<في وسط بغداد>
البارت الـ 23
#للكاتبه_سجى_المالكي
"غير مبري الذمه الي ينشرها او ينسبها لاسمه"
^^^^^^^^^^^^
تصويت+متابعه للحساب+تعليق بين الفقرات 🥀^^^^^
رجع قصي لبغداد لان عنده مهمه
زار فيصل بـ بيته سلم وكعدتنهد-هاي الاخبار تبشر بخطر جاينه
قصي-صح الموصل ماربيت بيها ولا عشت بيها هواي بس 7 سنين كافيه تحب مدينه ومايهون عليه اتركها
فيصل-يعني راح تحارب داعش
-اكيد فيصل اني مو جبان حتى اعوف مدينه احتوتني بعدما الكل عافني
-بس الوضع خطر واحنا نعرف كل زين منو داعش وشنو يكدر يسوي
-ماعندي شي حتى اخسره
-تمام لعد اني هم راح اكول للامر مالتي يحول شغلي بالجبهه
-شنو تخبلت انت وراك مره وجهال
-قصي اني ماعوفك وحدك
نتر-بلا دراما روحه للموصل ماكو
-رجلي عل رجلك
خزره-كافي فيصل الله يخليك كتلك متروح
-ماكدر اعوفك لوحدك تروح
-لتخاف عليه اني قصي
-يعني راح تروح
هز راسه وشعل جكارته،
-تمام اني وياك اروح
-ومرتك؟
-عادي اخليها يم امي
-يابه لاتتهور مرتك قربت ولادتها منو الها ولتنسى هي حالتها خطره بسبب الاجهاض اللي سوته قبل كم سنه
-ماعوفك اني للموت اظل وياك لتحاول تقنعني
ابتسم-شكد عنيد
-اشبهك
سكت،
-بس كون الامر يقبل ينقلني
-لتخاف يقبل اصلا احتمال هو ينقلك من كيفه لان الوضع خطر والجنود العدنه قليل
-ان شاء الله النصر
-فيصل فكر مره لاخ
-يمعود لا تعرضلي
-الموصل خطره شلون تروح مدكلي
-اني صوجي كلت اريد التحق
خزره-فوكما اريد مصلحتك
-يابه دفرحلي رايح احرر وطني من الانجاس
تنهد وسكت،
فيصل شعل جكارته ويتصفح موبايله علمود الشغل
قصي-عطشت ماكو مي
-لا اكو قابل بيت يزيد احنا
ابتسم بطرف شفته
أنت تقرأ
في وسط بغداد
Mystery / Thriller"تدور احداث الرواية حول صديقان منذ الطفولة تفرقهم الحرب ليلتقوا فيما بعد وكل منهم يحمل هَم اقسى من الاخر" المعنى الحقيقي ان الاخ سند لاختهُ والصديق وقت الضيق.. لا احلل من ينسبها لاسمهُ " او يأخذ فكرة منها "