ماذا فعلتي بي 💙
part 5
بعد لما احمد قفل مع صخر فضل مستني حوالي نص ساعه بعدين الراجل بتاع الفندق كلمه
الراجل: الو يا باشا الانسه جت
احمد: ماشي
احمد دخل الفندق
احمد: آنسه وجد
وجد لفت عشان تشوف مين بينادي : افندم
احمد: انا احمد جاي اخد حضرتك
وجد ابتدت تخاف و تبص لرحيق
رحيق: تاخدها بصفتك مين
احمد:حضرتك انا جاي اخدها للبشمهندس صخر نور الدين الشرقاوي هو عايزها في مسأله عائليه يعني
وجد بزعيق: انا معرفش حد اسمه كده و انا مش هاجي معاك
احمد: بصي حضرتك انا عبد المأمور يعني دي مهمه وانا مكلف بيها ولازم ارجع بيكي
وجد: أرجوك انا مش عايزه ارجع لابويا
احمد: انا قولت بشمهندس صخر نور الدين الشرقاوي هو اللي عايزك
وجد: حاضر هاجي معاك
رحيق باستغراب: ايه!!
وجد خرجت مع احمد و اول لما خرجوا جريت بعيد احمد فضل يجري وراها لحد مسكها احمد اتصل بصخر
احمد وهو بينهج: الو يا باشا هي معايا
وجد: ابعد عني يا بتاع انت متلمسنيش كده حرام والله اوعدك اني مش همشي
صخر: هي اللي جنبك دي
احمد: اه هي .....اااااااه يابنت اللزينه
وجد عضته وجريت فضل يجري وراها لحد محلها تاني
وجد: سبني بقي انا مش عايزه امشي
احمد: الو يا باشا هي معايا وجي في الطريق
صخر: ماشي
احمد قفل مع صخر وخد وجد علي العربيه
وجد : طب أنا مجبتش حاجتي من الفندق
احمد: الرجاله هيجبوها و مش عايز اسمع نفس
وجد: نينينينيني
وجد وصلت القصر
احمد: وصلنا
وجد: نازله
احمد مسك وجد عشان متجريش
وجد : ياعم ابعد ايدك بقي مش ههرب انت فكرني حراميه
احمد: اخرسي بقي انتي بالعه راديو
وجد دخلت القصر و كان صخر و أمير و غاده قاعدين
الخادمه: احمد جه يا بيه و فيه بنت معاه
صخر: خليها تدخل
غاده: بنت مين
صخر: هتعرفي دلوقتي
وجد دخلت و كانت لبسه واسع و زي متقولوا مفيش حاجه بينا منها غير عنها
وجد نزلت الكمامه : ممكن افهم انا جيه هنا ليه
أمل كانت نازله من علي السلم
أمل: مساء الخير
الكل بص عليها حتي وجد وجد طلعت الصوره من جيبها و بصت فيها و بعدين بصت علي أمل الصوره شبهها بس أمل شكلها اكبر في الحقيقة
أمل كمان بصت علي وجد و مكنتش مصدقه
وجد: هو هو حضرتك أسمك ايه
أمل و هي مش مصدقه: أمل
صخر تدخل: دى يا خالتي وجد ناصر الادهم بنتك زي موعدتك اني هرجعهالك
أمل فرحت: يعني دي بنتي بنتي حبيبتي
وبعدين جريت عليها عشان تحضنها
بص حصل عكس ماكنتوا متخيلين وجد بعدت
وجد بدموع: ليه ! ليه سبتيني
أمل بعياط: حبيبتي والله غظب عني
وجد بعياط: ليه سبتيني لييه هو مراته ليه مختنيش معاكي
أمل بعياط: اهدي يا حبيبتي وانا هفهمك
وجد بقهر: انا كنت متخيله اني لما القيقي هحضنك و هقولك وحشتني وكده بس لما شفتك محستش اني عايزه اعمل كده حسيت انك رميتيني حسيت انك مكنتيش عيزاني انا طول حياتي عايشه في ذل و اهانه و ضرب ...وجد شمرت كم الهودي....بصي بصي ايدي عامله ازاي من الضرب و دي مش ادي بس ده جسمي كله كل يوم بنام معيطه بسبب الوجع بقالي أربعه وعشرين سنه بتعذب عارفه يعني ايه بتعذب وانتي دلوقتي متوقعه اني احضنك واسلم عليكي انا كمان كنت متوقعه كده بس حسيت اني غبيه عارفه ليه لانك سبتيني ليه مختنيش معاكي
صخر كان واقف مصدوم من اللي بيتقال مكنش متخيل كميه الوجع و الالم اللي جوه البنت الصغيره دي حتي هو كان ظنه غلط فيها حتي هو ظلمها بتفكيره صخر حس أن عيطها و شهقطها سكاكين بتغرز في قلبه
أمل بعياط: أنا عارفه أن ده رد فعل طبيعي بس ابوس ايدك اسمعيني
وجد ابتدت تهدي نفسها و تمسح دموعها
وجد بشهقتها اللي فشلت أنها توقفها: ات... اتفضل..ي
أمل بعياط: بصي يا حبيبتى انا و ابوكي كنا بنحب بعض اوي لحد مضهرت سميره لحياتنا ... أمل حكت لوجد كل حاجه
وجد بعياط: يعني ابويا هو السبب فده كله هو ليه عمل كده ليه حرمني منك و ليه عمل فيكي كده و ليه عذبني كل ده ... انا اسفه جدا للي قولته لحضرتك من كلام جارح انا اسفه اوي والله
أمل حضنتها: بس ياروحي بس اهدي
وجد وهي بتحضنها: اهه انا كنت محتاجه الحضن ده من زمان يا ماما
أمل شلتها من حضنها و حطت وش وجد بين ايديها: قولتي ايه
وجد: ماما
أمل بستها:يا عيون ماما يا روح ماما انتي
أمل و وجد فضلوا حضنين بعض جامد
غاده بهزار: احم احم ..مش هتيجي تسلمي علينا بقى والا ايه
وجد خرجت من حضن أمل : اه طبعا بس اتعرف عليكوا الاول
غاده: بصي يا ستي انا غاده خالتك
وجد و هي بتحضنها: بجد كان نفسي يكون عندي خاله
غاده بفرحه: حبيبت خالتك يا ناس .... ودي جاسمين بنتي
وجد بابتسامة: ازيك يا جاسمين
جاسمين بابتسامة: ازيك يا وجد
بعدين حضنوا بعد
غاده: وده صخر ابني
وجد: انت بقي صخر نور الدين الشرقاوي اللي الاخ اللي كان بيوصلني قرفني بيه
صخر: افندم
أمير كان بيحاول يكتم ضحكه
وجد: ولا حاجه ازيك
صخر: اهلا وسهلاً
غاده:وده يا ستي أمير صاحب صخر
وجد: ازيك يا استاذ أمير
أمير: ازيك يا انسه وجد
خلص اليوم و وجد كانت مبسوطه جدا جدا و نامت فحضن أمل
صباح اليوم التالي
الكاتبه رينو سيد 💕
أنت تقرأ
💙ماذا فعلتي بي💙
Romanceلقد حرمها والدها من والدتها وعاشت في قسوة و عذاب من زوجه والدها حتي جاء اليوم التي سوف تعود إلي احضان والدتها و تقع في حب ابن خالتها 💙
