في وسط بغداد

البارت الخامس

<في وسط بغداد>

البارت الْـ5

#للكاتبه_سجى_المالكي

'غير مبري الذمه الي ينشرها او ينسبها لأسمه'

تصويت للبارت لتنسون ..

....

دخلت دانيه للبيت تبجي وتناشغ شافها قصي تخبل وبسرعه كام مفزوع

-دانيهه شبيج منو ضربج؟

تمسح بدموعها وتناشغ-الحقير يحجي عل امي

عكد حاجبه-منو هذا  احجي

-جيرانه يكول امج تجدي، قصيييي مامااا مو مجددديييهه.....وبجت

تعصب-ابقي هنا هسه اجي

طلع من البيت بسرعه وشاف سالم يلعب طوبه ويا اصدقائه لزمه من قميصه من ظهره وكعه عل كاع وكعد فوكا وضربه بوكسيات بالكوه الناس فاككوا

.....

بالمساء....

ام سالم-بس ميصير هيج كاسر خشم الولد وايده ادري عايشين وين احنا

ام قصي خجلانه من تصرف ابنها حجت
-حقج عليه خيه

كامت-اودعناكم مره لاخ لزمي ابنج...وطلعت

جان كاعد بالغرفه ولاف ايده بشاش ومدنك راسه والهدوء سيد الموقف

اجت وكفت بالباب وتجفت-ليش؟

ذب حسره-يكول عنج مجديه

بحده-طبني مرض خلي يكول بس مو تكسر ايده وتشوه وجهه بطريقه اجراميه ،هيج اني ربيتك؟

بهدوء-ماقبل احد يهينج بكلمه

رغده باوعت للبنات اشرتلهم بايدهاا يطلعن من الغرفه،
طلعن بهدوء، سدت الباب وكعدت يمه

تنهدت وكالت-اعرف اني شغلي عيب بمجتمعنا رغم الشغل مو عيب بس  لان ابيع مي وكلنكس بس المهم لكمه التاكلوهاا لكمه حلال البعض يكول عني مجديه، يوميا اسمع انواع الكلام واسكت لان ماريد اسوي مشاكل خاطر يخلوني اروح للمكان المعتاده ابيع بي،مرات الانسان يتعرض للكلام القاسي واليهين كبريائه لكن اذا كان هذا  انسان بلا سند ومحد اله بهاي الدنيا  فـ يسكت لان اذا حجا محد راح يوكف ويا

باوعلهاا بحزن-صح احنا فقره ومالنا معين وصح انتِ وحدج داتعانين حتى توفريلنا كلشي نحتاجه بس خلي بالج اني وياج للموت يايمه انتِ عندج سند مو وحيده بدنياج

دمعت عيونهاا-حبيبي انت بعدك صغير متعرف العالم الخارجي و  وحشيه الناس،والفقير اله الله

لزم ايدهاا-اليهين امي اكسر ظهره مو بس خشمه وايده

-اذا تحبني لاتسوي مشاكل بعد

-ليش تخافين يمه ترا ماحب اشوفج مكسوره وضعيفه والناس تستخطيج

تنهدت-بعدك صغير وماتفهمني