💙ماذا فعلتي بي💙

pt 13💙

ماذا فعلتي بي 💙

part 13

لمار: قوليلي يا وجد هو انتي و تركي مرتبطين
وجد بجدية: نعمم... ( كملت بضحك ) انا مش مرتبطه و بعدين تركي مجرد زميل عادي جدا هو كان بيعرفني علي نفسه مش اكتر... انتي بقى بتسألي ليه مش فاهمه
لمار: ابدا بس شفتك ماشيه معاه انهارده
وجد: ايه المشكله يعني هو عيب ولا لما اتنين يمشوا مع بعض لازم يكونوا مرتبطين
لمار: لا بس استغربت انك لسه بدأه شغل امبارح و اتعرفتي عليه
وجد بابتسامة: اصلى اجتماعية اوي بحب اتعرف علي الناس
لمار: اه

بعد دقائق كانوا اتغدو خلاص
و خرجوا الجنينه برا

جاسمين: وجد تعالي نعمل chocolate cake
وجد: انتي جيتي في ملعبي
غاده: بتعرفي تطبخي
وجد: اه بعرف اعمل كل حاجه
لمار: بجد و مين علمك بقى
وجد بتوتر : هاه... اصل ...
صخر حس بتوتر وجد: خلاص يا لمار هو انتي كل حاجه لازم تسألي عليها

وجد بصت له برتياح و راحت هي و جاسمين المطبخ
بعد حوالي ساعه و نص وجد و جاسمين كانوا خلصوا وجد عملت كمان pancakes  🥞 و cup cakes 🧁
و راحوا تاني علي الجنينه

جاسمين: وجد طلعت جامده اوي شيف علي صحيح
وجد : طبعا طبعا ... ده انا وجد الادهم مش اي حد يعني

و وجد قطعت الكيك و أدت للكل

نور: لا فعلا تسلم ايداكو الكيك تحفه
غاده: اه تسلم ايديكو جميله
أمل : واو تسلم ايداكو يا قمرات تحفه
جاسمين بغرور متصنع : لازم تطلع تحفه ده انا اللي كنت بناول وجد ال ingredients

الكل فضل يضحك ( أمل نور غاده)
لمار مكنتش طايقه نفسها

وجد بابتسامة كانت كفيله تخلي صخر ميشلش عينه من عليها: بالف هنا و شفه
جاسمين: ايه رأيك يا أبيه
صخر: حلوه تسلم ايداكو
جاسمين: تسلم يا أبيه يا قمر
صخر : ماشي هعدي قمر دي

أما وجد فمردتش وده ضايق صخر

داخل وجد

قلبها:طب...
عقلها: ضخ دم و انت ساكت

جاسمين: ايه رأيكم نلعب لعبه
غاده: لعبه ايه
جاسمين: Truth or dare (صراحه أو تحدي)
وجد: اللعبه دي بتعصبني اوي
جاسمين: ليه بس
وجد: هو كده
جاسمين: كده وجد هتلعب مين تاني
وجد: مستفزه
جاسمين: اوي يا روحي ... يلا مين
غاده: اوك هلعب
أمل: وانا كمان
نور: معنديش مشكله
لمار: ماشي ممكن ألعب
جاسمين: وانت يا أبيه
صخر: لا مش هلعب
جاسمين: كلنا هنلعب عشان خاطري
صخر: مش عايز
جاسمين: عشان خاطري ... بليز يا أبيه عشان خطرييي
صخر: خلاص يا حجه خلاص هلعب
جاسمين: هاااااا

جاسمين جابت ازازه و حطيتها في النص و الكل قعد علي شكل دائره
جاسمين لفت الازازه: اوكيه  بابي Truth or dare
نور :  truth طبعا
جاسمين: مممممم ... نفسك في ايه
نور: نفسي افرح بيكي انتي صخر و اشوف ولادكو
جاسمين: ماشي يا بوب هتلي انت  بس عريس
نور: لا يا شيخه
جاسمين: امسك يا بابي الازازه و لفها
نور لفها و جت علي وجد: صراحه ولا تحدي يا وجد
وجد: صراحه
نور: ايه هو حلم طفولتك
وجد: بص يا انكل هو غريب شويه من وانا صغيره كان نفسي اتخل كليه هندسه قسم ميكانيكا
نور: طب و ايه الغريب
وجد: هقول لحضرتك ... انا قولت هشتغل اول كام سنه بعد لما اتخرج بعدين ابدأ افتح مشروعي الخاص انا بحب العربيات جدا جدا مع اني مش بعرف اسوق بس بفهم فيها اوي من وانا صغيره كنت مهتمه اوي بالعربيات و انا اصلا دخلت هندسه ميكانيكا عشان العربيات... مشروعي بقى اني افتح مكان لتصليح العربيات و البس اللبس بتاع مهندسين العربيات و افضل أصلح في العربيات و بقي وشي يجي عيه شحم كده و حاجه يعني جمدان و بعدين ورشه التصليح تبقي اتنين و بعدين يبقوا تلاته و بعدين يبقوا شركه كبيره و هاكذا لحد ما المشروع يكبر و ابقى معروفه باشطر مهندسه ميكانيكا مش في مصر بس لا في الشرق الأوسط
نور بضحك: والله يا وجد انتي عسل و انا هساعدك في مشروعك عشان شيفك فعلا شطره و تستحقي
وجد: ميرسي اوي يا انكل بس انا مش حابه اي مساعده انا عايزه ابني نفسي لوحدي مش عايزه حد يساعدني غير ربنا
غاده: عارفه يا وجد انتي حاجه كده مفيش منها طيبه و حنينه و ناجحه و عندك طموح بجد ربنا يوفقك
وجد: شكرا يا خالتو والله بحبك
لمار بسخرية: عايزه تسيبي الشركه و تروحي تشتغلي ميكانيكيه في ورشه بتصلحي عربيات
وجد: مش الميكانيكي برضوا مهندس ولا ايه و بعدين مش هو برضوا اللي بيصلحلك عربيتك لما بتبوظ و منغيره محدش هيصلحها .... و عمتا انا بحب اشتغل لحساب نفسي و عايزه اكون ناجحه و يكون عندي مشروعي الخاص
صخر: الصراحه الفكرة حلوه ربنا يوفقك
وجد بعدم اهتمام: شكرا
كملت و قالت
وجد: عن ازنكم بس نسيت موبايلي في المطبخ هروح اجيبه