💙ماذا فعلتي بي💙

pt 11💙

ماذا فعلتي بي 💙

part 11

صخر بزعيق: انطقوا فيه ايه
وجد مسحت دموعها و وقف قدامها بكل ثقه عكس اللي جواها: انت مش ولي امري أو حتي حد من صحابي عشان اشكيلوا همي أو حتي بتعتبرني اختك او انا بعتبرك اخويا و دي مشكلتي وانا هعرف احلها بدون مساعده حد
صخر: لا يا شيخه و طلما هتعرفي تحليها بتعيطي زي الجبانه ليه
وجد و هي بتحاول تسيطر علي دموعها: العياط عمره مكان جبن أو ضعف علي فكره الجبن و الضعف هو انك تقع و متعرفش تقوم أو تستسلم انا مش جبانه انا بس افتكرت ذكريات مؤلمه جدا اكتر من التعذيب اللي كنت بشوفه من ابويا و مراته انا احيانا بتعجب من نفسي و اقول هو انا ازاي عايشه لحد دلوقتي... و اليوم اللي افتكرت أن الدنيا هتضحكلي و اعيش طلعت غلطانه

وجد من كتر العياط و الالم اللي جواها اغمى عليها
صخر شالها بسرعه قبل مطقع

صخر و هو بيحاول يفوقها: وجد .... وجد.... حد يتصل بدكتور بسرعه
نور: انا هتصل بدكتور ندي
أمل: بنتي بنتي .... ابعد عنها

أمل كانت بتزق صخر بس صخر مكنش بيبعد صخر كان مخليها فحضنه زي الطفله اللي نايمه في حضن ابوها كان حرفيا خايف عليها اوي.... شلها و طلعها غرفتها

بعد دقائق الدكتور وصلت و كشفت عليها و فوقتها

أمل: خير يا دكتور طمنيني علي بنتي
الدكتور: متقلقيش هي بس اغمى عليها بسبب دغط شديد عليها أو زعل انا شايفه ان فيه جروح في جسمها هي كانت بتتعرض لاعتداء زي الضرب أو كده

وجد اول مسمعت فضلت تعيط

وجد بعياط: انا عايزه ابقى لوحدي سبوني لوحدي
غاده: اهدي يا روحي
أمل حضنتها: بس بس يا قلبي
وجد: ماما انا خايفه اوي ليه بيحصل معايا كده انا وحشه للدرجادي
أمل: لا يا حبيبتي انتي جميله مش انتي مؤمنه بالله و عارفه أن اللي ربنا بيحبه بيبتليه ده ابتلاء مش اكتر انتي قويه و هتعدي كل ده
وجد: مش اداره يا ماما مش اداره اعيش انا عايزه اروح عند ربنا
أمل : متقوليش كده بعد الشر عنك يا روحي انتي مش عايزه تسيبيني
وجد: لا بس انا مش عارفه اعيش كل الناس بتعملني وحش اوي انا تعبت .......اااااااااه ... اااااه ياربي

وجد فضلت تعيط بصوت عالي و أمل و غاده و جاسمين بيعيطوا علي حالتها و  نور مصدوم

صخر راح حضنها : بس يا وجد بس اهدي كفايا عياط انا مش مستحمل اشوف دموعك .....
كمل بزعيق
انتي مش دكتوره اديها مهدئ او اي حاجه انجزي
الدكتور: حاضر

و فعلا أدتها مهدئ

وجد: ابعد ... ابعد عني
و بعدين نامت

الكل خرج من الغرفه لأن الدكتور طلبت منهم أنهم يسبوها ترتاح و محديش يتكلم حوليها في حاجه تدايقها حتي و هي نائمه لان ممكن تحلم بيها