في وسط بغداد

مشاهد من المستقبل ❤️

دخل بطلته العسكرية وجسمه المعضل بحيث القميص طابك على جسمهُ من قوة عضلاته، مشيته رزنة وكلها رجولة لزم شواربه وهو يباوع عليه،
ابتسم ابتسامة مُخيفة ونزل النظارات الجان لابسها ونزع ساعته وكعد مقابيله

-اي كلي شلونها الضيافة

بتلبك-سيدي والله ماقتلت احد صدكني

بهدوء-واني شوكت كلت قتلت؟

-سيدي اني وحيد اهلي فدوة لتسويلي شي

ابتسم-هسه جاي نسولف ماراح اكص راسك

سكت ومجاوبه،،

-اي مكتلي شلونها الضيافة

-اني مامسوي شي ليش عذبتوني

رجع ظهره على الكرسي-كلها من اعتقلها تكول هالكلام فشبعان منه اريد حديث جديد مامطروق

باوعله بخوف مسح جبينه-جنت مضطر

-شنو الجبرك؟

-الفقر

-الفقر يخلي شخص يقتل صح ؟

-تكدر تكول العوز خلاني امد ايدي واطمع

.....

يفتر بالغرفه كال برود-ما اعرف اني جنت بمهمة وهسه بشوفتج التسد النفس خربت كل الخطط

خزرته-اني شوفتي تسد النفس؟

باوعلها بعصبية-شوفي ولج ابقي ساكتة ونفس ما اسمعلج احسلج ولاتسوين ميانة وياي لحد هسه مانسيت سوايتج

……………………

ضحكت والدمعة لالت بعيني
اردفت بقهر -تدري شكد جنت منتظر  هاللحظة الاشوفك بيها ، جنت مخطط ومرتب كلشي لهاي اللحظة ،لكن ماتوقعت ننجمع هيج ،لانوب الابن نقيب والاب ارهابي!! شي عجيب مو؟

باوعله مصدوم - هذا انتَ؟ معقولة

…………………

مشاهد من المستقبل، ،روايتي القادمة

غير مبري الذمة اللي ينشرها بدون علمي او ينسبها لاسمهُ

#الكاتبة_سجى_المالكي

#في_وسط_بغداد

تصويت لطفاً+متابعة للحساب..

حفظوها بالمكتبة ❤️

شاركوا ويا اصدقائكم