمي مكسر اوون من الالم

اسمع ابويه نازل دك رزايل لصكر .... يكله

_جان موتت بنتي..........

فتحت من غير محد يشوفني لكيت صكر واكف يباوع بندم ميرد عليه عمامي موجودين ويحاولون يهدون ابويه

وابويه........ يكله
_ليش ماسمعتها ليش ماخليتها تفهمك اجاني جسار وكالي وقسم بروح ابو شافها صدفه بس وين انته وعصبيتك

ليش ماسمعتها...... ليش ماخليتها
تبررلك .....راسا تتهمها تفضحها وتضربها .......ضرب مال موت لهنا
وكافي .....سكتتلك بما فيه الكفايه .....اني مجايز من بنتي صكررر ........