<في وسط بغداد >
#للكاتبه_سجى_المالكي
البارت الـ 26
"غير مبري الذمه الي ينسبها لاسمه "
_______
"الدنيا ضاكت والنفس باقي عل كد الحسره
فرحان داويت الغصن
ثاري المرض بالشجره
مرت سنين من العطش
مو شفتي روحي تفطرت
ومتاني حبكم قطره ،
ماگلت ليش تعذبت ؟
جنت ادري ....
اليحب من صدك يرتاح بس بكبره________
تصويت+متابعه للحساب+ تعليق بين الفقرات ..^^^^^
بلعت ريگي-حازم تعوفني؟سكت،
نترت- حازم جاوبني شلون ينطيك گلبگ تعوفني وتروح للموت
باس جبيني وكال - الوطن يناديني دانيه
بجيت - مافكرت بيه؟ شلون تلتحق وتعوفني بلا صارلك شي وين اروح اني بلياك
ابتسم مسح دموعي وكرص خدي - تخافين عليه لو خايفه تعنسين وما تزوجين
صغرت عيوني - وكت شقه هسى؟
ضحك - دنو ادعيلي وبس
همست برجاء،- لاتعوفني
- ماعوفج والله ويجوز مااموت شمدريج هي الاعمار بيد الله
تنهدت بقهر، - بس الوضع خطر شلون؟
- الله كريم
دانيه- حباب لاتروح
حازم- ماكدر حبي، الوطن محتاجني
________
قصي -خيرك من الصبح اتصلت عليه خوما اكو شي
فيصل ساكت ومدنك راسه،
كعد يمه،-فيصل احجي شنو صاير شي ،جرحك يوجعك اخذك للمستشفى
باوعله وجر حسره-جرحي مابي شي
بس استشهد صاحبي وخلا يمي امانهبأسى،-الله يرحمه،شنو الامانه هاي؟
-اخته وابوه وصاني بيهم
هز راسه،-خير ان شاءالله
كام بصعوبه ولازم جرحه-قصي لازم اروح
-وين رايح بعدا جرحك ماطاب
-اليوم فاتحه رضا
كام،-بس ميصير تعب نفسك
-مو مهم اني، المهم الامانه
-خليني اني اروح وانت ابقى ارتاح بس كلي شسوي وشتصرف هناك
-ماريد شي منك بس الكالي بيت
عكد حاجبه-بيت؟شتسوي بي
-امانه رضا ولتلح زايد
طبت ميس،-منو رضا؟
التفتوا،
فيصل-لاتدخلين بهيج خصوصيات، يلا قصي روح مثلما وصيتك
أنت تقرأ
في وسط بغداد
Misteri / Thriller"تدور احداث الرواية حول صديقان منذ الطفولة تفرقهم الحرب ليلتقوا فيما بعد وكل منهم يحمل هَم اقسى من الاخر" المعنى الحقيقي ان الاخ سند لاختهُ والصديق وقت الضيق.. لا احلل من ينسبها لاسمهُ " او يأخذ فكرة منها "